| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੫. ਨਿવਾਪਸੁਤ੍ਤਂ
5. Nivāpasuttaṃ
੨੬੧. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਭਿਕ੍ਖવੋ’’ਤਿ। ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
261. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ਨ , ਭਿਕ੍ਖવੇ, ਨੇવਾਪਿਕੋ ਨਿવਾਪਂ ਨਿવਪਤਿ ਮਿਗਜਾਤਾਨਂ – ‘ਇਮਂ ਮੇ ਨਿવਾਪਂ ਨਿવੁਤ੍ਤਂ ਮਿਗਜਾਤਾ ਪਰਿਭੁਞ੍ਜਨ੍ਤਾ ਦੀਘਾਯੁਕਾ વਣ੍ਣવਨ੍ਤੋ ਚਿਰਂ ਦੀਘਮਦ੍ਧਾਨਂ ਯਾਪੇਨ੍ਤੂ’ਤਿ। ਏવਞ੍ਚ ਖੋ, ਭਿਕ੍ਖવੇ, ਨੇવਾਪਿਕੋ ਨਿવਾਪਂ ਨਿવਪਤਿ ਮਿਗਜਾਤਾਨਂ – ‘ਇਮਂ ਮੇ ਨਿવਾਪਂ ਨਿવੁਤ੍ਤਂ ਮਿਗਜਾਤਾ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਨ੍ਤਿ, ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਸ੍ਸਨ੍ਤਿ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਸ੍ਸਨ੍ਤਿ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਭવਿਸ੍ਸਨ੍ਤਿ ਇਮਸ੍ਮਿਂ ਨਿવਾਪੇ’ਤਿ।
‘‘Na , bhikkhave, nevāpiko nivāpaṃ nivapati migajātānaṃ – ‘imaṃ me nivāpaṃ nivuttaṃ migajātā paribhuñjantā dīghāyukā vaṇṇavanto ciraṃ dīghamaddhānaṃ yāpentū’ti. Evañca kho, bhikkhave, nevāpiko nivāpaṃ nivapati migajātānaṃ – ‘imaṃ me nivāpaṃ nivuttaṃ migajātā anupakhajja mucchitā bhojanāni bhuñjissanti, anupakhajja mucchitā bhojanāni bhuñjamānā madaṃ āpajjissanti, mattā samānā pamādaṃ āpajjissanti, pamattā samānā yathākāmakaraṇīyā bhavissanti imasmiṃ nivāpe’ti.
੨੬੨. ‘‘ਤਤ੍ਰ, ਭਿਕ੍ਖવੇ, ਪਠਮਾ ਮਿਗਜਾਤਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ, ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ। ਏવਞ੍ਹਿ ਤੇ, ਭਿਕ੍ਖવੇ, ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ।
262. ‘‘Tatra, bhikkhave, paṭhamā migajātā amuṃ nivāpaṃ nivuttaṃ nevāpikassa anupakhajja mucchitā bhojanāni bhuñjiṃsu, te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te, bhikkhave, paṭhamā migajātā na parimucciṃsu nevāpikassa iddhānubhāvā.
੨੬੩. ‘‘ਤਤ੍ਰ, ਭਿਕ੍ਖવੇ, ਦੁਤਿਯਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਮਿਗਜਾਤਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ। ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮਿਂਸੁ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰਿਂਸੁ। ਤੇਸਂ ਗਿਮ੍ਹਾਨਂ ਪਚ੍ਛਿਮੇ ਮਾਸੇ, ਤਿਣੋਦਕਸਙ੍ਖਯੇ, ਅਧਿਮਤ੍ਤਕਸਿਮਾਨਂ ਪਤ੍ਤੋ ਕਾਯੋ ਹੋਤਿ। ਤੇਸਂ ਅਧਿਮਤ੍ਤਕਸਿਮਾਨਂ ਪਤ੍ਤਕਾਯਾਨਂ ਬਲવੀਰਿਯਂ ਪਰਿਹਾਯਿ। ਬਲવੀਰਿਯੇ ਪਰਿਹੀਨੇ ਤਮੇવ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਪਚ੍ਚਾਗਮਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ। ਏવਞ੍ਹਿ ਤੇ, ਭਿਕ੍ਖવੇ, ਦੁਤਿਯਾਪਿ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ।
263. ‘‘Tatra, bhikkhave, dutiyā migajātā evaṃ samacintesuṃ – ‘ye kho te paṭhamā migajātā amuṃ nivāpaṃ nivuttaṃ nevāpikassa anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Tesaṃ gimhānaṃ pacchime māse, tiṇodakasaṅkhaye, adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne tameva nivāpaṃ nivuttaṃ nevāpikassa paccāgamiṃsu. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te, bhikkhave, dutiyāpi migajātā na parimucciṃsu nevāpikassa iddhānubhāvā.
੨੬੪. ‘‘ਤਤ੍ਰ , ਭਿਕ੍ਖવੇ, ਤਤਿਯਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਮਿਗਜਾਤਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ…ਪੇ॰… ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਦੁਤਿਯਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ – ਯੇ ਖੋ ਤੇ ਪਠਮਾ ਮਿਗਜਾਤਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ…ਪੇ॰… ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮਿਂਸੁ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰਿਂਸੁ। ਤੇਸਂ ਗਿਮ੍ਹਾਨਂ ਪਚ੍ਛਿਮੇ ਮਾਸੇ ਤਿਣੋਦਕਸਙ੍ਖਯੇ ਅਧਿਮਤ੍ਤਕਸਿਮਾਨਂ ਪਤ੍ਤੋ ਕਾਯੋ ਹੋਤਿ। ਤੇਸਂ ਅਧਿਮਤ੍ਤਕਸਿਮਾਨਂ ਪਤ੍ਤਕਾਯਾਨਂ ਬਲવੀਰਿਯਂ ਪਰਿਹਾਯਿ। ਬਲવੀਰਿਯੇ ਪਰਿਹੀਨੇ ਤਮੇવ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਪਚ੍ਚਾਗਮਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ। ਏવਞ੍ਹਿ ਤੇ ਦੁਤਿਯਾਪਿ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਉਪਨਿਸ੍ਸਾਯ ਆਸਯਂ ਕਪ੍ਪੇਯ੍ਯਾਮ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਾਮ, ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਸ੍ਸਾਮ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਸ੍ਸਾਮ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਭવਿਸ੍ਸਾਮ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ’ਤਿ। ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਉਪਨਿਸ੍ਸਾਯ ਆਸਯਂ ਕਪ੍ਪਯਿਂਸੁ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ, ਤੇ ਤਤ੍ਥ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਂਸੁ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਂਸੁ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ।
264. ‘‘Tatra , bhikkhave, tatiyā migajātā evaṃ samacintesuṃ – ‘ye kho te paṭhamā migajātā amuṃ nivāpaṃ nivuttaṃ nevāpikassa…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ – ye kho te paṭhamā migajātā amuṃ nivāpaṃ nivuttaṃ nevāpikassa…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmāti. Te sabbaso nivāpabhojanā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Tesaṃ gimhānaṃ pacchime māse tiṇodakasaṅkhaye adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne tameva nivāpaṃ nivuttaṃ nevāpikassa paccāgamiṃsu. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te dutiyāpi migajātā na parimucciṃsu nevāpikassa iddhānubhāvā. Yaṃnūna mayaṃ amuṃ nivāpaṃ nivuttaṃ nevāpikassa upanissāya āsayaṃ kappeyyāma. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te amuṃ nivāpaṃ nivuttaṃ nevāpikassa upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
‘‘ਤਤ੍ਰ, ਭਿਕ੍ਖવੇ, ਨੇવਾਪਿਕਸ੍ਸ ਚ ਨੇવਾਪਿਕਪਰਿਸਾਯ ਚ ਏਤਦਹੋਸਿ – ‘ਸਠਾਸ੍ਸੁਨਾਮਿਮੇ ਤਤਿਯਾ ਮਿਗਜਾਤਾ ਕੇਤਬਿਨੋ, ਇਦ੍ਧਿਮਨ੍ਤਾਸ੍ਸੁਨਾਮਿਮੇ ਤਤਿਯਾ ਮਿਗਜਾਤਾ ਪਰਜਨਾ; ਇਮਞ੍ਚ ਨਾਮ ਨਿવਾਪਂ ਨਿવੁਤ੍ਤਂ ਪਰਿਭੁਞ੍ਜਨ੍ਤਿ, ਨ ਚ ਨੇਸਂ ਜਾਨਾਮ ਆਗਤਿਂ વਾ ਗਤਿਂ વਾ। ਯਂਨੂਨ ਮਯਂ ਇਮਂ ਨਿવਾਪਂ ਨਿવੁਤ੍ਤਂ ਮਹਤੀਹਿ ਦਣ੍ਡવਾਕਰਾਹਿ 1 ਸਮਨ੍ਤਾ ਸਪ੍ਪਦੇਸਂ ਅਨੁਪਰਿવਾਰੇਯ੍ਯਾਮ – ਅਪ੍ਪੇવ ਨਾਮ ਤਤਿਯਾਨਂ ਮਿਗਜਾਤਾਨਂ ਆਸਯਂ ਪਸ੍ਸੇਯ੍ਯਾਮ, ਯਤ੍ਥ ਤੇ ਗਾਹਂ ਗਚ੍ਛੇਯ੍ਯੁ’ਨ੍ਤਿ। ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਮਹਤੀਹਿ ਦਣ੍ਡવਾਕਰਾਹਿ ਸਮਨ੍ਤਾ ਸਪ੍ਪਦੇਸਂ ਅਨੁਪਰਿવਾਰੇਸੁਂ। ਅਦ੍ਦਸਂਸੁ ਖੋ, ਭਿਕ੍ਖવੇ, ਨੇવਾਪਿਕੋ ਚ ਨੇવਾਪਿਕਪਰਿਸਾ ਚ ਤਤਿਯਾਨਂ ਮਿਗਜਾਤਾਨਂ ਆਸਯਂ, ਯਤ੍ਥ ਤੇ ਗਾਹਂ ਅਗਮਂਸੁ। ਏવਞ੍ਹਿ ਤੇ, ਭਿਕ੍ਖવੇ, ਤਤਿਯਾਪਿ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ।
‘‘Tatra, bhikkhave, nevāpikassa ca nevāpikaparisāya ca etadahosi – ‘saṭhāssunāmime tatiyā migajātā ketabino, iddhimantāssunāmime tatiyā migajātā parajanā; imañca nāma nivāpaṃ nivuttaṃ paribhuñjanti, na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīhi daṇḍavākarāhi 2 samantā sappadesaṃ anuparivāreyyāma – appeva nāma tatiyānaṃ migajātānaṃ āsayaṃ passeyyāma, yattha te gāhaṃ gaccheyyu’nti. Te amuṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāresuṃ. Addasaṃsu kho, bhikkhave, nevāpiko ca nevāpikaparisā ca tatiyānaṃ migajātānaṃ āsayaṃ, yattha te gāhaṃ agamaṃsu. Evañhi te, bhikkhave, tatiyāpi migajātā na parimucciṃsu nevāpikassa iddhānubhāvā.
੨੬੫. ‘‘ਤਤ੍ਰ, ਭਿਕ੍ਖવੇ, ਚਤੁਤ੍ਥਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਮਿਗਜਾਤਾ…ਪੇ॰… ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਦੁਤਿਯਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ ‘ਯੇ ਖੋ ਤੇ ਪਠਮਾ ਮਿਗਜਾਤਾ…ਪੇ॰… ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮਿਂਸੁ…ਪੇ॰… ਏવਞ੍ਹਿ ਤੇ ਦੁਤਿਯਾਪਿ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਤਤਿਯਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ ‘ਯੇ ਖੋ ਤੇ ਪਠਮਾ ਮਿਗਜਾਤਾ…ਪੇ॰… ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਦੁਤਿਯਾ ਮਿਗਜਾਤਾ ਏવਂ ਸਮਚਿਨ੍ਤੇਸੁਂ ‘ਯੇ ਖੋ ਤੇ ਪਠਮਾ ਮਿਗਜਾਤਾ…ਪੇ॰… ਏવਞ੍ਹਿ ਤੇ ਪਠਮਾ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਪਟਿવਿਰਮਿਂਸੁ…ਪੇ॰… ਏવਞ੍ਹਿ ਤੇ ਦੁਤਿਯਾਪਿ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਉਪਨਿਸ੍ਸਾਯ ਆਸਯਂ ਕਪ੍ਪੇਯ੍ਯਾਮ, ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਾਮ, ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਸ੍ਸਾਮ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਸ੍ਸਾਮ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਭવਿਸ੍ਸਾਮ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ’ਤਿ। ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਉਪਨਿਸ੍ਸਾਯ ਆਸਯਂ ਕਪ੍ਪਯਿਂਸੁ, ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ, ਤੇ ਤਤ੍ਥ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਂਸੁ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਂਸੁ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ।
265. ‘‘Tatra, bhikkhave, catutthā migajātā evaṃ samacintesuṃ – ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu…pe… evañhi te dutiyāpi migajātā na parimucciṃsu nevāpikassa iddhānubhāvā. Yepi te tatiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu…pe… evañhi te dutiyāpi migajātā na parimucciṃsu nevāpikassa iddhānubhāvā. Yaṃnūna mayaṃ amuṃ nivāpaṃ nivuttaṃ nevāpikassa upanissāya āsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te amuṃ nivāpaṃ nivuttaṃ nevāpikassa upanissāya āsayaṃ kappayiṃsu, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
‘‘ਤਤ੍ਰ ਨੇવਾਪਿਕਸ੍ਸ ਚ ਨੇવਾਪਿਕਪਰਿਸਾਯ ਚ ਏਤਦਹੋਸਿ – ‘ਸਠਾਸ੍ਸੁਨਾਮਿਮੇ ਤਤਿਯਾ ਮਿਗਜਾਤਾ ਕੇਤਬਿਨੋ, ਇਦ੍ਧਿਮਨ੍ਤਾਸ੍ਸੁਨਾਮਿਮੇ ਤਤਿਯਾ ਮਿਗਜਾਤਾ ਪਰਜਨਾ, ਇਮਞ੍ਚ ਨਾਮ ਨਿવਾਪਂ ਨਿવੁਤ੍ਤਂ ਪਰਿਭੁਞ੍ਜਨ੍ਤਿ। ਨ ਚ ਨੇਸਂ ਜਾਨਾਮ ਆਗਤਿਂ વਾ ਗਤਿਂ વਾ। ਯਂਨੂਨ ਮਯਂ ਇਮਂ ਨਿવਾਪਂ ਨਿવੁਤ੍ਤਂ ਮਹਤੀਤਿ ਦਣ੍ਡવਾਕਰਾਹਿ ਸਮਨ੍ਤਾ ਸਪ੍ਪਦੇਸਂ ਅਨੁਪਰਿવਾਰੇਯ੍ਯਾਮ, ਅਪ੍ਪੇવ ਨਾਮ ਤਤਿਯਾਨਂ ਮਿਗਜਾਤਾਨਂ ਆਸਯਂ ਪਸ੍ਸੇਯ੍ਯਾਮ, ਯਤ੍ਥ ਤੇ ਗਾਹਂ ਗਚ੍ਛੇਯ੍ਯੁ’ਨ੍ਤਿ। ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਮਹਤੀਤਿ ਦਣ੍ਡવਾਕਰਾਹਿ ਸਮਨ੍ਤਾ ਸਪ੍ਪਦੇਸਂ ਅਨੁਪਰਿવਾਰੇਸੁਂ। ਅਦ੍ਦਸਂਸੁ ਖੋ ਨੇવਾਪਿਕੋ ਚ ਨੇવਾਪਿਕਪਰਿਸਾ ਚ ਤਤਿਯਾਨਂ ਮਿਗਜਾਤਾਨਂ ਆਸਯਂ, ਯਤ੍ਥ ਤੇ ਗਾਹਂ ਅਗਮਂਸੁ। ਏવਞ੍ਹਿ ਤੇ ਤਤਿਯਾਪਿ ਮਿਗਜਾਤਾ ਨ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਯਤ੍ਥ ਅਗਤਿ ਨੇવਾਪਿਕਸ੍ਸ ਚ ਨੇવਾਪਿਕਪਰਿਸਾਯ ਚ ਤਤ੍ਰਾਸਯਂ ਕਪ੍ਪੇਯ੍ਯਾਮ, ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਾਮ, ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਸ੍ਸਾਮ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਸ੍ਸਾਮ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਭવਿਸ੍ਸਾਮ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ’ਤਿ। ਤੇ ਯਤ੍ਥ ਅਗਤਿ ਨੇવਾਪਿਕਸ੍ਸ ਚ ਨੇવਾਪਿਕਪਰਿਸਾਯ ਚ ਤਤ੍ਰਾਸਯਂ ਕਪ੍ਪਯਿਂਸੁ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਨੇવਾਪਿਕਸ੍ਸ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ, ਤੇ ਤਤ੍ਥ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਂਸੁ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਂਸੁ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਅਹੇਸੁਂ ਨੇવਾਪਿਕਸ੍ਸ ਅਮੁਸ੍ਮਿਂ ਨਿવਾਪੇ।
‘‘Tatra nevāpikassa ca nevāpikaparisāya ca etadahosi – ‘saṭhāssunāmime tatiyā migajātā ketabino, iddhimantāssunāmime tatiyā migajātā parajanā, imañca nāma nivāpaṃ nivuttaṃ paribhuñjanti. Na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīti daṇḍavākarāhi samantā sappadesaṃ anuparivāreyyāma, appeva nāma tatiyānaṃ migajātānaṃ āsayaṃ passeyyāma, yattha te gāhaṃ gaccheyyu’nti. Te amuṃ nivāpaṃ nivuttaṃ mahatīti daṇḍavākarāhi samantā sappadesaṃ anuparivāresuṃ. Addasaṃsu kho nevāpiko ca nevāpikaparisā ca tatiyānaṃ migajātānaṃ āsayaṃ, yattha te gāhaṃ agamaṃsu. Evañhi te tatiyāpi migajātā na parimucciṃsu nevāpikassa iddhānubhāvā. Yaṃnūna mayaṃ yattha agati nevāpikassa ca nevāpikaparisāya ca tatrāsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te yattha agati nevāpikassa ca nevāpikaparisāya ca tatrāsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
‘‘ਤਤ੍ਰ, ਭਿਕ੍ਖવੇ, ਨੇવਾਪਿਕਸ੍ਸ ਚ ਨੇવਾਪਿਕਪਰਿਸਾਯ ਚ ਏਤਦਹੋਸਿ – ‘ਸਠਾਸ੍ਸੁਨਾਮਿਮੇ ਚਤੁਤ੍ਥਾ ਮਿਗਜਾਤਾ ਕੇਤਬਿਨੋ, ਇਦ੍ਧਿਮਨ੍ਤਾਸ੍ਸੁਨਾਮਿਮੇ ਚਤੁਤ੍ਥਾ ਮਿਗਜਾਤਾ ਪਰਜਨਾ। ਇਮਞ੍ਚ ਨਾਮ ਨਿવਾਪਂ ਨਿવੁਤ੍ਤਂ ਪਰਿਭੁਞ੍ਜਨ੍ਤਿ, ਨ ਚ ਨੇਸਂ ਜਾਨਾਮ ਆਗਤਿਂ વਾ ਗਤਿਂ વਾ। ਯਂਨੂਨ ਮਯਂ ਇਮਂ ਨਿવਾਪਂ ਨਿવੁਤ੍ਤਂ ਮਹਤੀਹਿ ਦਣ੍ਡવਾਕਰਾਹਿ ਸਮਨ੍ਤਾ ਸਪ੍ਪਦੇਸਂ ਅਨੁਪਰਿવਾਰੇਯ੍ਯਾਮ, ਅਪ੍ਪੇવ ਨਾਮ ਚਤੁਤ੍ਥਾਨਂ ਮਿਗਜਾਤਾਨਂ ਆਸਯਂ ਪਸ੍ਸੇਯ੍ਯਾਮ ਯਤ੍ਥ ਤੇ ਗਾਹਂ ਗਚ੍ਛੇਯ੍ਯੁ’ਨ੍ਤਿ। ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਮਹਤੀਹਿ ਦਣ੍ਡવਾਕਰਾਹਿ ਸਮਨ੍ਤਾ ਸਪ੍ਪਦੇਸਂ ਅਨੁਪਰਿવਾਰੇਸੁਂ। ਨੇવ ਖੋ, ਭਿਕ੍ਖવੇ, ਅਦ੍ਦਸਂਸੁ ਨੇવਾਪਿਕੋ ਚ ਨੇવਾਪਿਕਪਰਿਸਾ ਚ ਚਤੁਤ੍ਥਾਨਂ ਮਿਗਜਾਤਾਨਂ ਆਸਯਂ, ਯਤ੍ਥ ਤੇ ਗਾਹਂ ਗਚ੍ਛੇਯ੍ਯੁਂ। ਤਤ੍ਰ, ਭਿਕ੍ਖવੇ, ਨੇવਾਪਿਕਸ੍ਸ ਚ ਨੇવਾਪਿਕਪਰਿਸਾਯ ਚ ਏਤਦਹੋਸਿ – ‘ਸਚੇ ਖੋ ਮਯਂ ਚਤੁਤ੍ਥੇ ਮਿਗਜਾਤੇ ਘਟ੍ਟੇਸ੍ਸਾਮ, ਤੇ ਘਟ੍ਟਿਤਾ ਅਞ੍ਞੇ ਘਟ੍ਟਿਸ੍ਸਨ੍ਤਿ ਤੇ ਘਟ੍ਟਿਤਾ ਅਞ੍ਞੇ ਘਟ੍ਟਿਸ੍ਸਨ੍ਤਿ। ਏવਂ ਇਮਂ ਨਿવਾਪਂ ਨਿવੁਤ੍ਤਂ ਸਬ੍ਬਸੋ ਮਿਗਜਾਤਾ ਪਰਿਮੁਞ੍ਚਿਸ੍ਸਨ੍ਤਿ। ਯਂਨੂਨ ਮਯਂ ਚਤੁਤ੍ਥੇ ਮਿਗਜਾਤੇ ਅਜ੍ਝੁਪੇਕ੍ਖੇਯ੍ਯਾਮਾ’ਤਿ। ਅਜ੍ਝੁਪੇਕ੍ਖਿਂਸੁ ਖੋ, ਭਿਕ੍ਖવੇ, ਨੇવਾਪਿਕੋ ਚ ਨੇવਾਪਿਕਪਰਿਸਾ ਚ ਚਤੁਤ੍ਥੇ ਮਿਗਜਾਤੇ। ਏવਞ੍ਹਿ ਤੇ, ਭਿਕ੍ਖવੇ, ਚਤੁਤ੍ਥਾ ਮਿਗਜਾਤਾ ਪਰਿਮੁਚ੍ਚਿਂਸੁ ਨੇવਾਪਿਕਸ੍ਸ ਇਦ੍ਧਾਨੁਭਾવਾ।
‘‘Tatra, bhikkhave, nevāpikassa ca nevāpikaparisāya ca etadahosi – ‘saṭhāssunāmime catutthā migajātā ketabino, iddhimantāssunāmime catutthā migajātā parajanā. Imañca nāma nivāpaṃ nivuttaṃ paribhuñjanti, na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāreyyāma, appeva nāma catutthānaṃ migajātānaṃ āsayaṃ passeyyāma yattha te gāhaṃ gaccheyyu’nti. Te amuṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāresuṃ. Neva kho, bhikkhave, addasaṃsu nevāpiko ca nevāpikaparisā ca catutthānaṃ migajātānaṃ āsayaṃ, yattha te gāhaṃ gaccheyyuṃ. Tatra, bhikkhave, nevāpikassa ca nevāpikaparisāya ca etadahosi – ‘sace kho mayaṃ catutthe migajāte ghaṭṭessāma, te ghaṭṭitā aññe ghaṭṭissanti te ghaṭṭitā aññe ghaṭṭissanti. Evaṃ imaṃ nivāpaṃ nivuttaṃ sabbaso migajātā parimuñcissanti. Yaṃnūna mayaṃ catutthe migajāte ajjhupekkheyyāmā’ti. Ajjhupekkhiṃsu kho, bhikkhave, nevāpiko ca nevāpikaparisā ca catutthe migajāte. Evañhi te, bhikkhave, catutthā migajātā parimucciṃsu nevāpikassa iddhānubhāvā.
੨੬੬. ‘‘ਉਪਮਾ ਖੋ ਮੇ ਅਯਂ, ਭਿਕ੍ਖવੇ, ਕਤਾ ਅਤ੍ਥਸ੍ਸ વਿਞ੍ਞਾਪਨਾਯ। ਅਯਂ ਚੇવੇਤ੍ਥ ਅਤ੍ਥੋ – ਨਿવਾਪੋਤਿ ਖੋ, ਭਿਕ੍ਖવੇ, ਪਞ੍ਚਨ੍ਨੇਤਂ ਕਾਮਗੁਣਾਨਂ ਅਧਿવਚਨਂ। ਨੇવਾਪਿਕੋਤਿ ਖੋ, ਭਿਕ੍ਖવੇ, ਮਾਰਸ੍ਸੇਤਂ ਪਾਪਿਮਤੋ ਅਧਿવਚਨਂ। ਨੇવਾਪਿਕਪਰਿਸਾਤਿ ਖੋ, ਭਿਕ੍ਖવੇ, ਮਾਰਪਰਿਸਾਯੇਤਂ ਅਧਿવਚਨਂ। ਮਿਗਜਾਤਾਤਿ ਖੋ, ਭਿਕ੍ਖવੇ, ਸਮਣਬ੍ਰਾਹ੍ਮਣਾਨਮੇਤਂ ਅਧਿવਚਨਂ।
266. ‘‘Upamā kho me ayaṃ, bhikkhave, katā atthassa viññāpanāya. Ayaṃ cevettha attho – nivāpoti kho, bhikkhave, pañcannetaṃ kāmaguṇānaṃ adhivacanaṃ. Nevāpikoti kho, bhikkhave, mārassetaṃ pāpimato adhivacanaṃ. Nevāpikaparisāti kho, bhikkhave, māraparisāyetaṃ adhivacanaṃ. Migajātāti kho, bhikkhave, samaṇabrāhmaṇānametaṃ adhivacanaṃ.
੨੬੭. ‘‘ਤਤ੍ਰ, ਭਿਕ੍ਖવੇ, ਪਠਮਾ ਸਮਣਬ੍ਰਾਹ੍ਮਣਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ । ਏવਞ੍ਹਿ ਤੇ, ਭਿਕ੍ਖવੇ, ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਸੇਯ੍ਯਥਾਪਿ ਤੇ, ਭਿਕ੍ਖવੇ, ਪਠਮਾ ਮਿਗਜਾਤਾ ਤਥੂਪਮੇ ਅਹਂ ਇਮੇ ਪਠਮੇ ਸਮਣਬ੍ਰਾਹ੍ਮਣੇ વਦਾਮਿ।
267. ‘‘Tatra, bhikkhave, paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise . Evañhi te, bhikkhave, paṭhamā samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, paṭhamā migajātā tathūpame ahaṃ ime paṭhame samaṇabrāhmaṇe vadāmi.
੨੬੮. ‘‘ਤਤ੍ਰ, ਭਿਕ੍ਖવੇ, ਦੁਤਿਯਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮਿਂਸੁ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮਿਂਸੁ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰਿਂਸੁ। ਤੇ ਤਤ੍ਥ ਸਾਕਭਕ੍ਖਾਪਿ ਅਹੇਸੁਂ, ਸਾਮਾਕਭਕ੍ਖਾਪਿ ਅਹੇਸੁਂ, ਨੀવਾਰਭਕ੍ਖਾਪਿ ਅਹੇਸੁਂ, ਦਦ੍ਦੁਲਭਕ੍ਖਾਪਿ ਅਹੇਸੁਂ, ਹਟਭਕ੍ਖਾਪਿ ਅਹੇਸੁਂ, ਕਣਭਕ੍ਖਾਪਿ ਅਹੇਸੁਂ, ਆਚਾਮਭਕ੍ਖਾਪਿ ਅਹੇਸੁਂ, ਪਿਞ੍ਞਾਕਭਕ੍ਖਾਪਿ ਅਹੇਸੁਂ, ਤਿਣਭਕ੍ਖਾਪਿ ਅਹੇਸੁਂ, ਗੋਮਯਭਕ੍ਖਾਪਿ ਅਹੇਸੁਂ, વਨਮੂਲਫਲਾਹਾਰਾ ਯਾਪੇਸੁਂ ਪવਤ੍ਤਫਲਭੋਜੀ।
268. ‘‘Tatra, bhikkhave, dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu, bhayabhogā paṭiviratā araññāyatanāni ajjhogāhetvā vihareyyāmāti. Te sabbaso nivāpabhojanā lokāmisā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Te tattha sākabhakkhāpi ahesuṃ, sāmākabhakkhāpi ahesuṃ, nīvārabhakkhāpi ahesuṃ, daddulabhakkhāpi ahesuṃ, haṭabhakkhāpi ahesuṃ, kaṇabhakkhāpi ahesuṃ, ācāmabhakkhāpi ahesuṃ, piññākabhakkhāpi ahesuṃ, tiṇabhakkhāpi ahesuṃ, gomayabhakkhāpi ahesuṃ, vanamūlaphalāhārā yāpesuṃ pavattaphalabhojī.
‘‘ਤੇਸਂ ਗਿਮ੍ਹਾਨਂ ਪਚ੍ਛਿਮੇ ਮਾਸੇ, ਤਿਣੋਦਕਸਙ੍ਖਯੇ, ਅਧਿਮਤ੍ਤਕਸਿਮਾਨਂ ਪਤ੍ਤੋ ਕਾਯੋ ਹੋਤਿ। ਤੇਸਂ ਅਧਿਮਤ੍ਤਕਸਿਮਾਨਂ ਪਤ੍ਤਕਾਯਾਨਂ ਬਲવੀਰਿਯਂ ਪਰਿਹਾਯਿ। ਬਲવੀਰਿਯੇ ਪਰਿਹੀਨੇ ਚੇਤੋવਿਮੁਤ੍ਤਿ ਪਰਿਹਾਯਿ। ਚੇਤੋવਿਮੁਤ੍ਤਿਯਾ ਪਰਿਹੀਨਾਯ ਤਮੇવ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਪਚ੍ਚਾਗਮਿਂਸੁ ਤਾਨਿ ਚ ਲੋਕਾਮਿਸਾਨਿ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ। ਏવਞ੍ਹਿ ਤੇ, ਭਿਕ੍ਖવੇ, ਦੁਤਿਯਾਪਿ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਸੇਯ੍ਯਥਾਪਿ ਤੇ, ਭਿਕ੍ਖવੇ, ਦੁਤਿਯਾ ਮਿਗਜਾਤਾ ਤਥੂਪਮੇ ਅਹਂ ਇਮੇ ਦੁਤਿਯੇ ਸਮਣਬ੍ਰਾਹ੍ਮਣੇ વਦਾਮਿ।
‘‘Tesaṃ gimhānaṃ pacchime māse, tiṇodakasaṅkhaye, adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne cetovimutti parihāyi. Cetovimuttiyā parihīnāya tameva nivāpaṃ nivuttaṃ mārassa paccāgamiṃsu tāni ca lokāmisāni. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, dutiyāpi samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, dutiyā migajātā tathūpame ahaṃ ime dutiye samaṇabrāhmaṇe vadāmi.
੨੬੯. ‘‘ਤਤ੍ਰ, ਭਿਕ੍ਖવੇ, ਤਤਿਯਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ…ਪੇ॰…। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਦੁਤਿਯਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ…ਪੇ॰…। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮਿਂਸੁ। ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰਿਂਸੁ। ਤੇ ਤਤ੍ਥ ਸਾਕਭਕ੍ਖਾਪਿ ਅਹੇਸੁਂ…ਪੇ॰… ਪવਤ੍ਤਫਲਭੋਜੀ। ਤੇਸਂ ਗਿਮ੍ਹਾਨਂ ਪਚ੍ਛਿਮੇ ਮਾਸੇ ਤਿਣੋਦਕਸਙ੍ਖਯੇ ਅਧਿਮਤ੍ਤਕਸਿਮਾਨਂ ਪਤ੍ਤੋ ਕਾਯੋ ਹੋਤਿ। ਤੇਸਂ ਅਧਿਮਤ੍ਤਕਸਿਮਾਨਂ ਪਤ੍ਤਕਾਯਾਨਂ ਬਲવੀਰਿਯਂ ਪਰਿਹਾਯਿ, ਬਲવੀਰਿਯੇ ਪਰਿਹੀਨੇ ਚੇਤੋવਿਮੁਤ੍ਤਿ ਪਰਿਹਾਯਿ, ਚੇਤੋવਿਮੁਤ੍ਤਿਯਾ ਪਰਿਹੀਨਾਯ ਤਮੇવ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਪਚ੍ਚਾਗਮਿਂਸੁ ਤਾਨਿ ਚ ਲੋਕਾਮਿਸਾਨਿ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨੁਪਖਜ੍ਜ ਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਮਦਂ ਆਪਜ੍ਜਿਂਸੁ, ਮਤ੍ਤਾ ਸਮਾਨਾ ਪਮਾਦਂ ਆਪਜ੍ਜਿਂਸੁ, ਪਮਤ੍ਤਾ ਸਮਾਨਾ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ। ਏવਞ੍ਹਿ ਤੇ ਦੁਤਿਯਾਪਿ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਉਪਨਿਸ੍ਸਾਯ ਆਸਯਂ ਕਪ੍ਪੇਯ੍ਯਾਮ, ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਾਮ, ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਸ੍ਸਾਮ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਸ੍ਸਾਮ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਭવਿਸ੍ਸਾਮ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ’’ਤਿ।
269. ‘‘Tatra, bhikkhave, tatiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu. Bhayabhogā paṭiviratā araññāyatanāni ajjhogāhetvā vihariṃsu. Te tattha sākabhakkhāpi ahesuṃ…pe… pavattaphalabhojī. Tesaṃ gimhānaṃ pacchime māse tiṇodakasaṅkhaye adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi, balavīriye parihīne cetovimutti parihāyi, cetovimuttiyā parihīnāya tameva nivāpaṃ nivuttaṃ mārassa paccāgamiṃsu tāni ca lokāmisāni. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmise’’ti.
‘‘ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਉਪਨਿਸ੍ਸਾਯ ਆਸਯਂ ਕਪ੍ਪਯਿਂਸੁ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਂਸੁ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਂਸੁ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ । ਅਪਿ ਚ ਖੋ ਏવਂਦਿਟ੍ਠਿਕਾ ਅਹੇਸੁਂ – ਸਸ੍ਸਤੋ ਲੋਕੋ ਇਤਿਪਿ, ਅਸਸ੍ਸਤੋ ਲੋਕੋ ਇਤਿਪਿ; ਅਨ੍ਤવਾ ਲੋਕੋ ਇਤਿਪਿ, ਅਨਨ੍ਤવਾ ਲੋਕੋ ਇਤਿਪਿ; ਤਂ ਜੀવਂ ਤਂ ਸਰੀਰਂ ਇਤਿਪਿ, ਅਞ੍ਞਂ ਜੀવਂ ਅਞ੍ਞਂ ਸਰੀਰਂ ਇਤਿਪਿ; ਹੋਤਿ ਤਥਾਗਤੋ ਪਰਂ ਮਰਣਾ ਇਤਿਪਿ, ਨ ਹੋਤਿ ਤਥਾਗਤੋ ਪਰਂ ਮਰਣਾ ਇਤਿਪਿ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾ ਇਤਿਪਿ, ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ ਇਤਿਪਿ । ਏવਞ੍ਹਿ ਤੇ, ਭਿਕ੍ਖવੇ, ਤਤਿਯਾਪਿ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਸੇਯ੍ਯਥਾਪਿ ਤੇ, ਭਿਕ੍ਖવੇ, ਤਤਿਯਾ ਮਿਗਜਾਤਾ ਤਥੂਪਮੇ ਅਹਂ ਇਮੇ ਤਤਿਯੇ ਸਮਣਬ੍ਰਾਹ੍ਮਣੇ વਦਾਮਿ।
‘‘Te amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu. Te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise . Api ca kho evaṃdiṭṭhikā ahesuṃ – sassato loko itipi, asassato loko itipi; antavā loko itipi, anantavā loko itipi; taṃ jīvaṃ taṃ sarīraṃ itipi, aññaṃ jīvaṃ aññaṃ sarīraṃ itipi; hoti tathāgato paraṃ maraṇā itipi, na hoti tathāgato paraṃ maraṇā itipi, hoti ca na ca hoti tathāgato paraṃ maraṇā itipi, neva hoti na na hoti tathāgato paraṃ maraṇā itipi . Evañhi te, bhikkhave, tatiyāpi samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, tatiyā migajātā tathūpame ahaṃ ime tatiye samaṇabrāhmaṇe vadāmi.
੨੭੦. ‘‘ਤਤ੍ਰ, ਭਿਕ੍ਖવੇ, ਚਤੁਤ੍ਥਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ…ਪੇ॰…। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਦੁਤਿਯਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ – ‘ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ…ਪੇ॰…। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮੇਯ੍ਯਾਮ ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮਿਂਸੁ…ਪੇ॰…। ਏવਞ੍ਹਿ ਤੇ ਦੁਤਿਯਾਪਿ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਤਤਿਯਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ …ਪੇ॰…। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯੇਪਿ ਤੇ ਦੁਤਿਯਾ ਸਮਣਬ੍ਰਾਹ੍ਮਣਾ ਏવਂ ਸਮਚਿਨ੍ਤੇਸੁਂ ਯੇ ਖੋ ਤੇ ਪਠਮਾ ਸਮਣਬ੍ਰਾਹ੍ਮਣਾ…ਪੇ॰…। ਏવਞ੍ਹਿ ਤੇ ਪਠਮਾ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮੇਯ੍ਯਾਮ, ਭਯਭੋਗਾ ਪਟਿવਿਰਤਾ ਅਰਞ੍ਞਾਯਤਨਾਨਿ ਅਜ੍ਝੋਗਾਹੇਤ੍વਾ વਿਹਰੇਯ੍ਯਾਮਾ’ਤਿ। ਤੇ ਸਬ੍ਬਸੋ ਨਿવਾਪਭੋਜਨਾ ਲੋਕਾਮਿਸਾ ਪਟਿવਿਰਮਿਂਸੁ…ਪੇ॰…। ਏવਞ੍ਹਿ ਤੇ ਦੁਤਿਯਾਪਿ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਉਪਨਿਸ੍ਸਾਯ ਆਸਯਂ ਕਪ੍ਪੇਯ੍ਯਾਮ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਾਮ, ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਸ੍ਸਾਮ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਸ੍ਸਾਮ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਭવਿਸ੍ਸਾਮ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇਤਿ।
270. ‘‘Tatra, bhikkhave, catutthā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu…pe…. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yepi te tatiyā samaṇabrāhmaṇā evaṃ samacintesuṃ ye kho te paṭhamā samaṇabrāhmaṇā …pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ ye kho te paṭhamā samaṇabrāhmaṇā…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu…pe…. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappeyyāma. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmiseti.
‘‘ਤੇ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਉਪਨਿਸ੍ਸਾਯ ਆਸਯਂ ਕਪ੍ਪਯਿਂਸੁ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ। ਤੇ ਤਤ੍ਥ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਂਸੁ। ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਂਸੁ। ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ। ਅਪਿ ਚ ਖੋ ਏવਂਦਿਟ੍ਠਿਕਾ ਅਹੇਸੁਂ ਸਸ੍ਸਤੋ ਲੋਕੋ ਇਤਿਪਿ…ਪੇ॰… ਨੇવ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ ਇਤਿਪਿ। ਏવਞ੍ਹਿ ਤੇ ਤਤਿਯਾਪਿ ਸਮਣਬ੍ਰਾਹ੍ਮਣਾ ਨ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਯਂਨੂਨ ਮਯਂ ਯਤ੍ਥ ਅਗਤਿ ਮਾਰਸ੍ਸ ਚ ਮਾਰਪਰਿਸਾਯ ਚ ਤਤ੍ਰਾਸਯਂ ਕਪ੍ਪੇਯਾਮ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਸ੍ਸਾਮ, ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਸ੍ਸਾਮ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਸ੍ਸਾਮ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਭવਿਸ੍ਸਾਮ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇਤਿ।
‘‘Te amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu. Te tattha ananupakhajja amucchitā bhojanāni bhuñjamānā na madaṃ āpajjiṃsu. Amattā samānā na pamādaṃ āpajjiṃsu. Appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Api ca kho evaṃdiṭṭhikā ahesuṃ sassato loko itipi…pe… neva hoti na na hoti tathāgato paraṃ maraṇā itipi. Evañhi te tatiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ yattha agati mārassa ca māraparisāya ca tatrāsayaṃ kappeyāma. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmiseti.
‘‘ਤੇ ਯਤ੍ਥ ਅਗਤਿ ਮਾਰਸ੍ਸ ਚ ਮਾਰਪਰਿਸਾਯ ਚ ਤਤ੍ਰਾਸਯਂ ਕਪ੍ਪਯਿਂਸੁ। ਤਤ੍ਰਾਸਯਂ ਕਪ੍ਪੇਤ੍વਾ ਅਮੁਂ ਨਿવਾਪਂ ਨਿવੁਤ੍ਤਂ ਮਾਰਸ੍ਸ ਅਮੂਨਿ ਚ ਲੋਕਾਮਿਸਾਨਿ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਿਂਸੁ, ਤੇ ਤਤ੍ਥ ਅਨਨੁਪਖਜ੍ਜ ਅਮੁਚ੍ਛਿਤਾ ਭੋਜਨਾਨਿ ਭੁਞ੍ਜਮਾਨਾ ਨ ਮਦਂ ਆਪਜ੍ਜਿਂਸੁ, ਅਮਤ੍ਤਾ ਸਮਾਨਾ ਨ ਪਮਾਦਂ ਆਪਜ੍ਜਿਂਸੁ, ਅਪ੍ਪਮਤ੍ਤਾ ਸਮਾਨਾ ਨ ਯਥਾਕਾਮਕਰਣੀਯਾ ਅਹੇਸੁਂ ਮਾਰਸ੍ਸ ਅਮੁਸ੍ਮਿਂ ਨਿવਾਪੇ ਅਮੁਸ੍ਮਿਞ੍ਚ ਲੋਕਾਮਿਸੇ। ਏવਞ੍ਹਿ ਤੇ, ਭਿਕ੍ਖવੇ, ਚਤੁਤ੍ਥਾ ਸਮਣਬ੍ਰਾਹ੍ਮਣਾ ਪਰਿਮੁਚ੍ਚਿਂਸੁ ਮਾਰਸ੍ਸ ਇਦ੍ਧਾਨੁਭਾવਾ। ਸੇਯ੍ਯਥਾਪਿ ਤੇ, ਭਿਕ੍ਖવੇ, ਚਤੁਤ੍ਥਾ ਮਿਗਜਾਤਾ ਤਥੂਪਮੇ ਅਹਂ ਇਮੇ ਚਤੁਤ੍ਥੇ ਸਮਣਬ੍ਰਾਹ੍ਮਣੇ વਦਾਮਿ।
‘‘Te yattha agati mārassa ca māraparisāya ca tatrāsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, catutthā samaṇabrāhmaṇā parimucciṃsu mārassa iddhānubhāvā. Seyyathāpi te, bhikkhave, catutthā migajātā tathūpame ahaṃ ime catutthe samaṇabrāhmaṇe vadāmi.
੨੭੧. ‘‘ਕਥਞ੍ਚ, ਭਿਕ੍ਖવੇ, ਅਗਤਿ ਮਾਰਸ੍ਸ ਚ ਮਾਰਪਰਿਸਾਯ ਚ? ਇਧ, ਭਿਕ੍ਖવੇ, ਭਿਕ੍ਖੁ વਿવਿਚ੍ਚੇવ ਕਾਮੇਹਿ વਿવਿਚ੍ਚ ਅਕੁਸਲੇਹਿ ਧਮ੍ਮੇਹਿ ਸવਿਤਕ੍ਕਂ ਸવਿਚਾਰਂ વਿવੇਕਜਂ ਪੀਤਿਸੁਖਂ ਪਠਮਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਭਿਕ੍ਖੁ ਅਨ੍ਧਮਕਾਸਿ ਮਾਰਂ, ਅਪਦਂ વਧਿਤ੍વਾ ਮਾਰਚਕ੍ਖੁਂ ਅਦਸ੍ਸਨਂ ਗਤੋ ਪਾਪਿਮਤੋ।
271. ‘‘Kathañca, bhikkhave, agati mārassa ca māraparisāya ca? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayaṃ vuccati, bhikkhave, bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ વਿਤਕ੍ਕવਿਚਾਰਾਨਂ વੂਪਸਮਾ ਅਜ੍ਝਤ੍ਤਂ ਸਮ੍ਪਸਾਦਨਂ ਚੇਤਸੋ ਏਕੋਦਿਭਾવਂ ਅવਿਤਕ੍ਕਂ ਅવਿਚਾਰਂ ਸਮਾਧਿਜਂ ਪੀਤਿਸੁਖਂ ਦੁਤਿਯਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਪੀਤਿਯਾ ਚ વਿਰਾਗਾ ਉਪੇਕ੍ਖਕੋ ਚ વਿਹਰਤਿ ਸਤੋ ਚ ਸਮ੍ਪਜਾਨੋ, ਸੁਖਞ੍ਚ ਕਾਯੇਨ ਪਟਿਸਂવੇਦੇਤਿ ਯਂ ਤਂ ਅਰਿਯਾ ਆਚਿਕ੍ਖਨ੍ਤਿ ‘ਉਪੇਕ੍ਖਕੋ ਸਤਿਮਾ ਸੁਖવਿਹਾਰੀ’ਤਿ ਤਤਿਯਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਸੁਖਸ੍ਸ ਚ ਪਹਾਨਾ ਦੁਕ੍ਖਸ੍ਸ ਚ ਪਹਾਨਾ, ਪੁਬ੍ਬੇવ ਸੋਮਨਸ੍ਸਦੋਮਨਸ੍ਸਾਨਂ ਅਤ੍ਥਙ੍ਗਮਾ, ਅਦੁਕ੍ਖਮਸੁਖਂ ਉਪੇਕ੍ਖਾਸਤਿਪਾਰਿਸੁਦ੍ਧਿਂ ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ‘ਅਨਨ੍ਤੋ ਆਕਾਸੋ’ਤਿ ਆਕਾਸਾਨਞ੍ਚਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ‘ਅਨਨ੍ਤਂ વਿਞ੍ਞਾਣ’ਨ੍ਤਿ વਿਞ੍ਞਾਣਞ੍ਚਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਸਬ੍ਬਸੋ વਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ‘ਨਤ੍ਥਿ ਕਿਞ੍ਚੀ’ਤਿ ਆਕਿਞ੍ਚਞ੍ਞਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇવਸਞ੍ਞਾਨਾਸਞ੍ਞਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ…ਪੇ॰… ਪਾਪਿਮਤੋ।
‘‘Puna caparaṃ, bhikkhave, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ vuccati, bhikkhave…pe… pāpimato.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੁ ਸਬ੍ਬਸੋ ਨੇવਸਞ੍ਞਾਨਾਸਞ੍ਞਾਯਤਨਂ ਸਮਤਿਕ੍ਕਮ੍ਮ ਸਞ੍ਞਾવੇਦਯਿਤਨਿਰੋਧਂ ਉਪਸਮ੍ਪਜ੍ਜ વਿਹਰਤਿ। ਪਞ੍ਞਾਯ ਚਸ੍ਸ ਦਿਸ੍વਾ ਆਸવਾ ਪਰਿਕ੍ਖੀਣਾ ਹੋਨ੍ਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਭਿਕ੍ਖੁ ਅਨ੍ਧਮਕਾਸਿ ਮਾਰਂ, ਅਪਦਂ વਧਿਤ੍વਾ ਮਾਰਚਕ੍ਖੁਂ ਅਦਸ੍ਸਨਂ ਗਤੋ ਪਾਪਿਮਤੋ ਤਿਣ੍ਣੋ ਲੋਕੇ વਿਸਤ੍ਤਿਕ’’ਨ੍ਤਿ।
‘‘Puna caparaṃ, bhikkhave, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati. Paññāya cassa disvā āsavā parikkhīṇā honti. Ayaṃ vuccati, bhikkhave, bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato tiṇṇo loke visattika’’nti.
ਇਦਮવੋਚ ਭਗવਾ। ਅਤ੍ਤਮਨਾ ਤੇ ਭਿਕ੍ਖੂ ਭਗવਤੋ ਭਾਸਿਤਂ ਅਭਿਨਨ੍ਦੁਨ੍ਤਿ।
Idamavoca bhagavā. Attamanā te bhikkhū bhagavato bhāsitaṃ abhinandunti.
ਨਿવਾਪਸੁਤ੍ਤਂ ਨਿਟ੍ਠਿਤਂ ਪਞ੍ਚਮਂ।
Nivāpasuttaṃ niṭṭhitaṃ pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੫. ਨਿવਾਪਸੁਤ੍ਤવਣ੍ਣਨਾ • 5. Nivāpasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੫. ਨਿવਾਪਸੁਤ੍ਤવਣ੍ਣਨਾ • 5. Nivāpasuttavaṇṇanā
