| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๓. นิฎฺฐงฺคตสุตฺตํ
3. Niṭṭhaṅgatasuttaṃ
๖๓. ‘‘เย เกจิ, ภิกฺขเว, มยิ นิฎฺฐํ คตา สเพฺพ เต ทิฎฺฐิสมฺปนฺนาฯ เตสํ ทิฎฺฐิสมฺปนฺนานํ ปญฺจนฺนํ อิธ นิฎฺฐา, ปญฺจนฺนํ อิธ วิหาย นิฎฺฐาฯ กตเมสํ ปญฺจนฺนํ อิธ นิฎฺฐา? สตฺตกฺขตฺตุปรมสฺส , โกลํโกลสฺส, เอกพีชิสฺส, สกทาคามิสฺส, โย จ ทิเฎฺฐว ธเมฺม อรหา – อิเมสํ ปญฺจนฺนํ อิธ นิฎฺฐาฯ กตเมสํ ปญฺจนฺนํ อิธ วิหาย นิฎฺฐา? อนฺตราปรินิพฺพายิสฺส, อุปหจฺจปรินิพฺพายิสฺส, อสงฺขารปรินิพฺพายิสฺส, สสงฺขารปรินิพฺพายิสฺส, อุทฺธํโสตสฺส อกนิฎฺฐคามิโน – อิเมสํ ปญฺจนฺนํ อิธ วิหาย นิฎฺฐาฯ เย เกจิ, ภิกฺขเว, มยิ นิฎฺฐํ คตา, สเพฺพ เต ทิฎฺฐิสมฺปนฺนาฯ เตสํ ทิฎฺฐิสมฺปนฺนานํ อิเมสํ ปญฺจนฺนํ อิธ นิฎฺฐา, อิเมสํ ปญฺจนฺนํ อิธ วิหาย นิฎฺฐา’’ติฯ ตติยํฯ
63. ‘‘Ye keci, bhikkhave, mayi niṭṭhaṃ gatā sabbe te diṭṭhisampannā. Tesaṃ diṭṭhisampannānaṃ pañcannaṃ idha niṭṭhā, pañcannaṃ idha vihāya niṭṭhā. Katamesaṃ pañcannaṃ idha niṭṭhā? Sattakkhattuparamassa , kolaṃkolassa, ekabījissa, sakadāgāmissa, yo ca diṭṭheva dhamme arahā – imesaṃ pañcannaṃ idha niṭṭhā. Katamesaṃ pañcannaṃ idha vihāya niṭṭhā? Antarāparinibbāyissa, upahaccaparinibbāyissa, asaṅkhāraparinibbāyissa, sasaṅkhāraparinibbāyissa, uddhaṃsotassa akaniṭṭhagāmino – imesaṃ pañcannaṃ idha vihāya niṭṭhā. Ye keci, bhikkhave, mayi niṭṭhaṃ gatā, sabbe te diṭṭhisampannā. Tesaṃ diṭṭhisampannānaṃ imesaṃ pañcannaṃ idha niṭṭhā, imesaṃ pañcannaṃ idha vihāya niṭṭhā’’ti. Tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๓-๔. นิฎฺฐงฺคตสุตฺตาทิวณฺณนา • 3-4. Niṭṭhaṅgatasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๗. อวิชฺชาสุตฺตาทิวณฺณนา • 1-7. Avijjāsuttādivaṇṇanā
