| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. нид̇агад̇т̇зраг̇аат̇ааван̣н̣анаа
6. Nitakattheragāthāvaṇṇanā
гасса сзлуубамам̣ жид̇д̇анд̇и ааяасмад̇о нид̇агад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани гаронд̇о вибассисса бхаг̇авад̇о гаалз б̣анд̇хумад̇ийнаг̇арз аараамаг̇обаго худ̇ваа ж̇ийванд̇о згад̣̇ивасам̣ бхаг̇аванд̇ам̣ аагаасзна г̇ажчанд̇ам̣ д̣̇исваа басаннамаанасо наал̣игзрапалам̣ д̣̇аад̇угаамо ахоси. сад̇т̇аа д̇ам̣ ануг̇г̇ан̣ханд̇о аагаасзязва тад̇ваа бадиг̇г̇ан̣хи. со д̇ам̣ д̣̇ад̇ваа ул̣аарам̣ бийд̇исоманассам̣ бадисам̣взд̣̇и. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз б̣раахман̣агулз ниб̣б̣ад̇д̇ид̇ваа нид̇агод̇и лад̣̇д̇ханаамо вин̃н̃уд̇ам̣ бад̇д̇о сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа гаммадтаанам̣ г̇ахзд̇ваа аран̃н̃з вихаранд̇о гхадзнд̇о арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.51.91-99) –
Kassaselūpamaṃ cittanti āyasmato nitakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni karonto vipassissa bhagavato kāle bandhumatīnagare ārāmagopako hutvā jīvanto ekadivasaṃ bhagavantaṃ ākāsena gacchantaṃ disvā pasannamānaso nāḷikeraphalaṃ dātukāmo ahosi. Satthā taṃ anuggaṇhanto ākāseyeva ṭhatvā paṭiggaṇhi. So taṃ datvā uḷāraṃ pītisomanassaṃ paṭisaṃvedi. So tena puññakammena devamanussesu saṃsaranto imasmiṃ buddhuppāde kosalaraṭṭhe brāhmaṇakule nibbattitvā nitakoti laddhanāmo viññutaṃ patto satthu santike dhammaṃ sutvā paṭiladdhasaddho pabbajitvā kammaṭṭhānaṃ gahetvā araññe viharanto ghaṭento arahattaṃ pāpuṇi. Tena vuttaṃ apadāne (apa. thera 2.51.91-99) –
‘‘наг̇арз б̣анд̇хумад̇ияаа, аараамиго ахам̣ д̇ад̣̇аа;
‘‘Nagare bandhumatiyā, ārāmiko ahaṃ tadā;
ад̣̇д̣̇асам̣ вираж̇ам̣ б̣уд̣̇д̇хам̣, г̇ажчанд̇ам̣ анилан̃ж̇асз.
Addasaṃ virajaṃ buddhaṃ, gacchantaṃ anilañjase.
‘‘наал̣игзрапалам̣ г̇аяха, б̣уд̣̇д̇хасздтассад̣̇аасахам̣;
‘‘Nāḷikeraphalaṃ gayha, buddhaseṭṭhassadāsahaṃ;
аагаасз тид̇аго санд̇о, бадиг̇г̇ан̣хи махааяасо.
Ākāse ṭhitako santo, paṭiggaṇhi mahāyaso.
‘‘вид̇д̇исан̃ж̇анано маяхам̣, д̣̇идтад̇хаммасукаавахо;
‘‘Vittisañjanano mayhaṃ, diṭṭhadhammasukhāvaho;
палам̣ б̣уд̣̇д̇хасса д̣̇ад̇ваана, виббасаннзна жзд̇асаа.
Phalaṃ buddhassa datvāna, vippasannena cetasā.
‘‘ад̇хиг̇ажчим̣ д̇ад̣̇аа бийд̇им̣, вибулан̃жа сукуд̇д̇амам̣;
‘‘Adhigacchiṃ tadā pītiṃ, vipulañca sukhuttamaṃ;
уббаж̇ж̇ад̇зва рад̇анам̣, ниб̣б̣ад̇д̇асса д̇ахим̣ д̇ахим̣.
Uppajjateva ratanaṃ, nibbattassa tahiṃ tahiṃ.
‘‘зганавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Ekanavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘д̣̇иб̣б̣ажагку висуд̣̇д̇хам̣ мз, самаад̇хигусало ахам̣;
‘‘Dibbacakkhu visuddhaṃ me, samādhikusalo ahaṃ;
абхин̃н̃аабаарамиббад̇д̇о, палад̣̇аанассид̣̇ам̣ палам̣.
Abhiññāpāramippatto, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зрз паласукзна ниб̣б̣аанасукзна вихаранд̇з бад̇хаанабариг̇г̇аахаго т̇зро д̇ам̣ ааран̃н̃ааяад̇анам̣ г̇анд̇ваа д̇ад̇т̇а васанд̇аанам̣ бхигкуунам̣ бариг̇г̇ан̣ханад̇т̇ам̣ ‘‘гасса сзлуубама’’нд̇иаад̣̇инаа батамам̣ г̇аат̇амааха.
Arahattaṃ pana patvā there phalasukhena nibbānasukhena viharante padhānapariggāhako thero taṃ āraññāyatanaṃ gantvā tattha vasantānaṃ bhikkhūnaṃ pariggaṇhanatthaṃ ‘‘kassa selūpama’’ntiādinā paṭhamaṃ gāthamāha.
191. д̇ад̇т̇а гасса сзлуубамам̣ жид̇д̇ам̣, тид̇ам̣ наанубагамбад̇ийд̇и имасмим̣ аран̃н̃ааяад̇анз васанд̇зсу гасса бхигкуно жид̇д̇ам̣ аг̇г̇апалаад̇хиг̇амзна згагханасилаамаяабаб̣б̣ад̇уубамам̣ саб̣б̣зсам̣ ин̃ж̇анаанам̣ абхаавад̇о васийбхааваббад̇д̇ияаа жа тид̇ам̣ саб̣б̣зхиби логад̇хаммзхи наанугамбад̇и на взд̇хад̇и. ид̣̇аанисса агамбанаагаарам̣ сад̣̇д̇хим̣ гааран̣зна д̣̇ассзд̇ум̣ ‘‘вирад̇д̇а’’нд̇иаад̣̇и вуд̇д̇ам̣. д̇ад̇т̇а вирад̇д̇ам̣ раж̇анийязсууд̇и вирааг̇асан̇каад̇зна арияамаг̇г̇зна раж̇анийязсу рааг̇уббад̇д̇ихзд̇убхууд̇зсу д̇збхуумагад̇хаммзсу вирад̇д̇ам̣, д̇ад̇т̇а саб̣б̣асо самужчиннарааг̇анд̇и ад̇т̇о. губбанийязд̇и бадигхадтаанийяз, саб̣б̣асмимби аагхаад̇авад̇т̇усмим̣. на губбад̇ийд̇и на д̣̇уссад̇и на вигаарам̣ аабаж̇ж̇ад̇и. яассзвам̣ бхаавид̇ам̣ жид̇д̇анд̇и яасса арияабуг̇г̇аласса жид̇д̇ам̣ мано звам̣ вуд̇д̇анаязна д̇аад̣̇ибхаавзна бхаавид̇ам̣, гуд̇о д̇ам̣ д̣̇угкамзссад̇ийд̇и д̇ам̣ буг̇г̇алам̣ гуд̇о сад̇д̇ад̇о сан̇каарад̇о ваа д̣̇угкам̣ убаг̇амиссад̇и, на д̇аад̣̇исасса д̣̇угкам̣ ад̇т̇ийд̇и ад̇т̇о.
191. Tattha kassa selūpamaṃ cittaṃ, ṭhitaṃ nānupakampatīti imasmiṃ araññāyatane vasantesu kassa bhikkhuno cittaṃ aggaphalādhigamena ekaghanasilāmayapabbatūpamaṃ sabbesaṃ iñjanānaṃ abhāvato vasībhāvappattiyā ca ṭhitaṃ sabbehipi lokadhammehi nānukampati na vedhati. Idānissa akampanākāraṃ saddhiṃ kāraṇena dassetuṃ ‘‘viratta’’ntiādi vuttaṃ. Tattha virattaṃ rajanīyesūti virāgasaṅkhātena ariyamaggena rajanīyesu rāguppattihetubhūtesu tebhūmakadhammesu virattaṃ, tattha sabbaso samucchinnarāganti attho. Kuppanīyeti paṭighaṭṭhānīye, sabbasmimpi āghātavatthusmiṃ. Na kuppatīti na dussati na vikāraṃ āpajjati. Yassevaṃ bhāvitaṃ cittanti yassa ariyapuggalassa cittaṃ mano evaṃ vuttanayena tādibhāvena bhāvitaṃ, kuto taṃ dukkhamessatīti taṃ puggalaṃ kuto sattato saṅkhārato vā dukkhaṃ upagamissati, na tādisassa dukkhaṃ atthīti attho.
192. звам̣ анияамавасзна бужчид̇амад̇т̇ам̣ нид̇агад̇т̇зро ад̇д̇уубанааяигам̣ гад̇ваа виссаж̇ж̇знд̇о ‘‘мама сзлуубамам̣ жид̇д̇а’’нд̇иаад̣̇инаа д̣̇уд̇ияаг̇аат̇ааяа ан̃н̃ам̣ б̣яаагааси. д̇ам̣ вуд̇д̇ад̇т̇амзва.
192. Evaṃ aniyamavasena pucchitamatthaṃ nitakatthero attūpanāyikaṃ katvā vissajjento ‘‘mama selūpamaṃ citta’’ntiādinā dutiyagāthāya aññaṃ byākāsi. Taṃ vuttatthameva.
нид̇агад̇т̇зраг̇аат̇ааван̣н̣анаа нидтид̇аа.
Nitakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. нид̇агад̇т̇зраг̇аат̇аа • 6. Nitakattheragāthā
