| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. нийд̇ад̇т̇зраг̇аат̇ааван̣н̣анаа
4. Nītattheragāthāvaṇṇanā
саб̣б̣арад̇д̇им̣ субид̇ваанаад̇и ааяасмад̇о нийд̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз сунанд̣̇о наама б̣раахман̣о худ̇ваа анзгасад̇з б̣раахман̣з манд̇з ваажзнд̇о вааж̇абзяяам̣ наама яан̃н̃ам̣ яаж̇и, бхаг̇аваа д̇ам̣ б̣раахман̣ам̣ анугамбанд̇о яан̃н̃адтаанам̣ г̇анд̇ваа аагаасз жан̇гами. б̣раахман̣о сад̇т̇аарам̣ д̣̇исваа басаннамаанасо сиссзхи бубпаани аахараабзд̇ваа аагаасз кибид̇ваа бууж̇ам̣ агааси. б̣уд̣̇д̇хаанубхаавзна д̇ам̣ таанам̣ сагалан̃жа наг̇арам̣ бубпабадавид̇аанигам̣ вияа чаад̣̇ид̇ам̣ ахоси. махааж̇ано сад̇т̇ари ул̣аарам̣ бийд̇исоманассам̣ бадисам̣взд̣̇зси. сунанд̣̇аб̣раахман̣о д̇зна гусаламуулзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и, нийд̇од̇исса наамам̣ ахоси. со вин̃н̃уд̇ам̣ бад̇д̇о ‘‘имз саман̣аа сагяабуд̇д̇ияаа сукасийлаа сукасамаажаараа субхож̇анаани бхун̃ж̇ид̇ваа ниваад̇зсу сзнаасанзсу вихаранд̇и, имзсу баб̣б̣аж̇ид̇ваа сукзна вихарид̇ум̣ саггаа’’д̇и сукаабхилаасааяа баб̣б̣аж̇ид̇ваава сад̇т̇у санд̇игз гаммадтаанам̣ г̇ахзд̇ваа гад̇ибаахамзва манасигарид̇ваа д̇ам̣ чад̣д̣зд̇ваа яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа д̣̇ивасабхааг̇ам̣ сан̇г̇ан̣игаараамо д̇иражчаанагат̇ааяа вийд̇инаамзд̇и, рад̇д̇ибхааг̇зби т̇инамид̣̇д̇хаабхибхууд̇о саб̣б̣арад̇д̇им̣ субад̇и. сад̇т̇аа д̇асса хзд̇убарибаагам̣ ологзд̇ваа оваад̣̇ам̣ д̣̇знд̇о –
Sabbarattiṃsupitvānāti āyasmato nītattherassa gāthā. Kā uppatti? Ayaṃ kira padumuttarassa bhagavato kāle sunando nāma brāhmaṇo hutvā anekasate brāhmaṇe mante vācento vājapeyyaṃ nāma yaññaṃ yaji, bhagavā taṃ brāhmaṇaṃ anukampanto yaññaṭṭhānaṃ gantvā ākāse caṅkami. Brāhmaṇo satthāraṃ disvā pasannamānaso sissehi pupphāni āharāpetvā ākāse khipitvā pūjaṃ akāsi. Buddhānubhāvena taṃ ṭhānaṃ sakalañca nagaraṃ pupphapaṭavitānikaṃ viya chāditaṃ ahosi. Mahājano satthari uḷāraṃ pītisomanassaṃ paṭisaṃvedesi. Sunandabrāhmaṇo tena kusalamūlena devamanussesu saṃsaranto imasmiṃ buddhuppāde sāvatthiyaṃ aññatarassa brāhmaṇassa putto hutvā nibbatti, nītotissa nāmaṃ ahosi. So viññutaṃ patto ‘‘ime samaṇā sakyaputtiyā sukhasīlā sukhasamācārā subhojanāni bhuñjitvā nivātesu senāsanesu viharanti, imesu pabbajitvā sukhena viharituṃ sakkā’’ti sukhābhilāsāya pabbajitvāva satthu santike kammaṭṭhānaṃ gahetvā katipāhameva manasikaritvā taṃ chaḍḍetvā yāvadatthaṃ udarāvadehakaṃ bhuñjitvā divasabhāgaṃ saṅgaṇikārāmo tiracchānakathāya vītināmeti, rattibhāgepi thinamiddhābhibhūto sabbarattiṃ supati. Satthā tassa hetuparipākaṃ oloketvā ovādaṃ dento –
84.
84.
‘‘саб̣б̣арад̇д̇им̣ субид̇ваана, д̣̇иваа сан̇г̇ан̣игз рад̇о;
‘‘Sabbarattiṃ supitvāna, divā saṅgaṇike rato;
гуд̣̇аассу наама д̣̇уммзд̇хо, д̣̇угкассанд̇ам̣ гариссад̇ий’’д̇и. – г̇аат̇ам̣ абхааси;
Kudāssu nāma dummedho, dukkhassantaṃ karissatī’’ti. – gāthaṃ abhāsi;
д̇ад̇т̇а саб̣б̣арад̇д̇инд̇и сагалам̣ рад̇д̇им̣. субид̇ваанаад̇и нид̣̇д̣̇ааяид̇ваа, ‘‘рад̇д̇ияаа батамам̣ яаамам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇ий’’д̇иаад̣̇инаа вуд̇д̇ам̣ ж̇ааг̇арияам̣ анануяун̃ж̇ид̇ваа гзвалам̣ рад̇д̇ияаа д̇ийсуби яаамзсу нид̣̇д̣̇ам̣ оггамид̇ваад̇и ад̇т̇о. д̣̇иваад̇и д̣̇ивасам̣, сагалам̣ д̣̇ивасабхааг̇анд̇и ад̇т̇о. сан̇г̇ан̣игзд̇и д̇иражчаанагат̇игзхи гааяад̣̇ал̣хиб̣ахулабуг̇г̇алзхи саннисаж̇ж̇аа сан̇г̇ан̣иго, д̇асмим̣ рад̇о абхирад̇о д̇ад̇т̇а авиг̇ад̇ажчанд̣̇о ‘‘сан̇г̇ан̣игз рад̇о’’д̇и вуд̇д̇о ‘‘сан̇г̇ан̣игаарад̇о’’д̇иби баал̣и. гуд̣̇аассу наамаад̇и гуд̣̇аа наама. ассууд̇и нибаад̇амад̇д̇ам̣, гасмим̣ наама гаалзд̇и ад̇т̇о. д̣̇уммзд̇ход̇и ниббан̃н̃о. д̣̇угкассаад̇и ваддад̣̇угкасса. анд̇анд̇и барияосаанам̣. ажжанд̇амзва ануббаад̣̇ам̣ гад̣̇аа наама гариссад̇и, зд̣̇исасса д̣̇угкассанд̇агаран̣ам̣ над̇т̇ийд̇и ад̇т̇о. ‘‘д̣̇уммзд̇ха д̣̇угкассанд̇ам̣ гариссасий’’д̇иби баал̣и.
Tattha sabbarattinti sakalaṃ rattiṃ. Supitvānāti niddāyitvā, ‘‘rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodhetī’’tiādinā vuttaṃ jāgariyaṃ ananuyuñjitvā kevalaṃ rattiyā tīsupi yāmesu niddaṃ okkamitvāti attho. Divāti divasaṃ, sakalaṃ divasabhāganti attho. Saṅgaṇiketi tiracchānakathikehi kāyadaḷhibahulapuggalehi sannisajjā saṅgaṇiko, tasmiṃ rato abhirato tattha avigatacchando ‘‘saṅgaṇike rato’’ti vutto ‘‘saṅgaṇikārato’’tipi pāḷi. Kudāssu nāmāti kudā nāma. Assūti nipātamattaṃ, kasmiṃ nāma kāleti attho. Dummedhoti nippañño. Dukkhassāti vaṭṭadukkhassa. Antanti pariyosānaṃ. Accantameva anuppādaṃ kadā nāma karissati, edisassa dukkhassantakaraṇaṃ natthīti attho. ‘‘Dummedha dukkhassantaṃ karissasī’’tipi pāḷi.
звам̣ бана сад̇т̇аараа г̇аат̇ааяа гат̇ид̇ааяа т̇зро сам̣взг̇аж̇аад̇о вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.14.26-33) –
Evaṃ pana satthārā gāthāya kathitāya thero saṃvegajāto vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.14.26-33) –
‘‘сунанд̣̇о наама наамзна, б̣раахман̣о манд̇абаараг̇уу;
‘‘Sunando nāma nāmena, brāhmaṇo mantapāragū;
аж̇жхааяаго яаажаяог̇о, вааж̇абзяяам̣ аяааж̇аяи.
Ajjhāyako yācayogo, vājapeyyaṃ ayājayi.
‘‘бад̣̇умуд̇д̇аро логавид̣̇уу, аг̇г̇о гаарун̣иго иси;
‘‘Padumuttaro lokavidū, aggo kāruṇiko isi;
ж̇анад̇ам̣ анугамбанд̇о, амб̣арз жан̇гамий д̇ад̣̇аа.
Janataṃ anukampanto, ambare caṅkamī tadā.
‘‘жан̇гамид̇ваана самб̣уд̣̇д̇хо, саб̣б̣ан̃н̃уу логанааяаго;
‘‘Caṅkamitvāna sambuddho, sabbaññū lokanāyako;
мзд̇д̇ааяа апари сад̇д̇з, аббамаан̣з нируубад̇хи.
Mettāya aphari satte, appamāṇe nirūpadhi.
‘‘ван̣дз чзд̇ваана бубпаани, б̣раахман̣о манд̇абаараг̇уу;
‘‘Vaṇṭe chetvāna pupphāni, brāhmaṇo mantapāragū;
саб̣б̣з сиссз самаанзд̇ваа, аагаасз угкибаабаяи.
Sabbe sisse samānetvā, ākāse ukkhipāpayi.
‘‘яаавад̇аа наг̇арам̣ ааси, бубпаанам̣ чад̣̇анам̣ д̇ад̣̇аа;
‘‘Yāvatā nagaraṃ āsi, pupphānaṃ chadanaṃ tadā;
б̣уд̣̇д̇хасса аанубхаавзна, сад̇д̇аахам̣ на виг̇ажчат̇а.
Buddhassa ānubhāvena, sattāhaṃ na vigacchatha.
‘‘д̇знзва суггамуулзна, анубход̇ваана самбад̣̇аа;
‘‘Teneva sukkamūlena, anubhotvāna sampadā;
саб̣б̣аасавз барин̃н̃ааяа, д̇ин̣н̣о логз висад̇д̇игам̣.
Sabbāsave pariññāya, tiṇṇo loke visattikaṃ.
‘‘згаарасз габбасад̇з, бан̃жад̇им̣саасу кад̇д̇ияаа;
‘‘Ekārase kappasate, pañcatiṃsāsu khattiyā;
амб̣арам̣сасанаамаа д̇з, жаггавад̇д̇ий махаб̣б̣алаа.
Ambaraṃsasanāmā te, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро ан̃н̃ам̣ б̣яаагаронд̇о д̇амзва г̇аат̇ам̣ бажжуд̣̇аахааси.
Arahattaṃ pana patvā thero aññaṃ byākaronto tameva gāthaṃ paccudāhāsi.
нийд̇ад̇т̇зраг̇аат̇ааван̣н̣анаа нидтид̇аа.
Nītattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. нийд̇ад̇т̇зраг̇аат̇аа • 4. Nītattheragāthā
