| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. ниваабасуд̇д̇ам̣
5. Nivāpasuttaṃ
261. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
261. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘на , бхигкавз, нзваабиго ниваабам̣ нивабад̇и миг̇аж̇аад̇аанам̣ – ‘имам̣ мз ниваабам̣ нивуд̇д̇ам̣ миг̇аж̇аад̇аа барибхун̃ж̇анд̇аа д̣̇ийгхааяугаа ван̣н̣аванд̇о жирам̣ д̣̇ийгхамад̣̇д̇хаанам̣ яаабзнд̇уу’д̇и. зван̃жа ко, бхигкавз, нзваабиго ниваабам̣ нивабад̇и миг̇аж̇аад̇аанам̣ – ‘имам̣ мз ниваабам̣ нивуд̇д̇ам̣ миг̇аж̇аад̇аа анубакаж̇ж̇а мужчид̇аа бхож̇анаани бхун̃ж̇иссанд̇и, анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇иссанд̇и, мад̇д̇аа самаанаа бамаад̣̇ам̣ аабаж̇ж̇иссанд̇и, бамад̇д̇аа самаанаа яат̇аагаамагаран̣ийяаа бхависсанд̇и имасмим̣ ниваабз’д̇и.
‘‘Na , bhikkhave, nevāpiko nivāpaṃ nivapati migajātānaṃ – ‘imaṃ me nivāpaṃ nivuttaṃ migajātā paribhuñjantā dīghāyukā vaṇṇavanto ciraṃ dīghamaddhānaṃ yāpentū’ti. Evañca kho, bhikkhave, nevāpiko nivāpaṃ nivapati migajātānaṃ – ‘imaṃ me nivāpaṃ nivuttaṃ migajātā anupakhajja mucchitā bhojanāni bhuñjissanti, anupakhajja mucchitā bhojanāni bhuñjamānā madaṃ āpajjissanti, mattā samānā pamādaṃ āpajjissanti, pamattā samānā yathākāmakaraṇīyā bhavissanti imasmiṃ nivāpe’ti.
262. ‘‘д̇ад̇ра, бхигкавз, батамаа миг̇аж̇аад̇аа амум̣ ниваабам̣ нивуд̇д̇ам̣ нзваабигасса анубакаж̇ж̇а мужчид̇аа бхож̇анаани бхун̃ж̇им̣су, д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ нзваабигасса амусмим̣ ниваабз. зван̃хи д̇з, бхигкавз, батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа.
262. ‘‘Tatra, bhikkhave, paṭhamā migajātā amuṃ nivāpaṃ nivuttaṃ nevāpikassa anupakhajja mucchitā bhojanāni bhuñjiṃsu, te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te, bhikkhave, paṭhamā migajātā na parimucciṃsu nevāpikassa iddhānubhāvā.
263. ‘‘д̇ад̇ра, бхигкавз, д̣̇уд̇ияаа миг̇аж̇аад̇аа звам̣ самажинд̇зсум̣ – ‘яз ко д̇з батамаа миг̇аж̇аад̇аа амум̣ ниваабам̣ нивуд̇д̇ам̣ нзваабигасса анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ нзваабигасса амусмим̣ ниваабз. зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа бадивирамим̣су, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарим̣су. д̇зсам̣ г̇имхаанам̣ бажчимз маасз, д̇ин̣од̣̇агасан̇каяз, ад̇химад̇д̇агасимаанам̣ бад̇д̇о гааяо ход̇и. д̇зсам̣ ад̇химад̇д̇агасимаанам̣ бад̇д̇агааяаанам̣ б̣алавийрияам̣ барихааяи. б̣алавийрияз барихийнз д̇амзва ниваабам̣ нивуд̇д̇ам̣ нзваабигасса бажжааг̇амим̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ нзваабигасса амусмим̣ ниваабз. зван̃хи д̇з, бхигкавз, д̣̇уд̇ияааби миг̇аж̇аад̇аа на баримужжим̣су нзваабигасса ид̣̇д̇хаанубхааваа.
263. ‘‘Tatra, bhikkhave, dutiyā migajātā evaṃ samacintesuṃ – ‘ye kho te paṭhamā migajātā amuṃ nivāpaṃ nivuttaṃ nevāpikassa anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Tesaṃ gimhānaṃ pacchime māse, tiṇodakasaṅkhaye, adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne tameva nivāpaṃ nivuttaṃ nevāpikassa paccāgamiṃsu. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te, bhikkhave, dutiyāpi migajātā na parimucciṃsu nevāpikassa iddhānubhāvā.
264. ‘‘д̇ад̇ра , бхигкавз, д̇ад̇ияаа миг̇аж̇аад̇аа звам̣ самажинд̇зсум̣ – ‘яз ко д̇з батамаа миг̇аж̇аад̇аа амум̣ ниваабам̣ нивуд̇д̇ам̣ нзваабигасса…бз… зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. язби д̇з д̣̇уд̇ияаа миг̇аж̇аад̇аа звам̣ самажинд̇зсум̣ – яз ко д̇з батамаа миг̇аж̇аад̇аа амум̣ ниваабам̣ нивуд̇д̇ам̣ нзваабигасса…бз… зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаад̇и. д̇з саб̣б̣асо ниваабабхож̇анаа бадивирамим̣су, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарим̣су. д̇зсам̣ г̇имхаанам̣ бажчимз маасз д̇ин̣од̣̇агасан̇каяз ад̇химад̇д̇агасимаанам̣ бад̇д̇о гааяо ход̇и. д̇зсам̣ ад̇химад̇д̇агасимаанам̣ бад̇д̇агааяаанам̣ б̣алавийрияам̣ барихааяи. б̣алавийрияз барихийнз д̇амзва ниваабам̣ нивуд̇д̇ам̣ нзваабигасса бажжааг̇амим̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ нзваабигасса амусмим̣ ниваабз. зван̃хи д̇з д̣̇уд̇ияааби миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ амум̣ ниваабам̣ нивуд̇д̇ам̣ нзваабигасса убаниссааяа аасаяам̣ габбзяяаама. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ нзваабигасса ананубакаж̇ж̇а амужчид̇аа бхож̇анаани бхун̃ж̇иссаама, ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇иссаама, амад̇д̇аа самаанаа на бамаад̣̇ам̣ аабаж̇ж̇иссаама, аббамад̇д̇аа самаанаа на яат̇аагаамагаран̣ийяаа бхависсаама нзваабигасса амусмим̣ ниваабз’д̇и. д̇з амум̣ ниваабам̣ нивуд̇д̇ам̣ нзваабигасса убаниссааяа аасаяам̣ габбаяим̣су. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ нзваабигасса ананубакаж̇ж̇а амужчид̇аа бхож̇анаани бхун̃ж̇им̣су, д̇з д̇ад̇т̇а ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇им̣су, амад̇д̇аа самаанаа на бамаад̣̇ам̣ аабаж̇ж̇им̣су, аббамад̇д̇аа самаанаа на яат̇аагаамагаран̣ийяаа ахзсум̣ нзваабигасса амусмим̣ ниваабз.
264. ‘‘Tatra , bhikkhave, tatiyā migajātā evaṃ samacintesuṃ – ‘ye kho te paṭhamā migajātā amuṃ nivāpaṃ nivuttaṃ nevāpikassa…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ – ye kho te paṭhamā migajātā amuṃ nivāpaṃ nivuttaṃ nevāpikassa…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmāti. Te sabbaso nivāpabhojanā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Tesaṃ gimhānaṃ pacchime māse tiṇodakasaṅkhaye adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne tameva nivāpaṃ nivuttaṃ nevāpikassa paccāgamiṃsu. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te dutiyāpi migajātā na parimucciṃsu nevāpikassa iddhānubhāvā. Yaṃnūna mayaṃ amuṃ nivāpaṃ nivuttaṃ nevāpikassa upanissāya āsayaṃ kappeyyāma. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te amuṃ nivāpaṃ nivuttaṃ nevāpikassa upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
‘‘д̇ад̇ра, бхигкавз, нзваабигасса жа нзваабигабарисааяа жа зд̇ад̣̇ахоси – ‘сатаассунаамимз д̇ад̇ияаа миг̇аж̇аад̇аа гзд̇аб̣ино, ид̣̇д̇химанд̇аассунаамимз д̇ад̇ияаа миг̇аж̇аад̇аа бараж̇анаа; иман̃жа наама ниваабам̣ нивуд̇д̇ам̣ барибхун̃ж̇анд̇и, на жа нзсам̣ ж̇аанаама ааг̇ад̇им̣ ваа г̇ад̇им̣ ваа. яам̣нууна маяам̣ имам̣ ниваабам̣ нивуд̇д̇ам̣ махад̇ийхи д̣̇ан̣д̣аваагараахи 1 саманд̇аа саббад̣̇зсам̣ анубариваарзяяаама – аббзва наама д̇ад̇ияаанам̣ миг̇аж̇аад̇аанам̣ аасаяам̣ бассзяяаама, яад̇т̇а д̇з г̇аахам̣ г̇ажчзяяу’нд̇и. д̇з амум̣ ниваабам̣ нивуд̇д̇ам̣ махад̇ийхи д̣̇ан̣д̣аваагараахи саманд̇аа саббад̣̇зсам̣ анубариваарзсум̣. ад̣̇д̣̇асам̣су ко, бхигкавз, нзваабиго жа нзваабигабарисаа жа д̇ад̇ияаанам̣ миг̇аж̇аад̇аанам̣ аасаяам̣, яад̇т̇а д̇з г̇аахам̣ аг̇амам̣су. зван̃хи д̇з, бхигкавз, д̇ад̇ияааби миг̇аж̇аад̇аа на баримужжим̣су нзваабигасса ид̣̇д̇хаанубхааваа.
‘‘Tatra, bhikkhave, nevāpikassa ca nevāpikaparisāya ca etadahosi – ‘saṭhāssunāmime tatiyā migajātā ketabino, iddhimantāssunāmime tatiyā migajātā parajanā; imañca nāma nivāpaṃ nivuttaṃ paribhuñjanti, na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīhi daṇḍavākarāhi 2 samantā sappadesaṃ anuparivāreyyāma – appeva nāma tatiyānaṃ migajātānaṃ āsayaṃ passeyyāma, yattha te gāhaṃ gaccheyyu’nti. Te amuṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāresuṃ. Addasaṃsu kho, bhikkhave, nevāpiko ca nevāpikaparisā ca tatiyānaṃ migajātānaṃ āsayaṃ, yattha te gāhaṃ agamaṃsu. Evañhi te, bhikkhave, tatiyāpi migajātā na parimucciṃsu nevāpikassa iddhānubhāvā.
265. ‘‘д̇ад̇ра, бхигкавз, жад̇уд̇т̇аа миг̇аж̇аад̇аа звам̣ самажинд̇зсум̣ – ‘яз ко д̇з батамаа миг̇аж̇аад̇аа…бз… зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. язби д̇з д̣̇уд̇ияаа миг̇аж̇аад̇аа звам̣ самажинд̇зсум̣ ‘яз ко д̇з батамаа миг̇аж̇аад̇аа…бз… зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа бадивирамим̣су…бз… зван̃хи д̇з д̣̇уд̇ияааби миг̇аж̇аад̇аа на баримужжим̣су нзваабигасса ид̣̇д̇хаанубхааваа. язби д̇з д̇ад̇ияаа миг̇аж̇аад̇аа звам̣ самажинд̇зсум̣ ‘яз ко д̇з батамаа миг̇аж̇аад̇аа…бз… зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. язби д̇з д̣̇уд̇ияаа миг̇аж̇аад̇аа звам̣ самажинд̇зсум̣ ‘яз ко д̇з батамаа миг̇аж̇аад̇аа…бз… зван̃хи д̇з батамаа миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа бадивирамим̣су…бз… зван̃хи д̇з д̣̇уд̇ияааби миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ амум̣ ниваабам̣ нивуд̇д̇ам̣ нзваабигасса убаниссааяа аасаяам̣ габбзяяаама, д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ нзваабигасса ананубакаж̇ж̇а амужчид̇аа бхож̇анаани бхун̃ж̇иссаама, ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇иссаама, амад̇д̇аа самаанаа на бамаад̣̇ам̣ аабаж̇ж̇иссаама, аббамад̇д̇аа самаанаа на яат̇аагаамагаран̣ийяаа бхависсаама нзваабигасса амусмим̣ ниваабз’д̇и. д̇з амум̣ ниваабам̣ нивуд̇д̇ам̣ нзваабигасса убаниссааяа аасаяам̣ габбаяим̣су, д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ нзваабигасса ананубакаж̇ж̇а амужчид̇аа бхож̇анаани бхун̃ж̇им̣су, д̇з д̇ад̇т̇а ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇им̣су, амад̇д̇аа самаанаа на бамаад̣̇ам̣ аабаж̇ж̇им̣су, аббамад̇д̇аа самаанаа на яат̇аагаамагаран̣ийяаа ахзсум̣ нзваабигасса амусмим̣ ниваабз.
265. ‘‘Tatra, bhikkhave, catutthā migajātā evaṃ samacintesuṃ – ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu…pe… evañhi te dutiyāpi migajātā na parimucciṃsu nevāpikassa iddhānubhāvā. Yepi te tatiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu…pe… evañhi te dutiyāpi migajātā na parimucciṃsu nevāpikassa iddhānubhāvā. Yaṃnūna mayaṃ amuṃ nivāpaṃ nivuttaṃ nevāpikassa upanissāya āsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te amuṃ nivāpaṃ nivuttaṃ nevāpikassa upanissāya āsayaṃ kappayiṃsu, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
‘‘д̇ад̇ра нзваабигасса жа нзваабигабарисааяа жа зд̇ад̣̇ахоси – ‘сатаассунаамимз д̇ад̇ияаа миг̇аж̇аад̇аа гзд̇аб̣ино, ид̣̇д̇химанд̇аассунаамимз д̇ад̇ияаа миг̇аж̇аад̇аа бараж̇анаа, иман̃жа наама ниваабам̣ нивуд̇д̇ам̣ барибхун̃ж̇анд̇и. на жа нзсам̣ ж̇аанаама ааг̇ад̇им̣ ваа г̇ад̇им̣ ваа. яам̣нууна маяам̣ имам̣ ниваабам̣ нивуд̇д̇ам̣ махад̇ийд̇и д̣̇ан̣д̣аваагараахи саманд̇аа саббад̣̇зсам̣ анубариваарзяяаама, аббзва наама д̇ад̇ияаанам̣ миг̇аж̇аад̇аанам̣ аасаяам̣ бассзяяаама, яад̇т̇а д̇з г̇аахам̣ г̇ажчзяяу’нд̇и. д̇з амум̣ ниваабам̣ нивуд̇д̇ам̣ махад̇ийд̇и д̣̇ан̣д̣аваагараахи саманд̇аа саббад̣̇зсам̣ анубариваарзсум̣. ад̣̇д̣̇асам̣су ко нзваабиго жа нзваабигабарисаа жа д̇ад̇ияаанам̣ миг̇аж̇аад̇аанам̣ аасаяам̣, яад̇т̇а д̇з г̇аахам̣ аг̇амам̣су. зван̃хи д̇з д̇ад̇ияааби миг̇аж̇аад̇аа на баримужжим̣су нзваабигасса ид̣̇д̇хаанубхааваа. яам̣нууна маяам̣ яад̇т̇а аг̇ад̇и нзваабигасса жа нзваабигабарисааяа жа д̇ад̇раасаяам̣ габбзяяаама, д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ нзваабигасса ананубакаж̇ж̇а амужчид̇аа бхож̇анаани бхун̃ж̇иссаама, ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇иссаама, амад̇д̇аа самаанаа на бамаад̣̇ам̣ аабаж̇ж̇иссаама, аббамад̇д̇аа самаанаа на яат̇аагаамагаран̣ийяаа бхависсаама нзваабигасса амусмим̣ ниваабз’д̇и. д̇з яад̇т̇а аг̇ад̇и нзваабигасса жа нзваабигабарисааяа жа д̇ад̇раасаяам̣ габбаяим̣су. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ нзваабигасса ананубакаж̇ж̇а амужчид̇аа бхож̇анаани бхун̃ж̇им̣су, д̇з д̇ад̇т̇а ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇им̣су, амад̇д̇аа самаанаа на бамаад̣̇ам̣ аабаж̇ж̇им̣су, аббамад̇д̇аа самаанаа на яат̇аагаамагаран̣ийяаа ахзсум̣ нзваабигасса амусмим̣ ниваабз.
‘‘Tatra nevāpikassa ca nevāpikaparisāya ca etadahosi – ‘saṭhāssunāmime tatiyā migajātā ketabino, iddhimantāssunāmime tatiyā migajātā parajanā, imañca nāma nivāpaṃ nivuttaṃ paribhuñjanti. Na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīti daṇḍavākarāhi samantā sappadesaṃ anuparivāreyyāma, appeva nāma tatiyānaṃ migajātānaṃ āsayaṃ passeyyāma, yattha te gāhaṃ gaccheyyu’nti. Te amuṃ nivāpaṃ nivuttaṃ mahatīti daṇḍavākarāhi samantā sappadesaṃ anuparivāresuṃ. Addasaṃsu kho nevāpiko ca nevāpikaparisā ca tatiyānaṃ migajātānaṃ āsayaṃ, yattha te gāhaṃ agamaṃsu. Evañhi te tatiyāpi migajātā na parimucciṃsu nevāpikassa iddhānubhāvā. Yaṃnūna mayaṃ yattha agati nevāpikassa ca nevāpikaparisāya ca tatrāsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te yattha agati nevāpikassa ca nevāpikaparisāya ca tatrāsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
‘‘д̇ад̇ра, бхигкавз, нзваабигасса жа нзваабигабарисааяа жа зд̇ад̣̇ахоси – ‘сатаассунаамимз жад̇уд̇т̇аа миг̇аж̇аад̇аа гзд̇аб̣ино, ид̣̇д̇химанд̇аассунаамимз жад̇уд̇т̇аа миг̇аж̇аад̇аа бараж̇анаа. иман̃жа наама ниваабам̣ нивуд̇д̇ам̣ барибхун̃ж̇анд̇и, на жа нзсам̣ ж̇аанаама ааг̇ад̇им̣ ваа г̇ад̇им̣ ваа. яам̣нууна маяам̣ имам̣ ниваабам̣ нивуд̇д̇ам̣ махад̇ийхи д̣̇ан̣д̣аваагараахи саманд̇аа саббад̣̇зсам̣ анубариваарзяяаама, аббзва наама жад̇уд̇т̇аанам̣ миг̇аж̇аад̇аанам̣ аасаяам̣ бассзяяаама яад̇т̇а д̇з г̇аахам̣ г̇ажчзяяу’нд̇и. д̇з амум̣ ниваабам̣ нивуд̇д̇ам̣ махад̇ийхи д̣̇ан̣д̣аваагараахи саманд̇аа саббад̣̇зсам̣ анубариваарзсум̣. нзва ко, бхигкавз, ад̣̇д̣̇асам̣су нзваабиго жа нзваабигабарисаа жа жад̇уд̇т̇аанам̣ миг̇аж̇аад̇аанам̣ аасаяам̣, яад̇т̇а д̇з г̇аахам̣ г̇ажчзяяум̣. д̇ад̇ра, бхигкавз, нзваабигасса жа нзваабигабарисааяа жа зд̇ад̣̇ахоси – ‘сажз ко маяам̣ жад̇уд̇т̇з миг̇аж̇аад̇з гхаддзссаама, д̇з гхаддид̇аа ан̃н̃з гхаддиссанд̇и д̇з гхаддид̇аа ан̃н̃з гхаддиссанд̇и. звам̣ имам̣ ниваабам̣ нивуд̇д̇ам̣ саб̣б̣асо миг̇аж̇аад̇аа баримун̃жиссанд̇и. яам̣нууна маяам̣ жад̇уд̇т̇з миг̇аж̇аад̇з аж̇жхубзгкзяяаамаа’д̇и. аж̇жхубзгким̣су ко, бхигкавз, нзваабиго жа нзваабигабарисаа жа жад̇уд̇т̇з миг̇аж̇аад̇з. зван̃хи д̇з, бхигкавз, жад̇уд̇т̇аа миг̇аж̇аад̇аа баримужжим̣су нзваабигасса ид̣̇д̇хаанубхааваа.
‘‘Tatra, bhikkhave, nevāpikassa ca nevāpikaparisāya ca etadahosi – ‘saṭhāssunāmime catutthā migajātā ketabino, iddhimantāssunāmime catutthā migajātā parajanā. Imañca nāma nivāpaṃ nivuttaṃ paribhuñjanti, na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāreyyāma, appeva nāma catutthānaṃ migajātānaṃ āsayaṃ passeyyāma yattha te gāhaṃ gaccheyyu’nti. Te amuṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāresuṃ. Neva kho, bhikkhave, addasaṃsu nevāpiko ca nevāpikaparisā ca catutthānaṃ migajātānaṃ āsayaṃ, yattha te gāhaṃ gaccheyyuṃ. Tatra, bhikkhave, nevāpikassa ca nevāpikaparisāya ca etadahosi – ‘sace kho mayaṃ catutthe migajāte ghaṭṭessāma, te ghaṭṭitā aññe ghaṭṭissanti te ghaṭṭitā aññe ghaṭṭissanti. Evaṃ imaṃ nivāpaṃ nivuttaṃ sabbaso migajātā parimuñcissanti. Yaṃnūna mayaṃ catutthe migajāte ajjhupekkheyyāmā’ti. Ajjhupekkhiṃsu kho, bhikkhave, nevāpiko ca nevāpikaparisā ca catutthe migajāte. Evañhi te, bhikkhave, catutthā migajātā parimucciṃsu nevāpikassa iddhānubhāvā.
266. ‘‘убамаа ко мз аяам̣, бхигкавз, гад̇аа ад̇т̇асса вин̃н̃аабанааяа. аяам̣ жзвзд̇т̇а ад̇т̇о – ниваабод̇и ко, бхигкавз, бан̃жаннзд̇ам̣ гаамаг̇ун̣аанам̣ ад̇хиважанам̣. нзваабигод̇и ко, бхигкавз, маарассзд̇ам̣ баабимад̇о ад̇хиважанам̣. нзваабигабарисаад̇и ко, бхигкавз, маарабарисааязд̇ам̣ ад̇хиважанам̣. миг̇аж̇аад̇аад̇и ко, бхигкавз, саман̣аб̣раахман̣аанамзд̇ам̣ ад̇хиважанам̣.
266. ‘‘Upamā kho me ayaṃ, bhikkhave, katā atthassa viññāpanāya. Ayaṃ cevettha attho – nivāpoti kho, bhikkhave, pañcannetaṃ kāmaguṇānaṃ adhivacanaṃ. Nevāpikoti kho, bhikkhave, mārassetaṃ pāpimato adhivacanaṃ. Nevāpikaparisāti kho, bhikkhave, māraparisāyetaṃ adhivacanaṃ. Migajātāti kho, bhikkhave, samaṇabrāhmaṇānametaṃ adhivacanaṃ.
267. ‘‘д̇ад̇ра, бхигкавз, батамаа саман̣аб̣раахман̣аа амум̣ ниваабам̣ нивуд̇д̇ам̣ маарасса амууни жа логаамисаани анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз . зван̃хи д̇з, бхигкавз, батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. сзяяат̇ааби д̇з, бхигкавз, батамаа миг̇аж̇аад̇аа д̇ат̇уубамз ахам̣ имз батамз саман̣аб̣раахман̣з вад̣̇аами.
267. ‘‘Tatra, bhikkhave, paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise . Evañhi te, bhikkhave, paṭhamā samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, paṭhamā migajātā tathūpame ahaṃ ime paṭhame samaṇabrāhmaṇe vadāmi.
268. ‘‘д̇ад̇ра, бхигкавз, д̣̇уд̇ияаа саман̣аб̣раахман̣аа звам̣ самажинд̇зсум̣ – ‘яз ко д̇з батамаа саман̣аб̣раахман̣аа амум̣ ниваабам̣ нивуд̇д̇ам̣ маарасса амууни жа логаамисаани анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа логаамисаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа логаамисаа бадивирамим̣су, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаад̇и. д̇з саб̣б̣асо ниваабабхож̇анаа логаамисаа бадивирамим̣су, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарим̣су. д̇з д̇ад̇т̇а саагабхагкааби ахзсум̣, саамаагабхагкааби ахзсум̣, нийваарабхагкааби ахзсум̣, д̣̇ад̣̇д̣̇улабхагкааби ахзсум̣, хадабхагкааби ахзсум̣, ган̣абхагкааби ахзсум̣, аажаамабхагкааби ахзсум̣, бин̃н̃аагабхагкааби ахзсум̣, д̇ин̣абхагкааби ахзсум̣, г̇омаяабхагкааби ахзсум̣, ванамуулапалаахаараа яаабзсум̣ бавад̇д̇апалабхож̇ий.
268. ‘‘Tatra, bhikkhave, dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu, bhayabhogā paṭiviratā araññāyatanāni ajjhogāhetvā vihareyyāmāti. Te sabbaso nivāpabhojanā lokāmisā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Te tattha sākabhakkhāpi ahesuṃ, sāmākabhakkhāpi ahesuṃ, nīvārabhakkhāpi ahesuṃ, daddulabhakkhāpi ahesuṃ, haṭabhakkhāpi ahesuṃ, kaṇabhakkhāpi ahesuṃ, ācāmabhakkhāpi ahesuṃ, piññākabhakkhāpi ahesuṃ, tiṇabhakkhāpi ahesuṃ, gomayabhakkhāpi ahesuṃ, vanamūlaphalāhārā yāpesuṃ pavattaphalabhojī.
‘‘д̇зсам̣ г̇имхаанам̣ бажчимз маасз, д̇ин̣од̣̇агасан̇каяз, ад̇химад̇д̇агасимаанам̣ бад̇д̇о гааяо ход̇и. д̇зсам̣ ад̇химад̇д̇агасимаанам̣ бад̇д̇агааяаанам̣ б̣алавийрияам̣ барихааяи. б̣алавийрияз барихийнз жзд̇овимуд̇д̇и барихааяи. жзд̇овимуд̇д̇ияаа барихийнааяа д̇амзва ниваабам̣ нивуд̇д̇ам̣ маарасса бажжааг̇амим̣су д̇аани жа логаамисаани. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз. зван̃хи д̇з, бхигкавз, д̣̇уд̇ияааби саман̣аб̣раахман̣аа на баримужжим̣су маарасса ид̣̇д̇хаанубхааваа. сзяяат̇ааби д̇з, бхигкавз, д̣̇уд̇ияаа миг̇аж̇аад̇аа д̇ат̇уубамз ахам̣ имз д̣̇уд̇ияз саман̣аб̣раахман̣з вад̣̇аами.
‘‘Tesaṃ gimhānaṃ pacchime māse, tiṇodakasaṅkhaye, adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne cetovimutti parihāyi. Cetovimuttiyā parihīnāya tameva nivāpaṃ nivuttaṃ mārassa paccāgamiṃsu tāni ca lokāmisāni. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, dutiyāpi samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, dutiyā migajātā tathūpame ahaṃ ime dutiye samaṇabrāhmaṇe vadāmi.
269. ‘‘д̇ад̇ра, бхигкавз, д̇ад̇ияаа саман̣аб̣раахман̣аа звам̣ самажинд̇зсум̣ – ‘яз ко д̇з батамаа саман̣аб̣раахман̣аа амум̣ ниваабам̣ нивуд̇д̇ам̣ маарасса амууни жа логаамисаани…бз…. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. язби д̇з д̣̇уд̇ияаа саман̣аб̣раахман̣аа звам̣ самажинд̇зсум̣ – ‘яз ко д̇з батамаа саман̣аб̣раахман̣аа амум̣ ниваабам̣ нивуд̇д̇ам̣ маарасса амууни жа логаамисаани…бз…. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа логаамисаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа логаамисаа бадивирамим̣су. бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарим̣су. д̇з д̇ад̇т̇а саагабхагкааби ахзсум̣…бз… бавад̇д̇апалабхож̇ий. д̇зсам̣ г̇имхаанам̣ бажчимз маасз д̇ин̣од̣̇агасан̇каяз ад̇химад̇д̇агасимаанам̣ бад̇д̇о гааяо ход̇и. д̇зсам̣ ад̇химад̇д̇агасимаанам̣ бад̇д̇агааяаанам̣ б̣алавийрияам̣ барихааяи, б̣алавийрияз барихийнз жзд̇овимуд̇д̇и барихааяи, жзд̇овимуд̇д̇ияаа барихийнааяа д̇амзва ниваабам̣ нивуд̇д̇ам̣ маарасса бажжааг̇амим̣су д̇аани жа логаамисаани. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇им̣су. д̇з д̇ад̇т̇а анубакаж̇ж̇а мужчид̇аа бхож̇анаани бхун̃ж̇амаанаа мад̣̇ам̣ аабаж̇ж̇им̣су, мад̇д̇аа самаанаа бамаад̣̇ам̣ аабаж̇ж̇им̣су, бамад̇д̇аа самаанаа яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз. зван̃хи д̇з д̣̇уд̇ияааби саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ амум̣ ниваабам̣ нивуд̇д̇ам̣ маарасса амууни жа логаамисаани убаниссааяа аасаяам̣ габбзяяаама, д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ маарасса амууни жа логаамисаани ананубакаж̇ж̇а амужчид̇аа бхож̇анаани бхун̃ж̇иссаама, ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇иссаама, амад̇д̇аа самаанаа на бамаад̣̇ам̣ аабаж̇ж̇иссаама, аббамад̇д̇аа самаанаа на яат̇аагаамагаран̣ийяаа бхависсаама маарасса амусмим̣ ниваабз амусмин̃жа логаамисз’’д̇и.
269. ‘‘Tatra, bhikkhave, tatiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu. Bhayabhogā paṭiviratā araññāyatanāni ajjhogāhetvā vihariṃsu. Te tattha sākabhakkhāpi ahesuṃ…pe… pavattaphalabhojī. Tesaṃ gimhānaṃ pacchime māse tiṇodakasaṅkhaye adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi, balavīriye parihīne cetovimutti parihāyi, cetovimuttiyā parihīnāya tameva nivāpaṃ nivuttaṃ mārassa paccāgamiṃsu tāni ca lokāmisāni. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmise’’ti.
‘‘д̇з амум̣ ниваабам̣ нивуд̇д̇ам̣ маарасса амууни жа логаамисаани убаниссааяа аасаяам̣ габбаяим̣су. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ маарасса амууни жа логаамисаани ананубакаж̇ж̇а амужчид̇аа бхож̇анаани бхун̃ж̇им̣су. д̇з д̇ад̇т̇а ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇им̣су, амад̇д̇аа самаанаа на бамаад̣̇ам̣ аабаж̇ж̇им̣су, аббамад̇д̇аа самаанаа на яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз . аби жа ко звам̣д̣̇идтигаа ахзсум̣ – сассад̇о лого ид̇иби, асассад̇о лого ид̇иби; анд̇аваа лого ид̇иби, ананд̇аваа лого ид̇иби; д̇ам̣ ж̇ийвам̣ д̇ам̣ сарийрам̣ ид̇иби, ан̃н̃ам̣ ж̇ийвам̣ ан̃н̃ам̣ сарийрам̣ ид̇иби; ход̇и д̇ат̇ааг̇ад̇о барам̣ маран̣аа ид̇иби, на ход̇и д̇ат̇ааг̇ад̇о барам̣ маран̣аа ид̇иби, ход̇и жа на жа ход̇и д̇ат̇ааг̇ад̇о барам̣ маран̣аа ид̇иби, нзва ход̇и на на ход̇и д̇ат̇ааг̇ад̇о барам̣ маран̣аа ид̇иби . зван̃хи д̇з, бхигкавз, д̇ад̇ияааби саман̣аб̣раахман̣аа на баримужжим̣су маарасса ид̣̇д̇хаанубхааваа. сзяяат̇ааби д̇з, бхигкавз, д̇ад̇ияаа миг̇аж̇аад̇аа д̇ат̇уубамз ахам̣ имз д̇ад̇ияз саман̣аб̣раахман̣з вад̣̇аами.
‘‘Te amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu. Te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise . Api ca kho evaṃdiṭṭhikā ahesuṃ – sassato loko itipi, asassato loko itipi; antavā loko itipi, anantavā loko itipi; taṃ jīvaṃ taṃ sarīraṃ itipi, aññaṃ jīvaṃ aññaṃ sarīraṃ itipi; hoti tathāgato paraṃ maraṇā itipi, na hoti tathāgato paraṃ maraṇā itipi, hoti ca na ca hoti tathāgato paraṃ maraṇā itipi, neva hoti na na hoti tathāgato paraṃ maraṇā itipi . Evañhi te, bhikkhave, tatiyāpi samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, tatiyā migajātā tathūpame ahaṃ ime tatiye samaṇabrāhmaṇe vadāmi.
270. ‘‘д̇ад̇ра, бхигкавз, жад̇уд̇т̇аа саман̣аб̣раахман̣аа звам̣ самажинд̇зсум̣ – ‘яз ко д̇з батамаа саман̣аб̣раахман̣аа амум̣ ниваабам̣ нивуд̇д̇ам̣ маарасса…бз…. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. язби д̇з д̣̇уд̇ияаа саман̣аб̣раахман̣аа звам̣ самажинд̇зсум̣ – ‘яз ко д̇з батамаа саман̣аб̣раахман̣аа…бз…. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа логаамисаа бадивирамзяяаама бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа логаамисаа бадивирамим̣су…бз…. зван̃хи д̇з д̣̇уд̇ияааби саман̣аб̣раахман̣аа на баримужжим̣су маарасса ид̣̇д̇хаанубхааваа. язби д̇з д̇ад̇ияаа саман̣аб̣раахман̣аа звам̣ самажинд̇зсум̣ яз ко д̇з батамаа саман̣аб̣раахман̣аа …бз…. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. язби д̇з д̣̇уд̇ияаа саман̣аб̣раахман̣аа звам̣ самажинд̇зсум̣ яз ко д̇з батамаа саман̣аб̣раахман̣аа…бз…. зван̃хи д̇з батамаа саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ саб̣б̣асо ниваабабхож̇анаа логаамисаа бадивирамзяяаама, бхаяабхог̇аа бадивирад̇аа аран̃н̃ааяад̇анаани аж̇жхог̇аахзд̇ваа вихарзяяаамаа’д̇и. д̇з саб̣б̣асо ниваабабхож̇анаа логаамисаа бадивирамим̣су…бз…. зван̃хи д̇з д̣̇уд̇ияааби саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ амум̣ ниваабам̣ нивуд̇д̇ам̣ маарасса амууни жа логаамисаани убаниссааяа аасаяам̣ габбзяяаама. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ маарасса амууни жа логаамисаани ананубакаж̇ж̇а амужчид̇аа бхож̇анаани бхун̃ж̇иссаама, ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇иссаама, амад̇д̇аа самаанаа на бамаад̣̇ам̣ аабаж̇ж̇иссаама, аббамад̇д̇аа самаанаа на яат̇аагаамагаран̣ийяаа бхависсаама маарасса амусмим̣ ниваабз амусмин̃жа логаамисзд̇и.
270. ‘‘Tatra, bhikkhave, catutthā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu…pe…. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yepi te tatiyā samaṇabrāhmaṇā evaṃ samacintesuṃ ye kho te paṭhamā samaṇabrāhmaṇā …pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ ye kho te paṭhamā samaṇabrāhmaṇā…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu…pe…. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappeyyāma. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmiseti.
‘‘д̇з амум̣ ниваабам̣ нивуд̇д̇ам̣ маарасса амууни жа логаамисаани убаниссааяа аасаяам̣ габбаяим̣су. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ маарасса амууни жа логаамисаани ананубакаж̇ж̇а амужчид̇аа бхож̇анаани бхун̃ж̇им̣су. д̇з д̇ад̇т̇а ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇им̣су. амад̇д̇аа самаанаа на бамаад̣̇ам̣ аабаж̇ж̇им̣су. аббамад̇д̇аа самаанаа на яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз. аби жа ко звам̣д̣̇идтигаа ахзсум̣ сассад̇о лого ид̇иби…бз… нзва ход̇и на на ход̇и д̇ат̇ааг̇ад̇о барам̣ маран̣аа ид̇иби. зван̃хи д̇з д̇ад̇ияааби саман̣аб̣раахман̣аа на баримужжим̣су маарасса ид̣̇д̇хаанубхааваа. яам̣нууна маяам̣ яад̇т̇а аг̇ад̇и маарасса жа маарабарисааяа жа д̇ад̇раасаяам̣ габбзяаама. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ маарасса амууни жа логаамисаани ананубакаж̇ж̇а амужчид̇аа бхож̇анаани бхун̃ж̇иссаама, ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇иссаама, амад̇д̇аа самаанаа на бамаад̣̇ам̣ аабаж̇ж̇иссаама, аббамад̇д̇аа самаанаа на яат̇аагаамагаран̣ийяаа бхависсаама маарасса амусмим̣ ниваабз амусмин̃жа логаамисзд̇и.
‘‘Te amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu. Te tattha ananupakhajja amucchitā bhojanāni bhuñjamānā na madaṃ āpajjiṃsu. Amattā samānā na pamādaṃ āpajjiṃsu. Appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Api ca kho evaṃdiṭṭhikā ahesuṃ sassato loko itipi…pe… neva hoti na na hoti tathāgato paraṃ maraṇā itipi. Evañhi te tatiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ yattha agati mārassa ca māraparisāya ca tatrāsayaṃ kappeyāma. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmiseti.
‘‘д̇з яад̇т̇а аг̇ад̇и маарасса жа маарабарисааяа жа д̇ад̇раасаяам̣ габбаяим̣су. д̇ад̇раасаяам̣ габбзд̇ваа амум̣ ниваабам̣ нивуд̇д̇ам̣ маарасса амууни жа логаамисаани ананубакаж̇ж̇а амужчид̇аа бхож̇анаани бхун̃ж̇им̣су, д̇з д̇ад̇т̇а ананубакаж̇ж̇а амужчид̇аа бхож̇анаани бхун̃ж̇амаанаа на мад̣̇ам̣ аабаж̇ж̇им̣су, амад̇д̇аа самаанаа на бамаад̣̇ам̣ аабаж̇ж̇им̣су, аббамад̇д̇аа самаанаа на яат̇аагаамагаран̣ийяаа ахзсум̣ маарасса амусмим̣ ниваабз амусмин̃жа логаамисз. зван̃хи д̇з, бхигкавз, жад̇уд̇т̇аа саман̣аб̣раахман̣аа баримужжим̣су маарасса ид̣̇д̇хаанубхааваа. сзяяат̇ааби д̇з, бхигкавз, жад̇уд̇т̇аа миг̇аж̇аад̇аа д̇ат̇уубамз ахам̣ имз жад̇уд̇т̇з саман̣аб̣раахман̣з вад̣̇аами.
‘‘Te yattha agati mārassa ca māraparisāya ca tatrāsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, catutthā samaṇabrāhmaṇā parimucciṃsu mārassa iddhānubhāvā. Seyyathāpi te, bhikkhave, catutthā migajātā tathūpame ahaṃ ime catutthe samaṇabrāhmaṇe vadāmi.
271. ‘‘гат̇ан̃жа, бхигкавз, аг̇ад̇и маарасса жа маарабарисааяа жа? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, бхигку анд̇хамагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о.
271. ‘‘Kathañca, bhikkhave, agati mārassa ca māraparisāya ca? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayaṃ vuccati, bhikkhave, bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato.
‘‘буна жабарам̣, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз…бз… баабимад̇о.
‘‘Puna caparaṃ, bhikkhave, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘буна жабарам̣, бхигкавз, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и. бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, бхигкавз, бхигку анд̇хамагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о д̇ин̣н̣о логз висад̇д̇ига’’нд̇и.
‘‘Puna caparaṃ, bhikkhave, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati. Paññāya cassa disvā āsavā parikkhīṇā honti. Ayaṃ vuccati, bhikkhave, bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato tiṇṇo loke visattika’’nti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
ниваабасуд̇д̇ам̣ нидтид̇ам̣ бан̃жамам̣.
Nivāpasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. ниваабасуд̇д̇аван̣н̣анаа • 5. Nivāpasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. ниваабасуд̇д̇аван̣н̣анаа • 5. Nivāpasuttavaṇṇanā
