| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਨਿਸ੍ਸੇਣਿਦਾਯਕਤ੍ਥੇਰਅਪਦਾਨવਣ੍ਣਨਾ
2. Nisseṇidāyakattheraapadānavaṇṇanā
ਕੋਣ੍ਡਞ੍ਞਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਨਿਸ੍ਸੇਣਿਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਅਨੇਕਾਸੁ ਜਾਤੀਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਕੋਣ੍ਡਞ੍ਞਸ੍ਸ ਭਗવਤੋ ਕਾਲੇ વਡ੍ਢਕਿਕੁਲੇ ਨਿਬ੍ਬਤ੍ਤੋ ਸਦ੍ਧੋ ਪਸਨ੍ਨੋ ਭਗવਤੋ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਭਗવਤੋ વਸਨਪਾਸਾਦਸ੍ਸਾਰੋਹਨਤ੍ਥਾਯ ਸਾਰਕਟ੍ਠਮਯਂ ਨਿਸ੍ਸੇਣਿਂ ਕਤ੍વਾ ਉਸ੍ਸਾਪੇਤ੍વਾ ਠਪੇਸਿ। ਭਗવਾ ਤਸ੍ਸ ਪਸਾਦਸਂવਡ੍ਢਨਤ੍ਥਾਯ ਪਸ੍ਸਨ੍ਤਸ੍ਸੇવ ਉਪਰਿਪਾਸਾਦਂ ਆਰੁਹਿ। ਸੋ ਅਤੀવ ਪਸਨ੍ਨੋ ਤੇਨੇવ ਪੀਤਿਸੋਮਨਸ੍ਸੇਨ ਕਾਲਂ ਕਤ੍વਾ ਦੇવਲੋਕੇ ਨਿਬ੍ਬਤ੍ਤੋ ਤਤ੍ਥ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਮਨੁਸ੍ਸੇਸੁ ਜਾਯਮਾਨੋ ਨਿਸ੍ਸੇਣਿਦਾਨਨਿਸ੍ਸਨ੍ਦੇਨ ਉਚ੍ਚਕੁਲੇ ਨਿਬ੍ਬਤ੍ਤੋ ਮਨੁਸ੍ਸਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਦ੍ਧਾਜਾਤੋ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Koṇḍaññassabhagavatotiādikaṃ āyasmato nisseṇidāyakattherassa apadānaṃ. Ayampi purimajinavaresu katādhikāro anekāsu jātīsu vivaṭṭūpanissayāni puññāni upacinanto koṇḍaññassa bhagavato kāle vaḍḍhakikule nibbatto saddho pasanno bhagavato dhammadesanaṃ sutvā pasannamānaso bhagavato vasanapāsādassārohanatthāya sārakaṭṭhamayaṃ nisseṇiṃ katvā ussāpetvā ṭhapesi. Bhagavā tassa pasādasaṃvaḍḍhanatthāya passantasseva uparipāsādaṃ āruhi. So atīva pasanno teneva pītisomanassena kālaṃ katvā devaloke nibbatto tattha dibbasampattiṃ anubhavitvā manussesu jāyamāno nisseṇidānanissandena uccakule nibbatto manussasukhaṃ anubhavitvā imasmiṃ buddhuppāde ekasmiṃ kule nibbatto satthu dhammadesanaṃ sutvā saddhājāto pabbajito nacirasseva arahā ahosi.
੯. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਕੋਣ੍ਡਞ੍ਞਸ੍ਸ ਭਗવਤੋਤਿਆਦਿਮਾਹ। ਤਤ੍ਥ ਕੋਣ੍ਡਞ੍ਞਸ੍ਸਾਤਿ ਕੁਚ੍ਛਿਤੋ ਹੁਤ੍વਾ ਡੇਤਿ ਪવਤ੍ਤਤੀਤਿ ਕੋਣ੍ਡੋ, ਲਾਮਕਸਤ੍ਤੋ, ਕੋਣ੍ਡਤੋ ਅਞ੍ਞੋਤਿ ਕੋਣ੍ਡਞ੍ਞੋ, ਅਲਾਮਕੋ ਉਤ੍ਤਮਪੁਰਿਸੋਤਿ ਅਤ੍ਥੋ। ਅਥ વਾ ਬ੍ਰਾਹ੍ਮਣਗੋਤ੍ਤੇਸੁ ਕੋਣ੍ਡਞ੍ਞਗੋਤ੍ਤੇ ਉਪ੍ਪਨ੍ਨਤ੍ਤਾ ‘‘ਕੋਣ੍ਡਞ੍ਞੋ’’ਤਿ ਗੋਤ੍ਤવਸੇਨ ਤਸ੍ਸ ਨਾਮਂ, ਤਸ੍ਸ ਕੋਣ੍ਡਞ੍ਞਸ੍ਸ। ਸੇਸਂ ਪਾਕਟਮੇવਾਤਿ।
9. So attano pubbakammaṃ saritvā somanassajāto pubbacaritāpadānaṃ pakāsento koṇḍaññassa bhagavatotiādimāha. Tattha koṇḍaññassāti kucchito hutvā ḍeti pavattatīti koṇḍo, lāmakasatto, koṇḍato aññoti koṇḍañño, alāmako uttamapurisoti attho. Atha vā brāhmaṇagottesu koṇḍaññagotte uppannattā ‘‘koṇḍañño’’ti gottavasena tassa nāmaṃ, tassa koṇḍaññassa. Sesaṃ pākaṭamevāti.
ਨਿਸ੍ਸੇਣਿਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Nisseṇidāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਨਿਸ੍ਸੇਣਿਦਾਯਕਤ੍ਥੇਰਅਪਦਾਨਂ • 2. Nisseṇidāyakattheraapadānaṃ
