| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. нийваран̣аббахаанаваг̇г̇аван̣н̣анаа
2. Nīvaraṇappahānavaggavaṇṇanā
11. д̣̇уд̇ияасса батамз згад̇хаммамбийд̇и зд̇т̇а ‘‘д̇асмим̣ ко бана самаяз д̇хаммаа хонд̇ий’’д̇иаад̣̇ийсу (д̇ха. са. 121) вияа ниссад̇д̇адтзна д̇хаммо взд̣̇ид̇аб̣б̣о. д̇асмаа згад̇хаммамбийд̇и ниссад̇д̇ам̣ згасабхаавамбийд̇и аяамзд̇т̇а ад̇т̇о. ануббанноваад̇и зд̇т̇а бана ‘‘бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяа (ма. ни. 1.402; сам̣. ни. 2.11) яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа’’д̇и (а. ни. 4.34; ид̇иву. 90) звамаад̣̇ийсу вияа самужжаяад̇т̇о ваасад̣̇д̣̇о д̣̇адтаб̣б̣о, на вигаббад̇т̇о. аяан̃хзд̇т̇а ад̇т̇о – язна д̇хаммзна ануббанно жа гаамажчанд̣̇о уббаж̇ж̇ад̇и, уббанно жа гаамажчанд̣̇о бхияяобхаавааяа взбуллааяа сам̣вад̇д̇ад̇и, д̇амахам̣ яат̇аа субханимид̇д̇ам̣, звам̣ ан̃н̃ам̣ на бассаамийд̇и. д̇ад̇т̇а ануббаннод̇и аж̇аад̇о асан̃ж̇аад̇о абаад̇убхууд̇о асамуд̣̇ааг̇ад̇о. гаамажчанд̣̇од̇и ‘‘яо гаамзсу гаамажчанд̣̇о гаамарааг̇о гаамананд̣̇ий гаамад̇ан̣хаа’’д̇иаад̣̇инаа (д̇ха. са. 1156) наязна вид̇т̇аарид̇ам̣ гаамажчанд̣̇анийваран̣ам̣. уббаж̇ж̇ад̇ийд̇и ниб̣б̣ад̇д̇ад̇и баад̇убхавад̇и. со банзса асамуд̣̇аажааравасзна ваа ананубхууд̇аарамман̣авасзна ваа ануббанно уббаж̇ж̇ад̇ийд̇и взд̣̇ид̇аб̣б̣о. ан̃н̃ат̇аа хи анамад̇аг̇г̇з сам̣саарз ануббанно наама над̇т̇и.
11. Dutiyassa paṭhame ekadhammampīti ettha ‘‘tasmiṃ kho pana samaye dhammā hontī’’tiādīsu (dha. sa. 121) viya nissattaṭṭhena dhammo veditabbo. Tasmā ekadhammampīti nissattaṃ ekasabhāvampīti ayamettha attho. Anuppannovāti ettha pana ‘‘bhūtānaṃ vā sattānaṃ ṭhitiyā sambhavesīnaṃ vā anuggahāya (ma. ni. 1.402; saṃ. ni. 2.11) yāvatā, bhikkhave, sattā apadā vā dvipadā vā’’ti (a. ni. 4.34; itivu. 90) evamādīsu viya samuccayattho vāsaddo daṭṭhabbo, na vikappattho. Ayañhettha attho – yena dhammena anuppanno ca kāmacchando uppajjati, uppanno ca kāmacchando bhiyyobhāvāya vepullāya saṃvattati, tamahaṃ yathā subhanimittaṃ, evaṃ aññaṃ na passāmīti. Tattha anuppannoti ajāto asañjāto apātubhūto asamudāgato. Kāmacchandoti ‘‘yo kāmesu kāmacchando kāmarāgo kāmanandī kāmataṇhā’’tiādinā (dha. sa. 1156) nayena vitthāritaṃ kāmacchandanīvaraṇaṃ. Uppajjatīti nibbattati pātubhavati. So panesa asamudācāravasena vā ananubhūtārammaṇavasena vā anuppanno uppajjatīti veditabbo. Aññathā hi anamatagge saṃsāre anuppanno nāma natthi.
д̇ад̇т̇а згажжасса вад̇д̇авасзна гилзсо на самуд̣̇аажарад̇и, згажжасса г̇ант̇ад̇худ̇ан̇г̇асамаад̇хи- вибассанаанавагаммаад̣̇ийнам̣ ан̃н̃ад̇аравасзна. гат̇ам̣? згажжо хи вад̇д̇асамбанно ход̇и, д̇асса д̣̇взасийд̇и куд̣̇д̣̇агавад̇д̇аани жуд̣̇д̣̇аса махаавад̇д̇аани жзд̇ияан̇г̇ан̣аб̣од̇хияан̇г̇ан̣абаанийяамаал̣агаубосат̇ааг̇аараааг̇анд̇угаг̇амигавад̇д̇аани жа гаронд̇ассзва гилзсо огаасам̣ на лабхад̇и. абарабхааг̇з банасса вад̇д̇ам̣ виссаж̇ж̇зд̇ваа бхиннавад̇д̇асса жарад̇о аяонисоманасигааран̃жзва сад̇ивоссаг̇г̇ан̃жа ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама.
Tattha ekaccassa vattavasena kileso na samudācarati, ekaccassa ganthadhutaṅgasamādhi- vipassanānavakammādīnaṃ aññataravasena. Kathaṃ? Ekacco hi vattasampanno hoti, tassa dveasīti khuddakavattāni cuddasa mahāvattāni cetiyaṅgaṇabodhiyaṅgaṇapānīyamāḷakauposathāgāraāgantukagamikavattāni ca karontasseva kileso okāsaṃ na labhati. Aparabhāge panassa vattaṃ vissajjetvā bhinnavattassa carato ayonisomanasikārañceva sativossaggañca āgamma uppajjati. Evampi asamudācāravasena anuppanno uppajjati nāma.
згажжо г̇ант̇аяуд̇д̇о ход̇и, згамби нигааяам̣ г̇ан̣хаад̇и д̣̇взби д̇аяоби жад̇д̇аароби бан̃жаби. д̇асса д̇збидагам̣ б̣уд̣̇д̇хаважанам̣ ад̇т̇авасзна баал̣ивасзна анусанд̇хивасзна буб̣б̣аабаравасзна г̇ан̣ханд̇асса саж̇жхааяанд̇асса ваажзнд̇асса д̣̇зсзнд̇асса багаасзнд̇асса гилзсо огаасам̣ на лабхад̇и. абарабхааг̇з банасса г̇ант̇агаммам̣ бахааяа гусийд̇асса жарад̇о аяонисоманасигаарасад̇ивоссаг̇г̇з ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама.
Ekacco ganthayutto hoti, ekampi nikāyaṃ gaṇhāti dvepi tayopi cattāropi pañcapi. Tassa tepiṭakaṃ buddhavacanaṃ atthavasena pāḷivasena anusandhivasena pubbāparavasena gaṇhantassa sajjhāyantassa vācentassa desentassa pakāsentassa kileso okāsaṃ na labhati. Aparabhāge panassa ganthakammaṃ pahāya kusītassa carato ayonisomanasikārasativossagge āgamma uppajjati. Evampi asamudācāravasena anuppanno uppajjati nāma.
згажжо бана д̇худ̇ан̇г̇ад̇харо ход̇и, д̇зраса д̇худ̇ан̇г̇аг̇ун̣з самаад̣̇ааяа вад̇д̇ад̇и. д̇асса бана д̇худ̇ан̇г̇аг̇ун̣з барихаранд̇асса гилзсо огаасам̣ на лабхад̇и. абарабхааг̇з банасса д̇худ̇ан̇г̇аани виссаж̇ж̇зд̇ваа б̣аахуллааяа аавад̇д̇асса жарад̇о аяонисоманасигаарасад̇ивоссаг̇г̇з ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама.
Ekacco pana dhutaṅgadharo hoti, terasa dhutaṅgaguṇe samādāya vattati. Tassa pana dhutaṅgaguṇe pariharantassa kileso okāsaṃ na labhati. Aparabhāge panassa dhutaṅgāni vissajjetvā bāhullāya āvattassa carato ayonisomanasikārasativossagge āgamma uppajjati. Evampi asamudācāravasena anuppanno uppajjati nāma.
згажжо адтасу самаабад̇д̇ийсу жин̣н̣авасий ход̇и, д̇асса батамаж̇жхаанаад̣̇ийсу ааваж̇ж̇анавасиаад̣̇ийнам̣ васзна вихаранд̇асса гилзсо огаасам̣ на лабхад̇и. абарабхааг̇з банасса барихийнаж̇жхаанасса ваа виссадтаж̇жхаанасса ваа бхассаад̣̇ийсу ануяуд̇д̇асса вихарад̇о аяонисоманасигаарасад̇ивоссаг̇г̇з ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама.
Ekacco aṭṭhasu samāpattīsu ciṇṇavasī hoti, tassa paṭhamajjhānādīsu āvajjanavasiādīnaṃ vasena viharantassa kileso okāsaṃ na labhati. Aparabhāge panassa parihīnajjhānassa vā vissaṭṭhajjhānassa vā bhassādīsu anuyuttassa viharato ayonisomanasikārasativossagge āgamma uppajjati. Evampi asamudācāravasena anuppanno uppajjati nāma.
згажжо бана вибассаго ход̇и, сад̇д̇асу ваа анубассанаасу адтаарасасу ваа махаавибассанаасу гаммам̣ гаронд̇о вихарад̇и. д̇ассзвам̣ вихарад̇о гилзсо огаасам̣ на лабхад̇и. абарабхааг̇з банасса вибассанаагаммам̣ бахааяа гааяад̣̇ал̣хийб̣ахуласса вихарад̇о аяонисоманасигаарасад̇ивоссаг̇г̇з ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама.
Ekacco pana vipassako hoti, sattasu vā anupassanāsu aṭṭhārasasu vā mahāvipassanāsu kammaṃ karonto viharati. Tassevaṃ viharato kileso okāsaṃ na labhati. Aparabhāge panassa vipassanākammaṃ pahāya kāyadaḷhībahulassa viharato ayonisomanasikārasativossagge āgamma uppajjati. Evampi asamudācāravasena anuppanno uppajjati nāma.
згажжо навагаммиго ход̇и, убосат̇ааг̇аарабхож̇анасаалаад̣̇ийни гаарзд̇и. д̇асса д̇зсам̣ убагаран̣аани жинд̇знд̇асса гилзсо огаасам̣ на лабхад̇и. абарабхааг̇з банасса навагаммз нидтид̇з ваа виссадтз ваа аяонисоманасигаарасад̇ивоссаг̇г̇з ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама.
Ekacco navakammiko hoti, uposathāgārabhojanasālādīni kāreti. Tassa tesaṃ upakaraṇāni cintentassa kileso okāsaṃ na labhati. Aparabhāge panassa navakamme niṭṭhite vā vissaṭṭhe vā ayonisomanasikārasativossagge āgamma uppajjati. Evampi asamudācāravasena anuppanno uppajjati nāma.
згажжо бана б̣рахмалогаа ааг̇ад̇о суд̣̇д̇хасад̇д̇о ход̇и, д̇асса анаасзванад̇ааяа гилзсо огаасам̣ на лабхад̇и. абарабхааг̇з банасса лад̣̇д̇хаасзванасса аяонисоманасигаарасад̇ивоссаг̇г̇з ааг̇амма уббаж̇ж̇ад̇и. звамби асамуд̣̇аажааравасзна ануббанно уббаж̇ж̇ад̇и наама. звам̣ д̇аава асамуд̣̇аажааравасзна ануббаннасса уббаннад̇аа взд̣̇ид̇аб̣б̣аа.
Ekacco pana brahmalokā āgato suddhasatto hoti, tassa anāsevanatāya kileso okāsaṃ na labhati. Aparabhāge panassa laddhāsevanassa ayonisomanasikārasativossagge āgamma uppajjati. Evampi asamudācāravasena anuppanno uppajjati nāma. Evaṃ tāva asamudācāravasena anuppannassa uppannatā veditabbā.
гат̇ам̣ ананубхууд̇аарамман̣авасзна? ид̇хзгажжо ананубхууд̇абуб̣б̣ам̣ манаабияам̣ руубаад̣̇иаарамман̣ам̣ лабхад̇и, д̇асса д̇ад̇т̇а аяонисоманасигаарасад̇ивоссаг̇г̇з ааг̇амма рааг̇о уббаж̇ж̇ад̇и. звам̣ ананубхууд̇аарамман̣авасзна ануббанно уббаж̇ж̇ад̇и наама.
Kathaṃ ananubhūtārammaṇavasena? Idhekacco ananubhūtapubbaṃ manāpiyaṃ rūpādiārammaṇaṃ labhati, tassa tattha ayonisomanasikārasativossagge āgamma rāgo uppajjati. Evaṃ ananubhūtārammaṇavasena anuppanno uppajjati nāma.
уббаннод̇и ж̇аад̇о сан̃ж̇аад̇о ниб̣б̣ад̇д̇о абхиниб̣б̣ад̇д̇о баад̇убхууд̇о. бхияяобхаавааяаад̇и бунаббунабхаавааяа. взбуллааяаад̇и вибулабхаавааяа раасибхаавааяа. д̇ад̇т̇а сагим̣ уббанно гаамажчанд̣̇о на нируж̇жхиссад̇и, сагим̣ нируд̣̇д̇хо ваа свзва буна уббаж̇ж̇иссад̇ийд̇и адтаанамзд̇ам̣. згасмим̣ бана нируд̣̇д̇хз д̇асмим̣ ваа аарамман̣з ан̃н̃асмим̣ ваа аарамман̣з абараабарам̣ уббаж̇ж̇амаано бхияяобхаавааяа взбуллааяа сам̣вад̇д̇ад̇и наама.
Uppannoti jāto sañjāto nibbatto abhinibbatto pātubhūto. Bhiyyobhāvāyāti punappunabhāvāya. Vepullāyāti vipulabhāvāya rāsibhāvāya. Tattha sakiṃ uppanno kāmacchando na nirujjhissati, sakiṃ niruddho vā sveva puna uppajjissatīti aṭṭhānametaṃ. Ekasmiṃ pana niruddhe tasmiṃ vā ārammaṇe aññasmiṃ vā ārammaṇe aparāparaṃ uppajjamāno bhiyyobhāvāya vepullāya saṃvattati nāma.
субханимид̇д̇анд̇и рааг̇адтаанияам̣ аарамман̣ам̣. ‘‘санимид̇д̇аа, бхигкавз, уббаж̇ж̇анд̇и баабагаа агусалаа д̇хаммаа, но анимид̇д̇аа’’д̇и зд̇т̇а нимид̇д̇анд̇и бажжаяасса наамам̣. ‘‘ад̇хижид̇д̇амануяуд̇д̇зна, бхигкавз, бхигкунаа бан̃жа нимид̇д̇аани гаалзна гаалам̣ манасигаад̇аб̣б̣ааний’’д̇и (ма. ни. 1.216) зд̇т̇а гааран̣асса. ‘‘со д̇ам̣ нимид̇д̇ам̣ аасзвад̇и бхаавзд̇ий’’д̇и (а. ни. 9.35) зд̇т̇а самаад̇хисса. ‘‘яам̣ нимид̇д̇ам̣ ааг̇амма яам̣ нимид̇д̇ам̣ манасигарод̇о ананд̇араа аасаваанам̣ каяо ход̇ий’’д̇и (а. ни. 6.27) зд̇т̇а вибассанааяа. ид̇ха бана рааг̇адтаанияо идтаарамман̣ад̇хаммо ‘‘субханимид̇д̇а’’нд̇и ад̇хиббзд̇о. аяонисоманасигарод̇од̇и. ‘‘д̇ад̇т̇а гад̇амо аяонисоманасигааро? анижжз нижжанд̇и, д̣̇угкз суканд̇и, анад̇д̇ани ад̇д̇аад̇и, асубхз субханд̇и, аяонисоманасигааро уббат̇аманасигааро, сажжавиббадигуулзна ваа жид̇д̇асса ааваж̇ж̇анаа анвааваж̇ж̇анаа аабхог̇о саманнаахааро манасигааро. аяам̣ вужжад̇и аяонисоманасигааро’’д̇и (вибха. 936) имасса манасигаарасса васзна анубааязна манасигаронд̇ассаад̇и.
Subhanimittanti rāgaṭṭhāniyaṃ ārammaṇaṃ. ‘‘Sanimittā, bhikkhave, uppajjanti pāpakā akusalā dhammā, no animittā’’ti ettha nimittanti paccayassa nāmaṃ. ‘‘Adhicittamanuyuttena, bhikkhave, bhikkhunā pañca nimittāni kālena kālaṃ manasikātabbānī’’ti (ma. ni. 1.216) ettha kāraṇassa. ‘‘So taṃ nimittaṃ āsevati bhāvetī’’ti (a. ni. 9.35) ettha samādhissa. ‘‘Yaṃ nimittaṃ āgamma yaṃ nimittaṃ manasikaroto anantarā āsavānaṃ khayo hotī’’ti (a. ni. 6.27) ettha vipassanāya. Idha pana rāgaṭṭhāniyo iṭṭhārammaṇadhammo ‘‘subhanimitta’’nti adhippeto. Ayonisomanasikarototi. ‘‘Tattha katamo ayonisomanasikāro? Anicce niccanti, dukkhe sukhanti, anattani attāti, asubhe subhanti, ayonisomanasikāro uppathamanasikāro, saccavippaṭikūlena vā cittassa āvajjanā anvāvajjanā ābhogo samannāhāro manasikāro. Ayaṃ vuccati ayonisomanasikāro’’ti (vibha. 936) imassa manasikārassa vasena anupāyena manasikarontassāti.
12. д̣̇уд̇ияз б̣яаабаад̣̇од̇и бхад̇д̇аб̣яаабад̇д̇и вияа жид̇д̇асса б̣яаабаж̇ж̇анам̣ багад̇ивиж̇аханабхааво. ‘‘д̇ад̇т̇а гад̇амам̣ б̣яаабаад̣̇анийваран̣ам̣? анад̇т̇ам̣ мз ажарийд̇и аагхаад̇о ж̇ааяад̇ий’’д̇и (д̇ха. са. 1160) звам̣ вид̇т̇аарид̇асса б̣яаабаад̣̇анийваран̣ассзд̇ам̣ ад̇хиважанам̣. бадигханимид̇д̇анд̇и анидтам̣ нимид̇д̇ам̣. бадигхассаби бадигхаарамман̣ассаби зд̇ам̣ ад̇хиважанам̣. вуд̇д̇амби жзд̇ам̣ адтагат̇ааяам̣ – ‘‘бадигхамби бадигханимид̇д̇ам̣, бадигхаарамман̣оби д̇хаммо бадигханимид̇д̇а’’нд̇и. сзсамзд̇т̇а гаамажчанд̣̇з вуд̇д̇анаязнзва взд̣̇ид̇аб̣б̣ам̣. яат̇аа жзд̇т̇а, звам̣ ид̇о барзсуби. д̇ад̇т̇а д̇ад̇т̇а хи висзсамад̇д̇амзва вагкаамаад̇и.
12. Dutiye byāpādoti bhattabyāpatti viya cittassa byāpajjanaṃ pakativijahanabhāvo. ‘‘Tattha katamaṃ byāpādanīvaraṇaṃ? Anatthaṃ me acarīti āghāto jāyatī’’ti (dha. sa. 1160) evaṃ vitthāritassa byāpādanīvaraṇassetaṃ adhivacanaṃ. Paṭighanimittanti aniṭṭhaṃ nimittaṃ. Paṭighassapi paṭighārammaṇassapi etaṃ adhivacanaṃ. Vuttampi cetaṃ aṭṭhakathāyaṃ – ‘‘paṭighampi paṭighanimittaṃ, paṭighārammaṇopi dhammo paṭighanimitta’’nti. Sesamettha kāmacchande vuttanayeneva veditabbaṃ. Yathā cettha, evaṃ ito paresupi. Tattha tattha hi visesamattameva vakkhāmāti.
13. д̇ад̇ияз т̇инамид̣̇д̇ханд̇и т̇инан̃жзва мид̣̇д̇хан̃жа. д̇зсу жид̇д̇асса агамман̃н̃ад̇аа т̇инам̣, ааласияабхаавассзд̇ам̣ ад̇хиважанам̣. д̇ин̣н̣ам̣ канд̇хаанам̣ агамман̃н̃ад̇аа мид̣̇д̇хам̣, габимид̣̇д̇хасса бажалааяигабхаавассзд̇ам̣ ад̇хиважанам̣. убхиннамби ‘‘д̇ад̇т̇а гад̇амам̣ т̇инам̣? яаа жид̇д̇асса агаляад̇аа агамман̃н̃ад̇аа олийяанаа саллийяанаа. д̇ад̇т̇а гад̇амам̣ мид̣̇д̇хам̣? яаа гааяасса агаляад̇аа агамман̃н̃ад̇аа онаахо барияонаахо’’д̇иаад̣̇инаа (д̇ха. са. 1162-1163) наязна вид̇т̇ааро взд̣̇ид̇аб̣б̣о. арад̇ийд̇иаад̣̇ийни вибхан̇г̇з вибхад̇д̇анаязнзва взд̣̇ид̇аб̣б̣аани. вуд̇д̇ан̃хзд̇ам̣ –
13. Tatiye thinamiddhanti thinañceva middhañca. Tesu cittassa akammaññatā thinaṃ, ālasiyabhāvassetaṃ adhivacanaṃ. Tiṇṇaṃ khandhānaṃ akammaññatā middhaṃ, kapimiddhassa pacalāyikabhāvassetaṃ adhivacanaṃ. Ubhinnampi ‘‘tattha katamaṃ thinaṃ? Yā cittassa akalyatā akammaññatā olīyanā sallīyanā. Tattha katamaṃ middhaṃ? Yā kāyassa akalyatā akammaññatā onāho pariyonāho’’tiādinā (dha. sa. 1162-1163) nayena vitthāro veditabbo. Aratītiādīni vibhaṅge vibhattanayeneva veditabbāni. Vuttañhetaṃ –
‘‘д̇ад̇т̇а гад̇амаа арад̇и? банд̇зсу ваа сзнаасанзсу ан̃н̃ад̇аран̃н̃ад̇арзсу ваа ад̇хигусалзсу д̇хаммзсу арад̇и арад̇ид̇аа анабхирад̇и анабхираманаа угган̣тид̇аа барид̇ассид̇аа, аяам̣ вужжад̇и арад̇и. д̇ад̇т̇а гад̇амаа д̇анд̣̇ий? яаа д̇анд̣̇ий д̇анд̣̇ияанаа д̇анд̣̇иманад̇аа аалассам̣ аалассааяанаа аалассааяид̇ад̇д̇ам̣, аяам̣ вужжад̇и д̇анд̣̇ий. д̇ад̇т̇а гад̇амаа виж̇амбхид̇аа? яаа гааяасса ж̇амбханаа виж̇амбханаа аанаманаа винаманаа саннаманаа бан̣аманаа б̣яаад̇хияагам̣, аяам̣ вужжад̇и виж̇амбхид̇аа. д̇ад̇т̇а гад̇амо бхад̇д̇асаммад̣̇о? яаа бхуд̇д̇аависса бхад̇д̇амужчаа бхад̇д̇агиламат̇о бхад̇д̇абарил̣аахо гааяад̣̇удтуллам̣, аяам̣ вужжад̇и бхад̇д̇асаммад̣̇о. д̇ад̇т̇а гад̇амам̣ жзд̇асо жа лийнад̇д̇ам̣? яаа жид̇д̇асса агаляад̇аа агамман̃н̃ад̇аа олийяанаа саллийяанаа лийнам̣ лийяанаа лийяид̇ад̇д̇ам̣ т̇инам̣ т̇ияанаа т̇ияид̇ад̇д̇ам̣ жид̇д̇асса, ид̣̇ам̣ вужжад̇и жзд̇асо жа лийнад̇д̇а’’нд̇и (вибха. 856, 857, 859, 860).
‘‘Tattha katamā arati? Pantesu vā senāsanesu aññataraññataresu vā adhikusalesu dhammesu arati aratitā anabhirati anabhiramanā ukkaṇṭhitā paritassitā, ayaṃ vuccati arati. Tattha katamā tandī? Yā tandī tandiyanā tandimanatā ālassaṃ ālassāyanā ālassāyitattaṃ, ayaṃ vuccati tandī. Tattha katamā vijambhitā? Yā kāyassa jambhanā vijambhanā ānamanā vinamanā sannamanā paṇamanā byādhiyakaṃ, ayaṃ vuccati vijambhitā. Tattha katamo bhattasammado? Yā bhuttāvissa bhattamucchā bhattakilamatho bhattapariḷāho kāyaduṭṭhullaṃ, ayaṃ vuccati bhattasammado. Tattha katamaṃ cetaso ca līnattaṃ? Yā cittassa akalyatā akammaññatā olīyanā sallīyanā līnaṃ līyanā līyitattaṃ thinaṃ thiyanā thiyitattaṃ cittassa, idaṃ vuccati cetaso ca līnatta’’nti (vibha. 856, 857, 859, 860).
зд̇т̇а жа буримаа жад̇д̇ааро д̇хаммаа т̇инамид̣̇д̇ханийваран̣асса сахаж̇аад̇авасзнааби убаниссаяавасзнааби бажжаяаа хонд̇и, жзд̇асо жа лийнад̇д̇ам̣ ад̇д̇анова ад̇д̇анаа сахаж̇аад̇ам̣ на ход̇и, убаниссаяагодияаа бана ход̇ийд̇и.
Ettha ca purimā cattāro dhammā thinamiddhanīvaraṇassa sahajātavasenāpi upanissayavasenāpi paccayā honti, cetaso ca līnattaṃ attanova attanā sahajātaṃ na hoti, upanissayakoṭiyā pana hotīti.
14. жад̇уд̇т̇з уд̣̇д̇хажжагуггужжанд̇и уд̣̇д̇хажжан̃жзва гуггужжан̃жа. д̇ад̇т̇а уд̣̇д̇хажжам̣ наама жид̇д̇асса уд̣̇д̇хад̇аагааро. гуггужжам̣ наама агад̇агаляаан̣асса гад̇абаабасса д̇аббажжаяаа виббадисааро. жзд̇асо авуубасамод̇и уд̣̇д̇хажжагуггужжассзвзд̇ам̣ наамам̣. авуубасанд̇ажид̇д̇ассаад̇и жхаанзна ваа вибассанааяа ваа авуубасамид̇ажид̇д̇асса. аяам̣ бана авуубасамо уд̣̇д̇хажжагуггужжасса убаниссаяагодияаа бажжаяо ход̇ийд̇и.
14. Catutthe uddhaccakukkuccanti uddhaccañceva kukkuccañca. Tattha uddhaccaṃ nāma cittassa uddhatākāro. Kukkuccaṃ nāma akatakalyāṇassa katapāpassa tappaccayā vippaṭisāro. Cetaso avūpasamoti uddhaccakukkuccassevetaṃ nāmaṃ. Avūpasantacittassāti jhānena vā vipassanāya vā avūpasamitacittassa. Ayaṃ pana avūpasamo uddhaccakukkuccassa upanissayakoṭiyā paccayo hotīti.
15. бан̃жамз вижигижчаад̇и ‘‘сад̇т̇ари ган̇кад̇ий’’д̇иаад̣̇инаа (д̇ха. са. 1167) наязна вид̇т̇аарид̇ам̣ вижигижчаанийваран̣ам̣. аяонисоманасигааро вуд̇д̇алагкан̣оязваад̇и.
15. Pañcame vicikicchāti ‘‘satthari kaṅkhatī’’tiādinā (dha. sa. 1167) nayena vitthāritaṃ vicikicchānīvaraṇaṃ. Ayonisomanasikāro vuttalakkhaṇoyevāti.
16. чадтз ануббанно ваа гаамажчанд̣̇о нуббаж̇ж̇ад̇ийд̇и асамуд̣̇аажааравасзна ваа ананубхууд̇аарамман̣авасзна ваад̇и д̣̇вийхзва гааран̣зхи ануббанно на уббаж̇ж̇ад̇и, д̇ат̇аа вигкамбхид̇ова ход̇и, буна хзд̇ум̣ ваа бажжаяам̣ ваа на лабхад̇и. ид̇хааби вад̇д̇аад̣̇ийнам̣язва васзна асамуд̣̇аажааро взд̣̇ид̇аб̣б̣о. згажжасса хи вуд̇д̇анаязнзва вад̇д̇з яуд̇д̇асса вад̇д̇ам̣ гаронд̇ассзва гилзсо огаасам̣ на лабхад̇и, вад̇д̇авасзна вигкамбхид̇о ход̇и. со д̇ам̣ д̇ат̇аавигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и милагкад̇иссад̇т̇зро вияа.
16. Chaṭṭhe anuppanno vā kāmacchando nuppajjatīti asamudācāravasena vā ananubhūtārammaṇavasena vāti dvīheva kāraṇehi anuppanno na uppajjati, tathā vikkhambhitova hoti, puna hetuṃ vā paccayaṃ vā na labhati. Idhāpi vattādīnaṃyeva vasena asamudācāro veditabbo. Ekaccassa hi vuttanayeneva vatte yuttassa vattaṃ karontasseva kileso okāsaṃ na labhati, vattavasena vikkhambhito hoti. So taṃ tathāvikkhambhitameva katvā vivaṭṭetvā arahattaṃ gaṇhāti milakkhatissatthero viya.
со гирааяасмаа рохан̣аж̇анабад̣̇з г̇аамзн̣д̣авааламахаавихаарасса бхигкаажаарз нзсаад̣̇агулз ниб̣б̣ад̇д̇о. ваяам̣ ааг̇амма гад̇агхарааваасо ‘‘буд̇д̇ад̣̇аарам̣ босзссаамий’’д̇и ад̣̇уухаласад̇ам̣ сан̣табзд̇ваа баасасад̇ам̣ яож̇зд̇ваа сууласад̇ам̣ робзд̇ваа б̣ахум̣ баабам̣ ааяууханд̇о згад̣̇ивасам̣ г̇зхад̇о аг̇г̇ин̃жа лон̣ан̃жа г̇ахзд̇ваа аран̃н̃ам̣ г̇ад̇о. баасз б̣ад̣̇д̇хамиг̇ам̣ вад̇хид̇ваа ан̇г̇аарабаггамам̣сам̣ каад̣̇ид̇ваа бибаасид̇о худ̇ваа г̇аамзн̣д̣авааламахаавихаарам̣ бавидто баанийяамаал̣агз д̣̇асамад̇д̇зсу баанийяагхадзсу бибаасаавинод̣̇анамад̇д̇амби баанийяам̣ алабханд̇о, ‘‘гим̣ наамзд̇ам̣ зд̇д̇агаанам̣ бхигкуунам̣ васанадтаанз бибаасааяа ааг̇ад̇аанам̣ бибаасаавинод̣̇анамад̇д̇ам̣ баанийяам̣ над̇т̇ий’’д̇и уж̇жхааяид̇ум̣ аарад̣̇д̇хо. жуул̣абин̣д̣абаад̇игад̇иссад̇т̇зро д̇асса гат̇ам̣ суд̇ваа д̇асса санд̇игам̣ г̇ажчанд̇о баанийяамаал̣агз д̣̇асамад̇д̇з баанийяагхадз буурз д̣̇исваа ‘‘ж̇ийвамаанабзд̇агасад̇д̇о аяам̣ бхависсад̇ий’’д̇и жинд̇зд̇ваа, ‘‘убаасага, сажз бибаасид̇оси, бива баанийяа’’нд̇и вад̇ваа гудам̣ угкибид̇ваа д̇асса хад̇т̇зсу аасин̃жи. д̇асса гаммам̣ бадижжа бийд̇абийд̇ам̣ баанийяам̣ д̇ад̇д̇агабаалз багкид̇д̇амива нассад̇и, сагалзби гхадз бивад̇о бибаасаа на бажчиж̇ж̇и. ат̇а нам̣ т̇зро ааха – ‘‘яаава д̣̇аарун̣ан̃жа д̇з, убаасага, гаммам̣ гад̇ам̣, ид̣̇аанзва бзд̇о ж̇аад̇о, вибааго гийд̣̇исо бхависсад̇ий’’д̇и?
So kirāyasmā rohaṇajanapade gāmeṇḍavālamahāvihārassa bhikkhācāre nesādakule nibbatto. Vayaṃ āgamma katagharāvāso ‘‘puttadāraṃ posessāmī’’ti adūhalasataṃ saṇṭhapetvā pāsasataṃ yojetvā sūlasataṃ ropetvā bahuṃ pāpaṃ āyūhanto ekadivasaṃ gehato aggiñca loṇañca gahetvā araññaṃ gato. Pāse baddhamigaṃ vadhitvā aṅgārapakkamaṃsaṃ khāditvā pipāsito hutvā gāmeṇḍavālamahāvihāraṃ paviṭṭho pānīyamāḷake dasamattesu pānīyaghaṭesu pipāsāvinodanamattampi pānīyaṃ alabhanto, ‘‘kiṃ nāmetaṃ ettakānaṃ bhikkhūnaṃ vasanaṭṭhāne pipāsāya āgatānaṃ pipāsāvinodanamattaṃ pānīyaṃ natthī’’ti ujjhāyituṃ āraddho. Cūḷapiṇḍapātikatissatthero tassa kathaṃ sutvā tassa santikaṃ gacchanto pānīyamāḷake dasamatte pānīyaghaṭe pūre disvā ‘‘jīvamānapetakasatto ayaṃ bhavissatī’’ti cintetvā, ‘‘upāsaka, sace pipāsitosi, piva pānīya’’nti vatvā kuṭaṃ ukkhipitvā tassa hatthesu āsiñci. Tassa kammaṃ paṭicca pītapītaṃ pānīyaṃ tattakapāle pakkhittamiva nassati, sakalepi ghaṭe pivato pipāsā na pacchijji. Atha naṃ thero āha – ‘‘yāva dāruṇañca te, upāsaka, kammaṃ kataṃ, idāneva peto jāto, vipāko kīdiso bhavissatī’’ti?
со д̇асса гат̇ам̣ суд̇ваа лад̣̇д̇хасам̣взг̇о т̇зрам̣ ванд̣̇ид̇ваа д̇аани ад̣̇уухалаад̣̇ийни висан̇карид̇ваа взг̇зна гхарам̣ г̇анд̇ваа буд̇д̇ад̣̇аарам̣ ологзд̇ваа сад̇т̇аани бхинд̣̇ид̇ваа д̣̇ийбагамиг̇абагкино аран̃н̃з виссаж̇ж̇зд̇ваа т̇зрам̣ бажжубасан̇гамид̇ваа баб̣б̣аж̇ж̇ам̣ яаажи. д̣̇уггараа, аавусо, баб̣б̣аж̇ж̇аа, гат̇ам̣ д̇вам̣ баб̣б̣аж̇иссасийд̇и? бханд̇з, зваруубам̣ бажжагкагааран̣ам̣ д̣̇исваа гат̇ам̣ на баб̣б̣аж̇иссаамийд̇и? т̇зро д̇ажабан̃жагагаммадтаанам̣ д̣̇ад̇ваа баб̣б̣ааж̇зси. со вад̇д̇аарабхид̇о худ̇ваа б̣уд̣̇д̇хаважанам̣ уг̇г̇ан̣ханд̇о згад̣̇ивасам̣ д̣̇звад̣̇ууд̇асуд̇д̇з ‘‘д̇амзнам̣, бхигкавз, нираяабаалаа буна махаанираяз багкибанд̇ий’’д̇и (ма. ни. 3.270; а. ни. 3.36) имам̣ таанам̣ суд̇ваа ‘‘зд̇д̇агам̣ д̣̇угкараасим̣ анубхавид̇асад̇д̇ам̣ буна махаанираяз багкибанд̇и, ахо бхаарияо, бханд̇з, махаанираяо’’д̇и ааха. аамаавусо, бхаарияод̇и. саггаа, бханд̇з, бассид̇унд̇и? ‘‘на саггаа бассид̇ум̣, д̣̇идтасад̣̇исам̣ гаад̇ум̣ згам̣ гааран̣ам̣ д̣̇ассзссаамий’’д̇и сааман̣зрз самаад̣̇абзд̇ваа баасаан̣абидтз аллад̣̇аарураасим̣ гаарзхийд̇и. со д̇ат̇аа гаарзси. т̇зро яат̇аанисиннова ид̣̇д̇хияаа абхисан̇карид̇ваа махаанираяад̇о каж̇ж̇обанагамад̇д̇ам̣ аг̇г̇ибабадигам̣ нийхарид̇ваа бассанд̇ассзва д̇асса т̇зрасса д̣̇аарураасимхи багкиби. д̇асса д̇ад̇т̇а нибаад̇о жа д̣̇аарураасино жхааяид̇ваа чааригабхаавуубаг̇аманан̃жа абажчаа абуримам̣ ахоси.
So tassa kathaṃ sutvā laddhasaṃvego theraṃ vanditvā tāni adūhalādīni visaṅkharitvā vegena gharaṃ gantvā puttadāraṃ oloketvā satthāni bhinditvā dīpakamigapakkhino araññe vissajjetvā theraṃ paccupasaṅkamitvā pabbajjaṃ yāci. Dukkarā, āvuso, pabbajjā, kathaṃ tvaṃ pabbajissasīti? Bhante, evarūpaṃ paccakkhakāraṇaṃ disvā kathaṃ na pabbajissāmīti? Thero tacapañcakakammaṭṭhānaṃ datvā pabbājesi. So vattārabhito hutvā buddhavacanaṃ uggaṇhanto ekadivasaṃ devadūtasutte ‘‘tamenaṃ, bhikkhave, nirayapālā puna mahāniraye pakkhipantī’’ti (ma. ni. 3.270; a. ni. 3.36) imaṃ ṭhānaṃ sutvā ‘‘ettakaṃ dukkharāsiṃ anubhavitasattaṃ puna mahāniraye pakkhipanti, aho bhāriyo, bhante, mahānirayo’’ti āha. Āmāvuso, bhāriyoti. Sakkā, bhante, passitunti? ‘‘Na sakkā passituṃ, diṭṭhasadisaṃ kātuṃ ekaṃ kāraṇaṃ dassessāmī’’ti sāmaṇere samādapetvā pāsāṇapiṭṭhe alladārurāsiṃ kārehīti. So tathā kāresi. Thero yathānisinnova iddhiyā abhisaṅkharitvā mahānirayato khajjopanakamattaṃ aggipapaṭikaṃ nīharitvā passantasseva tassa therassa dārurāsimhi pakkhipi. Tassa tattha nipāto ca dārurāsino jhāyitvā chārikabhāvūpagamanañca apacchā apurimaṃ ahosi.
со д̇ам̣ д̣̇исваа, ‘‘бханд̇з, имасмим̣ саасанз гад̇и д̇хураани наамаа’’д̇и бужчи. аавусо, вибассанаад̇хурам̣, г̇ант̇ад̇хуранд̇и. ‘‘бханд̇з, г̇ант̇о наама бадиб̣аласса бхааро, маяхам̣ бана д̣̇угкуубанисаа сад̣̇д̇хаа, вибассанаад̇хурам̣ буурзссаами гаммадтаанам̣ мз д̣̇зт̇аа’’д̇и ванд̣̇ид̇ваа нисийд̣̇и. т̇зро ‘‘вад̇д̇асамбанно бхигкуу’’д̇и вад̇д̇асийсз тад̇ваа д̇асса гаммадтаанам̣ гат̇зси. со гаммадтаанам̣ г̇ахзд̇ваа вибассанааяа жа гаммам̣ гарод̇и, вад̇д̇ан̃жа буурзд̇и. згад̣̇ивасам̣ жид̇д̇алабаб̣б̣ад̇амахаавихаарз вад̇д̇ам̣ гарод̇и, згад̣̇ивасам̣ г̇аамзн̣д̣авааламахаавихаарз, згад̣̇ивасам̣ г̇ожараг̇аамамахаавихаарз. т̇инамид̣̇д̇хз огганд̇амад̇д̇з вад̇д̇абарихаанибхаязна балаалаваран̣агам̣ д̇змзд̇ваа сийсз табзд̇ваа баад̣̇з уд̣̇агз од̇аарзд̇ваа нисийд̣̇ад̇и. со згад̣̇ивасам̣ жид̇д̇алабаб̣б̣ад̇амахаавихаарз д̣̇вз яаамз вад̇д̇ам̣ гад̇ваа б̣алавабажжуусагаалз нид̣̇д̣̇ааяа оггамид̇ум̣ аарад̣̇д̇хааяа аллабалаалам̣ сийсз табзд̇ваа нисинно баажийнабаб̣б̣ад̇абассз сааман̣зрасса арун̣авад̇ияасуд̇д̇анд̇ам̣ саж̇жхааяанд̇асса –
So taṃ disvā, ‘‘bhante, imasmiṃ sāsane kati dhurāni nāmā’’ti pucchi. Āvuso, vipassanādhuraṃ, ganthadhuranti. ‘‘Bhante, gantho nāma paṭibalassa bhāro, mayhaṃ pana dukkhūpanisā saddhā, vipassanādhuraṃ pūressāmi kammaṭṭhānaṃ me dethā’’ti vanditvā nisīdi. Thero ‘‘vattasampanno bhikkhū’’ti vattasīse ṭhatvā tassa kammaṭṭhānaṃ kathesi. So kammaṭṭhānaṃ gahetvā vipassanāya ca kammaṃ karoti, vattañca pūreti. Ekadivasaṃ cittalapabbatamahāvihāre vattaṃ karoti, ekadivasaṃ gāmeṇḍavālamahāvihāre, ekadivasaṃ gocaragāmamahāvihāre. Thinamiddhe okkantamatte vattaparihānibhayena palālavaraṇakaṃ temetvā sīse ṭhapetvā pāde udake otāretvā nisīdati. So ekadivasaṃ cittalapabbatamahāvihāre dve yāme vattaṃ katvā balavapaccūsakāle niddāya okkamituṃ āraddhāya allapalālaṃ sīse ṭhapetvā nisinno pācīnapabbatapasse sāmaṇerassa aruṇavatiyasuttantaṃ sajjhāyantassa –
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
‘‘Ārambhatha nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
Dhunātha maccuno senaṃ, naḷāgāraṃva kuñjaro.
‘‘яо имасмим̣ д̇хаммавинаяз, аббамад̇д̇о вихассад̇и;
‘‘Yo imasmiṃ dhammavinaye, appamatto vihassati;
бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и. (сам̣. ни. 1.185) –
Pahāya jātisaṃsāraṃ, dukkhassantaṃ karissatī’’ti. (saṃ. ni. 1.185) –
ид̣̇ам̣ таанам̣ суд̇ваа ‘‘маад̣̇исасса аарад̣̇д̇хавийрияасса бхигкуно саммаасамб̣уд̣̇д̇хзна ид̣̇ам̣ гат̇ид̇ам̣ бхависсад̇ий’’д̇и бийд̇им̣ уббаад̣̇зд̇ваа жхаанам̣ ниб̣б̣ад̇д̇зд̇ваа д̇ад̣̇зва баад̣̇агам̣ гад̇ваа анааг̇аамипалз бад̇идтааяа абараабарам̣ вааяаманд̇о саха бадисамбхид̣̇аахи арахад̇д̇ам̣ баабун̣и. бариниб̣б̣аанагаалз жа д̇ад̣̇зва гааран̣ам̣ д̣̇ассзнд̇о звамааха –
Idaṃ ṭhānaṃ sutvā ‘‘mādisassa āraddhavīriyassa bhikkhuno sammāsambuddhena idaṃ kathitaṃ bhavissatī’’ti pītiṃ uppādetvā jhānaṃ nibbattetvā tadeva pādakaṃ katvā anāgāmiphale patiṭṭhāya aparāparaṃ vāyamanto saha paṭisambhidāhi arahattaṃ pāpuṇi. Parinibbānakāle ca tadeva kāraṇaṃ dassento evamāha –
‘‘аллам̣ балаалабун̃ж̇аахам̣, сийсзнаад̣̇ааяа жан̇гамим̣;
‘‘Allaṃ palālapuñjāhaṃ, sīsenādāya caṅkamiṃ;
бад̇д̇осми д̇ад̇ияам̣ таанам̣, зд̇т̇а мз над̇т̇и сам̣саяо’’д̇и.
Pattosmi tatiyaṃ ṭhānaṃ, ettha me natthi saṃsayo’’ti.
зваруубасса вад̇д̇авасзна вигкамбхид̇агилзсо д̇ат̇аа вигкамбхид̇ова ход̇и.
Evarūpassa vattavasena vikkhambhitakileso tathā vikkhambhitova hoti.
згажжасса вуд̇д̇анаязнзва г̇ант̇з яуд̇д̇асса г̇ант̇ам̣ уг̇г̇ан̣ханд̇асса саж̇жхааяанд̇асса ваажзнд̇асса д̣̇зсзнд̇асса багаасзнд̇асса жа гилзсо огаасам̣ на лабхад̇и, г̇ант̇авасзна вигкамбхид̇ова ход̇и. со д̇ам̣ д̇ат̇аа вигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и малияад̣̇звад̇т̇зро вияа. со гирааяасмаа д̇ивассабхигкугаалз галлаг̇аамагз ман̣д̣алаараамамахаавихаарз уд̣̇д̣̇зсан̃жа г̇ан̣хаад̇и, вибассанааяа жа гаммам̣ гарод̇и. д̇ассзгад̣̇ивасам̣ галлаг̇аамз бхигкааяа жарад̇о згаа убаасигаа яааг̇уул̣ун̇гам̣ д̣̇ад̇ваа буд̇д̇асинзхам̣ уббаад̣̇зд̇ваа т̇зрам̣ анд̇онивзсанз нисийд̣̇аабзд̇ваа бан̣ийд̇абхож̇анам̣ бхож̇зд̇ваа ‘‘гад̇араг̇аамаваасигоси д̇аад̇аа’’д̇и бужчи. ман̣д̣алаараамамахаавихаарз г̇ант̇агаммам̣ гароми, убаасигзд̇и. д̇зна хи д̇аад̇а яаава г̇ант̇агаммам̣ гароси, ид̇хзва ниб̣ад̣̇д̇хам̣ бхигкам̣ г̇ан̣хаасийд̇и. со д̇ам̣ ад̇хиваасзд̇ваа д̇ад̇т̇а ниб̣ад̣̇д̇хам̣ бхигкам̣ г̇ан̣хаад̇и, бхад̇д̇агижжаавасаанз анумод̣̇анам̣ гаронд̇о ‘‘сукам̣ ход̇у, д̣̇угкаа мужжад̇уу’’д̇и бад̣̇ад̣̇ваяамзва гат̇зд̇ваа г̇ажчад̇и. анд̇овассз д̇змаасам̣ д̇ассааязва сан̇г̇ахам̣ гаронд̇о бин̣д̣аабажид̇им̣ гад̇ваа махаабавааран̣ааяа саха бадисамбхид̣̇аахи арахад̇д̇ам̣ баабун̣и. нзваасигамахаат̇зро ааха – ‘‘аавусо махаад̣̇зва, аж̇ж̇а вихаарз махааж̇ано саннибад̇иссад̇и, д̇асса д̇хаммад̣̇аанам̣ д̣̇ад̣̇зяяаасий’’д̇и. т̇зро ад̇хиваасзси.
Ekaccassa vuttanayeneva ganthe yuttassa ganthaṃ uggaṇhantassa sajjhāyantassa vācentassa desentassa pakāsentassa ca kileso okāsaṃ na labhati, ganthavasena vikkhambhitova hoti. So taṃ tathā vikkhambhitameva katvā vivaṭṭetvā arahattaṃ gaṇhāti maliyadevatthero viya. So kirāyasmā tivassabhikkhukāle kallagāmake maṇḍalārāmamahāvihāre uddesañca gaṇhāti, vipassanāya ca kammaṃ karoti. Tassekadivasaṃ kallagāme bhikkhāya carato ekā upāsikā yāguuḷuṅkaṃ datvā puttasinehaṃ uppādetvā theraṃ antonivesane nisīdāpetvā paṇītabhojanaṃ bhojetvā ‘‘kataragāmavāsikosi tātā’’ti pucchi. Maṇḍalārāmamahāvihāre ganthakammaṃ karomi, upāsiketi. Tena hi tāta yāva ganthakammaṃ karosi, idheva nibaddhaṃ bhikkhaṃ gaṇhāsīti. So taṃ adhivāsetvā tattha nibaddhaṃ bhikkhaṃ gaṇhāti, bhattakiccāvasāne anumodanaṃ karonto ‘‘sukhaṃ hotu, dukkhā muccatū’’ti padadvayameva kathetvā gacchati. Antovasse temāsaṃ tassāyeva saṅgahaṃ karonto piṇḍāpacitiṃ katvā mahāpavāraṇāya saha paṭisambhidāhi arahattaṃ pāpuṇi. Nevāsikamahāthero āha – ‘‘āvuso mahādeva, ajja vihāre mahājano sannipatissati, tassa dhammadānaṃ dadeyyāsī’’ti. Thero adhivāsesi.
д̣̇ахарасааман̣зраа убаасигааяа сан̃н̃ам̣ ад̣̇ам̣су – ‘‘аж̇ж̇а д̇з буд̇д̇о д̇хаммам̣ гат̇зссад̇и, вихаарам̣ г̇анд̇ваа сун̣зяяаасий’’д̇и. д̇аад̇аа, на саб̣б̣зва д̇хаммагат̇ам̣ ж̇аананд̇и, мама буд̇д̇о зд̇д̇агам̣ гаалам̣ маяхам̣ гат̇знд̇о ‘‘сукам̣ ход̇у, д̣̇угкаа мужжад̇уу’’д̇и бад̣̇ад̣̇ваяамзва гат̇зси, маа гзл̣им̣ гарот̇аад̇и. маа, д̇вам̣ убаасигз, ж̇аананам̣ ваа аж̇аананам̣ ваа убадтахассу, вихаарам̣ г̇анд̇ваа д̇хаммамзва сун̣аахийд̇и. убаасигаа г̇анд̇хамаалаад̣̇ийни г̇ахзд̇ваа г̇анд̇ваа бууж̇зд̇ваа барисанд̇з д̇хаммам̣ сун̣амаанаа нисийд̣̇и. д̣̇иваад̇хаммагат̇иго жа сарабхаан̣аго жа ад̇д̇ано бамаан̣ам̣ н̃ад̇ваа удтахим̣су. д̇ад̇о малияад̣̇звад̇т̇зро д̇хаммаасанз нисийд̣̇ид̇ваа жид̇д̇аб̣ийж̇аним̣ г̇ахзд̇ваа анубуб̣б̣им̣ гат̇ам̣ вад̇ваа – ‘‘маяаа махааубаасигааяа д̇аяо маасз д̣̇вийхзва бад̣̇зхи анумод̣̇анаа гад̇аа, аж̇ж̇а саб̣б̣арад̇д̇им̣ д̇ийхи бидагзхи саммасид̇ваа д̇ассзва бад̣̇ад̣̇ваяасса ад̇т̇ам̣ гат̇зссаамий’’д̇и д̇хаммад̣̇зсанам̣ аарабхид̇ваа саб̣б̣арад̇д̇им̣ гат̇зси. арун̣уг̇г̇аманз д̣̇зсанаабарияосаанз махааубаасигаа сод̇аабад̇д̇ипалз бад̇идтааси.
Daharasāmaṇerā upāsikāya saññaṃ adaṃsu – ‘‘ajja te putto dhammaṃ kathessati, vihāraṃ gantvā suṇeyyāsī’’ti. Tātā, na sabbeva dhammakathaṃ jānanti, mama putto ettakaṃ kālaṃ mayhaṃ kathento ‘‘sukhaṃ hotu, dukkhā muccatū’’ti padadvayameva kathesi, mā keḷiṃ karothāti. Mā, tvaṃ upāsike, jānanaṃ vā ajānanaṃ vā upaṭṭhahassu, vihāraṃ gantvā dhammameva suṇāhīti. Upāsikā gandhamālādīni gahetvā gantvā pūjetvā parisante dhammaṃ suṇamānā nisīdi. Divādhammakathiko ca sarabhāṇako ca attano pamāṇaṃ ñatvā uṭṭhahiṃsu. Tato maliyadevatthero dhammāsane nisīditvā cittabījaniṃ gahetvā anupubbiṃ kathaṃ vatvā – ‘‘mayā mahāupāsikāya tayo māse dvīheva padehi anumodanā katā, ajja sabbarattiṃ tīhi piṭakehi sammasitvā tasseva padadvayassa atthaṃ kathessāmī’’ti dhammadesanaṃ ārabhitvā sabbarattiṃ kathesi. Aruṇuggamane desanāpariyosāne mahāupāsikā sotāpattiphale patiṭṭhāsi.
абароби д̇асмим̣язва махаавихаарз д̇иссабхууд̇ид̇т̇зро наама винаяам̣ г̇ан̣ханд̇о бхигкаажааравзлааяам̣ анд̇ог̇аамам̣ бавидто висабхааг̇аарамман̣ам̣ ологзси. д̇асса лобхо уббаж̇ж̇и, со бад̇идтид̇абаад̣̇ам̣ ажаалзд̇ваа ад̇д̇ано бад̇д̇з яааг̇ум̣ убадтаагад̣̇ахарасса бад̇д̇з аагирид̇ваа ‘‘аяам̣ вид̇агго вад̣дхамаано мам̣ жад̇уусу абааязсу сам̣сийд̣̇аабзссад̇ий’’д̇и д̇ад̇ова нивад̇д̇ид̇ваа аажарияасса санд̇игам̣ г̇анд̇ваа ванд̣̇ид̇ваа згаманд̇ам̣ тид̇о ааха – ‘‘зго мз б̣яаад̇хи уббанно, ахам̣ зд̇ам̣ д̇игижчид̇ум̣ саггонд̇о ааг̇амиссаами, ид̇арат̇аа нааг̇амиссаами. д̇умхз д̣̇иваа уд̣̇д̣̇зсан̃жа сааяам̣ уд̣̇д̣̇зсан̃жа мам̣ ологзд̇ваа табзт̇а, бажжуусагаалз уд̣̇д̣̇зсам̣ бана маа табаяид̇т̇аа’’д̇и звам̣ вад̇ваа малаяаваасимахаасан̇гхарагкид̇ад̇т̇зрасса санд̇игам̣ аг̇амааси. т̇зро ад̇д̇ано бан̣н̣асаалааяа барибхан̣д̣ам̣ гаронд̇о д̇ам̣ анологзд̇ваава ‘‘бадисаамзхи, аавусо, д̇ава бад̇д̇ажийвара’’нд̇и ааха. бханд̇з, зго мз б̣яаад̇хи ад̇т̇и, сажз д̇умхз д̇ам̣ д̇игижчид̇ум̣ саггот̇а, бадисаамзссаамийд̇и. аавусо, уббаннам̣ рог̇ам̣ д̇игижчид̇ум̣ самад̇т̇асса санд̇игам̣ ааг̇ад̇оси, бадисаамзхийд̇и. суб̣б̣ажо бхигку ‘‘амхаагам̣ аажарияо аж̇аанид̇ваа звам̣ на вагкад̇ий’’д̇и бад̇д̇ажийварам̣ табзд̇ваа т̇зрасса вад̇д̇ам̣ д̣̇ассзд̇ваа ванд̣̇ид̇ваа згаманд̇ам̣ нисийд̣̇и.
Aparopi tasmiṃyeva mahāvihāre tissabhūtitthero nāma vinayaṃ gaṇhanto bhikkhācāravelāyaṃ antogāmaṃ paviṭṭho visabhāgārammaṇaṃ olokesi. Tassa lobho uppajji, so patiṭṭhitapādaṃ acāletvā attano patte yāguṃ upaṭṭhākadaharassa patte ākiritvā ‘‘ayaṃ vitakko vaḍḍhamāno maṃ catūsu apāyesu saṃsīdāpessatī’’ti tatova nivattitvā ācariyassa santikaṃ gantvā vanditvā ekamantaṃ ṭhito āha – ‘‘eko me byādhi uppanno, ahaṃ etaṃ tikicchituṃ sakkonto āgamissāmi, itarathā nāgamissāmi. Tumhe divā uddesañca sāyaṃ uddesañca maṃ oloketvā ṭhapetha, paccūsakāle uddesaṃ pana mā ṭhapayitthā’’ti evaṃ vatvā malayavāsimahāsaṅgharakkhitattherassa santikaṃ agamāsi. Thero attano paṇṇasālāya paribhaṇḍaṃ karonto taṃ anoloketvāva ‘‘paṭisāmehi, āvuso, tava pattacīvara’’nti āha. Bhante, eko me byādhi atthi, sace tumhe taṃ tikicchituṃ sakkotha, paṭisāmessāmīti. Āvuso, uppannaṃ rogaṃ tikicchituṃ samatthassa santikaṃ āgatosi, paṭisāmehīti. Subbaco bhikkhu ‘‘amhākaṃ ācariyo ajānitvā evaṃ na vakkhatī’’ti pattacīvaraṃ ṭhapetvā therassa vattaṃ dassetvā vanditvā ekamantaṃ nisīdi.
т̇зро ‘‘рааг̇ажарид̇о аяа’’нд̇и н̃ад̇ваа асубхагаммадтаанам̣ гат̇зси. со удтааяа бад̇д̇ажийварам̣ ам̣сз лаг̇г̇зд̇ваа т̇зрам̣ бунаббунам̣ ванд̣̇и. гим̣, аавусо, махаабхууд̇и ад̇ирзганибажжагаарам̣ д̣̇ассзсийд̇и? бханд̇з, сажз ад̇д̇ано гижжам̣ гаад̇ум̣ сагкиссаами, ижжзд̇ам̣ гусалам̣. но жз, ид̣̇ам̣ мз бажчимад̣̇ассананд̇и! г̇ажчаавусо, махаабхууд̇и д̇аад̣̇исасса яуд̇д̇аяог̇асса гулабуд̇д̇асса на жхаанам̣ ваа вибассанаа ваа маг̇г̇о ваа палам̣ ваа д̣̇уллабханд̇и. со т̇зрасса гат̇ам̣ суд̇ваа нибажжагаарам̣ д̣̇ассзд̇ваа ааг̇аманагаалз вавад̇т̇аабид̇ам̣ чаннам̣ сзбан̣н̣иг̇ажчамуулам̣ г̇анд̇ваа баллан̇гзна нисинно асубхагаммадтаанам̣ баад̣̇агам̣ гад̇ваа вибассанам̣ бадтабзд̇ваа арахад̇д̇з бад̇идтааяа бажжуусагаалз уд̣̇д̣̇зсам̣ самбаабун̣и. зваруубаанам̣ г̇ант̇авасзна вигкамбхид̇аа гилзсаа д̇ат̇аа вигкамбхид̇аава хонд̇и.
Thero ‘‘rāgacarito aya’’nti ñatvā asubhakammaṭṭhānaṃ kathesi. So uṭṭhāya pattacīvaraṃ aṃse laggetvā theraṃ punappunaṃ vandi. Kiṃ, āvuso, mahābhūti atirekanipaccakāraṃ dassesīti? Bhante, sace attano kiccaṃ kātuṃ sakkhissāmi, iccetaṃ kusalaṃ. No ce, idaṃ me pacchimadassananti! Gacchāvuso, mahābhūti tādisassa yuttayogassa kulaputtassa na jhānaṃ vā vipassanā vā maggo vā phalaṃ vā dullabhanti. So therassa kathaṃ sutvā nipaccakāraṃ dassetvā āgamanakāle vavatthāpitaṃ channaṃ sepaṇṇigacchamūlaṃ gantvā pallaṅkena nisinno asubhakammaṭṭhānaṃ pādakaṃ katvā vipassanaṃ paṭṭhapetvā arahatte patiṭṭhāya paccūsakāle uddesaṃ sampāpuṇi. Evarūpānaṃ ganthavasena vikkhambhitā kilesā tathā vikkhambhitāva honti.
згажжасса бана вуд̇д̇анаязнзва д̇худ̇ан̇г̇аани барихарад̇о гилзсо огаасам̣ на лабхад̇и, д̇худ̇ан̇г̇авасзна вигкамбхид̇ова ход̇и. со д̇ам̣ д̇ат̇аа вигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и г̇ааманд̇абаб̣бхаараваасий махаасийвад̇т̇зро вияа. т̇зро гира махааг̇аамз д̇иссамахаавихаарз васанд̇о д̇збидагам̣ ад̇т̇авасзна жа баал̣ивасзна жа адтаараса махааг̇ан̣з ваажзд̇и. т̇зрасса оваад̣̇з тад̇ваа садтисахасса бхигкуу арахад̇д̇ам̣ баабун̣им̣су . д̇зсу зго бхигку ад̇д̇анаа бадивид̣̇д̇хад̇хаммам̣ аараб̣бха уббаннасоманассо жинд̇зси – ‘‘ад̇т̇и ну ко ид̣̇ам̣ сукам̣ амхаагам̣ аажарияассаа’’д̇и. со ааваж̇ж̇знд̇о т̇зрасса бут̇уж̇ж̇анабхаавам̣ н̃ад̇ваа ‘‘згзнубааязна т̇зрасса сам̣взг̇ам̣ уббаад̣̇зссаамий’’д̇и ад̇д̇ано васанадтаанад̇о т̇зрасса санд̇игам̣ г̇анд̇ваа ванд̣̇ид̇ваа вад̇д̇ам̣ д̣̇ассзд̇ваа нисийд̣̇и. ат̇а нам̣ т̇зро ‘‘гим̣ ааг̇ад̇оси, аавусо, бин̣д̣абаад̇игаа’’д̇и ааха. ‘‘сажз мз огаасам̣ гариссат̇а, згам̣ д̇хаммабад̣̇ам̣ г̇ан̣хиссаамий’’д̇и ааг̇ад̇осми, бханд̇зд̇и. б̣ахуу, аавусо, г̇ан̣ханд̇и, д̇уяхам̣ огаасо на бхависсад̇ийд̇и. со саб̣б̣зсу рад̇д̇ид̣̇ивасабхааг̇зсу огаасам̣ алабханд̇о, ‘‘бханд̇з, звам̣ огаасз асад̇и маран̣асса гат̇ам̣ огаасам̣ лабхиссат̇аа’’д̇и ааха. д̇ад̣̇аа т̇зро жинд̇зси – ‘‘нааяам̣ уд̣̇д̣̇зсад̇т̇ааяа ааг̇ад̇о, маяхам̣ банзса сам̣взг̇аж̇ананад̇т̇ааяа ааг̇ад̇о’’д̇и. соби т̇зро ‘‘бхигкунаа наама, бханд̇з, маад̣̇исзна бхавид̇аб̣б̣а’’нд̇и вад̇ваа т̇зрам̣ ванд̣̇ид̇ваа ман̣иван̣н̣з аагаасз уббад̇ид̇ваа аг̇амааси.
Ekaccassa pana vuttanayeneva dhutaṅgāni pariharato kileso okāsaṃ na labhati, dhutaṅgavasena vikkhambhitova hoti. So taṃ tathā vikkhambhitameva katvā vivaṭṭetvā arahattaṃ gaṇhāti gāmantapabbhāravāsī mahāsīvatthero viya. Thero kira mahāgāme tissamahāvihāre vasanto tepiṭakaṃ atthavasena ca pāḷivasena ca aṭṭhārasa mahāgaṇe vāceti. Therassa ovāde ṭhatvā saṭṭhisahassa bhikkhū arahattaṃ pāpuṇiṃsu . Tesu eko bhikkhu attanā paṭividdhadhammaṃ ārabbha uppannasomanasso cintesi – ‘‘atthi nu kho idaṃ sukhaṃ amhākaṃ ācariyassā’’ti. So āvajjento therassa puthujjanabhāvaṃ ñatvā ‘‘ekenupāyena therassa saṃvegaṃ uppādessāmī’’ti attano vasanaṭṭhānato therassa santikaṃ gantvā vanditvā vattaṃ dassetvā nisīdi. Atha naṃ thero ‘‘kiṃ āgatosi, āvuso, piṇḍapātikā’’ti āha. ‘‘Sace me okāsaṃ karissatha, ekaṃ dhammapadaṃ gaṇhissāmī’’ti āgatosmi, bhanteti. Bahū, āvuso, gaṇhanti, tuyhaṃ okāso na bhavissatīti. So sabbesu rattidivasabhāgesu okāsaṃ alabhanto, ‘‘bhante, evaṃ okāse asati maraṇassa kathaṃ okāsaṃ labhissathā’’ti āha. Tadā thero cintesi – ‘‘nāyaṃ uddesatthāya āgato, mayhaṃ panesa saṃvegajananatthāya āgato’’ti. Sopi thero ‘‘bhikkhunā nāma, bhante, mādisena bhavitabba’’nti vatvā theraṃ vanditvā maṇivaṇṇe ākāse uppatitvā agamāsi.
т̇зро д̇асса г̇ад̇агаалад̇о бадтааяа ж̇аад̇асам̣взг̇о д̣̇иваа уд̣̇д̣̇зсан̃жа сааяам̣ уд̣̇д̣̇зсан̃жа ваажзд̇ваа бад̇д̇ажийварам̣ хад̇т̇абаасз табзд̇ваа бажжуусагаалз уд̣̇д̣̇зсам̣ г̇ахзд̇ваа од̇аранд̇зна бхигкунаа сад̣̇д̇хим̣ бад̇д̇ажийварамаад̣̇ааяа од̇ин̣н̣о д̇зраса д̇худ̇аг̇ун̣з барибун̣н̣з ад̇хидтааяа г̇ааманд̇абаб̣бхаарасзнаасанам̣ г̇анд̇ваа баб̣бхаарам̣ бадиж̇аг̇г̇ид̇ваа ман̃жабийтам̣ уссаабзд̇ваа ‘‘арахад̇д̇ам̣ абад̇ваа ман̃жз бидтим̣ на басаарзссаамий’’д̇и маанасам̣ б̣анд̇хид̇ваа жан̇гамам̣ од̇ари. д̇асса ‘‘аж̇ж̇а арахад̇д̇ам̣ г̇ан̣хиссаами аж̇ж̇а арахад̇д̇ам̣ г̇ан̣хиссаамий’’д̇и гхадзнд̇ассзва бавааран̣аа самбад̇д̇аа. со бавааран̣ааяа убагадтааяа ‘‘бут̇уж̇ж̇анабхаавам̣ бахааяа висуд̣̇д̇хибавааран̣ам̣ баваарзссаамий’’д̇и жинд̇знд̇о ад̇ивияа гиламад̇и. со д̇ааяа бавааран̣ааяа маг̇г̇ам̣ ваа палам̣ ваа уббаад̣̇зд̇ум̣ асаггонд̇о ‘‘маад̣̇исоби наама аарад̣̇д̇хавибассаго на лабхад̇и, яаава д̣̇уллабхан̃жа вад̇ид̣̇ам̣ арахад̇д̇а’’нд̇и вад̇ваа д̇знзва нияаамзна таанажан̇гамаб̣ахуло худ̇ваа д̇им̣са вассаани саман̣ад̇хаммам̣ гад̇ваа махаабавааран̣ааяа маж̇жхз тид̇ам̣ бун̣н̣ажанд̣̇ам̣ д̣̇исваа ‘‘гим̣ ну ко жанд̣̇аман̣д̣алам̣ висуд̣̇д̇хам̣, уд̣̇ааху маяхам̣ сийла’’нд̇и жинд̇знд̇о ‘‘жанд̣̇аман̣д̣алз сасалагкан̣ам̣ бан̃н̃ааяад̇и, маяхам̣ бана убасамбад̣̇ад̇о бадтааяа яааваж̇ж̇ад̣̇ивасаа сийласмим̣ гаал̣агам̣ ваа д̇илаго ваа над̇т̇ий’’д̇и ааваж̇ж̇зд̇ваа сан̃ж̇аад̇абийд̇исоманассо барибагган̃аан̣ад̇д̇аа бийд̇им̣ вигкамбхзд̇ваа саха бадисамбхид̣̇аахи арахад̇д̇ам̣ баабун̣и. зваруубасса д̇худ̇ан̇г̇авасзна вигкамбхид̇о гилзсо д̇ат̇аа вигкамбхид̇ова ход̇и.
Thero tassa gatakālato paṭṭhāya jātasaṃvego divā uddesañca sāyaṃ uddesañca vācetvā pattacīvaraṃ hatthapāse ṭhapetvā paccūsakāle uddesaṃ gahetvā otarantena bhikkhunā saddhiṃ pattacīvaramādāya otiṇṇo terasa dhutaguṇe paripuṇṇe adhiṭṭhāya gāmantapabbhārasenāsanaṃ gantvā pabbhāraṃ paṭijaggitvā mañcapīṭhaṃ ussāpetvā ‘‘arahattaṃ apatvā mañce piṭṭhiṃ na pasāressāmī’’ti mānasaṃ bandhitvā caṅkamaṃ otari. Tassa ‘‘ajja arahattaṃ gaṇhissāmi ajja arahattaṃ gaṇhissāmī’’ti ghaṭentasseva pavāraṇā sampattā. So pavāraṇāya upakaṭṭhāya ‘‘puthujjanabhāvaṃ pahāya visuddhipavāraṇaṃ pavāressāmī’’ti cintento ativiya kilamati. So tāya pavāraṇāya maggaṃ vā phalaṃ vā uppādetuṃ asakkonto ‘‘mādisopi nāma āraddhavipassako na labhati, yāva dullabhañca vatidaṃ arahatta’’nti vatvā teneva niyāmena ṭhānacaṅkamabahulo hutvā tiṃsa vassāni samaṇadhammaṃ katvā mahāpavāraṇāya majjhe ṭhitaṃ puṇṇacandaṃ disvā ‘‘kiṃ nu kho candamaṇḍalaṃ visuddhaṃ, udāhu mayhaṃ sīla’’nti cintento ‘‘candamaṇḍale sasalakkhaṇaṃ paññāyati, mayhaṃ pana upasampadato paṭṭhāya yāvajjadivasā sīlasmiṃ kāḷakaṃ vā tilako vā natthī’’ti āvajjetvā sañjātapītisomanasso paripakkañāṇattā pītiṃ vikkhambhetvā saha paṭisambhidāhi arahattaṃ pāpuṇi. Evarūpassa dhutaṅgavasena vikkhambhito kileso tathā vikkhambhitova hoti.
згажжасса вуд̇д̇анаязнзва батамаж̇жхаанаад̣̇исамаабаж̇ж̇анаб̣ахулад̇ааяа гилзсо огаасам̣ на лабхад̇и, самаабад̇д̇ивасзна вигкамбхид̇ова ход̇и. со д̇ам̣ д̇ат̇аа вигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и махаад̇иссад̇т̇зро вияа. т̇зро гира авассигагаалад̇о бадтааяа адтасамаабад̇д̇илаабхий. со самаабад̇д̇ивигкамбхид̇аанам̣ гилзсаанам̣ асамуд̣̇аажаарзна уг̇г̇ахабарибужчаавасзнзва арияамаг̇г̇асааманд̇ам̣ гат̇зд̇и, садтивассагаалзби ад̇д̇ано бут̇уж̇ж̇анабхаавам̣ на ж̇аанаад̇и. ат̇згад̣̇ивасам̣ махааг̇аамз д̇иссамахаавихаарад̇о бхигкусан̇гхо д̇алан̇г̇араваасид̇хаммад̣̇иннад̇т̇зрасса саасанам̣ бзсзси ‘‘т̇зро ааг̇анд̇ваа амхаагам̣ д̇хаммагат̇ам̣ гат̇зд̇уу’’д̇и. т̇зро ад̇хиваасзд̇ваа ‘‘мама санд̇игз махаллагад̇аро бхигку над̇т̇и, махаад̇иссад̇т̇зро ко бана мз гаммадтаанаажарияо, д̇ам̣ сан̇гхад̇т̇зрам̣ гад̇ваа г̇амиссаамий’’д̇и жинд̇знд̇о бхигкусан̇гхабаривуд̇о т̇зрасса вихаарам̣ г̇анд̇ваа д̣̇иваадтаанз т̇зрасса вад̇д̇ам̣ д̣̇ассзд̇ваа згаманд̇ам̣ нисийд̣̇и.
Ekaccassa vuttanayeneva paṭhamajjhānādisamāpajjanabahulatāya kileso okāsaṃ na labhati, samāpattivasena vikkhambhitova hoti. So taṃ tathā vikkhambhitameva katvā vivaṭṭetvā arahattaṃ gaṇhāti mahātissatthero viya. Thero kira avassikakālato paṭṭhāya aṭṭhasamāpattilābhī. So samāpattivikkhambhitānaṃ kilesānaṃ asamudācārena uggahaparipucchāvaseneva ariyamaggasāmantaṃ katheti, saṭṭhivassakālepi attano puthujjanabhāvaṃ na jānāti. Athekadivasaṃ mahāgāme tissamahāvihārato bhikkhusaṅgho talaṅgaravāsidhammadinnattherassa sāsanaṃ pesesi ‘‘thero āgantvā amhākaṃ dhammakathaṃ kathetū’’ti. Thero adhivāsetvā ‘‘mama santike mahallakataro bhikkhu natthi, mahātissatthero kho pana me kammaṭṭhānācariyo, taṃ saṅghattheraṃ katvā gamissāmī’’ti cintento bhikkhusaṅghaparivuto therassa vihāraṃ gantvā divāṭṭhāne therassa vattaṃ dassetvā ekamantaṃ nisīdi.
т̇зро ааха – ‘‘гим̣, д̇хаммад̣̇инна, жирассам̣ ааг̇ад̇осий’’д̇и? ‘‘аама, бханд̇з, д̇иссамахаавихаарад̇о мз бхигкусан̇гхо саасанам̣ бзсзси, ахам̣ згаго на г̇амиссаами, д̇умхзхи бана сад̣̇д̇хим̣ г̇анд̇угаамо худ̇ваа ааг̇ад̇омхий’’д̇и сааран̣ийяагат̇ам̣ гат̇знд̇ова бабан̃жзд̇ваа ‘‘гад̣̇аа, бханд̇з, д̇умхзхи аяам̣ д̇хаммо ад̇хиг̇ад̇о’’д̇и бужчи. садтимад̇д̇аани, аавусо д̇хаммад̣̇инна, вассаани хонд̇ийд̇и . самаабад̇д̇им̣ бана, бханд̇з, вал̣ан̃ж̇зт̇аад̇и. аама, аавусод̇и. згам̣ богкаран̣им̣ маабзд̇ум̣ саггун̣зяяаат̇а, бханд̇зд̇и? ‘‘на, аавусо, зд̇ам̣ бхаарияа’’нд̇и вад̇ваа саммукадтаанз богкаран̣им̣ маабзси. ‘‘зд̇т̇а, бханд̇з, згам̣ бад̣̇умаг̇ажчам̣ маабзт̇аа’’д̇и жа вуд̇д̇о д̇амби маабзси. ид̣̇аанзд̇т̇а маханд̇ам̣ бубпам̣ д̣̇ассзт̇аад̇и. т̇зро д̇амби д̣̇ассзси. зд̇т̇а сол̣асавассуд̣̇д̣̇зсигам̣ ид̇т̇ируубам̣ д̣̇ассзт̇аад̇и . т̇зро сол̣асавассуд̣̇д̣̇зсигам̣ ид̇т̇ируубам̣ д̣̇ассзси. д̇ад̇о нам̣ ааха – ‘‘ид̣̇ам̣, бханд̇з, бунаббунам̣ субхад̇о манаси гарот̇аа’’д̇и. т̇зро ад̇д̇анаава маабид̇ам̣ ид̇т̇ируубам̣ ологзнд̇о лобхам̣ уббаад̣̇зси. д̇ад̣̇аа ад̇д̇ано бут̇уж̇ж̇анабхаавам̣ н̃ад̇ваа ‘‘авассаяо мз саббуриса хохий’’д̇и анд̇зваасигасса санд̇игз уггудигам̣ нисийд̣̇и. ‘‘зд̇ад̣̇ад̇т̇амзваахам̣, бханд̇з, ааг̇ад̇о’’д̇и т̇зрасса асубхавасзна саллахугам̣ гад̇ваа гаммадтаанам̣ гат̇зд̇ваа т̇зрасса огаасам̣ гаад̇ум̣ б̣ахи нигканд̇о. субаримад̣̇д̣̇ид̇асан̇кааро т̇зро д̇асмим̣ д̣̇иваадтаанад̇о нигканд̇амад̇д̇зязва саха бадисамбхид̣̇аахи арахад̇д̇ам̣ баабун̣и. ат̇а нам̣ сан̇гхад̇т̇зрам̣ гад̇ваа д̇хаммад̣̇иннад̇т̇зро д̇иссамахаавихаарам̣ г̇анд̇ваа сан̇гхасса д̇хаммагат̇ам̣ гат̇зси. зваруубасса самаабад̇д̇ивасзна вигкамбхид̇о гилзсо д̇ат̇аа вигкамбхид̇ова ход̇и.
Thero āha – ‘‘kiṃ, dhammadinna, cirassaṃ āgatosī’’ti? ‘‘Āma, bhante, tissamahāvihārato me bhikkhusaṅgho sāsanaṃ pesesi, ahaṃ ekako na gamissāmi, tumhehi pana saddhiṃ gantukāmo hutvā āgatomhī’’ti sāraṇīyakathaṃ kathentova papañcetvā ‘‘kadā, bhante, tumhehi ayaṃ dhammo adhigato’’ti pucchi. Saṭṭhimattāni, āvuso dhammadinna, vassāni hontīti . Samāpattiṃ pana, bhante, vaḷañjethāti. Āma, āvusoti. Ekaṃ pokkharaṇiṃ māpetuṃ sakkuṇeyyātha, bhanteti? ‘‘Na, āvuso, etaṃ bhāriya’’nti vatvā sammukhaṭṭhāne pokkharaṇiṃ māpesi. ‘‘Ettha, bhante, ekaṃ padumagacchaṃ māpethā’’ti ca vutto tampi māpesi. Idānettha mahantaṃ pupphaṃ dassethāti. Thero tampi dassesi. Ettha soḷasavassuddesikaṃ itthirūpaṃ dassethāti . Thero soḷasavassuddesikaṃ itthirūpaṃ dassesi. Tato naṃ āha – ‘‘idaṃ, bhante, punappunaṃ subhato manasi karothā’’ti. Thero attanāva māpitaṃ itthirūpaṃ olokento lobhaṃ uppādesi. Tadā attano puthujjanabhāvaṃ ñatvā ‘‘avassayo me sappurisa hohī’’ti antevāsikassa santike ukkuṭikaṃ nisīdi. ‘‘Etadatthamevāhaṃ, bhante, āgato’’ti therassa asubhavasena sallahukaṃ katvā kammaṭṭhānaṃ kathetvā therassa okāsaṃ kātuṃ bahi nikkhanto. Suparimadditasaṅkhāro thero tasmiṃ divāṭṭhānato nikkhantamatteyeva saha paṭisambhidāhi arahattaṃ pāpuṇi. Atha naṃ saṅghattheraṃ katvā dhammadinnatthero tissamahāvihāraṃ gantvā saṅghassa dhammakathaṃ kathesi. Evarūpassa samāpattivasena vikkhambhito kileso tathā vikkhambhitova hoti.
згажжасса бана вуд̇д̇анаязнзва вибассанааяа гаммам̣ гаронд̇асса гилзсо огаасам̣ на лабхад̇и, вибассанаавасзна вигкамбхид̇ова ход̇и. со д̇ам̣ д̇ат̇аа вигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и, б̣уд̣̇д̇хагаалз садтимад̇д̇аа аарад̣̇д̇хавибассагаа бхигкуу вияа. д̇з гира сад̇т̇у санд̇игз гаммадтаанам̣ г̇ахзд̇ваа вивид̇д̇ам̣ аран̃н̃ам̣ бависид̇ваа вибассанааяа гаммам̣ гаронд̇аа гилзсаанам̣ асамуд̣̇аажааравасзна ‘‘бадивид̣̇д̇хамаг̇г̇апалаа маяа’’нд̇и сан̃н̃ааяа маг̇г̇апалад̇т̇ааяа вааяаамам̣ агад̇ваа ‘‘амхзхи бадивид̣̇д̇хад̇хаммам̣ д̣̇асаб̣аласса аарожзссаамаа’’д̇и сад̇т̇у санд̇игам̣ ааг̇ажчанд̇и.
Ekaccassa pana vuttanayeneva vipassanāya kammaṃ karontassa kileso okāsaṃ na labhati, vipassanāvasena vikkhambhitova hoti. So taṃ tathā vikkhambhitameva katvā vivaṭṭetvā arahattaṃ gaṇhāti, buddhakāle saṭṭhimattā āraddhavipassakā bhikkhū viya. Te kira satthu santike kammaṭṭhānaṃ gahetvā vivittaṃ araññaṃ pavisitvā vipassanāya kammaṃ karontā kilesānaṃ asamudācāravasena ‘‘paṭividdhamaggaphalā maya’’nti saññāya maggaphalatthāya vāyāmaṃ akatvā ‘‘amhehi paṭividdhadhammaṃ dasabalassa ārocessāmā’’ti satthu santikaṃ āgacchanti.
сад̇т̇аа д̇зсам̣ бурз ааг̇аманад̇ова аананд̣̇ад̇т̇зрам̣ ааха – ‘‘аананд̣̇а, бад̇хаанагаммигаа бхигкуу аж̇ж̇а мам̣ бассид̇ум̣ ааг̇амиссанд̇и, д̇зсам̣ мама д̣̇ассанааяа огаасам̣ агад̇ваа ‘аамагасусаанам̣ г̇анд̇ваа аллаасубхабхааванам̣ гарот̇аа’д̇и бахин̣зяяаасий’’д̇и. т̇зро д̇зсам̣ ааг̇ад̇аанам̣ сад̇т̇аараа гат̇ид̇асаасанам̣ аарожзси. д̇з ‘‘д̇ат̇ааг̇ад̇о аж̇аанид̇ваа на гат̇зссад̇и, ад̣̇д̇хаа зд̇т̇а гааран̣ам̣ бхависсад̇ий’’д̇и аамагасусаанам̣ г̇анд̇ваа аллаасубхам̣ ологзнд̇аа лобхам̣ уббаад̣̇зд̇ваа ‘‘ид̣̇ам̣ нууна саммаасамб̣уд̣̇д̇хзна д̣̇идтам̣ бхависсад̇ий’’д̇и ж̇аад̇асам̣взг̇аа лад̣̇д̇хамаг̇г̇ам̣ гаммадтаанам̣ аад̣̇ид̇о бадтааяа аарабхим̣су. сад̇т̇аа д̇зсам̣ вибассанааяа аарад̣̇д̇хабхаавам̣ н̃ад̇ваа г̇анд̇хагудияам̣ нисиннова имам̣ обхаасаг̇аат̇амааха –
Satthā tesaṃ pure āgamanatova ānandattheraṃ āha – ‘‘ānanda, padhānakammikā bhikkhū ajja maṃ passituṃ āgamissanti, tesaṃ mama dassanāya okāsaṃ akatvā ‘āmakasusānaṃ gantvā allaasubhabhāvanaṃ karothā’ti pahiṇeyyāsī’’ti. Thero tesaṃ āgatānaṃ satthārā kathitasāsanaṃ ārocesi. Te ‘‘tathāgato ajānitvā na kathessati, addhā ettha kāraṇaṃ bhavissatī’’ti āmakasusānaṃ gantvā allaasubhaṃ olokentā lobhaṃ uppādetvā ‘‘idaṃ nūna sammāsambuddhena diṭṭhaṃ bhavissatī’’ti jātasaṃvegā laddhamaggaṃ kammaṭṭhānaṃ ādito paṭṭhāya ārabhiṃsu. Satthā tesaṃ vipassanāya āraddhabhāvaṃ ñatvā gandhakuṭiyaṃ nisinnova imaṃ obhāsagāthamāha –
‘‘яаанимаани абад̇д̇аани, алааб̣уунзва саарад̣̇з;
‘‘Yānimāni apattāni, alābūneva sārade;
гаабод̇агаани адтийни, д̇аани д̣̇исваана гаа рад̇ий’’д̇и. (д̇ха. ба. 149);
Kāpotakāni aṭṭhīni, tāni disvāna kā ratī’’ti. (dha. pa. 149);
г̇аат̇аабарияосаанз арахад̇д̇апалз бад̇идтахим̣су. зваруубаанам̣ вибассанаавасзна вигкамбхид̇аа гилзсаа д̇ат̇аа вигкамбхид̇аава хонд̇и.
Gāthāpariyosāne arahattaphale patiṭṭhahiṃsu. Evarūpānaṃ vipassanāvasena vikkhambhitā kilesā tathā vikkhambhitāva honti.
згажжасса вуд̇д̇анаязнзва навагаммам̣ гаронд̇асса гилзсо огаасам̣ на лабхад̇и, навагаммавасзна вигкамбхид̇ова ход̇и. со д̇ам̣ д̇ат̇аа вигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и жид̇д̇алабаб̣б̣ад̇з д̇иссад̇т̇зро вияа. д̇асса гира адтавассигагаалз анабхирад̇и уббаж̇ж̇и, со д̇ам̣ винод̣̇зд̇ум̣ асаггонд̇о ад̇д̇ано жийварам̣ д̇ховид̇ваа раж̇ид̇ваа бад̇д̇ам̣ бажид̇ваа гзсз охаарзд̇ваа убаж̇жхааяам̣ ванд̣̇ид̇ваа адтааси. ат̇а нам̣ т̇зро ааха – ‘‘гим̣, аавусо махаад̇исса, ад̇удтасса вияа д̇з аагааро’’д̇и? аама, бханд̇з, анабхирад̇и мз уббаннаа, д̇ам̣ винод̣̇зд̇ум̣ на саггомийд̇и. т̇зро д̇ассаасаяам̣ ологзнд̇о арахад̇д̇асса убаниссаяам̣ д̣̇исваа анугамбаавасзна ааха – ‘‘аавусо д̇исса, маяам̣ махаллагаа, згам̣ но васанадтаанам̣ гарохий’’д̇и . д̣̇уд̇ияагат̇ам̣ агат̇ид̇абуб̣б̣о бхигку ‘‘саад̇ху, бханд̇з’’д̇и самбадижчи.
Ekaccassa vuttanayeneva navakammaṃ karontassa kileso okāsaṃ na labhati, navakammavasena vikkhambhitova hoti. So taṃ tathā vikkhambhitameva katvā vivaṭṭetvā arahattaṃ gaṇhāti cittalapabbate tissatthero viya. Tassa kira aṭṭhavassikakāle anabhirati uppajji, so taṃ vinodetuṃ asakkonto attano cīvaraṃ dhovitvā rajitvā pattaṃ pacitvā kese ohāretvā upajjhāyaṃ vanditvā aṭṭhāsi. Atha naṃ thero āha – ‘‘kiṃ, āvuso mahātissa, atuṭṭhassa viya te ākāro’’ti? Āma, bhante, anabhirati me uppannā, taṃ vinodetuṃ na sakkomīti. Thero tassāsayaṃ olokento arahattassa upanissayaṃ disvā anukampāvasena āha – ‘‘āvuso tissa, mayaṃ mahallakā, ekaṃ no vasanaṭṭhānaṃ karohī’’ti . Dutiyakathaṃ akathitapubbo bhikkhu ‘‘sādhu, bhante’’ti sampaṭicchi.
ат̇а нам̣ т̇зро ааха – ‘‘аавусо, навагаммам̣ гаронд̇о уд̣̇д̣̇зсамаг̇г̇ан̃жа маа виссаж̇ж̇и, гаммадтаанан̃жа манаси гарохи, гаалзна жа гаалам̣ гасин̣абаригаммам̣ гарохий’’д̇и. ‘‘звам̣ гариссаами, бханд̇з’’д̇и т̇зрам̣ ванд̣̇ид̇ваа д̇ат̇ааруубам̣ саббааяадтаанам̣ ологзд̇ваа ‘‘зд̇т̇а гаад̇ум̣ саггаа’’д̇и д̣̇ааруухи буурзд̇ваа жхаабзд̇ваа сод̇хзд̇ваа идтагаахи баригкибид̇ваа д̣̇ваараваад̇абаанаад̣̇ийни яож̇зд̇ваа сад̣̇д̇хим̣ жан̇гаманабхуумибхид̇д̇ибаригаммаад̣̇ийхи лзн̣ам̣ нидтаабзд̇ваа ман̃жабийтам̣ сант̇арид̇ваа т̇зрасса санд̇игам̣ г̇анд̇ваа ванд̣̇ид̇ваа, ‘‘бханд̇з, нидтид̇ам̣ лзн̣з баригаммам̣, васат̇аа’’д̇и ааха. аавусо, д̣̇угкзна д̇аяаа зд̇ам̣ гаммам̣ гад̇ам̣, аж̇ж̇а згад̣̇ивасам̣ д̇ван̃н̃звзд̇т̇а васаахийд̇и. со ‘‘саад̇ху, бханд̇з’’д̇и ванд̣̇ид̇ваа баад̣̇з д̇ховид̇ваа лзн̣ам̣ бависид̇ваа баллан̇гам̣ аабхуж̇ид̇ваа нисинно ад̇д̇анаа гад̇агаммам̣ ааваж̇ж̇и. д̇асса ‘‘манаабам̣ маяаа убаж̇жхааяасса гааяавзяяааважжам̣ гад̇а’’нд̇и жинд̇знд̇асса аб̣бханд̇арз бийд̇и уббаннаа. со д̇ам̣ вигкамбхзд̇ваа вибассанам̣ бадтабзд̇ваа аг̇г̇апалам̣ арахад̇д̇ам̣ баабун̣и. зваруубасса навагаммавасзна вигкамбхид̇о гилзсо д̇ат̇аа вигкамбхид̇ова ход̇и.
Atha naṃ thero āha – ‘‘āvuso, navakammaṃ karonto uddesamaggañca mā vissajji, kammaṭṭhānañca manasi karohi, kālena ca kālaṃ kasiṇaparikammaṃ karohī’’ti. ‘‘Evaṃ karissāmi, bhante’’ti theraṃ vanditvā tathārūpaṃ sappāyaṭṭhānaṃ oloketvā ‘‘ettha kātuṃ sakkā’’ti dārūhi pūretvā jhāpetvā sodhetvā iṭṭhakāhi parikkhipitvā dvāravātapānādīni yojetvā saddhiṃ caṅkamanabhūmibhittiparikammādīhi leṇaṃ niṭṭhāpetvā mañcapīṭhaṃ santharitvā therassa santikaṃ gantvā vanditvā, ‘‘bhante, niṭṭhitaṃ leṇe parikammaṃ, vasathā’’ti āha. Āvuso, dukkhena tayā etaṃ kammaṃ kataṃ, ajja ekadivasaṃ tvaññevettha vasāhīti. So ‘‘sādhu, bhante’’ti vanditvā pāde dhovitvā leṇaṃ pavisitvā pallaṅkaṃ ābhujitvā nisinno attanā katakammaṃ āvajji. Tassa ‘‘manāpaṃ mayā upajjhāyassa kāyaveyyāvaccaṃ kata’’nti cintentassa abbhantare pīti uppannā. So taṃ vikkhambhetvā vipassanaṃ paṭṭhapetvā aggaphalaṃ arahattaṃ pāpuṇi. Evarūpassa navakammavasena vikkhambhito kileso tathā vikkhambhitova hoti.
згажжо бана б̣рахмалогад̇о ааг̇ад̇о суд̣̇д̇хасад̇д̇о ход̇и. д̇асса анаасзванад̇ааяа гилзсо на самуд̣̇аажарад̇и, бхававасзна вигкамбхид̇о ход̇и. со д̇ам̣ д̇ат̇аа вигкамбхид̇амзва гад̇ваа виваддзд̇ваа арахад̇д̇ам̣ г̇ан̣хаад̇и ааяасмаа махаагассабо вияа. со хи ааяасмаа аг̇аарамаж̇жхзби гаамз абарибхун̃ж̇ид̇ваа махаасамбад̇д̇им̣ бахааяа баб̣б̣аж̇ид̇ваа нигканд̇о анд̇араамаг̇г̇з бажжуг̇г̇аманад̇т̇ааяа ааг̇ад̇ам̣ сад̇т̇аарам̣ д̣̇исваа ванд̣̇ид̇ваа д̇ийхи оваад̣̇зхи убасамбад̣̇ам̣ лабхид̇ваа адтамз арун̣з саха бадисамбхид̣̇аахи арахад̇д̇ам̣ баабун̣и. зваруубасса бхававасзна вигкамбхид̇о гилзсо д̇ат̇аа вигкамбхид̇ова ход̇и.
Ekacco pana brahmalokato āgato suddhasatto hoti. Tassa anāsevanatāya kileso na samudācarati, bhavavasena vikkhambhito hoti. So taṃ tathā vikkhambhitameva katvā vivaṭṭetvā arahattaṃ gaṇhāti āyasmā mahākassapo viya. So hi āyasmā agāramajjhepi kāme aparibhuñjitvā mahāsampattiṃ pahāya pabbajitvā nikkhanto antarāmagge paccuggamanatthāya āgataṃ satthāraṃ disvā vanditvā tīhi ovādehi upasampadaṃ labhitvā aṭṭhame aruṇe saha paṭisambhidāhi arahattaṃ pāpuṇi. Evarūpassa bhavavasena vikkhambhito kileso tathā vikkhambhitova hoti.
яо бана ананубхууд̇абуб̣б̣ам̣ руубаад̣̇иаарамман̣ам̣ лабхид̇ваа д̇ад̇т̇зва вибассанам̣ бадтабзд̇ваа виваддзд̇ваа арахад̇д̇ам̣ г̇ан̣хаад̇и, зваруубасса ананубхууд̇аарамман̣авасзна гаамажчанд̣̇о ануббаннова нуббаж̇ж̇ад̇и наама.
Yo pana ananubhūtapubbaṃ rūpādiārammaṇaṃ labhitvā tattheva vipassanaṃ paṭṭhapetvā vivaṭṭetvā arahattaṃ gaṇhāti, evarūpassa ananubhūtārammaṇavasena kāmacchando anuppannova nuppajjati nāma.
уббанно ваа гаамажчанд̣̇о бахийяад̇ийд̇и зд̇т̇а уббаннод̇и ж̇аад̇о бхууд̇о самуд̣̇ааг̇ад̇о. бахийяад̇ийд̇и д̇ад̣̇ан̇г̇аббахаанам̣, вигкамбханаббахаанам̣, самужчзд̣̇аббахаанам̣, бадибассад̣̇д̇хиббахаанам̣, ниссаран̣аббахаананд̇и имзхи бан̃жахи бахаанзхи бахийяад̇и, на буна уббаж̇ж̇ад̇ийд̇и ад̇т̇о. д̇ад̇т̇а вибассанааяа гилзсаа д̇ад̣̇ан̇г̇авасзна бахийяанд̇ийд̇и вибассанаа д̇ад̣̇ан̇г̇аббахаананд̇и взд̣̇ид̇аб̣б̣аа. самаабад̇д̇и бана гилзсз вигкамбхзд̇ийд̇и саа вигкамбханаббахаананд̇и взд̣̇ид̇аб̣б̣аа. маг̇г̇о самужчинд̣̇анд̇о уббаж̇ж̇ад̇и, палам̣ бадиббассамбхаяамаанам̣, ниб̣б̣аанам̣ саб̣б̣агилзсзхи ниссаданд̇и имаани д̇ийн̣и самужчзд̣̇абадибассад̣̇д̇хиниссаран̣аббахаанаанийд̇и вужжанд̇и. имзхи логияалогуд̇д̇арзхи бан̃жахи бахаанзхи бахийяад̇ийд̇и ад̇т̇о.
Uppanno vā kāmacchando pahīyatīti ettha uppannoti jāto bhūto samudāgato. Pahīyatīti tadaṅgappahānaṃ, vikkhambhanappahānaṃ, samucchedappahānaṃ, paṭipassaddhippahānaṃ, nissaraṇappahānanti imehi pañcahi pahānehi pahīyati, na puna uppajjatīti attho. Tattha vipassanāya kilesā tadaṅgavasena pahīyantīti vipassanā tadaṅgappahānanti veditabbā. Samāpatti pana kilese vikkhambhetīti sā vikkhambhanappahānanti veditabbā. Maggo samucchindanto uppajjati, phalaṃ paṭippassambhayamānaṃ, nibbānaṃ sabbakilesehi nissaṭanti imāni tīṇi samucchedapaṭipassaddhinissaraṇappahānānīti vuccanti. Imehi lokiyalokuttarehi pañcahi pahānehi pahīyatīti attho.
асубханимид̇д̇анд̇и д̣̇асасу асубхзсу уббаннам̣ саарамман̣ам̣ батамаж̇жхаанам̣. д̇знааху бораан̣аа – ‘‘асубхамби асубханимид̇д̇ам̣, асубхаарамман̣аа д̇хаммааби асубханимид̇д̇а’’нд̇и. яонисоманасигарод̇од̇и. ‘‘д̇ад̇т̇а гад̇амо яонисоманасигааро? анижжз анижжа’’нд̇иаад̣̇инаа наязна вуд̇д̇асса убааяаманасигаарасса васзна манасигарод̇о. ануббанно жзва гаамажчанд̣̇о нуббаж̇ж̇ад̇ийд̇и асамуд̣̇ааг̇ад̇о на самуд̣̇ааг̇ажчад̇и. уббанно жа гаамажчанд̣̇о бахийяад̇ийд̇и самуд̣̇ааг̇ад̇о жа гаамажчанд̣̇о бан̃жавид̇хзна бахаанзна бахийяад̇и.
Asubhanimittanti dasasu asubhesu uppannaṃ sārammaṇaṃ paṭhamajjhānaṃ. Tenāhu porāṇā – ‘‘asubhampi asubhanimittaṃ, asubhārammaṇā dhammāpi asubhanimitta’’nti. Yonisomanasikarototi. ‘‘Tattha katamo yonisomanasikāro? Anicce anicca’’ntiādinā nayena vuttassa upāyamanasikārassa vasena manasikaroto. Anuppanno ceva kāmacchando nuppajjatīti asamudāgato na samudāgacchati. Uppanno ca kāmacchando pahīyatīti samudāgato ca kāmacchando pañcavidhena pahānena pahīyati.
абижа ча д̇хаммаа гаамажчанд̣̇асса бахаанааяа сам̣вад̇д̇анд̇и – асубханимид̇д̇асса уг̇г̇ахо, асубхабхааванаануяог̇о, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, галяаан̣амид̇д̇ад̇аа саббааяагат̇аад̇и. д̣̇асавид̇хан̃хи асубханимид̇д̇ам̣ уг̇г̇ан̣ханд̇ассааби гаамажчанд̣̇о бахийяад̇и, бхаавзнд̇ассааби, инд̣̇риязсу бихид̇ад̣̇ваарассааби, жад̇уннам̣ бан̃жаннам̣ аалобаанам̣ огаасз сад̇и уд̣̇агам̣ бивид̇ваа яаабанасийлад̇ааяа бхож̇анз мад̇д̇ан̃н̃уноби. д̇знзд̇ам̣ вуд̇д̇ам̣ –
Apica cha dhammā kāmacchandassa pahānāya saṃvattanti – asubhanimittassa uggaho, asubhabhāvanānuyogo, indriyesu guttadvāratā, bhojane mattaññutā, kalyāṇamittatā sappāyakathāti. Dasavidhañhi asubhanimittaṃ uggaṇhantassāpi kāmacchando pahīyati, bhāventassāpi, indriyesu pihitadvārassāpi, catunnaṃ pañcannaṃ ālopānaṃ okāse sati udakaṃ pivitvā yāpanasīlatāya bhojane mattaññunopi. Tenetaṃ vuttaṃ –
‘‘жад̇д̇ааро бан̃жа аалобз, абхуд̇ваа уд̣̇агам̣ бивз;
‘‘Cattāro pañca ālope, abhutvā udakaṃ pive;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);
Alaṃ phāsuvihārāya, pahitattassa bhikkhuno’’ti. (theragā. 983);
асубхагаммигад̇иссад̇т̇зрасад̣̇исз асубхабхааванаарад̇з галяаан̣амид̇д̇з сзванд̇ассааби гаамажчанд̣̇о бахийяад̇и, таананисаж̇ж̇аад̣̇ийсу д̣̇асаасубханиссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа гаамажчанд̣̇асса бахаанааяа сам̣вад̇д̇анд̇ий’’д̇и.
Asubhakammikatissattherasadise asubhabhāvanārate kalyāṇamitte sevantassāpi kāmacchando pahīyati, ṭhānanisajjādīsu dasaasubhanissitasappāyakathāyapi pahīyati. Tena vuttaṃ – ‘‘cha dhammā kāmacchandassa pahānāya saṃvattantī’’ti.
17. сад̇д̇амз мзд̇д̇аа жзд̇овимуд̇д̇ийд̇и саб̣б̣асад̇д̇зсу хид̇апаран̣агаа мзд̇д̇аа. яасмаа бана д̇ам̣самбаяуд̇д̇ажид̇д̇ам̣ нийваран̣аад̣̇ийхи бажжанийгад̇хаммзхи вимужжад̇и, д̇асмаа саа ‘‘жзд̇овимуд̇д̇ий’’д̇и вужжад̇и. висзсад̇о ваа саб̣б̣аб̣яаабаад̣̇абарияудтаанзна вимуд̇д̇ад̇д̇аа саа жзд̇овимуд̇д̇ийд̇и взд̣̇ид̇аб̣б̣аа. д̇ад̇т̇а ‘‘мзд̇д̇аа’’д̇и зд̇д̇аавад̇аа буб̣б̣абхааг̇оби ваддад̇и, ‘‘жзд̇овимуд̇д̇ий’’д̇и вуд̇д̇ад̇д̇аа бана ид̇ха д̇игажад̇уггаж̇жхаанавасзна аббанаава ад̇хиббзд̇аа. яонисоманасигарод̇од̇и д̇ам̣ мзд̇д̇ам̣ жзд̇овимуд̇д̇им̣ вуд̇д̇алагкан̣зна убааяаманасигаарзна манасигаронд̇асса.
17. Sattame mettā cetovimuttīti sabbasattesu hitapharaṇakā mettā. Yasmā pana taṃsampayuttacittaṃ nīvaraṇādīhi paccanīkadhammehi vimuccati, tasmā sā ‘‘cetovimuttī’’ti vuccati. Visesato vā sabbabyāpādapariyuṭṭhānena vimuttattā sā cetovimuttīti veditabbā. Tattha ‘‘mettā’’ti ettāvatā pubbabhāgopi vaṭṭati, ‘‘cetovimuttī’’ti vuttattā pana idha tikacatukkajjhānavasena appanāva adhippetā. Yonisomanasikarototi taṃ mettaṃ cetovimuttiṃ vuttalakkhaṇena upāyamanasikārena manasikarontassa.
абижа ча д̇хаммаа б̣яаабаад̣̇асса бахаанааяа сам̣вад̇д̇анд̇и – мзд̇д̇аанимид̇д̇асса уг̇г̇ахо, мзд̇д̇аабхааванаануяог̇о, гаммассагад̇аабажжавзгкан̣аа, бадисан̇каанаб̣ахулад̇аа, галяаан̣амид̇д̇ад̇аа, саббааяагат̇аад̇и. од̣̇иссагаанод̣̇иссагад̣̇исаапаран̣аанан̃хи ан̃н̃ад̇аравасзна мзд̇д̇ам̣ уг̇г̇ан̣ханд̇ассааби б̣яаабаад̣̇о бахийяад̇и, од̇хисо анод̇хисо д̣̇исаапаран̣авасзна мзд̇д̇ам̣ бхаавзнд̇ассааби. ‘‘д̇вам̣ зд̇асса гуд̣̇д̇хо гим̣ гариссаси, гимасса сийлаад̣̇ийни наасзд̇ум̣ сагкиссаси, нану д̇вам̣ ад̇д̇ано гаммзна ааг̇анд̇ваа ад̇д̇ано гаммзнзва г̇амиссаси? барасса гуж̇жханам̣ наама вийд̇ажжид̇ан̇г̇аарад̇ад̇д̇ааяасалаагаг̇уут̇аад̣̇ийни г̇ахзд̇ваа барам̣ бахарид̇угаамад̇аасад̣̇исам̣ ход̇и. зсоби д̇ава гуд̣̇д̇хо гим̣ гариссад̇и, гим̣ д̇з сийлаад̣̇ийни наасзд̇ум̣ сагкиссад̇и? зса ад̇д̇ано гаммзна ааг̇анд̇ваа ад̇д̇ано гаммзнзва г̇амиссад̇и, аббадижчид̇абахзн̣агам̣ вияа бадиваад̇ам̣ кид̇д̇араж̇омудти вияа жа зд̇ассзвзса год̇хо мад̇т̇агз бад̇иссад̇ий’’д̇и звам̣ ад̇д̇ано жа барасса жа гаммассагад̇ам̣ бажжавзгкад̇оби, убхаяагаммассагад̇ам̣ бажжавзгкид̇ваа бадисан̇каанз тид̇ассааби, ассаг̇уд̇д̇ад̇т̇зрасад̣̇исз мзд̇д̇аабхааванаарад̇з галяаан̣амид̇д̇з сзванд̇ассааби б̣яаабаад̣̇о бахийяад̇и, таананисаж̇ж̇аад̣̇ийсу мзд̇д̇ааниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа б̣яаабаад̣̇асса бахаанааяа сам̣вад̇д̇анд̇ий’’д̇и. сзсамид̇ха ид̇о барзсу жа вуд̇д̇анаязнзва взд̣̇ид̇аб̣б̣ам̣, висзсамад̇д̇амзва бана вагкаамаад̇и.
Apica cha dhammā byāpādassa pahānāya saṃvattanti – mettānimittassa uggaho, mettābhāvanānuyogo, kammassakatāpaccavekkhaṇā, paṭisaṅkhānabahulatā, kalyāṇamittatā, sappāyakathāti. Odissakaanodissakadisāpharaṇānañhi aññataravasena mettaṃ uggaṇhantassāpi byāpādo pahīyati, odhiso anodhiso disāpharaṇavasena mettaṃ bhāventassāpi. ‘‘Tvaṃ etassa kuddho kiṃ karissasi, kimassa sīlādīni nāsetuṃ sakkhissasi, nanu tvaṃ attano kammena āgantvā attano kammeneva gamissasi? Parassa kujjhanaṃ nāma vītaccitaṅgāratattaayasalākagūthādīni gahetvā paraṃ paharitukāmatāsadisaṃ hoti. Esopi tava kuddho kiṃ karissati, kiṃ te sīlādīni nāsetuṃ sakkhissati? Esa attano kammena āgantvā attano kammeneva gamissati, appaṭicchitapaheṇakaṃ viya paṭivātaṃ khittarajomuṭṭhi viya ca etassevesa kodho matthake patissatī’’ti evaṃ attano ca parassa ca kammassakataṃ paccavekkhatopi, ubhayakammassakataṃ paccavekkhitvā paṭisaṅkhāne ṭhitassāpi, assaguttattherasadise mettābhāvanārate kalyāṇamitte sevantassāpi byāpādo pahīyati, ṭhānanisajjādīsu mettānissitasappāyakathāyapi pahīyati. Tena vuttaṃ – ‘‘cha dhammā byāpādassa pahānāya saṃvattantī’’ti. Sesamidha ito paresu ca vuttanayeneva veditabbaṃ, visesamattameva pana vakkhāmāti.
18. адтамз аарамбхад̇хаад̇ууаад̣̇ийсу аарамбхад̇хаад̇у наама батамаарамбхавийрияам̣. ниггамад̇хаад̇у наама госаж̇ж̇ад̇о нигканд̇ад̇д̇аа д̇ад̇о б̣алавад̇арам̣. бараггамад̇хаад̇у наама барам̣ барам̣ таанам̣ аггаманад̇о д̇ад̇оби б̣алавад̇арам̣. адтагат̇ааяам̣ бана ‘‘аарамбхо жзд̇асо гаамаанам̣ банууд̣̇анааяа, ниггамо жзд̇асо балигхуг̇гхааданааяа, бараггамо жзд̇асо б̣анд̇ханажчзд̣̇анааяаа’’д̇и вад̇ваа ‘‘д̇ийхи бзд̇зхи ад̇химад̇д̇авийрияамзва гат̇ид̇а’’нд̇и вуд̇д̇ам̣.
18. Aṭṭhame ārambhadhātūādīsu ārambhadhātu nāma paṭhamārambhavīriyaṃ. Nikkamadhātu nāma kosajjato nikkhantattā tato balavataraṃ. Parakkamadhātu nāma paraṃ paraṃ ṭhānaṃ akkamanato tatopi balavataraṃ. Aṭṭhakathāyaṃ pana ‘‘ārambho cetaso kāmānaṃ panūdanāya, nikkamo cetaso palighugghāṭanāya, parakkamo cetaso bandhanacchedanāyā’’ti vatvā ‘‘tīhi petehi adhimattavīriyameva kathita’’nti vuttaṃ.
аарад̣̇д̇хавийрияассаад̇и барибун̣н̣авийрияасса жзва баг̇г̇ахид̇авийрияасса жа. д̇ад̇т̇а жад̇уд̣̇осаабаг̇ад̇ам̣ вийрияам̣ аарад̣̇д̇ханд̇и взд̣̇ид̇аб̣б̣ам̣. на жа ад̇илийнам̣ ход̇и, на жа ад̇ибаг̇г̇ахид̇ам̣, на жа аж̇жхад̇д̇ам̣ сам̣кид̇д̇ам̣, на жа б̣ахид̣̇д̇хаа вигкид̇д̇ам̣. д̇ад̣̇зд̇ам̣ д̣̇увид̇хам̣ ход̇и – гааяигам̣, жзд̇асиган̃жа. д̇ад̇т̇а ‘‘ид̇ха бхигку д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇ий’’д̇и (вибха. 519) звам̣ рад̇д̇ид̣̇ивасасса бан̃жа годтаасз гааязна гхадзнд̇асса вааяаманд̇асса гааяигавийрияам̣ взд̣̇ид̇аб̣б̣ам̣. ‘‘на д̇ааваахам̣ ид̇о лзн̣аа нигкамиссаами, яаава мз на анубаад̣̇ааяа аасавзхи жид̇д̇ам̣ вимужжад̇ий’’д̇и звам̣ огаасабарижчзд̣̇зна ваа, ‘‘на д̇ааваахам̣ имам̣ баллан̇гам̣ бхинд̣̇иссаамий’’д̇и звам̣ нисаж̇ж̇аад̣̇ибарижчзд̣̇зна ваа маанасам̣ б̣анд̇хид̇ваа гхадзнд̇асса вааяаманд̇асса жзд̇асигавийрияам̣ взд̣̇ид̇аб̣б̣ам̣. д̇ад̣̇убхаяамби ид̇ха ваддад̇и. д̣̇увид̇хзнааби хи иминаа вийриязна аарад̣̇д̇хавийрияасса ануббаннан̃жзва т̇инамид̣̇д̇хам̣ нуббаж̇ж̇ад̇и, уббаннан̃жа т̇инамид̣̇д̇хам̣ бахийяад̇и милагкад̇иссад̇т̇зрасса вияа, г̇ааманд̇абаб̣бхаараваасимахаасийвад̇т̇зрасса вияа, бийд̇ималлагад̇т̇зрасса вияа, гудумб̣ияабуд̇д̇ад̇иссад̇т̇зрасса вияа жа. зд̇зсу хи буримаа д̇аяо ан̃н̃з жа зваруубаа гааяигавийриязна аарад̣̇д̇хавийрияаа, гудумб̣ияабуд̇д̇ад̇иссад̇т̇зро ан̃н̃з жа зваруубаа жзд̇асигавийриязна аарад̣̇д̇хавийрияаа, ужжааваалугаваасий махаанааг̇ад̇т̇зро бана д̣̇вийхиби вийриязхи аарад̣̇д̇хавийрияова. т̇зро гира згам̣ сад̇д̇аахам̣ жан̇гамад̇и, згам̣ д̇идтад̇и, згам̣ нисийд̣̇ад̇и, згам̣ нибаж̇ж̇ад̇и. махаат̇зрасса згаирияаабат̇оби асаббааяо наама над̇т̇и, жад̇уд̇т̇з сад̇д̇аахз вибассанам̣ вад̣дхзд̇ваа арахад̇д̇з бад̇идтааси.
Āraddhavīriyassāti paripuṇṇavīriyassa ceva paggahitavīriyassa ca. Tattha catudosāpagataṃ vīriyaṃ āraddhanti veditabbaṃ. Na ca atilīnaṃ hoti, na ca atipaggahitaṃ, na ca ajjhattaṃ saṃkhittaṃ, na ca bahiddhā vikkhittaṃ. Tadetaṃ duvidhaṃ hoti – kāyikaṃ, cetasikañca. Tattha ‘‘idha bhikkhu divasaṃ caṅkamena nisajjāya āvaraṇīyehi dhammehi cittaṃ parisodhetī’’ti (vibha. 519) evaṃ rattidivasassa pañca koṭṭhāse kāyena ghaṭentassa vāyamantassa kāyikavīriyaṃ veditabbaṃ. ‘‘Na tāvāhaṃ ito leṇā nikkhamissāmi, yāva me na anupādāya āsavehi cittaṃ vimuccatī’’ti evaṃ okāsaparicchedena vā, ‘‘na tāvāhaṃ imaṃ pallaṅkaṃ bhindissāmī’’ti evaṃ nisajjādiparicchedena vā mānasaṃ bandhitvā ghaṭentassa vāyamantassa cetasikavīriyaṃ veditabbaṃ. Tadubhayampi idha vaṭṭati. Duvidhenāpi hi iminā vīriyena āraddhavīriyassa anuppannañceva thinamiddhaṃ nuppajjati, uppannañca thinamiddhaṃ pahīyati milakkhatissattherassa viya, gāmantapabbhāravāsimahāsīvattherassa viya, pītimallakattherassa viya, kuṭumbiyaputtatissattherassa viya ca. Etesu hi purimā tayo aññe ca evarūpā kāyikavīriyena āraddhavīriyā, kuṭumbiyaputtatissatthero aññe ca evarūpā cetasikavīriyena āraddhavīriyā, uccāvālukavāsī mahānāgatthero pana dvīhipi vīriyehi āraddhavīriyova. Thero kira ekaṃ sattāhaṃ caṅkamati, ekaṃ tiṭṭhati, ekaṃ nisīdati, ekaṃ nipajjati. Mahātherassa ekairiyāpathopi asappāyo nāma natthi, catutthe sattāhe vipassanaṃ vaḍḍhetvā arahatte patiṭṭhāsi.
абижа ча д̇хаммаа т̇инамид̣̇д̇хасса бахаанааяа сам̣вад̇д̇анд̇и – ад̇ибхож̇анз нимид̇д̇аг̇г̇аахо, ирияаабат̇асамбаривад̇д̇анад̇аа, аалогасан̃н̃ааманасигааро, аб̣бхогаасаваасо, галяаан̣амид̇д̇ад̇аа, саббааяагат̇аад̇и. аахарахад̇т̇ага-бхуд̇д̇авамид̇ага-д̇ад̇раваддага-алам̣саадага-гаагамаасага-б̣раахман̣аад̣̇аяо вияа бхож̇анам̣ бхун̃ж̇ид̇ваа рад̇д̇идтаанад̣̇иваадтаанз нисиннасса хи саман̣ад̇хаммам̣ гарод̇о т̇инамид̣̇д̇хам̣ махаахад̇т̇ий вияа од̇т̇аранд̇ам̣ ааг̇ажчад̇и, жад̇убан̃жааалобаогаасам̣ бана табзд̇ваа баанийяам̣ бивид̇ваа яаабанасийласса бхигкуно д̇ам̣ на ход̇ийд̇и звам̣ ад̇ибхож̇анз нимид̇д̇ам̣ г̇ан̣ханд̇ассааби т̇инамид̣̇д̇хам̣ бахийяад̇и. яасмим̣ ирияаабат̇з т̇инамид̣̇д̇хам̣ оггамад̇и, д̇ад̇о ан̃н̃ам̣ баривад̇д̇знд̇ассааби, рад̇д̇им̣ жанд̣̇аалогад̣̇ийбаалогауггаалогз д̣̇иваа суурияаалогам̣ манасигаронд̇ассааби , аб̣бхогаасз васанд̇ассааби, махаагассабад̇т̇зрасад̣̇исз бахийнат̇инамид̣̇д̇хз галяаан̣амид̇д̇з сзванд̇ассааби т̇инамид̣̇д̇хам̣ бахийяад̇и, таананисаж̇ж̇аад̣̇ийсу д̇худ̇ан̇г̇аниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа т̇инамид̣̇д̇хасса бахаанааяа сам̣вад̇д̇анд̇ий’’д̇и.
Apica cha dhammā thinamiddhassa pahānāya saṃvattanti – atibhojane nimittaggāho, iriyāpathasamparivattanatā, ālokasaññāmanasikāro, abbhokāsavāso, kalyāṇamittatā, sappāyakathāti. Āharahatthaka-bhuttavamitaka-tatravaṭṭaka-alaṃsāṭaka-kākamāsaka-brāhmaṇādayo viya bhojanaṃ bhuñjitvā rattiṭṭhānadivāṭṭhāne nisinnassa hi samaṇadhammaṃ karoto thinamiddhaṃ mahāhatthī viya ottharantaṃ āgacchati, catupañcaālopaokāsaṃ pana ṭhapetvā pānīyaṃ pivitvā yāpanasīlassa bhikkhuno taṃ na hotīti evaṃ atibhojane nimittaṃ gaṇhantassāpi thinamiddhaṃ pahīyati. Yasmiṃ iriyāpathe thinamiddhaṃ okkamati, tato aññaṃ parivattentassāpi, rattiṃ candālokadīpālokaukkāloke divā sūriyālokaṃ manasikarontassāpi , abbhokāse vasantassāpi, mahākassapattherasadise pahīnathinamiddhe kalyāṇamitte sevantassāpi thinamiddhaṃ pahīyati, ṭhānanisajjādīsu dhutaṅganissitasappāyakathāyapi pahīyati. Tena vuttaṃ – ‘‘cha dhammā thinamiddhassa pahānāya saṃvattantī’’ti.
19. навамз вуубасанд̇ажид̇д̇ассаад̇и жхаанзна ваа вибассанааяа ваа вуубасамид̇ажид̇д̇асса.
19. Navame vūpasantacittassāti jhānena vā vipassanāya vā vūpasamitacittassa.
абижа ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇и – б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, вуд̣̇д̇хасзвид̇аа, галяаан̣амид̇д̇ад̇аа, саббааяагат̇аад̇и. б̣аахусажжзнааби хи згам̣ ваа д̣̇вз ваа д̇аяо ваа жад̇д̇ааро ваа бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассааби уд̣̇д̇хажжагуггужжам̣ бахийяад̇и, габбияаагаббияабарибужчааб̣ахулассааби, винаяабан̃н̃ад̇д̇ияам̣ жин̣н̣авасийбхаавад̇ааяа багад̇ан̃н̃уноби, вуд̣дхз махаллагад̇т̇зрз убасан̇гаманд̇ассааби, убаалид̇т̇зрасад̣̇исз винаяад̇харз галяаан̣амид̇д̇з сзванд̇ассааби уд̣̇д̇хажжагуггужжам̣ бахийяад̇и, таананисаж̇ж̇аад̣̇ийсу габбияаагаббияаниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа уд̣̇д̇хажжагуггужжасса бахаанааяа сам̣вад̇д̇анд̇ий’’д̇и.
Apica cha dhammā uddhaccakukkuccassa pahānāya saṃvattanti – bahussutatā, paripucchakatā, vinaye pakataññutā, vuddhasevitā, kalyāṇamittatā, sappāyakathāti. Bāhusaccenāpi hi ekaṃ vā dve vā tayo vā cattāro vā pañca vā nikāye pāḷivasena ca atthavasena ca uggaṇhantassāpi uddhaccakukkuccaṃ pahīyati, kappiyākappiyaparipucchābahulassāpi, vinayapaññattiyaṃ ciṇṇavasībhāvatāya pakataññunopi, vuḍḍhe mahallakatthere upasaṅkamantassāpi, upālittherasadise vinayadhare kalyāṇamitte sevantassāpi uddhaccakukkuccaṃ pahīyati, ṭhānanisajjādīsu kappiyākappiyanissitasappāyakathāyapi pahīyati. Tena vuttaṃ – ‘‘cha dhammā uddhaccakukkuccassa pahānāya saṃvattantī’’ti.
20. д̣̇асамз яонисо, бхигкавз, манасигарод̇од̇и вуд̇д̇анаязнзва убааяад̇о манасигаронд̇асса.
20. Dasame yoniso, bhikkhave, manasikarototi vuttanayeneva upāyato manasikarontassa.
абижа ча д̇хаммаа вижигижчааяа бахаанааяа сам̣вад̇д̇анд̇и – б̣ахуссуд̇ад̇аа, барибужчагад̇аа, винаяз багад̇ан̃н̃уд̇аа, ад̇химогкаб̣ахулад̇аа, галяаан̣амид̇д̇ад̇аа, саббааяагат̇аад̇и. б̣ахусажжзнааби хи згам̣ ваа…бз… бан̃жа ваа нигааяз баал̣ивасзна жа ад̇т̇авасзна жа уг̇г̇ан̣ханд̇ассааби вижигижчаа бахийяад̇и, д̇ийн̣и рад̇анаани аараб̣бха барибужчааб̣ахулассааби, винаяз жин̣н̣авасийбхаавассааби, д̇ийсу рад̇анзсу огаббанияасад̣̇д̇хаасан̇каад̇аад̇химогкаб̣ахулассааби, сад̣̇д̇хаад̇химуд̇д̇з ваггалид̇т̇зрасад̣̇исз галяаан̣амид̇д̇з сзванд̇ассааби вижигижчаа бахийяад̇и, таананисаж̇ж̇аад̣̇ийсу д̇ин̣н̣ам̣ рад̇анаанам̣ г̇ун̣аниссид̇асаббааяагат̇ааяаби бахийяад̇и. д̇зна вуд̇д̇ам̣ – ‘‘ча д̇хаммаа вижигижчааяа бахаанааяа сам̣вад̇д̇анд̇ий’’д̇и. имасмим̣ нийваран̣аббахаанаваг̇г̇з ваддавиваддам̣ гат̇ид̇анд̇и.
Apica cha dhammā vicikicchāya pahānāya saṃvattanti – bahussutatā, paripucchakatā, vinaye pakataññutā, adhimokkhabahulatā, kalyāṇamittatā, sappāyakathāti. Bahusaccenāpi hi ekaṃ vā…pe… pañca vā nikāye pāḷivasena ca atthavasena ca uggaṇhantassāpi vicikicchā pahīyati, tīṇi ratanāni ārabbha paripucchābahulassāpi, vinaye ciṇṇavasībhāvassāpi, tīsu ratanesu okappaniyasaddhāsaṅkhātaadhimokkhabahulassāpi, saddhādhimutte vakkalittherasadise kalyāṇamitte sevantassāpi vicikicchā pahīyati, ṭhānanisajjādīsu tiṇṇaṃ ratanānaṃ guṇanissitasappāyakathāyapi pahīyati. Tena vuttaṃ – ‘‘cha dhammā vicikicchāya pahānāya saṃvattantī’’ti. Imasmiṃ nīvaraṇappahānavagge vaṭṭavivaṭṭaṃ kathitanti.
нийваран̣аббахаанаваг̇г̇аван̣н̣анаа.
Nīvaraṇappahānavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. нийваран̣аббахаанаваг̇г̇о • 2. Nīvaraṇappahānavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. нийваран̣аббахаанаваг̇г̇аван̣н̣анаа • 2. Nīvaraṇappahānavaggavaṇṇanā
