| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
23. ниссаяавинижчаяагат̇аа
23. Nissayavinicchayakathā
151. звам̣ убасамбад̣̇аавинижчаяам̣ гат̇зд̇ваа ид̣̇аани ниссаяавинижчаяам̣ гат̇зд̇ум̣ ‘‘ниссаяод̇и зд̇т̇а банаа’’д̇иаад̣̇имааха. д̇ад̇т̇а ниссаяанам̣ ниссаяо, сзванам̣ бхаж̇ананд̇яад̇т̇о. нибуб̣б̣аси сзвааяанд̇и д̇хаад̇у бхаавасаад̇хано, на ‘‘ниссааяа нам̣ васад̇ийд̇и ниссаяо’’д̇и ид̇ха вияа авуд̇д̇агаммасаад̇хано. д̇ад̇т̇а хи сзвид̇аб̣б̣о буг̇г̇ало лаб̣бхад̇и, ид̇ха бана сзванагирияаад̇и. ид̣̇аани д̇ам̣ ниссаяам̣ бужчаабуб̣б̣ан̇г̇амааяа виссаж̇ж̇анааяа вид̇т̇аарад̇о табзд̇ум̣ ‘‘гзна д̣̇аад̇аб̣б̣о’’д̇иаад̣̇имааха. д̇ад̇т̇а гзна д̣̇аад̇аб̣б̣о, гзна на д̣̇аад̇аб̣б̣од̇и ниссаяад̣̇ааяагам̣ гад̇д̇аарам̣ бужчад̇и, гасса д̣̇аад̇аб̣б̣о, гасса на д̣̇аад̇аб̣б̣од̇и ниссаяабадиг̇г̇аахагам̣ самбад̣̇аанам̣, гат̇ам̣ г̇ахид̇о ход̇и, гат̇ам̣ бадиббассамбхад̇ийд̇и гааран̣ам̣, ниссааяа гзна васид̇аб̣б̣ам̣, гзна на васид̇аб̣б̣анд̇и ниссаяабадибаннагам̣. д̇ад̇о бужчаануггамзна виссаж̇ж̇зд̇ум̣ ‘‘д̇ад̇т̇а’’д̇яаад̣̇имааха. на гзвалам̣ зд̇т̇зва, ат̇а ко ниссаяамужжанан̇г̇зби ‘‘б̣яад̇д̇знаа’’д̇и ааг̇ад̇о.
151. Evaṃ upasampadāvinicchayaṃ kathetvā idāni nissayavinicchayaṃ kathetuṃ ‘‘nissayoti ettha panā’’tiādimāha. Tattha nissayanaṃ nissayo, sevanaṃ bhajanantyattho. Nipubbasi sevāyanti dhātu bhāvasādhano, na ‘‘nissāya naṃ vasatīti nissayo’’ti idha viya avuttakammasādhano. Tattha hi sevitabbo puggalo labbhati, idha pana sevanakiriyāti. Idāni taṃ nissayaṃ pucchāpubbaṅgamāya vissajjanāya vitthārato ṭhapetuṃ ‘‘kena dātabbo’’tiādimāha. Tattha kena dātabbo, kena na dātabboti nissayadāyakaṃ kattāraṃ pucchati, kassa dātabbo, kassa na dātabboti nissayapaṭiggāhakaṃ sampadānaṃ, kathaṃ gahito hoti, kathaṃ paṭippassambhatīti kāraṇaṃ, nissāya kena vasitabbaṃ, kena na vasitabbanti nissayapaṭipannakaṃ. Tato pucchānukkamena vissajjetuṃ ‘‘tattha’’tyādimāha. Na kevalaṃ ettheva, atha kho nissayamuccanaṅgepi ‘‘byattenā’’ti āgato.
д̇ад̇т̇а зд̇т̇а жа го висзсод̇и ааха ‘‘зд̇т̇а жа ‘б̣яад̇д̇о’д̇и иминаа барисубадтаабаго б̣ахуссуд̇о взд̣̇ид̇аб̣б̣о’’д̇и. ид̣̇аани барисубадтаабагалагкан̣ам̣ д̣̇ассзд̇ум̣ ‘‘барисубадтаабагзна хий’’д̇иаад̣̇имааха. д̇ад̇т̇а абхивинаязд̇и сагалз винаяабидагз. винзд̇унд̇и сигкаабзд̇ум̣. д̣̇вз вибхан̇г̇аа баг̇ун̣аа ваажуг̇г̇ад̇аа гаад̇аб̣б̣аад̇и ид̣̇ам̣ барибужчаавасзна уг̇г̇ан̣ханам̣ санд̇хааяа вуд̇д̇анд̇и вад̣̇анд̇и. згасса бамудтам̣, ид̇арзсам̣ баг̇ун̣ам̣ бхавзяяаад̇и ааха ‘‘д̇ийхи ж̇анзхи сад̣̇д̇хим̣ баривад̇д̇анагкамаа гаад̇аб̣б̣аа’’д̇и. абхид̇хаммзд̇и наамаруубабарижчзд̣̇з. хздтимаа ваа д̇аяо ваг̇г̇аад̇и махааваг̇г̇ад̇о хздтаа саг̇аат̇ааваг̇г̇о нид̣̇аанаваг̇г̇о канд̇хаваг̇г̇од̇и имз д̇аяо ваг̇г̇аа. ‘‘д̇хаммабад̣̇амби саха вад̇т̇унаа уг̇г̇ахзд̇ум̣ ваддад̇ий’’д̇и махаабажжарияам̣ вуд̇д̇ад̇д̇аа ж̇аад̇агабхаан̣агзна саадтагат̇ам̣ ж̇аад̇агам̣ уг̇г̇ахзд̇вааби д̇хаммабад̣̇ам̣ саха вад̇т̇унаа уг̇г̇ахзд̇аб̣б̣амзва.
Tattha ettha ca ko visesoti āha ‘‘ettha ca ‘byatto’ti iminā parisupaṭṭhāpako bahussuto veditabbo’’ti. Idāni parisupaṭṭhāpakalakkhaṇaṃ dassetuṃ ‘‘parisupaṭṭhāpakena hī’’tiādimāha. Tattha abhivinayeti sakale vinayapiṭake. Vinetunti sikkhāpetuṃ. Dve vibhaṅgā paguṇā vācuggatā kātabbāti idaṃ paripucchāvasena uggaṇhanaṃ sandhāya vuttanti vadanti. Ekassa pamuṭṭhaṃ, itaresaṃ paguṇaṃ bhaveyyāti āha ‘‘tīhi janehi saddhiṃ parivattanakkhamā kātabbā’’ti. Abhidhammeti nāmarūpaparicchede. Heṭṭhimā vā tayo vaggāti mahāvaggato heṭṭhā sagāthāvaggo nidānavaggo khandhavaggoti ime tayo vaggā. ‘‘Dhammapadampi saha vatthunā uggahetuṃ vaṭṭatī’’ti mahāpaccariyaṃ vuttattā jātakabhāṇakena sāṭṭhakathaṃ jātakaṃ uggahetvāpi dhammapadaṃ saha vatthunā uggahetabbameva.
бан̃жахи бхигкавз ан̇г̇зхи саманнааг̇ад̇знаад̇иаад̣̇ийсу на сааман̣зро убадтаабзд̇аб̣б̣од̇и убаж̇жхааязна худ̇ваа сааман̣зро на убадтаабзд̇аб̣б̣о. асзгкзна сийлагканд̇хзнаад̇и асзгкасса сийлагканд̇хоби асзгко сийлагканд̇хо наама. асзгкасса аяанд̇и хи асзгко, сийлагканд̇хо. звам̣ саб̣б̣ад̇т̇а. зван̃жа гад̇ваа вимуд̇д̇ин̃аан̣ад̣̇ассанасан̇каад̇асса бажжавзгкан̣ан̃аан̣ассаби васзна абзгкид̇ваа уббаннаа аяам̣ гат̇аа. асзгкасийланд̇и жа на аг̇г̇апаласийламзва ад̇хиббзд̇ам̣, ат̇а ко яам̣ гин̃жи асзгкасанд̇аанз бавад̇д̇асийлам̣ логияалогуд̇д̇арамиссагасса сийласса ид̇хаад̇хиббзд̇ад̇д̇аа. самаад̇хигканд̇хаад̣̇ийсуби вимуд̇д̇игканд̇хабарияосаанзсу аяамзва наяо, д̇асмаа яат̇аа сийласамаад̇хибан̃н̃аагканд̇хаа логияамиссагаа гат̇ид̇аа, звам̣ вимуд̇д̇игканд̇хобийд̇и д̇ад̣̇ан̇г̇авимуд̇д̇иаад̣̇аяоби взд̣̇ид̇аб̣б̣аа, на бадиббассад̣̇д̇хивимуд̇д̇и зва. вимуд̇д̇ин̃аан̣ад̣̇ассанам̣ бана логияамзва. д̇знзва сам̣яуд̇д̇анигааяадтагат̇ааяам̣ (сам̣.ни. адта. 1.1.135) вуд̇д̇ам̣ ‘‘буримзхи жад̇уухи бад̣̇зхи логияалогуд̇д̇арасийласамаад̇хибан̃н̃аавимуд̇д̇ияо гат̇ид̇аа, вимуд̇д̇ин̃аан̣ад̣̇ассанам̣ бажжавзгкан̣ан̃аан̣ам̣ ход̇и, д̇ам̣ логияамзваа’’д̇и.
Pañcahi bhikkhave aṅgehi samannāgatenātiādīsu na sāmaṇero upaṭṭhāpetabboti upajjhāyena hutvā sāmaṇero na upaṭṭhāpetabbo. Asekkhena sīlakkhandhenāti asekkhassa sīlakkhandhopi asekkho sīlakkhandho nāma. Asekkhassa ayanti hi asekkho, sīlakkhandho. Evaṃ sabbattha. Evañca katvā vimuttiñāṇadassanasaṅkhātassa paccavekkhaṇañāṇassapi vasena apekkhitvā uppannā ayaṃ kathā. Asekkhasīlanti ca na aggaphalasīlameva adhippetaṃ, atha kho yaṃ kiñci asekkhasantāne pavattasīlaṃ lokiyalokuttaramissakassa sīlassa idhādhippetattā. Samādhikkhandhādīsupi vimuttikkhandhapariyosānesu ayameva nayo, tasmā yathā sīlasamādhipaññākkhandhā lokiyamissakā kathitā, evaṃ vimuttikkhandhopīti tadaṅgavimuttiādayopi veditabbā, na paṭippassaddhivimutti eva. Vimuttiñāṇadassanaṃ pana lokiyameva. Teneva saṃyuttanikāyaṭṭhakathāyaṃ (saṃ.ni. aṭṭha. 1.1.135) vuttaṃ ‘‘purimehi catūhi padehi lokiyalokuttarasīlasamādhipaññāvimuttiyo kathitā, vimuttiñāṇadassanaṃ paccavekkhaṇañāṇaṃ hoti, taṃ lokiyamevā’’ti.
ассад̣̇д̇ход̇иаад̣̇ийсу д̇ийсу вад̇т̇уусу сад̣̇д̇хаа зд̇асса над̇т̇ийд̇и ассад̣̇д̇хо. над̇т̇и зд̇асса хирийд̇и ахириго, агусаласамаабад̇д̇ияаа аж̇иг̇ужчамаанассзд̇ам̣ ад̇хиважанам̣. на од̇д̇аббад̇ийд̇и анод̇д̇аббий, агусаласамаабад̇д̇ияаа на бхааяад̇ийд̇и вуд̇д̇ам̣ ход̇и. гужчид̇ам̣ сийд̣̇ад̇ийд̇и гусийд̇о, хийнавийрияассзд̇ам̣ ад̇хиважанам̣. аарад̣̇д̇хам̣ вийрияам̣ зд̇ассаад̇и аарад̣̇д̇хавийрияо, саммаббад̇хаанаяуд̇д̇ассзд̇ам̣ ад̇хиважанам̣. мудтаа сад̇и зд̇ассаад̇и мудтассад̇ий, надтассад̇ийд̇и вуд̇д̇ам̣ ход̇и. убадтид̇аа сад̇и зд̇ассаад̇и убадтид̇ассад̇ий, нижжам̣ аарамман̣аабхимукабавад̇д̇асад̇иссзд̇ам̣ ад̇хиважанам̣.
Assaddhotiādīsu tīsu vatthūsu saddhā etassa natthīti assaddho. Natthi etassa hirīti ahiriko, akusalasamāpattiyā ajigucchamānassetaṃ adhivacanaṃ. Na ottappatīti anottappī, akusalasamāpattiyā na bhāyatīti vuttaṃ hoti. Kucchitaṃ sīdatīti kusīto, hīnavīriyassetaṃ adhivacanaṃ. Āraddhaṃ vīriyaṃ etassāti āraddhavīriyo, sammappadhānayuttassetaṃ adhivacanaṃ. Muṭṭhā sati etassāti muṭṭhassatī, naṭṭhassatīti vuttaṃ hoti. Upaṭṭhitā sati etassāti upaṭṭhitassatī, niccaṃ ārammaṇābhimukhapavattasatissetaṃ adhivacanaṃ.
ад̇хисийлз сийлавибанно жа аж̇жхаажаарз аажааравибанно жа аабаж̇ж̇ид̇ваа авудтид̇о ад̇хиббзд̇о. сассад̇ужчзд̣̇асан̇каад̇ам̣ анд̇ам̣ г̇ан̣хаад̇и, г̇аахаяад̇ийд̇и ваа анд̇аг̇г̇аахигаа, мижчаад̣̇идти. буримаани д̣̇вз бад̣̇аанийд̇и ‘‘на бадиб̣ало ход̇и анд̇зваасим̣ ваа сад̣̇д̇хивихаарим̣ ваа г̇илаанам̣ убадтаад̇ум̣ ваа убадтаабзд̇ум̣ ваа, анабхирад̇ам̣ вуубагаасзд̇ум̣ ваа вуубагаасаабзд̇ум̣ ваа’’д̇и имаани д̣̇вз бад̣̇аани.
Adhisīle sīlavipanno ca ajjhācāre ācāravipanno ca āpajjitvā avuṭṭhito adhippeto. Sassatucchedasaṅkhātaṃ antaṃ gaṇhāti, gāhayatīti vā antaggāhikā, micchādiṭṭhi. Purimāni dve padānīti ‘‘na paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā, anabhirataṃ vūpakāsetuṃ vā vūpakāsāpetuṃ vā’’ti imāni dve padāni.
абхи висидто уд̇д̇амо самаажааро абхисамаажааро, абхисамаажаарова аабхисамаажааригод̇и жа сигкид̇аб̣б̣ад̇о сигкаад̇и жа аабхисамаажааригасигкаа. абхисамаажаарам̣ ваа аараб̣бха бан̃н̃ад̇д̇аа сигкаа аабхисамаажааригасигкаа, канд̇хагавад̇д̇абарияаабаннасигкааязд̇ам̣ ад̇хиважанам̣. маг̇г̇аб̣рахмажарияасса аад̣̇ибхууд̇аад̇и аад̣̇иб̣рахмажарияагаа, убхад̇овибхан̇г̇абарияаабаннасигкааязд̇ам̣ ад̇хиважанам̣. д̇знзва ‘‘убхад̇овибхан̇г̇абарияаабаннам̣ ваа аад̣̇иб̣рахмажарияагам̣, канд̇хагавад̇д̇абарияаабаннам̣ аабхисамаажаарига’’нд̇и висуд̣̇д̇химаг̇г̇з (висуд̣̇д̇хи. 1.11) вуд̇д̇ам̣, д̇асмаа сзгкабан̣н̣ад̇д̇ияанд̇и зд̇т̇а сигкид̇аб̣б̣ад̇о сзгкаа, бхаг̇авад̇аа бан̃н̃ад̇д̇ад̇д̇аа бан̣н̣ад̇д̇и, саб̣б̣ааби убхад̇овибхан̇г̇абарияаабаннаа сигкаабад̣̇абан̣н̣ад̇д̇и ‘‘сзгкабан̣н̣ад̇д̇ий’’д̇и вуд̇д̇аад̇и г̇ахзд̇аб̣б̣ам̣. д̇знзва г̇ан̣тибад̣̇зби вуд̇д̇ам̣ ‘‘сзгкабан̣н̣ад̇д̇ияанд̇и баарааж̇игамаад̣̇им̣ гад̇ваа сигкид̇аб̣б̣асигкаабад̣̇абан̃н̃ад̇д̇ияа’’нд̇и. сзсамзд̇т̇а уд̇д̇аанад̇т̇амзваад̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.84).
Abhi visiṭṭho uttamo samācāro abhisamācāro, abhisamācārova ābhisamācārikoti ca sikkhitabbato sikkhāti ca ābhisamācārikasikkhā. Abhisamācāraṃ vā ārabbha paññattā sikkhā ābhisamācārikasikkhā, khandhakavattapariyāpannasikkhāyetaṃ adhivacanaṃ. Maggabrahmacariyassa ādibhūtāti ādibrahmacariyakā, ubhatovibhaṅgapariyāpannasikkhāyetaṃ adhivacanaṃ. Teneva ‘‘ubhatovibhaṅgapariyāpannaṃ vā ādibrahmacariyakaṃ, khandhakavattapariyāpannaṃ ābhisamācārika’’nti visuddhimagge (visuddhi. 1.11) vuttaṃ, tasmā sekkhapaṇṇattiyanti ettha sikkhitabbato sekkhā, bhagavatā paññattattā paṇṇatti, sabbāpi ubhatovibhaṅgapariyāpannā sikkhāpadapaṇṇatti ‘‘sekkhapaṇṇattī’’ti vuttāti gahetabbaṃ. Teneva gaṇṭhipadepi vuttaṃ ‘‘sekkhapaṇṇattiyanti pārājikamādiṃ katvā sikkhitabbasikkhāpadapaññattiya’’nti. Sesamettha uttānatthamevāti sāratthadīpaniyaṃ (sārattha. ṭī. mahāvagga 3.84).
убаж̇жхааяаажарияагат̇ааяам̣ на сааман̣зро убадтаабзд̇аб̣б̣од̇и убаж̇жхааязна худ̇ваа на баб̣б̣ааж̇зд̇аб̣б̣о. асзгкасса аяанд̇и асзгко, логияалогуд̇д̇аро сийлагканд̇хо. анд̇аг̇г̇аахигааяаад̇и сассад̇ужчзд̣̇агодтаасаг̇г̇аахигааяа. бажчимаани д̣̇взд̇и аббассуд̇о ход̇и, д̣̇уббан̃н̃о ход̇ийд̇и имаани д̣̇вз ан̇г̇аани. бажчимаани д̇ийн̣ийд̇и на бадиб̣ало уббаннам̣ гуггужжам̣ д̇хаммад̇о винод̣̇зд̇ум̣, аабад̇д̇им̣ на ж̇аанаад̇и, аабад̇д̇ивудтаанам̣ на ж̇аанаад̇ийд̇и имаани д̇ийн̣и. гуггужжасса хи баал̣иадтагат̇аанаяасан̇каад̇ад̇хаммад̇о винод̣̇зд̇ум̣ аббадиб̣алад̇аа наама аб̣яад̇д̇ад̇д̇аа зва ход̇ийд̇и сааби аабад̇д̇иан̇г̇амзва вуд̇д̇аа.
Upajjhāyācariyakathāyaṃ na sāmaṇero upaṭṭhāpetabboti upajjhāyena hutvā na pabbājetabbo. Asekkhassa ayanti asekkho, lokiyalokuttaro sīlakkhandho. Antaggāhikāyāti sassatucchedakoṭṭhāsaggāhikāya. Pacchimāni dveti appassuto hoti, duppañño hotīti imāni dve aṅgāni. Pacchimāni tīṇīti na paṭibalo uppannaṃ kukkuccaṃ dhammato vinodetuṃ, āpattiṃ na jānāti, āpattivuṭṭhānaṃ na jānātīti imāni tīṇi. Kukkuccassa hi pāḷiaṭṭhakathānayasaṅkhātadhammato vinodetuṃ appaṭibalatā nāma abyattattā eva hotīti sāpi āpattiaṅgameva vuttā.
абхи висидто уд̇д̇амо самаажааро абхисамаажааро, вад̇д̇аббадибад̇д̇исийлам̣, д̇ам̣ аараб̣бха бан̃н̃ад̇д̇аа канд̇хагасигкаабад̣̇асан̇каад̇аа сигкаа аабхисамаажааригаа. сигкаабад̣̇амби хи д̇ад̣̇ад̇т̇абарибууран̣ад̇т̇игзхи уг̇г̇ахан̣аад̣̇ивасзна сигкид̇аб̣б̣ад̇о сигкаад̇и вужжад̇и. маг̇г̇аб̣рахмажарияасса аад̣̇ибхууд̇аа гааран̣абхууд̇аа аад̣̇иб̣рахмажарияагаа, убхад̇овибхан̇г̇абарияаабаннасигкаабад̣̇ам̣. д̇знзвзд̇т̇а висуд̣̇д̇химаг̇г̇зби (висуд̣̇д̇хи. 1.11) ‘‘убхад̇овибхан̇г̇абарияаабаннам̣ сигкаабад̣̇ам̣ аад̣̇иб̣рахмажарияагам̣, канд̇хагавад̇д̇абарияаабаннам̣ аабхисамаажаарига’’нд̇и вуд̇д̇ам̣, д̇асмаа сзгкабан̣н̣ад̇д̇ияанд̇и зд̇т̇а сигкид̇аб̣б̣ад̇о сзгкаа, бхаг̇авад̇аава бан̃н̃ад̇д̇ад̇д̇аа бан̃н̃ад̇д̇и. саб̣б̣ааби убхад̇овибхан̇г̇абарияаабаннаа сигкаабад̣̇абан̣н̣ад̇д̇и ‘‘сзгкабан̣н̣ад̇д̇ий’’д̇и вуд̇д̇аад̇и г̇ахзд̇аб̣б̣ам̣. наамаруубабарижчзд̣̇зд̇и зд̇т̇а гусалад̇д̇игаад̣̇ийхи вуд̇д̇ам̣ ж̇аад̇ибхуумибуг̇г̇аласамбаяог̇авад̇т̇аарамман̣агаммад̣̇вааралагкан̣арасаад̣̇ибхзд̣̇зхи взд̣̇анаагканд̇хаад̣̇ижад̇уб̣б̣ид̇хам̣ саниб̣б̣аанам̣ наамам̣, бхууд̇обаад̣̇ааяабхзд̣̇ам̣ руубан̃жа барижчинд̣̇ид̇ваа ж̇аананабан̃н̃аа, д̇аббагаасаго жа г̇ант̇о наамаруубабарижчзд̣̇о наама. иминаа абхид̇хаммад̇т̇агусалзна бхавид̇аб̣б̣анд̇и д̣̇ассзд̇и. сигкаабзд̇унд̇и уг̇г̇ан̣хаабзд̇унд̇и вимад̇ивинод̣̇анияам̣ (ви. ви. дий. махааваг̇г̇а 2.84) вуд̇д̇ам̣.
Abhi visiṭṭho uttamo samācāro abhisamācāro, vattappaṭipattisīlaṃ, taṃ ārabbha paññattā khandhakasikkhāpadasaṅkhātā sikkhā ābhisamācārikā. Sikkhāpadampi hi tadatthaparipūraṇatthikehi uggahaṇādivasena sikkhitabbato sikkhāti vuccati. Maggabrahmacariyassa ādibhūtā kāraṇabhūtā ādibrahmacariyakā, ubhatovibhaṅgapariyāpannasikkhāpadaṃ. Tenevettha visuddhimaggepi (visuddhi. 1.11) ‘‘ubhatovibhaṅgapariyāpannaṃ sikkhāpadaṃ ādibrahmacariyakaṃ, khandhakavattapariyāpannaṃ ābhisamācārika’’nti vuttaṃ, tasmā sekkhapaṇṇattiyanti ettha sikkhitabbato sekkhā, bhagavatāva paññattattā paññatti. Sabbāpi ubhatovibhaṅgapariyāpannā sikkhāpadapaṇṇatti ‘‘sekkhapaṇṇattī’’ti vuttāti gahetabbaṃ. Nāmarūpaparicchedeti ettha kusalattikādīhi vuttaṃ jātibhūmipuggalasampayogavatthārammaṇakammadvāralakkhaṇarasādibhedehi vedanākkhandhādicatubbidhaṃ sanibbānaṃ nāmaṃ, bhūtopādāyabhedaṃ rūpañca paricchinditvā jānanapaññā, tappakāsako ca gantho nāmarūpaparicchedo nāma. Iminā abhidhammatthakusalena bhavitabbanti dasseti. Sikkhāpetunti uggaṇhāpetunti vimativinodaniyaṃ (vi. vi. ṭī. mahāvagga 2.84) vuttaṃ.
153. ааяасмад̇о ниссааяа важчаамийд̇и зд̇т̇а ааяасмад̇од̇и убаяог̇ад̇т̇з саамиважанам̣, ааяасманд̇ам̣ ниссааяа васиссаамийд̇и ад̇т̇о. яам̣ бана вуд̇д̇ам̣ саманд̇абаасаад̣̇игааяам̣ (махаава. адта. 76) ‘‘б̣яад̇д̇о…бз… вуд̇д̇алагкан̣оязваа’’д̇и, д̇ам̣ барисуубадтаагаб̣ахуссуд̇ам̣ санд̇хааяа вад̣̇ад̇и. баб̣б̣аж̇ж̇ааубасамбад̣̇ад̇хамманд̇зваасигзхи бана…бз… д̇аава вад̇д̇ам̣ гаад̇аб̣б̣анд̇и баб̣б̣аж̇ж̇аажарияаубасамбад̣̇аажарияад̇хаммаажарияаанам̣ зд̇зхи яат̇аавуд̇д̇авад̇д̇ам̣ гаад̇аб̣б̣ам̣. д̇ад̇т̇а язна сигкаабад̣̇аани д̣̇иннаани, аяам̣ баб̣б̣аж̇ж̇аажарияо. язна убасамбад̣̇агаммаваажаа вуд̇д̇аа, аяам̣ убасамбад̣̇аажарияо. яо уд̣̇д̣̇зсам̣ ваа барибужчам̣ ваа д̣̇зд̇и, аяам̣ д̇хаммаажарияод̇и взд̣̇ид̇аб̣б̣ам̣. сзсамзд̇т̇а уд̇д̇аанад̇т̇амзва.
153.Āyasmato nissāya vacchāmīti ettha āyasmatoti upayogatthe sāmivacanaṃ, āyasmantaṃ nissāya vasissāmīti attho. Yaṃ pana vuttaṃ samantapāsādikāyaṃ (mahāva. aṭṭha. 76) ‘‘byatto…pe… vuttalakkhaṇoyevā’’ti, taṃ parisūpaṭṭhākabahussutaṃ sandhāya vadati. Pabbajjāupasampadadhammantevāsikehi pana…pe… tāva vattaṃ kātabbanti pabbajjācariyaupasampadācariyadhammācariyānaṃ etehi yathāvuttavattaṃ kātabbaṃ. Tattha yena sikkhāpadāni dinnāni, ayaṃ pabbajjācariyo. Yena upasampadakammavācā vuttā, ayaṃ upasampadācariyo. Yo uddesaṃ vā paripucchaṃ vā deti, ayaṃ dhammācariyoti veditabbaṃ. Sesamettha uttānatthameva.
154. ниссаяабадиббассад̣̇д̇хигат̇ааяам̣ д̣̇исам̣ г̇ад̇од̇и буна ааг̇анд̇угаамо, анааг̇анд̇угаамо ваа худ̇ваа ваасад̇т̇ааяа ган̃жи д̣̇исам̣ г̇ад̇о. бхигкусса сабхааг̇ад̇анд̇и бзсалабхаавам̣. ологзд̇ваад̇и убабаригкид̇ваа. виб̣бханд̇з…бз… д̇ад̇т̇а г̇анд̇аб̣б̣анд̇и зд̇т̇а ‘‘сажз гзнажи гаран̣ийязна д̇ад̣̇ахзва г̇анд̇ум̣ асаггонд̇о ‘гад̇ибаахзна г̇амиссаамий’д̇и г̇аманз сауссаахо ход̇и, рагкад̇ий’’д̇и вад̣̇анд̇и. маа ид̇ха бадиггамийд̇и маа ид̇ха бависи. д̇ад̇рзва васид̇аб̣б̣анд̇и д̇ад̇т̇зва ниссаяам̣ г̇ахзд̇ваа васид̇аб̣б̣ам̣. д̇ам̣язва вихаарам̣…бз… васид̇ум̣ ваддад̇ийд̇и зд̇т̇а убаж̇жхааязна барижжад̇д̇ад̇д̇аа убаж̇жхааяасамод̇хаанабарихааро над̇т̇и, д̇асмаа убаж̇жхааяасамод̇хаанаг̇ад̇ассаби аажарияасса санд̇игз г̇ахид̇аниссаяо на бадиббассамбхад̇и.
154. Nissayapaṭippassaddhikathāyaṃ disaṃ gatoti puna āgantukāmo, anāgantukāmo vā hutvā vāsatthāya kañci disaṃ gato. Bhikkhussa sabhāgatanti pesalabhāvaṃ. Oloketvāti upaparikkhitvā. Vibbhante…pe… tattha gantabbanti ettha ‘‘sace kenaci karaṇīyena tadaheva gantuṃ asakkonto ‘katipāhena gamissāmī’ti gamane saussāho hoti, rakkhatī’’ti vadanti. Mā idha paṭikkamīti mā idha pavisi. Tatreva vasitabbanti tattheva nissayaṃ gahetvā vasitabbaṃ. Taṃyeva vihāraṃ…pe… vasituṃ vaṭṭatīti ettha upajjhāyena pariccattattā upajjhāyasamodhānaparihāro natthi, tasmā upajjhāyasamodhānagatassapi ācariyassa santike gahitanissayo na paṭippassambhati.
аажарияамхаа ниссаяабадиббассад̣̇д̇хийсу аажарияо багганд̇о ваа ход̇ийд̇и зд̇т̇а ‘‘багганд̇од̇и д̣̇исам̣ г̇ад̇о’’д̇иаад̣̇инаа убаж̇жхааяасса баггаманз яо винижчаяо вуд̇д̇о, со д̇ад̇т̇а вуд̇д̇анаязнзва ид̇хааби саггаа вин̃н̃аад̇унд̇и д̇ам̣ авад̇ваа ‘‘гожи аажарияо аабужчид̇ваа баггамад̇ий’’д̇иаад̣̇инаа ан̃н̃оязва наяо аарад̣̇д̇хо. аяан̃жа наяо убаж̇жхааяабаггаманзби взд̣̇ид̇аб̣б̣оязва. ийд̣̇исзсу хи таанзсу згад̇т̇авуд̇д̇алагкан̣ам̣ ан̃н̃ад̇т̇ааби д̣̇адтаб̣б̣ам̣. сажз д̣̇вз лзд̣д̣убаад̇з ад̇иггамид̇ваа нивад̇д̇ад̇и, бадиббассад̣̇д̇хо ход̇ийд̇и зд̇т̇а зд̇д̇аавад̇аа д̣̇исаабагганд̇о наама ход̇ийд̇и анд̇зваасигз анигкид̇д̇ад̇хурзби ниссаяо бадиббассамбхад̇и. аажарияубаж̇жхааяаа д̣̇вз лзд̣д̣убаад̇з ад̇иггамма ан̃н̃асмим̣ вихаарз васанд̇ийд̇и б̣ахиубажаарасиймааяам̣ анд̇зваасигасад̣̇д̇хивихааригаанам̣ васанадтаанад̇о д̣̇вз лзд̣д̣убаад̇з ад̇иггамма ан̃н̃асмим̣ сзнаасанз васанд̇и, анд̇оубажаарасиймааяам̣ бана д̣̇вз лзд̣д̣убаад̇з ад̇иггамид̇вааби васад̇о ниссаяо на бадиббассамбхад̇и. ‘‘сажзби аажарияо мун̃жид̇угаамова худ̇ваа ниссаяабан̣ааманааяа бан̣аамзд̇ий’’д̇иаад̣̇и саб̣б̣ам̣ убаж̇жхааяасса аан̣ад̇д̇ияамби взд̣̇ид̇аб̣б̣анд̇и саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.83) вуд̇д̇ам̣.
Ācariyamhā nissayapaṭippassaddhīsu ācariyo pakkanto vā hotīti ettha ‘‘pakkantoti disaṃ gato’’tiādinā upajjhāyassa pakkamane yo vinicchayo vutto, so tattha vuttanayeneva idhāpi sakkā viññātunti taṃ avatvā ‘‘koci ācariyo āpucchitvā pakkamatī’’tiādinā aññoyeva nayo āraddho. Ayañca nayo upajjhāyapakkamanepi veditabboyeva. Īdisesu hi ṭhānesu ekatthavuttalakkhaṇaṃ aññatthāpi daṭṭhabbaṃ. Sace dve leḍḍupāte atikkamitvā nivattati, paṭippassaddho hotīti ettha ettāvatā disāpakkanto nāma hotīti antevāsike anikkhittadhurepi nissayo paṭippassambhati. Ācariyupajjhāyā dve leḍḍupāte atikkamma aññasmiṃ vihāre vasantīti bahiupacārasīmāyaṃ antevāsikasaddhivihārikānaṃ vasanaṭṭhānato dve leḍḍupāte atikkamma aññasmiṃ senāsane vasanti, antoupacārasīmāyaṃ pana dve leḍḍupāte atikkamitvāpi vasato nissayo na paṭippassambhati. ‘‘Sacepi ācariyo muñcitukāmova hutvā nissayapaṇāmanāya paṇāmetī’’tiādi sabbaṃ upajjhāyassa āṇattiyampi veditabbanti sāratthadīpaniyaṃ (sārattha. ṭī. mahāvagga 3.83) vuttaṃ.
153. саахууд̇и саад̇ху сунд̣̇арам̣. лахууд̇и аг̇ару, субхарад̇аад̇и ад̇т̇о. обааяиганд̇и убааяабадисам̣яуд̇д̇ам̣, звам̣ бадибаж̇ж̇анам̣ нид̇т̇аран̣убааяод̇и ад̇т̇о. бад̇ируубанд̇и саамийжигаммамид̣̇анд̇и ад̇т̇о . баасаад̣̇игзнаад̇и басаад̣̇аавахзна, гааяаважийбаяог̇зна самбаад̣̇зхийд̇и ад̇т̇о. гааязнаад̇и зд̇ад̣̇ад̇т̇авин̃н̃аабагам̣ хад̇т̇амуд̣̇д̣̇аад̣̇им̣ д̣̇ассзнд̇о гааязна вин̃н̃аабзд̇и. ‘‘саад̇хуу’’д̇и самбадижчанам̣ санд̇хааяаад̇и убаж̇жхааязна ‘‘саахуу’’д̇иаад̣̇ийсу вуд̇д̇зсу сад̣̇д̇хивихааригасса ‘‘саад̇хуу’’д̇и самбадижчанаважанам̣ санд̇хааяа ‘‘гааязна вин̃н̃аабзд̇ий’’д̇иаад̣̇и вуд̇д̇анд̇и ад̇хиббааяо. ааяаажанад̣̇аанамад̇д̇знаад̇и сад̣̇д̇хивихааригасса батамам̣ ааяаажанамад̇д̇зна, д̇ад̇о убаж̇жхааяасса жа ‘‘саахуу’’д̇иаад̣̇инаа важанамад̇д̇знаад̇и ад̇т̇о. аажарияасса санд̇игз ниссаяаг̇г̇ахан̣з ааяасмад̇о ниссааяа важчаамийд̇и ааяасманд̇ам̣ ниссааяа васиссаамийд̇и ад̇т̇о.
153.Sāhūti sādhu sundaraṃ. Lahūti agaru, subharatāti attho. Opāyikanti upāyapaṭisaṃyuttaṃ, evaṃ paṭipajjanaṃ nittharaṇupāyoti attho. Patirūpanti sāmīcikammamidanti attho . Pāsādikenāti pasādāvahena, kāyavacīpayogena sampādehīti attho. Kāyenāti etadatthaviññāpakaṃ hatthamuddādiṃ dassento kāyena viññāpeti. ‘‘Sādhū’’ti sampaṭicchanaṃ sandhāyāti upajjhāyena ‘‘sāhū’’tiādīsu vuttesu saddhivihārikassa ‘‘sādhū’’ti sampaṭicchanavacanaṃ sandhāya ‘‘kāyena viññāpetī’’tiādi vuttanti adhippāyo. Āyācanadānamattenāti saddhivihārikassa paṭhamaṃ āyācanamattena, tato upajjhāyassa ca ‘‘sāhū’’tiādinā vacanamattenāti attho. Ācariyassa santike nissayaggahaṇe āyasmato nissāya vacchāmīti āyasmantaṃ nissāya vasissāmīti attho.
154. ниссаяабадиббассад̣̇д̇хигат̇ааяам̣ яо ваа згасамбхог̇абарибхог̇о, д̇асса санд̇игз ниссаяо г̇ахзд̇аб̣б̣од̇и иминаа лаж̇ж̇ийсу зва ниссаяаг̇г̇ахан̣ам̣ нияож̇зд̇и алаж̇ж̇ийсу бадигкид̇д̇ад̇д̇аа. зд̇т̇а жа барибхог̇асад̣̇д̣̇зна згагаммаад̣̇иго сам̣ваасо г̇ахид̇о бажжаяабарибхог̇асса самбхог̇асад̣̇д̣̇зна г̇ахид̇ад̇д̇аа. зд̇зна жа самбхог̇асам̣ваасаанам̣ алаж̇ж̇ийхи сад̣̇д̇хим̣ на гад̇д̇аб̣б̣ад̇ам̣ д̣̇ассзд̇и. барихааро над̇т̇ийд̇и аабад̇д̇ибарихааро над̇т̇и. д̇аад̣̇исод̇и яад̇т̇а ниссаяо г̇ахид̇абуб̣б̣о, яо жа згасамбхог̇абарибхог̇о, д̇аад̣̇исо. д̇ат̇аа вуд̇д̇анд̇и ‘‘лахум̣ ааг̇амиссад̇ий’’д̇и вуд̇д̇ан̃жзд̇и ад̇т̇о. жад̇д̇аари бан̃жа д̣̇ивасаанийд̇и ид̣̇ам̣ убалагкан̣амад̇д̇ам̣. яад̣̇и згаахад̣̇вийхзна сабхааг̇ад̇аа бан̃н̃ааяад̇и, н̃аад̇ад̣̇ивасз г̇ахзд̇аб̣б̣ова. ат̇ааби жад̇убан̃жаахзнаби на бан̃н̃ааяад̇и, яад̇д̇агзхи д̣̇ивасзхи бан̃н̃ааяад̇и, д̇ад̇д̇агаани ад̇иггаамзд̇аб̣б̣аани. сабхааг̇ад̇ам̣ ологзмийд̇и бана лзсо на гаад̇аб̣б̣о. д̣̇ахараа сун̣анд̇ийд̇и зд̇т̇а асуд̇вааби ‘‘ааг̇амиссад̇и, гзнажи анд̇арааязна жирааяанд̇ий’’д̇и сан̃н̃ааяа сад̇иби лаб̣бхад̇зва барихааро . д̇знааха ‘‘ид̇хзваахам̣ васиссаамийд̇и бахин̣ад̇и, барихааро над̇т̇ий’’д̇и. згад̣̇ивасамби барихааро над̇т̇ийд̇и г̇аманз нируссаахам̣ санд̇хааяа вуд̇д̇ам̣, сауссаахасса бана сзнаасанабадисааманаад̣̇ивасзна гад̇ибаахз г̇ад̇зби на д̣̇осо.
154. Nissayapaṭippassaddhikathāyaṃ yo vā ekasambhogaparibhogo, tassa santike nissayo gahetabboti iminā lajjīsu eva nissayaggahaṇaṃ niyojeti alajjīsu paṭikkhittattā. Ettha ca paribhogasaddena ekakammādiko saṃvāso gahito paccayaparibhogassa sambhogasaddena gahitattā. Etena ca sambhogasaṃvāsānaṃ alajjīhi saddhiṃ na kattabbataṃ dasseti. Parihāro natthīti āpattiparihāro natthi. Tādisoti yattha nissayo gahitapubbo, yo ca ekasambhogaparibhogo, tādiso. Tathā vuttanti ‘‘lahuṃ āgamissatī’’ti vuttañceti attho. Cattāri pañca divasānīti idaṃ upalakkhaṇamattaṃ. Yadi ekāhadvīhena sabhāgatā paññāyati, ñātadivase gahetabbova. Athāpi catupañcāhenapi na paññāyati, yattakehi divasehi paññāyati, tattakāni atikkāmetabbāni. Sabhāgataṃ olokemīti pana leso na kātabbo. Daharā suṇantīti ettha asutvāpi ‘‘āgamissati, kenaci antarāyena cirāyantī’’ti saññāya satipi labbhateva parihāro . Tenāha ‘‘idhevāhaṃ vasissāmīti pahiṇati, parihāro natthī’’ti. Ekadivasampi parihāro natthīti gamane nirussāhaṃ sandhāya vuttaṃ, saussāhassa pana senāsanapaṭisāmanādivasena katipāhe gatepi na doso.
д̇ад̇рзва васид̇аб̣б̣анд̇и д̇ад̇ра сабхааг̇адтаанз зва ниссаяам̣ г̇ахзд̇ваа васид̇аб̣б̣ам̣. д̇ам̣язва вихаарам̣…бз… васид̇ум̣ ваддад̇ийд̇и иминаа убаж̇жхааяз сан̇г̇ан̣ханд̇зязва д̇ам̣самод̇хаанз ниссаяабадиббассад̣̇д̇хи вуд̇д̇аа, д̇асмим̣ бана год̇хзна ваа г̇ан̣анирабзгкад̇ааяа ваа асан̇г̇ан̣ханд̇з ан̃н̃зсу г̇ахид̇о ниссаяо на бадиббассамбхад̇ийд̇и д̣̇ассзд̇и.
Tatreva vasitabbanti tatra sabhāgaṭṭhāne eva nissayaṃ gahetvā vasitabbaṃ. Taṃyeva vihāraṃ…pe… vasituṃ vaṭṭatīti iminā upajjhāye saṅgaṇhanteyeva taṃsamodhāne nissayapaṭippassaddhi vuttā, tasmiṃ pana kodhena vā gaṇanirapekkhatāya vā asaṅgaṇhante aññesu gahito nissayo na paṭippassambhatīti dasseti.
аажарияамхаа ниссаяабадиббассад̣̇д̇хияам̣ вуд̇д̇о ‘‘гожи аажарияо’’д̇иаад̣̇иго наяо убаж̇жхааяабаггаманаад̣̇ийсуби нзд̇ваа д̇ад̇т̇а жа вуд̇д̇о ид̇хааби нзд̇ваа яат̇аарахам̣ яож̇зд̇аб̣б̣о. д̣̇вз лзд̣д̣убаад̇з ад̇иггамма ан̃н̃асмим̣ вихаарз васанд̇ийд̇и убажаарасиймад̇о б̣ахи ан̃н̃асмим̣ вихаарз анд̇зваасигаад̣̇ийнам̣ васанадтаанад̇о д̣̇вз лзд̣д̣убаад̇з ад̇иггамид̇ваа васанд̇и. д̇зна б̣ахиубажаарзби анд̇зваасигаад̣̇ийнам̣ васанадтаанад̇о д̣̇виннам̣ лзд̣д̣убаад̇аанам̣ анд̇арз аасаннз бад̣̇зсз васад̇и, ниссаяо на бадиббассамбхад̇ийд̇и д̣̇ассзд̇и. анд̇оубажаарасиймааяам̣ бана д̣̇вз лзд̣д̣убаад̇з ад̇иггамид̇ваа васад̇о ниссаяо на бадиббассамбхад̇зваад̇и вимад̇ивинод̣̇анияам̣ (ви. ви. дий. махааваг̇г̇а 2.83) вуд̇д̇ам̣.
Ācariyamhā nissayapaṭippassaddhiyaṃ vutto ‘‘koci ācariyo’’tiādiko nayo upajjhāyapakkamanādīsupi netvā tattha ca vutto idhāpi netvā yathārahaṃ yojetabbo. Dve leḍḍupāte atikkamma aññasmiṃ vihāre vasantīti upacārasīmato bahi aññasmiṃ vihāre antevāsikādīnaṃ vasanaṭṭhānato dve leḍḍupāte atikkamitvā vasanti. Tena bahiupacārepi antevāsikādīnaṃ vasanaṭṭhānato dvinnaṃ leḍḍupātānaṃ antare āsanne padese vasati, nissayo na paṭippassambhatīti dasseti. Antoupacārasīmāyaṃ pana dve leḍḍupāte atikkamitvā vasato nissayo na paṭippassambhatevāti vimativinodaniyaṃ (vi. vi. ṭī. mahāvagga 2.83) vuttaṃ.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
ниссаяавинижчаяагат̇аалан̇гааро наама
Nissayavinicchayakathālaṅkāro nāma
д̇звийсад̇имо барижчзд̣̇о.
Tevīsatimo paricchedo.
