| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
2. நிஸ்ஸேணிதா³யகத்தே²ரஅபதா³னவண்ணனா
2. Nisseṇidāyakattheraapadānavaṇṇanā
கொண்ட³ஞ்ஞஸ்ஸ ப⁴க³வதோதிஆதி³கங் ஆயஸ்மதோ நிஸ்ஸேணிதா³யகத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ அனேகாஸு ஜாதீஸு விவட்டூபனிஸ்ஸயானி புஞ்ஞானி உபசினந்தோ கொண்ட³ஞ்ஞஸ்ஸ ப⁴க³வதோ காலே வட்³ட⁴கிகுலே நிப்³ப³த்தோ ஸத்³தோ⁴ பஸன்னோ ப⁴க³வதோ த⁴ம்மதே³ஸனங் ஸுத்வா பஸன்னமானஸோ ப⁴க³வதோ வஸனபாஸாத³ஸ்ஸாரோஹனத்தா²ய ஸாரகட்ட²மயங் நிஸ்ஸேணிங் கத்வா உஸ்ஸாபெத்வா ட²பேஸி. ப⁴க³வா தஸ்ஸ பஸாத³ஸங்வட்³ட⁴னத்தா²ய பஸ்ஸந்தஸ்ஸேவ உபரிபாஸாத³ங் ஆருஹி. ஸோ அதீவ பஸன்னோ தேனேவ பீதிஸோமனஸ்ஸேன காலங் கத்வா தே³வலோகே நிப்³ப³த்தோ தத்த² தி³ப்³ப³ஸம்பத்திங் அனுப⁴வித்வா மனுஸ்ஸேஸு ஜாயமானோ நிஸ்ஸேணிதா³னநிஸ்ஸந்தே³ன உச்சகுலே நிப்³ப³த்தோ மனுஸ்ஸஸுக²ங் அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலே நிப்³ப³த்தோ ஸத்து² த⁴ம்மதே³ஸனங் ஸுத்வா ஸத்³தா⁴ஜாதோ பப்³ப³ஜிதோ நசிரஸ்ஸேவ அரஹா அஹோஸி.
Koṇḍaññassabhagavatotiādikaṃ āyasmato nisseṇidāyakattherassa apadānaṃ. Ayampi purimajinavaresu katādhikāro anekāsu jātīsu vivaṭṭūpanissayāni puññāni upacinanto koṇḍaññassa bhagavato kāle vaḍḍhakikule nibbatto saddho pasanno bhagavato dhammadesanaṃ sutvā pasannamānaso bhagavato vasanapāsādassārohanatthāya sārakaṭṭhamayaṃ nisseṇiṃ katvā ussāpetvā ṭhapesi. Bhagavā tassa pasādasaṃvaḍḍhanatthāya passantasseva uparipāsādaṃ āruhi. So atīva pasanno teneva pītisomanassena kālaṃ katvā devaloke nibbatto tattha dibbasampattiṃ anubhavitvā manussesu jāyamāno nisseṇidānanissandena uccakule nibbatto manussasukhaṃ anubhavitvā imasmiṃ buddhuppāde ekasmiṃ kule nibbatto satthu dhammadesanaṃ sutvā saddhājāto pabbajito nacirasseva arahā ahosi.
9. ஸோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ கொண்ட³ஞ்ஞஸ்ஸ ப⁴க³வதோதிஆதி³மாஹ. தத்த² கொண்ட³ஞ்ஞஸ்ஸாதி குச்சி²தோ ஹுத்வா டே³தி பவத்ததீதி கொண்டோ³, லாமகஸத்தோ, கொண்ட³தோ அஞ்ஞோதி கொண்ட³ஞ்ஞோ, அலாமகோ உத்தமபுரிஸோதி அத்தோ². அத² வா ப்³ராஹ்மணகொ³த்தேஸு கொண்ட³ஞ்ஞகொ³த்தே உப்பன்னத்தா ‘‘கொண்ட³ஞ்ஞோ’’தி கொ³த்தவஸேன தஸ்ஸ நாமங், தஸ்ஸ கொண்ட³ஞ்ஞஸ்ஸ. ஸேஸங் பாகடமேவாதி.
9. So attano pubbakammaṃ saritvā somanassajāto pubbacaritāpadānaṃ pakāsento koṇḍaññassa bhagavatotiādimāha. Tattha koṇḍaññassāti kucchito hutvā ḍeti pavattatīti koṇḍo, lāmakasatto, koṇḍato aññoti koṇḍañño, alāmako uttamapurisoti attho. Atha vā brāhmaṇagottesu koṇḍaññagotte uppannattā ‘‘koṇḍañño’’ti gottavasena tassa nāmaṃ, tassa koṇḍaññassa. Sesaṃ pākaṭamevāti.
நிஸ்ஸேணிதா³யகத்தே²ரஅபதா³னவண்ணனா ஸமத்தா.
Nisseṇidāyakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 2. நிஸ்ஸேணிதா³யகத்தே²ரஅபதா³னங் • 2. Nisseṇidāyakattheraapadānaṃ
