| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. нийваран̣аббахаанаваг̇г̇аван̣н̣анаа
2. Nīvaraṇappahānavaggavaṇṇanā
11. д̣̇уд̇ияассаад̇и д̣̇уд̇ияаваг̇г̇асса. згад̇хаммамбийд̇и зд̇т̇а ‘‘згасабхаавамбий’’д̇и иминаа сабхаавад̇т̇ояам̣ д̇хаммасад̣̇д̣̇о ‘‘гусалаа д̇хаммаа’’д̇иаад̣̇ийсу вияаад̇и д̣̇ассид̇ам̣ ход̇и. яад̣̇аг̇г̇зна жа сабхаавад̇т̇о, д̇ад̣̇аг̇г̇зна ниссад̇д̇ад̇т̇о сид̣̇д̇хо зваад̇и ‘‘ниссад̇д̇адтзна д̇хаммо взд̣̇ид̇аб̣б̣о’’д̇и вуд̇д̇ам̣. субханимид̇д̇анд̇и д̇хаммабарияааязна вуд̇д̇ам̣. д̇ан̃хи ад̇т̇ад̇о гаамажчанд̣̇о ваа сияаа. со хи ад̇д̇ано г̇ахан̣аагаарзна субханд̇и, д̇знаагаарзна бавад̇д̇анагасса ан̃н̃асса гаамажчанд̣̇асса нимид̇д̇ад̇д̇аа ‘‘субханимид̇д̇а’’нд̇и жа вужжад̇и. д̇асса аарамман̣ам̣ ваа субханимид̇д̇ам̣. идтан̃хи идтаагаарзна ваа г̇аяхамаанам̣ руубаад̣̇иаарамман̣ам̣ ‘‘субханимид̇д̇а’’нд̇и вужжад̇и. аарамман̣амзва жзд̇т̇а нимид̇д̇ам̣. д̇ат̇аа хи вагкад̇и – ‘‘субханимид̇д̇анд̇и рааг̇адтаанияам̣ аарамман̣а’’нд̇и. самужжаяад̇т̇о ваа-сад̣̇д̣̇о анзгад̇т̇ад̇д̇аа нибаад̇аанам̣. бхияяобхаавааяаад̇и бунаббунам̣ бхаавааяа. взбуллааяаад̇и вибулабхаавааяа, вад̣дхияаад̇и ад̇т̇о. аж̇аад̇о ниж̇ж̇аад̇о. сзсабад̣̇аани д̇ассзва взважанаани. гаамзсууд̇и бан̃жасу гаамаг̇ун̣зсу. гаамажчанд̣̇од̇и гаамасан̇каад̇о чанд̣̇о, на гад̇д̇угамяад̇аачанд̣̇о на д̇хаммажчанд̣̇о. гааманавасзна раж̇ж̇анавасзна жа гаамо зва рааг̇о гаамарааг̇о. гааманавасзна нанд̣̇анавасзна жа гаамо зва нанд̣̇ийд̇и гаамананд̣̇ий. гааманавасзна д̇ан̣хааяанавасзна жа гаамад̇ан̣хаа. аад̣̇исад̣̇д̣̇зна ‘‘гаамаснзхо гаамабарил̣аахо гаамамужчаа гаамаж̇жхосаана’’нд̇и зд̇зсам̣ бад̣̇аанам̣ сан̇г̇ахо д̣̇адтаб̣б̣о. д̇ад̇т̇а вуд̇д̇анаязнзва гаамад̇т̇ам̣ вид̣̇ид̇ваа синзханадтзна гаамаснзхо, барил̣ааханадтзна гаамабарил̣аахо, мужчанадтзна гаамамужчаа, г̇илид̇ваа баринидтаабанадтзна гаамаж̇жхосаанам̣ взд̣̇ид̇аб̣б̣ам̣. гаамажчанд̣̇о зва гусалаббавад̇д̇ид̇о жид̇д̇асса нийваран̣адтзна гаамажчанд̣̇анийваран̣ам̣, сод̇и гаамажчанд̣̇о. асамуд̣̇аажааравасзнаад̇и асамуд̣̇аажаарабхаавзна. ананубхууд̇аарамман̣авасзнаад̇и ‘‘ид̣̇ам̣ наамзд̇а’’нд̇и вад̇т̇увасзна уд̇ваа д̇асмим̣ ад̇д̇абхаавз ананубхууд̇асса аарамман̣асса васзна. руубасад̣̇д̣̇аад̣̇ибхзд̣̇ам̣ бана аарамман̣ам̣ згасмимби ад̇д̇абхаавз ананубхууд̇ам̣ наама над̇т̇зва, гиман̇г̇ам̣ бана анаад̣̇имад̇и сам̣саарз.
11.Dutiyassāti dutiyavaggassa. Ekadhammampīti ettha ‘‘ekasabhāvampī’’ti iminā sabhāvatthoyaṃ dhammasaddo ‘‘kusalā dhammā’’tiādīsu viyāti dassitaṃ hoti. Yadaggena ca sabhāvattho, tadaggena nissattattho siddho evāti ‘‘nissattaṭṭhena dhammo veditabbo’’ti vuttaṃ. Subhanimittanti dhammapariyāyena vuttaṃ. Tañhi atthato kāmacchando vā siyā. So hi attano gahaṇākārena subhanti, tenākārena pavattanakassa aññassa kāmacchandassa nimittattā ‘‘subhanimitta’’nti ca vuccati. Tassa ārammaṇaṃ vā subhanimittaṃ. Iṭṭhañhi iṭṭhākārena vā gayhamānaṃ rūpādiārammaṇaṃ ‘‘subhanimitta’’nti vuccati. Ārammaṇameva cettha nimittaṃ. Tathā hi vakkhati – ‘‘subhanimittanti rāgaṭṭhāniyaṃ ārammaṇa’’nti. Samuccayattho vā-saddo anekatthattā nipātānaṃ. Bhiyyobhāvāyāti punappunaṃ bhāvāya. Vepullāyāti vipulabhāvāya, vaḍḍhiyāti attho. Ajāto nijjāto. Sesapadāni tasseva vevacanāni. Kāmesūti pañcasu kāmaguṇesu. Kāmacchandoti kāmasaṅkhāto chando, na kattukamyatāchando na dhammacchando. Kāmanavasena rajjanavasena ca kāmo eva rāgo kāmarāgo. Kāmanavasena nandanavasena ca kāmo eva nandīti kāmanandī. Kāmanavasena taṇhāyanavasena ca kāmataṇhā. Ādisaddena ‘‘kāmasneho kāmapariḷāho kāmamucchā kāmajjhosāna’’nti etesaṃ padānaṃ saṅgaho daṭṭhabbo. Tattha vuttanayeneva kāmatthaṃ viditvā sinehanaṭṭhena kāmasneho, pariḷāhanaṭṭhena kāmapariḷāho, mucchanaṭṭhena kāmamucchā, gilitvā pariniṭṭhāpanaṭṭhena kāmajjhosānaṃ veditabbaṃ. Kāmacchando eva kusalappavattito cittassa nīvaraṇaṭṭhena kāmacchandanīvaraṇaṃ, soti kāmacchando. Asamudācāravasenāti asamudācārabhāvena. Ananubhūtārammaṇavasenāti ‘‘idaṃ nāmeta’’nti vatthuvasena utvā tasmiṃ attabhāve ananubhūtassa ārammaṇassa vasena. Rūpasaddādibhedaṃ pana ārammaṇaṃ ekasmimpi attabhāve ananubhūtaṃ nāma nattheva, kimaṅgaṃ pana anādimati saṃsāre.
яам̣ вуд̇д̇ам̣ – ‘‘асамуд̣̇аажааравасзна жаа’’д̇иаад̣̇и, д̇ам̣ ад̇исам̣кид̇д̇анд̇и вид̇т̇аарад̇о д̣̇ассзд̇ум̣ – ‘‘д̇ад̇т̇аа’’д̇иаад̣̇имааха. д̇ад̇т̇а бхаваг̇г̇ахан̣зна махаг̇г̇ад̇абхаво г̇ахид̇о. со хи ол̣ааригагилзсасамуд̣̇аажаарарахид̇о. д̇аж̇ж̇анийяагаммагад̇аад̣̇игаалз баариваасигагаалз жа жарид̇аб̣б̣аани д̣̇взасийд̇и куд̣̇д̣̇агавад̇д̇аани наама. на хи д̇аани саб̣б̣аасу авад̇т̇аасу жарид̇аб̣б̣аани, д̇асмаа д̇аани на махаавад̇д̇зсу анд̇ог̇ад̇хаанийд̇и ‘‘жуд̣̇д̣̇аса махаавад̇д̇ааний’’д̇и вуд̇д̇ам̣. д̇ат̇аа ааг̇анд̇угавад̇д̇аааваасигаг̇амига-анумод̣̇анабхад̇д̇аг̇г̇а- бин̣д̣ажааригаааран̃н̃агасзнаасанаж̇анд̇аагхараважжагудиубаж̇жхааяа- сад̣̇д̇хивихааригааажарияа-анд̇зваасигавад̇д̇аанийд̇и зд̇аани жуд̣̇д̣̇аса махаавад̇д̇аани наамаад̇и вуд̇д̇ам̣. ид̇араани бана ‘‘баариваасигаанам̣ бхигкуунам̣ вад̇д̇ам̣ бан̃н̃аабзссаамий’’д̇и (жуул̣ава. 75) аарабхид̇ваа ‘‘на убасамбаад̣̇зд̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣а’’нд̇и (жуул̣ава. 81) вуд̇д̇аани багад̇ад̇д̇з жарид̇аб̣б̣авад̇д̇аани часадти, д̇ад̇о барам̣ ‘‘на, бхигкавз, баариваасигзна бхигкунаа баариваасигавуд̣дхад̇арзна бхигкунаа сад̣̇д̇хим̣, муулааяабадигассанаарахзна, маанад̇д̇аарахзна, маанад̇д̇ажааригзна, аб̣бхаанаарахзна бхигкунаа сад̣̇д̣̇им̣ згажчаннз ааваасз вад̇т̇аб̣б̣а’’нд̇иаад̣̇ийни багад̇ад̇д̇з жарид̇аб̣б̣зхи анан̃н̃ад̇д̇аа висум̣ висум̣ аг̇ан̣зд̇ваа баариваасигавуд̣дхад̇араад̣̇ийсу буг̇г̇аланд̇арзсу жарид̇аб̣б̣ад̇д̇аа д̇зсам̣ васзна самбин̣д̣зд̇ваа згзгам̣ гад̇ваа г̇ан̣ид̇аани бан̃жаад̇и згасад̇д̇ад̇ивад̇д̇аани. угкзбанийяагаммагад̇авад̇д̇зсу вад̇д̇абан̃н̃аабанавасзна вуд̇д̇ам̣ – ‘‘на багад̇ад̇д̇асса бхигкуно абхиваад̣̇анам̣ бажжудтаанам̣…бз… бидтибаригаммам̣ саад̣̇ид̇аб̣б̣а’’нд̇и ид̣̇ам̣ абхиваад̣̇анаад̣̇ийнам̣ ассаад̣̇ияанам̣ згам̣, ‘‘на багад̇ад̇д̇о бхигку сийлавибад̇д̇ияаа ануд̣̇д̇хам̣сзд̇аб̣б̣о’’д̇иаад̣̇ийни (жуул̣ава. 51) жа д̣̇асаад̇и звам̣ д̣̇ваасийд̇и хонд̇и. зд̇зсвзва бана гаанижи д̇аж̇ж̇анийяагаммагад̇аад̣̇ивад̇д̇аани гаанижи баариваасигаад̣̇ивад̇д̇аанийд̇и аг̇г̇ахид̇аг̇г̇ахан̣зна д̣̇ваавийсад̇ивад̇д̇анд̇и взд̣̇ид̇аб̣б̣ам̣. ‘‘жуд̣̇д̣̇аса махаавад̇д̇ааний’’д̇и вад̇вааби ‘‘ааг̇анд̇угаг̇амигавад̇д̇аани жаа’’д̇и имзсам̣ висум̣ г̇ахан̣ам̣ имаани абхин̣хам̣ самбхаванд̇ийд̇и гад̇ваа. гилзсо огаасам̣ на лабхад̇и саб̣б̣ад̣̇аа вад̇д̇аббадибад̇д̇ияам̣язва б̣яаавадажид̇д̇ад̇ааяа. аяонисоманасигааранд̇и анижжаад̣̇ийсу ‘‘нижжа’’нд̇иаад̣̇инаа бавад̇д̇ам̣ анубааяаманасигаарам̣. сад̇ивоссаг̇г̇анд̇и сад̇ияаа виссаж̇ж̇анам̣, сад̇ивираханд̇и ад̇т̇о. звамбийд̇и вагкамаанаабзгкааяа авуд̇д̇асамбин̣д̣анад̇т̇о би-сад̣̇д̣̇о.
Yaṃ vuttaṃ – ‘‘asamudācāravasena cā’’tiādi, taṃ atisaṃkhittanti vitthārato dassetuṃ – ‘‘tatthā’’tiādimāha. Tattha bhavaggahaṇena mahaggatabhavo gahito. So hi oḷārikakilesasamudācārarahito. Tajjanīyakammakatādikāle pārivāsikakāle ca caritabbāni dveasīti khuddakavattāni nāma. Na hi tāni sabbāsu avatthāsu caritabbāni, tasmā tāni na mahāvattesu antogadhānīti ‘‘cuddasa mahāvattānī’’ti vuttaṃ. Tathā āgantukavattaāvāsikagamika-anumodanabhattagga- piṇḍacārikaāraññakasenāsanajantāgharavaccakuṭiupajjhāya- saddhivihārikaācariya-antevāsikavattānīti etāni cuddasa mahāvattāni nāmāti vuttaṃ. Itarāni pana ‘‘pārivāsikānaṃ bhikkhūnaṃ vattaṃ paññāpessāmī’’ti (cūḷava. 75) ārabhitvā ‘‘na upasampādetabbaṃ, na chamāyaṃ caṅkamante caṅkame caṅkamitabba’’nti (cūḷava. 81) vuttāni pakatatte caritabbavattāni chasaṭṭhi, tato paraṃ ‘‘na, bhikkhave, pārivāsikena bhikkhunā pārivāsikavuḍḍhatarena bhikkhunā saddhiṃ, mūlāyapaṭikassanārahena, mānattārahena, mānattacārikena, abbhānārahena bhikkhunā saddiṃ ekacchanne āvāse vatthabba’’ntiādīni pakatatte caritabbehi anaññattā visuṃ visuṃ agaṇetvā pārivāsikavuḍḍhatarādīsu puggalantaresu caritabbattā tesaṃ vasena sampiṇḍetvā ekekaṃ katvā gaṇitāni pañcāti ekasattativattāni. Ukkhepanīyakammakatavattesu vattapaññāpanavasena vuttaṃ – ‘‘na pakatattassa bhikkhuno abhivādanaṃ paccuṭṭhānaṃ…pe… piṭṭhiparikammaṃ sāditabba’’nti idaṃ abhivādanādīnaṃ assādiyanaṃ ekaṃ, ‘‘na pakatatto bhikkhu sīlavipattiyā anuddhaṃsetabbo’’tiādīni (cūḷava. 51) ca dasāti evaṃ dvāsīti honti. Etesveva pana kānici tajjanīyakammakatādivattāni kānici pārivāsikādivattānīti aggahitaggahaṇena dvāvīsativattanti veditabbaṃ. ‘‘Cuddasa mahāvattānī’’ti vatvāpi ‘‘āgantukagamikavattāni cā’’ti imesaṃ visuṃ gahaṇaṃ imāni abhiṇhaṃ sambhavantīti katvā. Kileso okāsaṃ na labhati sabbadā vattappaṭipattiyaṃyeva byāvaṭacittatāya. Ayonisomanasikāranti aniccādīsu ‘‘nicca’’ntiādinā pavattaṃ anupāyamanasikāraṃ. Sativossagganti satiyā vissajjanaṃ, sativirahanti attho. Evampīti vakkhamānāpekkhāya avuttasampiṇḍanattho pi-saddo.
анусанд̇хивасзнаад̇и бужчаанусанд̇хиаад̣̇ианусанд̇хивасзна. буб̣б̣аабаравасзнаад̇и буб̣б̣аабараг̇ант̇асаллагкан̣авасзна. г̇ан̣ханд̇ассаад̇и аажарияамукад̇о г̇ан̣ханд̇асса. саж̇жхааяанд̇ассаад̇и аажарияамукад̇о уг̇г̇ахид̇аг̇ант̇ам̣ саж̇жхааяанд̇асса. ваажзнд̇ассаад̇и баал̣им̣ д̇ад̣̇ад̇т̇ан̃жа уг̇г̇ан̣хаабанавасзна барзсам̣ ваажзнд̇асса. д̣̇зсзнд̇ассаад̇и д̣̇зсанаавасзна барзсам̣ д̇хаммам̣ д̣̇зсзнд̇асса. багаасзнд̇ассаад̇и ад̇д̇ано ад̇д̇ано сам̣саяадтаанз бужчанд̇аанам̣ яаат̇аавад̇о ад̇т̇ам̣ багаасзнд̇асса. гилзсо огаасам̣ на лабхад̇и рад̇д̇инд̣̇ивам̣ г̇ант̇агаммзсуязва б̣яаавадажид̇д̇ад̇ааяа. звамбийд̇и вуд̇д̇асамбин̣д̣анад̇т̇о би-сад̣̇д̣̇о. звам̣ сзсзсуби.
Anusandhivasenāti pucchānusandhiādianusandhivasena. Pubbāparavasenāti pubbāparaganthasallakkhaṇavasena. Gaṇhantassāti ācariyamukhato gaṇhantassa. Sajjhāyantassāti ācariyamukhato uggahitaganthaṃ sajjhāyantassa. Vācentassāti pāḷiṃ tadatthañca uggaṇhāpanavasena paresaṃ vācentassa. Desentassāti desanāvasena paresaṃ dhammaṃ desentassa. Pakāsentassāti attano attano saṃsayaṭṭhāne pucchantānaṃ yāthāvato atthaṃ pakāsentassa. Kileso okāsaṃ na labhati rattindivaṃ ganthakammesuyeva byāvaṭacittatāya. Evampīti vuttasampiṇḍanattho pi-saddo. Evaṃ sesesupi.
д̇худ̇ан̇г̇ад̇харо ход̇ийд̇и вуд̇д̇амзвад̇т̇ам̣ багаасзд̇и ‘‘д̇зраса д̇худ̇ан̇г̇аг̇ун̣з самаад̣̇ааяа вад̇д̇ад̇ий’’д̇и. б̣аахуллааяаад̇и жийвараад̣̇ибажжаяаб̣аахуллааяа. яат̇аа жийвараад̣̇аяо бажжаяаа б̣ахулам̣ уббаж̇ж̇анд̇и, д̇ат̇аа аавад̇д̇асса бавад̇д̇ассаад̇и ад̇т̇о. барихийнаж̇жхаанассаад̇и жхаананд̇арааяагарзна висабхааг̇аруубад̣̇ассанаад̣̇инаа гзнажи нимид̇д̇зна барихийнаж̇жхаанасса. виссадтаж̇жхаанассаад̇и асамаабаж̇ж̇анавасзна барижжад̇д̇аж̇жхаанасса. бхассаад̣̇ийсууд̇и аад̣̇и-сад̣̇д̣̇зна г̇ан̣асан̇г̇ан̣иганид̣̇д̣̇аанавагаммаад̣̇им̣ сан̇г̇ан̣хаад̇и. сад̇д̇асу ваа анубассанаасууд̇и зд̇т̇а сад̇д̇а анубассанаа наама анижжаанубассанаа д̣̇угкаанубассанаа анад̇д̇аанубассанаа ниб̣б̣ид̣̇аанубассанаа вирааг̇аанубассанаа нирод̇хаанубассанаа бадиниссаг̇г̇аанубассанаа каяаанубассанаа ваяаанубассанаа вибарин̣аамаанубассанаа анимид̇д̇аанубассанаа аббан̣ихид̇аанубассанаа сун̃н̃ад̇аанубассанаа ад̇хибан̃н̃аад̇хаммавибассанаа яат̇аабхууд̇ан̃аан̣ад̣̇ассанам̣ аад̣̇ийнаваанубассанаа бадисан̇каанубассанаа виваддаанубассанаад̇и имаасу адтаарасасу махаавибассанаасу аад̣̇ид̇о вуд̇д̇аа анижжаанубассанаад̣̇и-бадиниссаг̇г̇аанубассанаабарияанд̇аа сад̇д̇а. зд̇т̇а яам̣ вад̇д̇аб̣б̣ам̣, д̇ам̣ висуд̣̇д̇химаг̇г̇асам̣ван̣н̣анаад̇о (висуд̣̇д̇хи. махаадий. 2.741) г̇ахзд̇аб̣б̣ам̣.
Dhutaṅgadharo hotīti vuttamevatthaṃ pakāseti ‘‘terasa dhutaṅgaguṇe samādāya vattatī’’ti. Bāhullāyāti cīvarādipaccayabāhullāya. Yathā cīvarādayo paccayā bahulaṃ uppajjanti, tathā āvattassa pavattassāti attho. Parihīnajjhānassāti jhānantarāyakarena visabhāgarūpadassanādinā kenaci nimittena parihīnajjhānassa. Vissaṭṭhajjhānassāti asamāpajjanavasena pariccattajjhānassa. Bhassādīsūti ādi-saddena gaṇasaṅgaṇikaniddānavakammādiṃ saṅgaṇhāti. Sattasu vā anupassanāsūti ettha satta anupassanā nāma aniccānupassanā dukkhānupassanā anattānupassanā nibbidānupassanā virāgānupassanā nirodhānupassanā paṭinissaggānupassanā khayānupassanā vayānupassanā vipariṇāmānupassanā animittānupassanā appaṇihitānupassanā suññatānupassanā adhipaññādhammavipassanā yathābhūtañāṇadassanaṃ ādīnavānupassanā paṭisaṅkhānupassanā vivaṭṭānupassanāti imāsu aṭṭhārasasu mahāvipassanāsu ādito vuttā aniccānupassanādi-paṭinissaggānupassanāpariyantā satta. Ettha yaṃ vattabbaṃ, taṃ visuddhimaggasaṃvaṇṇanāto (visuddhi. mahāṭī. 2.741) gahetabbaṃ.
анаасзванад̇ааяаад̇и буримад̇д̇абхаавз жхаанзна вигкамбхид̇агилзсасса гаамажчанд̣̇аад̣̇иаасзванааяа абхаавад̇о. ананубхууд̇абуб̣б̣анд̇и д̇асмим̣ ад̇д̇абхаавз ананубхууд̇абуб̣б̣ам̣. ж̇аад̇од̇и зд̇ассзва взважанам̣ сан̃ж̇аад̇од̇иаад̣̇и. нану жа кан̣игад̇д̇аа саб̣б̣ад̇хаммаанам̣ уббаннасса гаамажчанд̣̇асса д̇ан̇кан̣ам̣язва авассам̣ нирод̇хасамбхавад̇о нируд̣̇д̇хз жа д̇асмим̣ буна ан̃н̃ассзва уббаж̇ж̇анад̇о жа гат̇ам̣ д̇асса бунаббунабхааво раасибхааво жаад̇и ааха – ‘‘д̇ад̇т̇а сагим̣ уббанно гаамажчанд̣̇о’’д̇иаад̣̇и. адтаанамзд̇анд̇и агааран̣амзд̇ам̣. язна гааран̣зна уббанно гаамажчанд̣̇о на нируж̇жхад̇и, нируд̣̇д̇хо жа свзва буна уббаж̇ж̇иссад̇и, д̇аад̣̇исам̣ гааран̣ам̣ над̇т̇ийд̇и ад̇т̇о.
Anāsevanatāyāti purimattabhāve jhānena vikkhambhitakilesassa kāmacchandādiāsevanāya abhāvato. Ananubhūtapubbanti tasmiṃ attabhāve ananubhūtapubbaṃ. Jātoti etasseva vevacanaṃ sañjātotiādi. Nanu ca khaṇikattā sabbadhammānaṃ uppannassa kāmacchandassa taṅkhaṇaṃyeva avassaṃ nirodhasambhavato niruddhe ca tasmiṃ puna aññasseva uppajjanato ca kathaṃ tassa punappunabhāvo rāsibhāvo cāti āha – ‘‘tattha sakiṃ uppanno kāmacchando’’tiādi. Aṭṭhānametanti akāraṇametaṃ. Yena kāraṇena uppanno kāmacchando na nirujjhati, niruddho ca sveva puna uppajjissati, tādisaṃ kāraṇaṃ natthīti attho.
рааг̇адтаанияанд̇и рааг̇аж̇анагам̣. анижжаад̣̇ийсу нижжаад̣̇ивасзна вибарийд̇аманасигааро, ид̇ха аяонисоманасигаарод̇и ааха – ‘‘анижжз нижжа’’нд̇иаад̣̇и. аяонисоманасигаарод̇и анубааяаманасигааро, гусалад̇хаммаббавад̇д̇ияаа агааран̣абхууд̇о манасигаарод̇и ад̇т̇о. уббат̇аманасигаарод̇и гусалад̇хаммаббавад̇д̇ияаа амаг̇г̇абхууд̇о манасигааро. сажжавиббадигуулзнаад̇и сажжаабхисамаяасса анунуломавасзна. ааваж̇ж̇анаад̇иаад̣̇инаа ааваж̇ж̇анааяа бажжаяабхууд̇аа д̇ад̇о буримуббаннаа манод̣̇вааригаа агусалаж̇аванаббавад̇д̇и палавохаарзна д̇ат̇аа вуд̇д̇аа. д̇асса хи васзна саа агусалаббавад̇д̇ияаа убаниссаяо ход̇и. ааваж̇ж̇анаад̇и бхаван̇г̇ажид̇д̇ам̣ ааваж̇ж̇аяад̇ийд̇и ааваж̇ж̇анаа. ану ану ааваж̇ж̇зд̇ийд̇и анвааваж̇ж̇анаа. бхаван̇г̇аарамман̣ад̇о ан̃н̃ам̣ аабхуж̇ад̇ийд̇и аабхог̇о. саманнаахарад̇ийд̇и саманнаахааро. д̇ад̣̇зваарамман̣ам̣ ад̇д̇аанам̣ ануб̣анд̇хид̇ваа уббаж̇ж̇амаано манаси гарод̇и табзд̇ийд̇и манасигааро. аяам̣ вужжад̇и аяонисоманасигаарод̇и аяам̣ анубааяауббат̇аманасигааралагкан̣о аяонисоманасигааро наама вужжад̇и.
Rāgaṭṭhāniyanti rāgajanakaṃ. Aniccādīsu niccādivasena viparītamanasikāro, idha ayonisomanasikāroti āha – ‘‘anicce nicca’’ntiādi. Ayonisomanasikāroti anupāyamanasikāro, kusaladhammappavattiyā akāraṇabhūto manasikāroti attho. Uppathamanasikāroti kusaladhammappavattiyā amaggabhūto manasikāro. Saccavippaṭikūlenāti saccābhisamayassa anunulomavasena. Āvajjanātiādinā āvajjanāya paccayabhūtā tato purimuppannā manodvārikā akusalajavanappavatti phalavohārena tathā vuttā. Tassa hi vasena sā akusalappavattiyā upanissayo hoti. Āvajjanāti bhavaṅgacittaṃ āvajjayatīti āvajjanā. Anu anu āvajjetīti anvāvajjanā. Bhavaṅgārammaṇato aññaṃ ābhujatīti ābhogo. Samannāharatīti samannāhāro. Tadevārammaṇaṃ attānaṃ anubandhitvā uppajjamāno manasi karoti ṭhapetīti manasikāro. Ayaṃ vuccati ayonisomanasikāroti ayaṃ anupāyauppathamanasikāralakkhaṇo ayonisomanasikāro nāma vuccati.
12. д̣̇уд̇ияз бхад̇д̇аб̣яаабад̇д̇и вияаад̇и бхад̇д̇асса бууд̇ибхаавзна виббагаараббад̇д̇и вияа, жид̇д̇асса б̣яаабаж̇ж̇ананд̇и жид̇д̇асса вигаарабхааваабаад̣̇анам̣. д̇знзвааха – ‘‘багад̇ивиж̇аханабхааво’’д̇и. б̣яаабаж̇ж̇ад̇и д̇зна жид̇д̇ам̣ бууд̇игуммаасаад̣̇аяо вияа буримабагад̇им̣ ж̇ахад̇ийд̇и б̣яаабаад̣̇о. бадигхоязва убаруубари уббаж̇ж̇амаанасса бадигхасса нимид̇д̇абхаавад̇о бадигханимид̇д̇ам̣, бадигхасса жа гааран̣абхууд̇ам̣ аарамман̣ам̣ бадигханимид̇д̇анд̇и ааха – ‘‘бадигхассаби бадигхаарамман̣ассаби зд̇ам̣ ад̇хиважана’’нд̇и. адтагат̇ааяанд̇и махааадтагат̇ааяам̣.
12. Dutiye bhattabyāpatti viyāti bhattassa pūtibhāvena vippakārappatti viya, cittassa byāpajjananti cittassa vikārabhāvāpādanaṃ. Tenevāha – ‘‘pakativijahanabhāvo’’ti. Byāpajjati tena cittaṃ pūtikummāsādayo viya purimapakatiṃ jahatīti byāpādo. Paṭighoyeva uparūpari uppajjamānassa paṭighassa nimittabhāvato paṭighanimittaṃ, paṭighassa ca kāraṇabhūtaṃ ārammaṇaṃ paṭighanimittanti āha – ‘‘paṭighassapi paṭighārammaṇassapi etaṃ adhivacana’’nti. Aṭṭhakathāyanti mahāaṭṭhakathāyaṃ.
13. д̇ад̇ияз т̇инад̇аа т̇инам̣, саббибин̣д̣о вияа авибпааригад̇ааяа жид̇д̇асса гханабхааво б̣ад̣̇д̇хад̇аад̇и ад̇т̇о. мзд̇хад̇ийд̇и мид̣̇д̇хам̣, агамман̃н̃абхаавзна хим̣сад̇ийд̇и ад̇т̇о. ‘‘яаа д̇асмим̣ самаяз жид̇д̇асса агаляад̇аа’’д̇иаад̣̇инаа (д̇ха. са. 1162) т̇инасса, ‘‘яаа д̇асмим̣ самаяз гааяасса агаляад̇аа’’д̇иаад̣̇инаа (д̇ха. са. 1163) жа мид̣̇д̇хасса абхид̇хаммз нид̣̇д̣̇идтад̇д̇аа вуд̇д̇ам̣ – ‘‘жид̇д̇асса агамман̃н̃ад̇аа т̇инам̣, д̇ин̣н̣ам̣ канд̇хаанам̣ агамман̃н̃ад̇аа мид̣̇д̇ха’’нд̇и. сад̇иби ан̃н̃аман̃н̃аавиббаяог̇з жид̇д̇агааяалахуд̇аад̣̇ийнам̣ вияа жид̇д̇ажзд̇асигаанам̣ яат̇ааггамам̣ д̇ам̣д̇ам̣висзсо сияаа, яаа д̇зсам̣ агаляад̇аад̣̇ийнам̣ висзсабажжаяад̇аа, аяамзд̇зсам̣ сабхаавод̇и д̣̇адтаб̣б̣ам̣. габимид̣̇д̇хассаад̇и вуд̇д̇амзвад̇т̇ам̣ вибхаавзд̇и ‘‘бажалааяигабхаавассаа’’д̇и. агкид̣̇алаанам̣ бажалабхаавам̣ гарод̇ийд̇и бажалааяиго, бажалааяигасса бхааво бажалааяигабхааво, бажалааяигад̇д̇анд̇и вуд̇д̇ам̣ ход̇и. убхиннанд̇и т̇инамид̣̇д̇хаанам̣. ‘‘вид̇т̇ааро взд̣̇ид̇аб̣б̣о’’д̇и иминаа самб̣анд̇хо взд̣̇ид̇аб̣б̣о. жид̇д̇асса агаляад̇аад̇и жид̇д̇асса г̇илаанабхааво. г̇илаано хи агаляагод̇и вужжад̇и. винаязби вуд̇д̇ам̣ – ‘‘наахам̣, бханд̇з, агаляаго’’д̇и (баараа. 151). гаалам̣ камад̇ийд̇и хи галяам̣, арог̇ад̇аа, д̇ассам̣ нияуд̇д̇о галяаго, на галяаго агаляаго. агамман̃н̃ад̇аад̇и жид̇д̇аг̇злан̃н̃асан̇каад̇ова агамман̃н̃ад̇аагааро. олийяанаад̇и олийяанаагааро. ирияаабат̇уубад̇т̇амбхид̇ан̃хи жид̇д̇ам̣ ирияаабат̇ам̣ санд̇хаарзд̇ум̣ асаггонд̇ам̣ ругкз ваг̇г̇ули вияа кийлз лаг̇г̇ид̇апаан̣ид̇аваараго вияа жа олийяад̇и ламб̣ад̇и, д̇асса д̇ам̣ аагаарам̣ санд̇хааяа – ‘‘олийяанаа’’д̇и вуд̇д̇ам̣. д̣̇уд̇ияабад̣̇ам̣ убасаг̇г̇зна вад̣дхид̇ам̣. гааяассаад̇и взд̣̇анаад̣̇игканд̇хад̇д̇аяасан̇каад̇асса наамагааяасса. агаляад̇аа агамман̃н̃ад̇аад̇и хздтаа вуд̇д̇анаяамзва. мзгхо вияа аагаасам̣ онаяхад̇ийд̇и онаахо. онаяхад̇ийд̇и жа чаад̣̇зд̇и авад̇т̇арад̇и ваад̇и ад̇т̇о . саб̣б̣ад̇обхааг̇зна онааход̇и барияонаахо. арад̇иаад̣̇ийнам̣ ад̇т̇о вибхан̇г̇з (вибха. 856) вуд̇д̇анаязнзва взд̣̇ид̇аб̣б̣од̇и д̇ад̇т̇а вуд̇д̇абаал̣ияаа д̣̇ассзд̇ум̣ – ‘‘вуд̇д̇ам̣ хзд̇а’’нд̇иаад̣̇имааха.
13. Tatiye thinatā thinaṃ, sappipiṇḍo viya avipphārikatāya cittassa ghanabhāvo baddhatāti attho. Medhatīti middhaṃ, akammaññabhāvena hiṃsatīti attho. ‘‘Yā tasmiṃ samaye cittassa akalyatā’’tiādinā (dha. sa. 1162) thinassa, ‘‘yā tasmiṃ samaye kāyassa akalyatā’’tiādinā (dha. sa. 1163) ca middhassa abhidhamme niddiṭṭhattā vuttaṃ – ‘‘cittassa akammaññatā thinaṃ, tiṇṇaṃ khandhānaṃ akammaññatā middha’’nti. Satipi aññamaññāvippayoge cittakāyalahutādīnaṃ viya cittacetasikānaṃ yathākkamaṃ taṃtaṃviseso siyā, yā tesaṃ akalyatādīnaṃ visesapaccayatā, ayametesaṃ sabhāvoti daṭṭhabbaṃ. Kapimiddhassāti vuttamevatthaṃ vibhāveti ‘‘pacalāyikabhāvassā’’ti. Akkhidalānaṃ pacalabhāvaṃ karotīti pacalāyiko, pacalāyikassa bhāvo pacalāyikabhāvo, pacalāyikattanti vuttaṃ hoti. Ubhinnanti thinamiddhānaṃ. ‘‘Vitthāro veditabbo’’ti iminā sambandho veditabbo. Cittassa akalyatāti cittassa gilānabhāvo. Gilāno hi akalyakoti vuccati. Vinayepi vuttaṃ – ‘‘nāhaṃ, bhante, akalyako’’ti (pārā. 151). Kālaṃ khamatīti hi kalyaṃ, arogatā, tassaṃ niyutto kalyako, na kalyako akalyako. Akammaññatāti cittagelaññasaṅkhātova akammaññatākāro. Olīyanāti olīyanākāro. Iriyāpathūpatthambhitañhi cittaṃ iriyāpathaṃ sandhāretuṃ asakkontaṃ rukkhe vagguli viya khīle laggitaphāṇitavārako viya ca olīyati lambati, tassa taṃ ākāraṃ sandhāya – ‘‘olīyanā’’ti vuttaṃ. Dutiyapadaṃ upasaggena vaḍḍhitaṃ. Kāyassāti vedanādikkhandhattayasaṅkhātassa nāmakāyassa. Akalyatā akammaññatāti heṭṭhā vuttanayameva. Megho viya ākāsaṃ onayhatīti onāho. Onayhatīti ca chādeti avattharati vāti attho . Sabbatobhāgena onāhoti pariyonāho. Aratiādīnaṃ attho vibhaṅge (vibha. 856) vuttanayeneva veditabboti tattha vuttapāḷiyā dassetuṃ – ‘‘vuttaṃ heta’’ntiādimāha.
д̇ад̇т̇а банд̇зсууд̇и д̣̇уурзсу, вивид̇д̇зсу ваа. ад̇хигусалзсууд̇и самат̇авибассанаад̇хаммзсу. арад̇ийд̇и рад̇иббадигкзбо. арад̇ид̇аад̇и араманаагааро. анабхирад̇ийд̇и анабхирад̇абхааво. анабхираманаад̇и анабхираманаагааро . угган̣тид̇аад̇и угган̣танаагааро. барид̇ассид̇аад̇и угган̣танавасзнзва барид̇ассанаа, угган̣тид̇ассзва д̇ад̇т̇а д̇ад̇т̇а д̇ан̣хааяанаад̇и вуд̇д̇ам̣ ход̇и. барид̇ассид̇аад̇и ваа гамбанаа. д̇анд̣̇ийд̇и ж̇аад̇иааласияам̣, багад̇иааласияанд̇и ад̇т̇о. д̇ат̇аа хи гусалагаран̣з гааяасса авибпааригад̇аа лийнад̇аа ж̇аад̇иааласияам̣ д̇анд̣̇ий наама, на рог̇ауд̇уж̇аад̣̇ийхи гааяаг̇злан̃н̃ам̣. д̇анд̣̇ияанаад̇и д̇анд̣̇ияанаагааро. д̇анд̣̇иманад̇аад̇и д̇анд̣̇ияаа абхибхууд̇ажид̇д̇ад̇аа. аласасса бхааво ааласяам̣, ааласяааяанаагааро ааласяааяанаа. ааласяааяид̇асса бхааво ааласяааяид̇ад̇д̇ам̣. ид̇и саб̣б̣зхиби имзхи бад̣̇зхи гилзсавасзна гааяааласияам̣ гат̇ид̇ам̣. т̇инамид̣̇д̇хагааран̣аанан̃хи рааг̇аад̣̇игилзсаанам̣ васзна наамагааяасса ааласияам̣, д̇ад̣̇зва руубагааяассаабийд̇и д̣̇адтаб̣б̣ам̣. ж̇амбханаад̇и панд̣̇анаа. бунаббунам̣ ж̇амбханаа виж̇амбханаа. аанаманаад̇и бурад̇о наманаа. винаманаад̇и бажчад̇о наманаа. саннаманаад̇и саманд̇ад̇о наманаа. бан̣аманаад̇и яат̇аа д̇анд̇ад̇о удтид̇абзсагааро гисмин̃жид̣̇зва г̇ахзд̇ваа уж̇ум̣ гааяам̣ уссаабзд̇и, звам̣ гааяасса уд̣̇д̇хам̣ табанаа. б̣яаад̇хияаганд̇и уббаннаб̣яаад̇хид̇аа. ид̇и саб̣б̣зхиби имзхи бад̣̇зхи т̇инамид̣̇д̇хагааран̣аанам̣ рааг̇аад̣̇игилзсаанам̣ васзна гааяаб̣ад̣̇д̇ханамзва гат̇ид̇ам̣. бхуд̇д̇аависсаад̇и бхуд̇д̇авад̇о. бхад̇д̇амужчаад̇и бхад̇д̇аг̇злан̃н̃ам̣. б̣алавабхад̇д̇зна хи мужчаабад̇д̇о вияа ход̇и. бхад̇д̇агиламат̇од̇и бхад̇д̇зна гиланд̇абхааво. бхад̇д̇абарил̣ааход̇и бхад̇д̇ад̣̇арат̇о. д̇асмин̃хи самаяз барил̣аахуббад̇д̇ияаа убахад̇инд̣̇рияо ход̇и, гааяо ж̇ийрад̇ийд̇и. гааяад̣̇удтулланд̇и бхад̇д̇ам̣ ниссааяа гааяасса агамман̃н̃ад̇ам̣. агаляад̇аад̇иаад̣̇и хздтаа вуд̇д̇анаяамзва. лийнанд̇и авибпааригад̇ааяа бадигудид̇ам̣. ид̇арз д̣̇вз аагаарабхааванид̣̇д̣̇зсаа. т̇инанд̇и саббибин̣д̣о вияа авибпааригад̇ааяа гханабхаавзна тид̇ам̣. т̇ияанаад̇и аагааранид̣̇д̣̇зсо. т̇ияибхааво т̇ияид̇ад̇д̇ам̣ , авибпааравасзнзва б̣ад̣̇д̇хад̇аад̇и ад̇т̇о. имзхи бана саб̣б̣зхиби бад̣̇зхи т̇инамид̣̇д̇хагааран̣аанам̣ рааг̇аад̣̇игилзсаанам̣ васзна жид̇д̇асса г̇илаанаагааро гат̇ид̇од̇и взд̣̇ид̇аб̣б̣о. буримаа жад̇д̇ааро д̇хаммаад̇и арад̇и, д̇анд̣̇ий, виж̇амбхид̇аа, бхад̇д̇асаммад̣̇од̇и зд̇з жад̇д̇ааро д̇хаммаа. яад̣̇аа т̇инамид̣̇д̇хам̣ уббаннам̣ ход̇и, д̇ад̣̇аа арад̇иаад̣̇ийнамби самбхавад̇о ‘‘убаниссаяагодияаа бана ход̇ий’’д̇и вуд̇д̇ам̣, убаниссаяагодияаа бажжаяо ход̇ийд̇и ад̇т̇о.
Tattha pantesūti dūresu, vivittesu vā. Adhikusalesūti samathavipassanādhammesu. Aratīti ratippaṭikkhepo. Aratitāti aramanākāro. Anabhiratīti anabhiratabhāvo. Anabhiramanāti anabhiramanākāro . Ukkaṇṭhitāti ukkaṇṭhanākāro. Paritassitāti ukkaṇṭhanavaseneva paritassanā, ukkaṇṭhitasseva tattha tattha taṇhāyanāti vuttaṃ hoti. Paritassitāti vā kampanā. Tandīti jātiālasiyaṃ, pakatiālasiyanti attho. Tathā hi kusalakaraṇe kāyassa avipphārikatā līnatā jātiālasiyaṃ tandī nāma, na rogautujādīhi kāyagelaññaṃ. Tandiyanāti tandiyanākāro. Tandimanatāti tandiyā abhibhūtacittatā. Alasassa bhāvo ālasyaṃ, ālasyāyanākāro ālasyāyanā. Ālasyāyitassa bhāvo ālasyāyitattaṃ. Iti sabbehipi imehi padehi kilesavasena kāyālasiyaṃ kathitaṃ. Thinamiddhakāraṇānañhi rāgādikilesānaṃ vasena nāmakāyassa ālasiyaṃ, tadeva rūpakāyassāpīti daṭṭhabbaṃ. Jambhanāti phandanā. Punappunaṃ jambhanā vijambhanā. Ānamanāti purato namanā. Vinamanāti pacchato namanā. Sannamanāti samantato namanā. Paṇamanāti yathā tantato uṭṭhitapesakāro kismiñcideva gahetvā ujuṃ kāyaṃ ussāpeti, evaṃ kāyassa uddhaṃ ṭhapanā. Byādhiyakanti uppannabyādhitā. Iti sabbehipi imehi padehi thinamiddhakāraṇānaṃ rāgādikilesānaṃ vasena kāyabaddhanameva kathitaṃ. Bhuttāvissāti bhuttavato. Bhattamucchāti bhattagelaññaṃ. Balavabhattena hi mucchāpatto viya hoti. Bhattakilamathoti bhattena kilantabhāvo. Bhattapariḷāhoti bhattadaratho. Tasmiñhi samaye pariḷāhuppattiyā upahatindriyo hoti, kāyo jīratīti. Kāyaduṭṭhullanti bhattaṃ nissāya kāyassa akammaññataṃ. Akalyatātiādi heṭṭhā vuttanayameva. Līnanti avipphārikatāya paṭikuṭitaṃ. Itare dve ākārabhāvaniddesā. Thinanti sappipiṇḍo viya avipphārikatāya ghanabhāvena ṭhitaṃ. Thiyanāti ākāraniddeso. Thiyibhāvo thiyitattaṃ, avipphāravaseneva baddhatāti attho. Imehi pana sabbehipi padehi thinamiddhakāraṇānaṃ rāgādikilesānaṃ vasena cittassa gilānākāro kathitoti veditabbo. Purimā cattāro dhammāti arati, tandī, vijambhitā, bhattasammadoti ete cattāro dhammā. Yadā thinamiddhaṃ uppannaṃ hoti, tadā aratiādīnampi sambhavato ‘‘upanissayakoṭiyā pana hotī’’ti vuttaṃ, upanissayakoṭiyā paccayo hotīti attho.
14. жад̇уд̇т̇з уд̣̇д̣̇ад̇асса бхааво уд̣̇д̇хажжам̣. яасса д̇хаммасса васзна уд̣̇д̇хад̇ам̣ ход̇и жид̇д̇ам̣, д̇ам̣самбаяуд̇д̇аа ваа д̇хаммаа, со д̇хаммо уд̣̇д̣̇ажжам̣. гужчид̇ам̣ гад̇ам̣ гугад̇ам̣, д̣̇ужжарид̇ам̣ сужарид̇ан̃жа. агад̇амби хи гугад̇амзва. зван̃хи вад̇д̇ааро хонд̇и ‘‘яам̣ маяаа на гад̇ам̣, д̇ам̣ гугад̇а’’нд̇и. звам̣ гад̇аагад̇ам̣ д̣̇ужжарид̇ам̣ сужарид̇ан̃жа гугад̇ам̣, д̇ам̣ аараб̣бха виббадисааравасзна бавад̇д̇ам̣ бана жид̇д̇ам̣ ид̇ха гугад̇анд̇и взд̣̇ид̇аб̣б̣ам̣. д̇асса бхааво гуггужжам̣. жид̇д̇асса уд̣̇д̇хад̇аагаарод̇и жид̇д̇асса авуубасамаагаарова вуд̇д̇о. авуубасамалагкан̣ан̃хи уд̣̇д̇хажжам̣. яат̇аабавад̇д̇асса гад̇аагад̇аагаарависидтасса д̣̇ужжарид̇асужарид̇асса анусожанавасзна вируубам̣ бадисаран̣ам̣ виббадисааро. гуггужжассаби гад̇аагад̇аанусожанавасзна жид̇д̇авигкзбабхаавад̇о авуубасамаагааро самбхавад̇ийд̇и ааха – ‘‘жзд̇асо авуубасамод̇и уд̣̇д̇хажжагуггужжассзвад̇ам̣ наама’’нд̇и. свзва жа жзд̇асо авуубасамод̇и уд̣̇д̇хажжагуггужжамзва нид̣̇д̣̇идтам̣. д̇ан̃жа ад̇д̇анова ад̇д̇анаа сахаж̇аад̇ам̣ на ход̇ийд̇и ааха – ‘‘аяам̣ бана убаниссаяагодияаа бажжаяо ход̇ий’’д̇и. убаниссаяабажжаяад̇аа жа буримуббаннавасзна взд̣̇ид̇аб̣б̣аа.
14. Catutthe uddatassa bhāvo uddhaccaṃ. Yassa dhammassa vasena uddhataṃ hoti cittaṃ, taṃsampayuttā vā dhammā, so dhammo uddaccaṃ. Kucchitaṃ kataṃ kukataṃ, duccaritaṃ sucaritañca. Akatampi hi kukatameva. Evañhi vattāro honti ‘‘yaṃ mayā na kataṃ, taṃ kukata’’nti. Evaṃ katākataṃ duccaritaṃ sucaritañca kukataṃ, taṃ ārabbha vippaṭisāravasena pavattaṃ pana cittaṃ idha kukatanti veditabbaṃ. Tassa bhāvo kukkuccaṃ. Cittassa uddhatākāroti cittassa avūpasamākārova vutto. Avūpasamalakkhaṇañhi uddhaccaṃ. Yathāpavattassa katākatākāravisiṭṭhassa duccaritasucaritassa anusocanavasena virūpaṃ paṭisaraṇaṃ vippaṭisāro. Kukkuccassapi katākatānusocanavasena cittavikkhepabhāvato avūpasamākāro sambhavatīti āha – ‘‘cetaso avūpasamoti uddhaccakukkuccassevataṃ nāma’’nti. Sveva ca cetaso avūpasamoti uddhaccakukkuccameva niddiṭṭhaṃ. Tañca attanova attanā sahajātaṃ na hotīti āha – ‘‘ayaṃ pana upanissayakoṭiyā paccayo hotī’’ti. Upanissayapaccayatā ca purimuppannavasena veditabbā.
15. бан̃жамз виг̇ад̇аа жигижчаа ассаад̇и вижигижчаа. сабхаавам̣ вижинанд̇о д̇ааяа гижчад̇ийд̇и ваа вижигижчаа.
15. Pañcame vigatā cikicchā assāti vicikicchā. Sabhāvaṃ vicinanto tāya kicchatīti vā vicikicchā.
16. чадтз хзд̇ум̣ ваа бажжаяам̣ ваа на лабхад̇ийд̇и зд̇т̇а хзд̇уг̇г̇ахан̣зна ж̇анагам̣ гааран̣амааха, бажжаяаг̇г̇ахан̣зна анубааланагам̣ гааран̣ам̣. хзд̇унд̇и ваа убаад̣̇аанагааран̣ам̣. бажжаяанд̇и сахагааран̣ам̣ вуд̇д̇ам̣. д̇анд̇и гилзсам̣. виваддзд̇ваа арахад̇д̇ам̣ г̇ан̣хаад̇ийд̇и виваддаабхимукам̣ жид̇д̇ам̣ бзсзд̇ваа вибассанам̣ вад̣дхзнд̇о арахад̇д̇апалам̣ г̇ан̣хаад̇и. бхигкааяа жаранд̇и зд̇т̇аад̇и бхигкаажааро, г̇ожараг̇аамассзд̇ам̣ ад̇хиважанам̣, д̇асмим̣ бхигкаажаарз. ваяам̣ ааг̇аммаад̇и д̣̇аарабхаран̣аануруубам̣ ваяам̣ ааг̇амма. ааяууханд̇од̇и убажинанд̇о. ан̇г̇аарабагганд̇и вийд̇ажжиган̇г̇аарзсу баггам̣. гим̣ наамзд̇анд̇и бхигкуу г̇араханд̇о ааха. ж̇ийвамаанабзд̇агасад̇д̇од̇и ж̇ийвамаано худ̇ваа ‘‘д̇знзва ад̇д̇абхаавзна бзд̇абхаавам̣ бад̇д̇асад̇д̇о бхависсад̇ий’’д̇и баригаббавасзна вуд̇д̇ам̣. гуданд̇и баанийяагхадам̣. яаава д̣̇аарун̣анд̇и ад̇ивияа д̣̇аарун̣ам̣. вибааго гийд̣̇исо бхависсад̇ийд̇и д̇аяаа гад̇агаммасса ааяад̇им̣ анубхавид̇аб̣б̣авибааго гийд̣̇исо бхависсад̇и.
16. Chaṭṭhe hetuṃ vā paccayaṃ vā na labhatīti ettha hetuggahaṇena janakaṃ kāraṇamāha, paccayaggahaṇena anupālanakaṃ kāraṇaṃ. Hetunti vā upādānakāraṇaṃ. Paccayanti sahakāraṇaṃ vuttaṃ. Tanti kilesaṃ. Vivaṭṭetvā arahattaṃ gaṇhātīti vivaṭṭābhimukhaṃ cittaṃ pesetvā vipassanaṃ vaḍḍhento arahattaphalaṃ gaṇhāti. Bhikkhāya caranti etthāti bhikkhācāro, gocaragāmassetaṃ adhivacanaṃ, tasmiṃ bhikkhācāre. Vayaṃ āgammāti dārabharaṇānurūpaṃ vayaṃ āgamma. Āyūhantoti upacinanto. Aṅgārapakkanti vītaccikaṅgāresu pakkaṃ. Kiṃ nāmetanti bhikkhū garahanto āha. Jīvamānapetakasattoti jīvamāno hutvā ‘‘teneva attabhāvena petabhāvaṃ pattasatto bhavissatī’’ti parikappavasena vuttaṃ. Kuṭanti pānīyaghaṭaṃ. Yāva dāruṇanti ativiya dāruṇaṃ. Vipāko kīdiso bhavissatīti tayā katakammassa āyatiṃ anubhavitabbavipāko kīdiso bhavissati.
висан̇карид̇ваад̇и чзд̣̇анабхзд̣̇анаад̣̇ийхи винаасзд̇ваа. д̣̇ийбагамиг̇абагкинод̇и ад̇д̇ано нисиннабхаавасса д̣̇ийбанад̇о звам̣лад̣̇д̇ханаамаа миг̇абагкино, язна аран̃н̃ам̣ нзд̇ваа нзсаад̣̇о д̇зсам̣ сад̣̇д̣̇зна ааг̇ад̇ааг̇ад̇з миг̇абагкино вад̇хид̇ваа г̇ан̣хаад̇и. т̇зранд̇и жуул̣абин̣д̣абаад̇игад̇иссад̇т̇зрам̣. ид̣̇д̇хияаа абхисан̇карид̇ваад̇и ад̇хидтаанаад̣̇ивасзна ид̣̇д̇хим̣ абхисан̇карид̇ваа. убаяог̇ад̇т̇з жзд̇ам̣ гаран̣аважанам̣. аг̇г̇ибабадиганд̇и ажжигаран̣ам̣, вибпулин̇г̇анд̇и ад̇т̇о. бассанд̇ассзваад̇и анаад̣̇арз саамиважанам̣. д̇асса т̇зрассаад̇и д̇асса милагкад̇иссад̇т̇зрасса. д̇ассаад̇и д̇ассаа аг̇г̇ибабадигааяа. бадиб̣алассаад̇и уг̇г̇ахан̣асаж̇жхааяаад̣̇ийсу бадиб̣аласса. д̣̇угкам̣ убанисаа гааран̣амзд̇иссаад̇и д̣̇угкуубанисаа, д̣̇угканиб̣анд̇ханаа д̣̇угкахзд̇угаа сад̣̇д̇хаад̇и вуд̇д̇ам̣ ход̇и. вад̇д̇амукзна гаммадтаанасса гат̇ид̇ад̇д̇аа ‘‘вад̇д̇асийсз тад̇ваа’’д̇и вуд̇д̇ам̣. балаалаваран̣аганд̇и балаалабун̃ж̇ам̣.
Visaṅkharitvāti chedanabhedanādīhi vināsetvā. Dīpakamigapakkhinoti attano nisinnabhāvassa dīpanato evaṃladdhanāmā migapakkhino, yena araññaṃ netvā nesādo tesaṃ saddena āgatāgate migapakkhino vadhitvā gaṇhāti. Theranti cūḷapiṇḍapātikatissattheraṃ. Iddhiyā abhisaṅkharitvāti adhiṭṭhānādivasena iddhiṃ abhisaṅkharitvā. Upayogatthe cetaṃ karaṇavacanaṃ. Aggipapaṭikanti accikaraṇaṃ, vipphuliṅganti attho. Passantassevāti anādare sāmivacanaṃ. Tassa therassāti tassa milakkhatissattherassa. Tassāti tassā aggipapaṭikāya. Paṭibalassāti uggahaṇasajjhāyādīsu paṭibalassa. Dukkhaṃ upanisā kāraṇametissāti dukkhūpanisā, dukkhanibandhanā dukkhahetukā saddhāti vuttaṃ hoti. Vattamukhena kammaṭṭhānassa kathitattā ‘‘vattasīse ṭhatvā’’ti vuttaṃ. Palālavaraṇakanti palālapuñjaṃ.
аарамбхат̇аад̇и самат̇авибассанаад̣̇ийсу вийрияам̣ гарот̇а. ниггамат̇аад̇и госаж̇ж̇ад̇о нигкамат̇а, гаамаанам̣ ваа банууд̣̇анааяа нигкамат̇а, убхаязнаби вийрияамзва вуд̇д̇ам̣. вийрияан̃хи аарамбханагавасзна аарамбхо, госаж̇ж̇ад̇о нигкаманавасзна ‘‘ниггамо’’д̇и вужжад̇и. яун̃ж̇ат̇а б̣уд̣̇д̇хасаасанзд̇и б̣уд̣̇д̇хасса бхаг̇авад̇о барияад̇д̇ибадибад̇д̇ибадивзд̇хасан̇каад̇з д̇ивид̇хасаасанз яун̃ж̇ат̇а яог̇ам̣ гарот̇а. звамануяун̃ж̇анд̇аа мажжуно сзнам̣ д̇хунаат̇а вид̣̇д̇хам̣сзт̇а. д̇ад̇т̇а мажжуно сзнанд̇и –
Ārambhathāti samathavipassanādīsu vīriyaṃ karotha. Nikkamathāti kosajjato nikkhamatha, kāmānaṃ vā panūdanāya nikkhamatha, ubhayenapi vīriyameva vuttaṃ. Vīriyañhi ārambhanakavasena ārambho, kosajjato nikkhamanavasena ‘‘nikkamo’’ti vuccati. Yuñjatha buddhasāsaneti buddhassa bhagavato pariyattipaṭipattipaṭivedhasaṅkhāte tividhasāsane yuñjatha yogaṃ karotha. Evamanuyuñjantā maccuno senaṃ dhunātha viddhaṃsetha. Tattha maccuno senanti –
‘‘гаамаа д̇з батамаа сзнаа, д̣̇уд̇ияаа арад̇и вужжад̇и;
‘‘Kāmā te paṭhamā senā, dutiyā arati vuccati;
д̇ад̇ияаа куббибаасаа д̇з, жад̇уд̇т̇ий д̇ан̣хаа бавужжад̇и.
Tatiyā khuppipāsā te, catutthī taṇhā pavuccati.
‘‘бан̃жамам̣ т̇инамид̣̇д̇хам̣ д̇з, чадтаа бхийруу бавужжад̇и;
‘‘Pañcamaṃ thinamiddhaṃ te, chaṭṭhā bhīrū pavuccati;
сад̇д̇амий вижигижчаа д̇з, магко т̇амбхо д̇з адтамо.
Sattamī vicikicchā te, makkho thambho te aṭṭhamo.
‘‘лаабхо силого саггааро,
‘‘Lābho siloko sakkāro,
мижчаалад̣̇д̇хо жа яо яасо;
Micchāladdho ca yo yaso;
яо жад̇д̇аанам̣ самуггам̣сз,
Yo cattānaṃ samukkaṃse,
барз жа аваж̇аанаад̇и.
Pare ca avajānāti.
‘‘зсаа намужи д̇з сзнаа, ган̣хассаабхиббахаариний;
‘‘Esā namuci te senā, kaṇhassābhippahārinī;
на нам̣ асууро ж̇инаад̇и, ж̇зд̇ваа жа лабхад̇з сука’’нд̇и. (су. ни. 438-441) –
Na naṃ asūro jināti, jetvā ca labhate sukha’’nti. (su. ni. 438-441) –
звамааг̇ад̇ам̣ гаамаад̣̇ибхзд̣̇ам̣ мажжуно сзнам̣. зд̇т̇а жа яасмаа аад̣̇ид̇ова аг̇аарияабхууд̇з сад̇д̇з вад̇т̇угаамзсу гилзсагаамаа мосаяанд̇и, д̇з абхибхуяяа анаг̇аарияабхаавам̣ убаг̇ад̇аанам̣ банд̇зсу сзнаасанзсу ан̃н̃ад̇аран̃н̃ад̇арзсу ваа ад̇хигусалзсу д̇хаммзсу арад̇и уббаж̇ж̇ад̇и. вуд̇д̇ан̃хзд̇ам̣ – ‘‘баб̣б̣аж̇ид̇зна ко, аавусо, абхирад̇и д̣̇уггараа’’д̇и (сам̣. ни. 4.331). д̇ад̇о д̇з бараббадиб̣ад̣̇д̇хаж̇ийвигад̇д̇аа куббибаасаа б̣аад̇хад̇и, д̇ааяа б̣аад̇хид̇аанам̣ бариязсанад̇ан̣хаа жид̇д̇ам̣ гиламаяад̇и. ат̇а нзсам̣ гиланд̇ажид̇д̇аанам̣ т̇инамид̣̇д̇хам̣ оггамад̇и, д̇ад̇о висзсаманад̇хиг̇ажчанд̇аанам̣ д̣̇урабхисамбхавзсу аран̃н̃аванабад̇т̇зсу банд̇зсу сзнаасанзсу вихарад̇ам̣ уд̇раасасан̃н̃ид̇аа бхийру ж̇ааяад̇и. д̇зсам̣ уссан̇гид̇абарисан̇гид̇аанам̣ д̣̇ийгхарад̇д̇ам̣ вивзгарасаманассаад̣̇аяамаанаанам̣ вихарад̇ам̣ ‘‘на сияаа ну ко зса маг̇г̇о’’д̇и бадибад̇д̇ияам̣ вижигижчаа уббаж̇ж̇ад̇и. д̇ам̣ винод̣̇зд̇ваа вихарад̇ам̣ аббамад̇д̇агзна висзсаад̇хиг̇амзна маанамагкат̇амбхаа ж̇ааяанд̇и. д̇зби винод̣̇зд̇ваа вихарад̇ам̣ д̇ад̇о ад̇хигад̇арам̣ висзсаад̇хиг̇аманам̣ ниссааяа лаабхасаггаарасилогаа уббаж̇ж̇анд̇и. лаабхаад̣̇ийхи мужчид̇ваа д̇хаммаббад̇ируубагаани багаасзнд̇о мижчааяасам̣ ад̇хиг̇анд̇ваа д̇ад̇т̇а тид̇аа ж̇аад̇иаад̣̇ийхи ад̇д̇аанам̣ уггам̣сзнд̇и, барам̣ вамбхзнд̇и, д̇асмаа гаамаад̣̇ийнам̣ батамасзнаад̣̇ибхааво взд̣̇ид̇аб̣б̣о. нал̣ааг̇ааранд̇и нал̣зхи винад̣̇д̇хад̇ин̣ажчаннаг̇зхам̣.
Evamāgataṃ kāmādibhedaṃ maccuno senaṃ. Ettha ca yasmā āditova agāriyabhūte satte vatthukāmesu kilesakāmā mosayanti, te abhibhuyya anagāriyabhāvaṃ upagatānaṃ pantesu senāsanesu aññataraññataresu vā adhikusalesu dhammesu arati uppajjati. Vuttañhetaṃ – ‘‘pabbajitena kho, āvuso, abhirati dukkarā’’ti (saṃ. ni. 4.331). Tato te parappaṭibaddhajīvikattā khuppipāsā bādhati, tāya bādhitānaṃ pariyesanataṇhā cittaṃ kilamayati. Atha nesaṃ kilantacittānaṃ thinamiddhaṃ okkamati, tato visesamanadhigacchantānaṃ durabhisambhavesu araññavanapatthesu pantesu senāsanesu viharataṃ utrāsasaññitā bhīru jāyati. Tesaṃ ussaṅkitaparisaṅkitānaṃ dīgharattaṃ vivekarasamanassādayamānānaṃ viharataṃ ‘‘na siyā nu kho esa maggo’’ti paṭipattiyaṃ vicikicchā uppajjati. Taṃ vinodetvā viharataṃ appamattakena visesādhigamena mānamakkhathambhā jāyanti. Tepi vinodetvā viharataṃ tato adhikataraṃ visesādhigamanaṃ nissāya lābhasakkārasilokā uppajjanti. Lābhādīhi mucchitvā dhammappatirūpakāni pakāsento micchāyasaṃ adhigantvā tattha ṭhitā jātiādīhi attānaṃ ukkaṃsenti, paraṃ vambhenti, tasmā kāmādīnaṃ paṭhamasenādibhāvo veditabbo. Naḷāgāranti naḷehi vinaddhatiṇacchannagehaṃ.
вихассад̇ийд̇и уг̇г̇ахан̣асаж̇жхааяанаманасигаараад̣̇ийхи вихариссад̇и. ж̇аад̇исам̣сааранд̇и бунаббунам̣ ж̇аад̇исан̇каад̇асам̣саараваддам̣. д̣̇угкассанд̇ам̣ гариссад̇ийд̇и д̣̇угкасса анд̇асан̇каад̇ам̣ ниб̣б̣аанам̣ сажчигариссад̇и. балаалабун̃ж̇ааханд̇и балаалабун̃ж̇ам̣ аханд̇и бад̣̇ажчзд̣̇о. д̇ад̇ияам̣ таананд̇и анааг̇аамипалам̣ санд̇хааяа вад̣̇ад̇и.
Vihassatīti uggahaṇasajjhāyanamanasikārādīhi viharissati. Jātisaṃsāranti punappunaṃ jātisaṅkhātasaṃsāravaṭṭaṃ. Dukkhassantaṃ karissatīti dukkhassa antasaṅkhātaṃ nibbānaṃ sacchikarissati. Palālapuñjāhanti palālapuñjaṃ ahanti padacchedo. Tatiyaṃ ṭhānanti anāgāmiphalaṃ sandhāya vadati.
д̇ивассабхигкугаалзд̇и убасамбад̣̇ад̇о д̇ийн̣и вассаани ассаад̇и д̇ивассо, д̇ивассо жа со бхигку жаад̇и д̇ивассабхигку, д̇асса, д̇зна ваа убалагкид̇о гаало д̇ивассабхигкугаало, д̇асмим̣. яад̣̇аа со д̇ивассо бхигку наама ход̇и, д̇ад̣̇аад̇и вуд̇д̇ам̣ ход̇и. гаммам̣ гарод̇ийд̇и бхааванаагаммам̣ гарод̇и. г̇ант̇агамманд̇и г̇ант̇ависаяам̣ уг̇г̇ахан̣аад̣̇игаммам̣. бин̣д̣аабажид̇им̣ гад̇ваад̇и анд̇овассз д̇змаасам̣ д̣̇иннабин̣д̣асса гилзсагкаяагаран̣зна абажид̇им̣ бууж̇ам̣ гад̇ваа. бин̣д̣аабажид̇им̣ гаронд̇о хи бхигку язхи ад̇д̇ано яо бин̣д̣абаад̇о д̣̇инно, д̇зсам̣ д̇асса махабпалабхаавам̣ ижчанд̇о ад̇д̇ано санд̇аанамзва гилзсагкаяагаран̣зна висод̇хзд̇ваа арахад̇д̇ам̣ г̇ан̣хаад̇и.
Tivassabhikkhukāleti upasampadato tīṇi vassāni assāti tivasso, tivasso ca so bhikkhu cāti tivassabhikkhu, tassa, tena vā upalakkhito kālo tivassabhikkhukālo, tasmiṃ. Yadā so tivasso bhikkhu nāma hoti, tadāti vuttaṃ hoti. Kammaṃ karotīti bhāvanākammaṃ karoti. Ganthakammanti ganthavisayaṃ uggahaṇādikammaṃ. Piṇḍāpacitiṃ katvāti antovasse temāsaṃ dinnapiṇḍassa kilesakkhayakaraṇena apacitiṃ pūjaṃ katvā. Piṇḍāpacitiṃ karonto hi bhikkhu yehi attano yo piṇḍapāto dinno, tesaṃ tassa mahapphalabhāvaṃ icchanto attano santānameva kilesakkhayakaraṇena visodhetvā arahattaṃ gaṇhāti.
махаабхууд̇ийд̇и зд̇т̇а бууж̇ааважано маханд̇асад̣̇д̣̇о, бхууд̇ийд̇и жа наамзгад̣̇зсзна д̇иссабхууд̇ид̇т̇зрам̣ аалабад̇и. бхавад̇и хи наамзгад̣̇зсзнаби вохааро яат̇аа ‘‘д̣̇звад̣̇ад̇д̇о д̣̇ад̇д̇о’’д̇и. махаабхууд̇ийд̇и ваа бияасамуд̣̇аахааро, со махад̇и бхууд̇и вибхууд̇и бун̃н̃ан̃аан̣аад̣̇исамбад̣̇аа ассаад̇и махаабхууд̇и. чаннам̣ сзбан̣н̣иг̇ажчамууланд̇и саакаабалаасаад̣̇ийхи чаннам̣ гханажчааяам̣ сзбан̣н̣иг̇ажчамуулам̣. асубхагаммадтаанам̣ баад̣̇агам̣ гад̇ваад̇и гзсаад̣̇иасубхагодтаасабхааванааяа бадилад̣̇д̇хам̣ убажаарасамаад̇хим̣ аббанаасамаад̇хим̣ ваа баад̣̇агам̣ гад̇ваа. асубхависаяам̣ убажаараж̇жхаанаад̣̇игаммамзвзд̇т̇а убари бавад̇д̇зд̇аб̣б̣абхааванаагаммасса гааран̣абхаавад̇о таананд̇и гаммадтаанам̣.
Mahābhūtīti ettha pūjāvacano mahantasaddo, bhūtīti ca nāmekadesena tissabhūtittheraṃ ālapati. Bhavati hi nāmekadesenapi vohāro yathā ‘‘devadatto datto’’ti. Mahābhūtīti vā piyasamudāhāro, so mahati bhūti vibhūti puññañāṇādisampadā assāti mahābhūti. Channaṃ sepaṇṇigacchamūlanti sākhāpalāsādīhi channaṃ ghanacchāyaṃ sepaṇṇigacchamūlaṃ. Asubhakammaṭṭhānaṃ pādakaṃ katvāti kesādiasubhakoṭṭhāsabhāvanāya paṭiladdhaṃ upacārasamādhiṃ appanāsamādhiṃ vā pādakaṃ katvā. Asubhavisayaṃ upacārajjhānādikammamevettha upari pavattetabbabhāvanākammassa kāraṇabhāvato ṭhānanti kammaṭṭhānaṃ.
сахассад̣̇висахассасан̇каамад̇д̇ад̇д̇аа ‘‘махааг̇ан̣з’’д̇и вуд̇д̇ам̣. ад̇д̇ано васанадтаанад̇о т̇зрасса санд̇игам̣ г̇анд̇ваад̇и ад̇д̇ано васанадтаанад̇о аагаасзна г̇анд̇ваа вихаарасамийбз од̇арид̇ваа д̣̇иваадтаанз нисиннад̇т̇зрасса санд̇игам̣ г̇анд̇ваа. гим̣ ааг̇ад̇осийд̇и гим̣гааран̣аа ааг̇ад̇оси. саб̣б̣зсу рад̇д̇ид̣̇ивасабхааг̇зсу огаасам̣ алабханд̇од̇и со гира т̇зро ‘‘д̇уяхам̣ огаасо на бхависсад̇и, аавусо’’д̇и вуд̇д̇зби ‘‘вид̇аггамаал̣агз тид̇агаалз бужчиссаами, бханд̇з’’д̇и вад̇ваа ‘‘д̇асмим̣ таанз ан̃н̃з бужчиссанд̇ий’’д̇и вуд̇д̇з ‘‘бхигкаажаарамаг̇г̇з, бханд̇з’’д̇и вад̇ваа ‘‘д̇ад̇рааби ан̃н̃з бужчанд̇ий’’д̇и вуд̇д̇з д̣̇убадданиваасанадтаанз, сан̇гхаадибаарубанадтаанз, бад̇д̇анийхаран̣адтаанз, г̇аамз жарид̇ваа аасанасаалааяа яааг̇убийд̇агаалз, бханд̇зд̇и. д̇ад̇т̇ааби т̇зраа ад̇д̇ано ган̇кам̣ винод̣̇знд̇и, аавусод̇и. анд̇ог̇аамад̇о нигкаманагаалз бужчиссаами, бханд̇зд̇и. д̇ад̇рааби ан̃н̃з бужчанд̇и, аавусод̇и. анд̇араамаг̇г̇з, бханд̇зд̇и. бхож̇анасаалааяа бхад̇д̇агижжабарияосаанз, бханд̇з. д̣̇иваадтаанз баад̣̇ад̇хованагаалз, бханд̇зд̇и. д̇ад̇о бадтааяа яаава арун̣аа абарз бужчанд̇и, аавусод̇и. д̣̇анд̇агадтам̣ г̇ахзд̇ваа мукад̇хованад̇т̇ам̣ г̇аманагаалз, бханд̇зд̇и. д̇ад̣̇ааби ан̃н̃з бужчанд̇ийд̇и. мукам̣ д̇ховид̇ваа ааг̇аманагаалз, бханд̇зд̇и. д̇ад̇рааби ан̃н̃з бужчиссанд̇ийд̇и. сзнаасанам̣ бависид̇ваа нисиннагаалз, бханд̇зд̇и. д̇ад̇рааби ан̃н̃з бужчанд̇и, аавусод̇и. звам̣ саб̣б̣зсу рад̇д̇ид̣̇ивасабхааг̇зсу яаажамаано огаасам̣ на лабхи, д̇ам̣ санд̇хааязд̇ам̣ вуд̇д̇ам̣ – ‘‘звам̣ огаасз асад̇и маран̣асса гат̇ам̣ огаасам̣ лабхиссат̇аа’’д̇и. бханд̇з, нану мукам̣ д̇ховид̇ваа сзнаасанам̣ бависид̇ваа д̇аяо жад̇д̇ааро баллан̇гз ун̣хаабзд̇ваа яонисоманасигаарагаммам̣ гаронд̇аанам̣ огаасалаабхзна бхавид̇аб̣б̣ам̣ сияаад̇и ад̇хиббааязна вад̣̇ад̇и. ман̣иван̣н̣зд̇и инд̣̇анийламан̣иван̣н̣з.
Sahassadvisahassasaṅkhāmattattā ‘‘mahāgaṇe’’ti vuttaṃ. Attano vasanaṭṭhānato therassa santikaṃ gantvāti attano vasanaṭṭhānato ākāsena gantvā vihārasamīpe otaritvā divāṭṭhāne nisinnattherassa santikaṃ gantvā. Kiṃ āgatosīti kiṃkāraṇā āgatosi. Sabbesu rattidivasabhāgesu okāsaṃ alabhantoti so kira thero ‘‘tuyhaṃ okāso na bhavissati, āvuso’’ti vuttepi ‘‘vitakkamāḷake ṭhitakāle pucchissāmi, bhante’’ti vatvā ‘‘tasmiṃ ṭhāne aññe pucchissantī’’ti vutte ‘‘bhikkhācāramagge, bhante’’ti vatvā ‘‘tatrāpi aññe pucchantī’’ti vutte dupaṭṭanivāsanaṭṭhāne, saṅghāṭipārupanaṭṭhāne, pattanīharaṇaṭṭhāne, gāme caritvā āsanasālāya yāgupītakāle, bhanteti. Tatthāpi therā attano kaṅkhaṃ vinodenti, āvusoti. Antogāmato nikkhamanakāle pucchissāmi, bhanteti. Tatrāpi aññe pucchanti, āvusoti. Antarāmagge, bhanteti. Bhojanasālāya bhattakiccapariyosāne, bhante. Divāṭṭhāne pādadhovanakāle, bhanteti. Tato paṭṭhāya yāva aruṇā apare pucchanti, āvusoti. Dantakaṭṭhaṃ gahetvā mukhadhovanatthaṃ gamanakāle, bhanteti. Tadāpi aññe pucchantīti. Mukhaṃ dhovitvā āgamanakāle, bhanteti. Tatrāpi aññe pucchissantīti. Senāsanaṃ pavisitvā nisinnakāle, bhanteti. Tatrāpi aññe pucchanti, āvusoti. Evaṃ sabbesu rattidivasabhāgesu yācamāno okāsaṃ na labhi, taṃ sandhāyetaṃ vuttaṃ – ‘‘evaṃ okāse asati maraṇassa kathaṃ okāsaṃ labhissathā’’ti. Bhante, nanu mukhaṃ dhovitvā senāsanaṃ pavisitvā tayo cattāro pallaṅke uṇhāpetvā yonisomanasikārakammaṃ karontānaṃ okāsalābhena bhavitabbaṃ siyāti adhippāyena vadati. Maṇivaṇṇeti indanīlamaṇivaṇṇe.
гхадзнд̇ассзваад̇и вааяааманд̇ассзва. висуд̣̇д̇хибавааран̣анд̇и ‘‘барисуд̣̇д̇хо аха’’нд̇и звам̣ бавад̇д̇ам̣ висуд̣̇д̇хибавааран̣ам̣. араханд̇аанамзва хзсаа бавааран̣аа. гаал̣агам̣ ваад̇и маханд̇ам̣ гаал̣агам̣ санд̇хааяа вад̣̇ад̇и, д̇илаго ваад̇и куд̣̇д̣̇агам̣ санд̇хааяа. убхаязнаби сийласса барисуд̣̇д̇хабхаавамзва вибхаавзд̇и.
Ghaṭentassevāti vāyāmantasseva. Visuddhipavāraṇanti ‘‘parisuddho aha’’nti evaṃ pavattaṃ visuddhipavāraṇaṃ. Arahantānameva hesā pavāraṇā. Kāḷakaṃ vāti mahantaṃ kāḷakaṃ sandhāya vadati, tilako vāti khuddakaṃ sandhāya. Ubhayenapi sīlassa parisuddhabhāvameva vibhāveti.
бад̇хаанагаммигаад̇и бад̇хаанагаммз нияуд̇д̇аа. лад̣̇д̇хамаг̇г̇анд̇и лад̣̇д̇хуубааяам̣, батамамзва лад̣̇д̇хуубад̣̇зсанд̇и вуд̇д̇ам̣ ход̇и. абад̇д̇аанийд̇и чад̣д̣ид̇аани. алааб̣уунзва саарад̣̇зд̇и сарад̣̇агаалз ваад̇аад̇абахад̇аани д̇ад̇т̇а д̇ад̇т̇а виббагин̣н̣аалааб̣ууни вияа. гаабод̇агаанийд̇и габод̇агаван̣н̣аани. д̇аани д̣̇исваана гаа рад̇ийд̇и д̇аани зваруубаани адтийни д̣̇исваа д̇умхаагам̣ гаа наама рад̇и, нану аббамад̇д̇агааби рад̇и гаад̇ум̣ на ваддад̇иязваад̇и ад̇т̇о. д̣̇уд̇ияагат̇ам̣ агат̇ид̇абуб̣б̣од̇и ад̇д̇ано вуд̣дхад̇арзна сад̣̇д̇хим̣ вуд̇д̇аважанасса бажжанийгам̣ д̣̇уд̇ияагат̇ам̣ агат̇ид̇абуб̣б̣о.
Padhānakammikāti padhānakamme niyuttā. Laddhamagganti laddhūpāyaṃ, paṭhamameva laddhūpadesanti vuttaṃ hoti. Apattānīti chaḍḍitāni. Alābūneva sāradeti saradakāle vātātapahatāni tattha tattha vippakiṇṇaalābūni viya. Kāpotakānīti kapotakavaṇṇāni. Tāni disvāna kā ratīti tāni evarūpāni aṭṭhīni disvā tumhākaṃ kā nāma rati, nanu appamattakāpi rati kātuṃ na vaṭṭatiyevāti attho. Dutiyakathaṃ akathitapubboti attano vuḍḍhatarena saddhiṃ vuttavacanassa paccanīkaṃ dutiyakathaṃ akathitapubbo.
д̇ад̣̇ан̇г̇зна, д̇ад̣̇ан̇г̇асса бахаанам̣ д̇ад̣̇ан̇г̇аббахаанам̣. яан̃хи рад̇д̇ибхааг̇з самуж̇ж̇алид̇зна д̣̇ийбзна анд̇хагаарасса вияа д̇зна д̇зна вибассанааяа аваяавабхууд̇зна н̃аан̣ан̇г̇зна бадибагкавасзнзва д̇асса д̇асса бахаад̇аб̣б̣ад̇хаммасса бахаанамид̣̇ам̣ д̇ад̣̇ан̇г̇аббахаанам̣ наама. яат̇аа гаамажчанд̣̇аад̣̇аяо на жид̇д̇ам̣ барияудтааяа д̇идтанд̇и, звам̣ барияудтаанасса нисзд̇ханам̣ аббавад̇д̇игаран̣ам̣ вигкамбханам̣ вигкамбханаббахаанам̣. яан̃хи сасзваалз уд̣̇агз багкид̇д̇зна гхадзна сзвааласса вияа д̇зна д̇зна логияасамаад̇хинаа нийваран̣аад̣̇ийнам̣ бажжанийгад̇хаммаанам̣ вигкамбханамид̣̇ам̣ вигкамбханаббахаанам̣ наама. саммаа убажчиж̇ж̇анд̇и зд̇зна гилзсаад̇и самужчзд̣̇о, бахийяанд̇и зд̇зна гилзсаад̇и бахаанам̣, самужчзд̣̇асан̇каад̇ам̣ бахаанам̣ ниравасзсаббахаананд̇и самужчзд̣̇аббахаанам̣. яан̃хи асанивижаггаабхихад̇асса ругкасса вияа арияамаг̇г̇ан̃аан̣зна сам̣яож̇анаад̣̇ийнам̣ д̇хаммаанам̣ яат̇аа на буна вад̇д̇анд̇и, звам̣ бахаанамид̣̇ам̣ самужчзд̣̇аббахаанам̣ наама. бадиббассамбхад̇и вуубасаммад̇и гилзсад̣̇арат̇о зд̇ааяаад̇и бадиббассад̣̇д̇хи, палам̣, сааязва бахаананд̇и бадиббассад̣̇д̇хиббахаанам̣. саб̣б̣з гилзсаа саб̣б̣асан̇кад̇аа ваа ниссаранд̇и абаг̇ажчанд̇и зд̇знаад̇и ниссаран̣ам̣, ниб̣б̣аанам̣, д̇ад̣̇зва бахаананд̇и ниссаран̣аббахаанам̣. бадиббассамбхаяамаананд̇и бадиббассамбхам̣ гилзсавуубасамам̣ гурумаанам̣. логияалогуд̇д̇арзхийд̇и д̇ад̣̇ан̇г̇авигкамбханаббахаанаанам̣ логияад̇д̇аа, ид̇арзсам̣ логуд̇д̇арад̇д̇аа вуд̇д̇ам̣.
Tadaṅgena, tadaṅgassa pahānaṃ tadaṅgappahānaṃ. Yañhi rattibhāge samujjalitena dīpena andhakārassa viya tena tena vipassanāya avayavabhūtena ñāṇaṅgena paṭipakkhavaseneva tassa tassa pahātabbadhammassa pahānamidaṃ tadaṅgappahānaṃ nāma. Yathā kāmacchandādayo na cittaṃ pariyuṭṭhāya tiṭṭhanti, evaṃ pariyuṭṭhānassa nisedhanaṃ appavattikaraṇaṃ vikkhambhanaṃ vikkhambhanappahānaṃ. Yañhi sasevāle udake pakkhittena ghaṭena sevālassa viya tena tena lokiyasamādhinā nīvaraṇādīnaṃ paccanīkadhammānaṃ vikkhambhanamidaṃ vikkhambhanappahānaṃ nāma. Sammā upacchijjanti etena kilesāti samucchedo, pahīyanti etena kilesāti pahānaṃ, samucchedasaṅkhātaṃ pahānaṃ niravasesappahānanti samucchedappahānaṃ. Yañhi asanivicakkābhihatassa rukkhassa viya ariyamaggañāṇena saṃyojanādīnaṃ dhammānaṃ yathā na puna vattanti, evaṃ pahānamidaṃ samucchedappahānaṃ nāma. Paṭippassambhati vūpasammati kilesadaratho etāyāti paṭippassaddhi, phalaṃ, sāyeva pahānanti paṭippassaddhippahānaṃ. Sabbe kilesā sabbasaṅkhatā vā nissaranti apagacchanti etenāti nissaraṇaṃ, nibbānaṃ, tadeva pahānanti nissaraṇappahānaṃ. Paṭippassambhayamānanti paṭippassambhaṃ kilesavūpasamaṃ kurumānaṃ. Lokiyalokuttarehīti tadaṅgavikkhambhanappahānānaṃ lokiyattā, itaresaṃ lokuttarattā vuttaṃ.
нимийяад̇и палам̣ зд̇зна уббаж̇ж̇анадтаанз багкибамаанам̣ вияа ход̇ийд̇и нимид̇д̇ам̣, гааран̣ассзд̇ам̣ ад̇хиважанам̣. асубхасса нимид̇д̇ам̣, асубхамзва ваа нимид̇д̇анд̇и асубханимид̇д̇ам̣. асубханиссид̇амби хи жхаанам̣ ниссид̇з ниссаяавохаарзна асубханд̇и вохарийяад̇и яат̇аа ‘‘ман̃жаа уггудтим̣ гаронд̇ий’’д̇и. д̇знзвааха – ‘‘д̣̇асасу асубхзсу уббаннам̣ саарамман̣ам̣ батамаж̇жхаана’’нд̇и. анижжз анижжанд̇иаад̣̇инаа наязна вуд̇д̇ассаад̇и иминаа жад̇уб̣б̣ид̇хам̣ яонисоманасигаарам̣ д̣̇ассзд̇и. хздтаа жзд̇т̇а ид̇ха жа жад̇уб̣б̣ид̇хасса аяонисоманасигаарасса яонисоманасигаарасса жа г̇ахан̣ам̣ ниравасзсад̣̇ассанад̇т̇ам̣ гад̇анд̇и д̣̇адтаб̣б̣ам̣. д̇зсу бана асубхз ‘‘асубха’’нд̇и манасигааро ид̇хаад̇хиббзд̇о, д̇ад̣̇анугуулад̇д̇аа ваа ид̇арзсамби г̇ахан̣ам̣ д̣̇адтаб̣б̣ам̣.
Nimīyati phalaṃ etena uppajjanaṭṭhāne pakkhipamānaṃ viya hotīti nimittaṃ, kāraṇassetaṃ adhivacanaṃ. Asubhassa nimittaṃ, asubhameva vā nimittanti asubhanimittaṃ. Asubhanissitampi hi jhānaṃ nissite nissayavohārena asubhanti voharīyati yathā ‘‘mañcā ukkuṭṭhiṃ karontī’’ti. Tenevāha – ‘‘dasasu asubhesu uppannaṃ sārammaṇaṃ paṭhamajjhāna’’nti. Anicce aniccantiādinā nayena vuttassāti iminā catubbidhaṃ yonisomanasikāraṃ dasseti. Heṭṭhā cettha idha ca catubbidhassa ayonisomanasikārassa yonisomanasikārassa ca gahaṇaṃ niravasesadassanatthaṃ katanti daṭṭhabbaṃ. Tesu pana asubhe ‘‘asubha’’nti manasikāro idhādhippeto, tadanukūlattā vā itaresampi gahaṇaṃ daṭṭhabbaṃ.
згаад̣̇асасу асубхзсу бадигуулаагаарасса уг̇г̇ан̣ханам̣, яат̇аа ваа д̇ад̇т̇а уг̇г̇аханимид̇д̇ам̣ уббаж̇ж̇ад̇и, д̇ат̇аа бадибад̇д̇и асубханимид̇д̇асса уг̇г̇ахо. убажаараббанаавахааяа асубхабхааванааяа ануяун̃ж̇анам̣ асубхабхааванаануяог̇о. бхож̇анз мад̇д̇ан̃н̃уно т̇инамид̣̇д̇хаабхибхаваабхааваа од̇аарам̣ алабхамаано гаамажчанд̣̇о бахийяад̇ийд̇и вад̣̇анд̇и. бхож̇ананиссид̇ам̣ бана аахаарз бадигууласан̃н̃ам̣, д̇аб̣б̣ибарин̣аамасса д̇ад̣̇аад̇хаарасса д̇асса жа уд̣̇арияабхууд̇асса асубхад̇аад̣̇ассанам̣, гааяасса жа аахаарадтид̇игад̇аад̣̇ассанам̣ яо уббаад̣̇зд̇и, со висзсад̇о бхож̇анз бамаан̣ан̃н̃уу наама, д̇асса жа гаамажчанд̣̇о бахийяад̇зва. д̣̇асавид̇хан̃хи асубханимид̇д̇анд̇и баагадавасзна вуд̇д̇ам̣. гааяаг̇ад̇аасад̇им̣ бана г̇ахзд̇ваа згаад̣̇асавид̇хамби асубханимид̇д̇ам̣ взд̣̇ид̇аб̣б̣ам̣.
Ekādasasu asubhesu paṭikūlākārassa uggaṇhanaṃ, yathā vā tattha uggahanimittaṃ uppajjati, tathā paṭipatti asubhanimittassa uggaho. Upacārappanāvahāya asubhabhāvanāya anuyuñjanaṃ asubhabhāvanānuyogo. Bhojane mattaññuno thinamiddhābhibhavābhāvā otāraṃ alabhamāno kāmacchando pahīyatīti vadanti. Bhojananissitaṃ pana āhāre paṭikūlasaññaṃ, tabbipariṇāmassa tadādhārassa tassa ca udariyabhūtassa asubhatādassanaṃ, kāyassa ca āhāraṭṭhitikatādassanaṃ yo uppādeti, so visesato bhojane pamāṇaññū nāma, tassa ca kāmacchando pahīyateva. Dasavidhañhi asubhanimittanti pākaṭavasena vuttaṃ. Kāyagatāsatiṃ pana gahetvā ekādasavidhampi asubhanimittaṃ veditabbaṃ.
абхуд̇ваа уд̣̇агам̣ бивзд̇и баанийяасса огаасад̣̇аанад̇т̇ам̣ жад̇д̇ааро бан̃жа аалобз абхуд̇ваа баанийяам̣ бивзяяаад̇и ад̇т̇о. д̇зна вуд̇д̇ам̣ – ‘‘жад̇уннам̣ бан̃жаннам̣ аалобаанам̣ огаасз сад̇ий’’д̇и. абхид̇хаммадийгаагаарзна банзд̇т̇а ‘‘жад̇д̇ааро бан̃жа аалобз, бхуд̇ваана уд̣̇агам̣ бивз’’д̇и баатам̣ баригаббзд̇ваа ан̃н̃ат̇аа ад̇т̇о ван̣н̣ид̇о, со адтагат̇ааяа на самзд̇и. асубхагаммигад̇иссад̇т̇зро д̣̇анд̇адтид̣̇ассаавий.
Abhutvā udakaṃ piveti pānīyassa okāsadānatthaṃ cattāro pañca ālope abhutvā pānīyaṃ piveyyāti attho. Tena vuttaṃ – ‘‘catunnaṃpañcannaṃ ālopānaṃ okāse satī’’ti. Abhidhammaṭīkākārena panettha ‘‘cattāro pañca ālope, bhutvāna udakaṃ pive’’ti pāṭhaṃ parikappetvā aññathā attho vaṇṇito, so aṭṭhakathāya na sameti. Asubhakammikatissatthero dantaṭṭhidassāvī.
17. сад̇д̇амз миж̇ж̇ад̇и хид̇апаран̣авасзна синияхад̇ийд̇и мид̇д̇о, хид̇зсий буг̇г̇ало, д̇асмим̣ мид̇д̇з бхаваа, мид̇д̇асса ваа зсаад̇и мзд̇д̇аа, хид̇зсид̇аа. д̇ад̇т̇а ‘‘мзд̇д̇аа’’д̇и вуд̇д̇з аббанааби убажаароби ваддад̇и саад̇хааран̣аважанабхаавад̇од̇и ааха – ‘‘мзд̇д̇аад̇и зд̇д̇аавад̇аа буб̣б̣абхааг̇оби ваддад̇ий’’д̇и. аби-сад̣̇д̣̇о аббанам̣ самбин̣д̣зд̇и. аббанам̣ аббад̇д̇ааяа мзд̇д̇ааяа судту мужжанасса абхаавад̇о жзд̇овимуд̇д̇ийд̇и ‘‘аббанаава ад̇хиббзд̇аа’’д̇и вуд̇д̇ам̣.
17. Sattame mijjati hitapharaṇavasena siniyhatīti mitto, hitesī puggalo, tasmiṃ mitte bhavā, mittassa vā esāti mettā, hitesitā. Tattha ‘‘mettā’’ti vutte appanāpi upacāropi vaṭṭati sādhāraṇavacanabhāvatoti āha – ‘‘mettāti ettāvatā pubbabhāgopi vaṭṭatī’’ti. Api-saddo appanaṃ sampiṇḍeti. Appanaṃ appattāya mettāya suṭṭhu muccanassa abhāvato cetovimuttīti ‘‘appanāva adhippetā’’ti vuttaṃ.
сад̇д̇зсу мзд̇д̇ааяанасса хид̇уубасам̣хаарасса уббаад̣̇анам̣ бавад̇д̇анам̣ мзд̇д̇аанимид̇д̇асса уг̇г̇ахо. батамуббанно мзд̇д̇ааманасигааро барад̇о уббаж̇ж̇анагасса гааран̣абхаавад̇о мзд̇д̇ааманасигаарова мзд̇д̇аанимид̇д̇ам̣. гаммам̣язва сагам̣ зд̇зсанд̇и гаммассагаа, сад̇д̇аа, д̇аб̣бхааво гаммассагад̇аа, гаммад̣̇ааяаад̣̇ад̇аа. д̣̇осамзд̇д̇аасу яаат̇аавад̇о аад̣̇ийнаваанисам̣саанам̣ бадисан̇каанавиймам̣саа ид̇ха бадисан̇каанам̣. мзд̇д̇аавихаарийгаляаан̣амид̇д̇аванд̇ад̇аа ид̇ха галяаан̣амид̇д̇ад̇аа. од̣̇иссагаанод̣̇иссагад̣̇исаапаран̣аананд̇и ад̇д̇аад̇ибияамаж̇жхад̇д̇авзривасзна од̣̇иссагад̇аа, сиймаасамбхзд̣̇з гад̇з анод̣̇иссагад̇аа, згаад̣̇ид̣̇исаапаран̣авасзна д̣̇исаапаран̣ад̇аа мзд̇д̇ааяа уг̇г̇ахан̣з взд̣̇ид̇аб̣б̣аа. вихаараражчаг̇аамаад̣̇ивасзна ваа од̣̇иссагад̣̇исаапаран̣ам̣. вихаараад̣̇иуд̣̇д̣̇зсарахид̇ам̣ бурад̇т̇имаад̣̇ид̣̇исаавасзна анод̣̇иссагад̣̇исаапаран̣ам̣. звам̣ ваа д̣̇вид̇хаа уг̇г̇ахан̣ам̣ санд̇хааяа – ‘‘од̣̇иссагаанод̣̇иссагад̣̇исаапаран̣а’’нд̇и вуд̇д̇ам̣. уг̇г̇ахо жа яаава убажаараа д̣̇адтаб̣б̣о. уг̇г̇ахид̇ааяа аасзванаа бхааванаа. д̇ад̇т̇а саб̣б̣з сад̇д̇аа, баан̣аа, бхууд̇аа, буг̇г̇алаа, ад̇д̇абхаавабарияаабаннаад̇и зд̇зсам̣ васзна бан̃жавид̇хаа. згзгасмим̣ авзраа хонд̇у, аб̣яаабаж̇жхаа, анийгхаа, сукий ад̇д̇аанам̣ барихаранд̇ууд̇и жад̇уд̇хаа бавад̇д̇ид̇о вийсад̇ивид̇хаа анод̇хисопаран̣аа мзд̇д̇аа. саб̣б̣аа ид̇т̇ияо, бурисаа, арияаа, анарияаа, д̣̇зваа, мануссаа, винибаад̇игаад̇и сад̇д̇аад̇хигаран̣авасзна бавад̇д̇аа сад̇д̇авид̇хаа адтавийсад̇ивид̇хаа ваа, д̣̇асахи д̣̇исаахи д̣̇исаад̇хигаран̣авасзна бавад̇д̇аа д̣̇асавид̇хаа жа, згзгааяа ваа д̣̇исааяа сад̇д̇аад̣̇иид̇т̇аад̣̇иавзраад̣̇ибхзд̣̇зна асийд̇аад̇хигажад̇усад̇аббабхзд̣̇аа жа од̇хисопаран̣аа взд̣̇ид̇аб̣б̣аа. мзд̇д̇ам̣ бхаавзнд̇ассаад̇и мзд̇д̇аажхаанам̣ бхаавзнд̇асса. д̇вам̣ зд̇асса гуд̣̇д̇ход̇иаад̣̇и бажжавзгкан̣аавид̇хид̣̇ассанам̣. аббадижчид̇абахзн̣агам̣ вияаад̇и асамбадижчид̇абан̣н̣аагаарам̣ вияа. бадисан̇каанзд̇и виймам̣сааяам̣. вад̇д̇аниадавияам̣ ад̇д̇аг̇уд̇д̇ад̇т̇зрасад̣̇исз.
Sattesu mettāyanassa hitūpasaṃhārassa uppādanaṃ pavattanaṃ mettānimittassa uggaho. Paṭhamuppanno mettāmanasikāro parato uppajjanakassa kāraṇabhāvato mettāmanasikārova mettānimittaṃ. Kammaṃyeva sakaṃ etesanti kammassakā, sattā, tabbhāvo kammassakatā, kammadāyādatā. Dosamettāsu yāthāvato ādīnavānisaṃsānaṃ paṭisaṅkhānavīmaṃsā idha paṭisaṅkhānaṃ. Mettāvihārīkalyāṇamittavantatā idha kalyāṇamittatā. Odissakaanodissakadisāpharaṇānanti attaatipiyamajjhattaverivasena odissakatā, sīmāsambhede kate anodissakatā, ekādidisāpharaṇavasena disāpharaṇatā mettāya uggahaṇe veditabbā. Vihāraracchagāmādivasena vā odissakadisāpharaṇaṃ. Vihārādiuddesarahitaṃ puratthimādidisāvasena anodissakadisāpharaṇaṃ. Evaṃ vā dvidhā uggahaṇaṃ sandhāya – ‘‘odissakaanodissakadisāpharaṇa’’nti vuttaṃ. Uggaho ca yāva upacārā daṭṭhabbo. Uggahitāya āsevanā bhāvanā. Tattha sabbe sattā, pāṇā, bhūtā, puggalā, attabhāvapariyāpannāti etesaṃ vasena pañcavidhā. Ekekasmiṃ averā hontu, abyāpajjhā, anīghā, sukhī attānaṃ pariharantūti catudhā pavattito vīsatividhā anodhisopharaṇā mettā. Sabbā itthiyo, purisā, ariyā, anariyā, devā, manussā, vinipātikāti sattādhikaraṇavasena pavattā sattavidhā aṭṭhavīsatividhā vā, dasahi disāhi disādhikaraṇavasena pavattā dasavidhā ca, ekekāya vā disāya sattādiitthādiaverādibhedena asītādhikacatusatappabhedā ca odhisopharaṇā veditabbā. Mettaṃ bhāventassāti mettājhānaṃ bhāventassa. Tvaṃ etassa kuddhotiādi paccavekkhaṇāvidhidassanaṃ. Appaṭicchitapaheṇakaṃ viyāti asampaṭicchitapaṇṇākāraṃ viya. Paṭisaṅkhāneti vīmaṃsāyaṃ. Vattaniaṭaviyaṃ attaguttattherasadise.
18. адтамз гусалад̇хаммасамбадибад̇д̇ияаа бадтабанасабхаавад̇ааяа д̇аббадибагкаанам̣ висосанасабхаавад̇ааяа жа аарамбхад̇хаад̇уаад̣̇ид̇о бавад̇д̇авийрияанд̇и ааха – ‘‘батамаарамбхавийрияа’’нд̇и. яасмаа батамаарамбхамад̇д̇асса госаж̇ж̇авид̇хаманам̣ т̇аамаг̇аманан̃жа над̇т̇и, д̇асмаа вуд̇д̇ам̣ – ‘‘госаж̇ж̇ад̇о нигканд̇ад̇д̇аа д̇ад̇о б̣алавад̇ара’’нд̇и. яасмаа бана абараабаруббад̇д̇ияаа лад̣̇д̇хаасзванам̣ убаруубари висзсам̣ ааваханд̇ам̣ ад̇ивияа т̇аамаг̇ад̇амзва ход̇и, д̇асмаа вуд̇д̇ам̣ – ‘‘барам̣ барам̣ таанам̣ аггаманад̇о д̇ад̇оби б̣алавад̇ара’’нд̇и. банууд̣̇анааяаад̇и нийхаран̣ааяа. яат̇аа махад̇о балигхасса уг̇гхаадагаж̇анасса маханд̇о уссаахо ижчид̇аб̣б̣о, звамид̇хаабийд̇и ‘‘ниггамо жзд̇асо балигхуг̇гхааданааяаа’’д̇и вуд̇д̇ам̣. махаабараггамо зва барзна гад̇ам̣ б̣анд̇ханам̣ чинд̣̇зяяа, звамид̇хаабийд̇и вуд̇д̇ам̣ – ‘‘бараггамо жзд̇асо б̣анд̇ханажчзд̣̇анааяаа’’д̇и.
18. Aṭṭhame kusaladhammasampaṭipattiyā paṭṭhapanasabhāvatāya tappaṭipakkhānaṃ visosanasabhāvatāya ca ārambhadhātuādito pavattavīriyanti āha – ‘‘paṭhamārambhavīriya’’nti. Yasmā paṭhamārambhamattassa kosajjavidhamanaṃ thāmagamanañca natthi, tasmā vuttaṃ – ‘‘kosajjato nikkhantattā tato balavatara’’nti. Yasmā pana aparāparuppattiyā laddhāsevanaṃ uparūpari visesaṃ āvahantaṃ ativiya thāmagatameva hoti, tasmā vuttaṃ – ‘‘paraṃ paraṃ ṭhānaṃ akkamanato tatopi balavatara’’nti. Panūdanāyāti nīharaṇāya. Yathā mahato palighassa ugghāṭakajanassa mahanto ussāho icchitabbo, evamidhāpīti ‘‘nikkamo cetaso palighugghāṭanāyā’’ti vuttaṃ. Mahāparakkamo eva parena kataṃ bandhanaṃ chindeyya, evamidhāpīti vuttaṃ – ‘‘parakkamo cetaso bandhanacchedanāyā’’ti.
аарад̣̇д̇хам̣ сам̣саад̇хид̇ам̣ барибуурид̇ам̣ вийрияам̣ зд̇ассаад̇и аарад̣̇д̇хавийрияо, нибпаннавийрияо, аарад̣̇д̇хам̣ бадтабид̇ам̣ вийрияам̣ зд̇ассаад̇и аарад̣̇д̇хавийрияо. вийрияаарамбхаббасуд̇од̇и ааха – ‘‘аарад̣̇д̇хавийрияассаад̇и барибун̣н̣авийрияассажзва баг̇г̇ахид̇авийрияасса жаа’’д̇и. жад̇уд̣̇осаабаг̇ад̇анд̇и ад̇илийнад̇аад̣̇ийхи жад̇уухи д̣̇осзхи абаг̇ад̇ам̣. жад̇уд̣̇осаабаг̇ад̇ад̇д̇амзва вибхаавзд̇и ‘‘на жа ад̇илийна’’нд̇иаад̣̇инаа. ад̇илийнан̃хи бхааванаажид̇д̇ам̣ госаж̇ж̇абагкигам̣ сияаа, ад̇ибаг̇г̇ахид̇ан̃жа уд̣̇д̇хажжабагкигам̣. бхааванаавийт̇им̣ анаж̇жхог̇аахзд̇ваа сан̇гожаабад̇д̇и ад̇илийнад̇аа. аж̇жхог̇аахзд̇ваа анд̇осан̇гожо аж̇жхад̇д̇ам̣ сам̣кид̇д̇ад̇аа. ад̇ибаг̇г̇ахид̇ад̇аа ажжаарад̣̇д̇хавийрияад̇аа. б̣ахид̣̇д̇хаа вигкид̇д̇ад̇аа б̣ахивисадавид̇аггаануд̇хааванаа. д̇ад̣̇зд̇ам̣ вийрияам̣ жан̇гамаад̣̇игааяигаббаяог̇аавахам̣ гааяигам̣, д̇ад̣̇ан̃н̃ам̣ жзд̇асигам̣. рад̇д̇ид̣̇ивасса бан̃жа годтаасзд̇и буб̣б̣ан̣хасааяанхабатамамаж̇жхимабажчимаяаамасан̇каад̇з бан̃жа годтаасз. д̇ад̣̇убхаяамбийд̇и гааяигам̣ жзд̇асиган̃жа вийрияам̣. милагкад̇иссад̇т̇зрасса махаасийвад̇т̇зрасса жа вад̇т̇у хздтаа д̣̇ассид̇амзва.
Āraddhaṃ saṃsādhitaṃ paripūritaṃ vīriyaṃ etassāti āraddhavīriyo, nipphannavīriyo, āraddhaṃ paṭṭhapitaṃ vīriyaṃ etassāti āraddhavīriyo. Vīriyārambhappasutoti āha – ‘‘āraddhavīriyassāti paripuṇṇavīriyassaceva paggahitavīriyassa cā’’ti. Catudosāpagatanti atilīnatādīhi catūhi dosehi apagataṃ. Catudosāpagatattameva vibhāveti ‘‘na ca atilīna’’ntiādinā. Atilīnañhi bhāvanācittaṃ kosajjapakkhikaṃ siyā, atipaggahitañca uddhaccapakkhikaṃ. Bhāvanāvīthiṃ anajjhogāhetvā saṅkocāpatti atilīnatā. Ajjhogāhetvā antosaṅkoco ajjhattaṃ saṃkhittatā. Atipaggahitatā accāraddhavīriyatā. Bahiddhā vikkhittatā bahivisaṭavitakkānudhāvanā. Tadetaṃ vīriyaṃ caṅkamādikāyikappayogāvahaṃ kāyikaṃ, tadaññaṃ cetasikaṃ. Rattidivassa pañca koṭṭhāseti pubbaṇhasāyanhapaṭhamamajjhimapacchimayāmasaṅkhāte pañca koṭṭhāse. Tadubhayampīti kāyikaṃ cetasikañca vīriyaṃ. Milakkhatissattherassa mahāsīvattherassa ca vatthu heṭṭhā dassitameva.
бийд̇ималлагад̇т̇зрасса вад̇т̇у бана звам̣ взд̣̇ид̇аб̣б̣ам̣. со гира г̇ихигаалз маллаяуд̣̇д̇хааяа аахин̣д̣анд̇о д̇ийсу раж̇ж̇зсу бадаагам̣ г̇ахзд̇ваа д̇амб̣абан̣н̣ид̣̇ийбам̣ ааг̇амма рааж̇аанам̣ д̣̇исваа ран̃н̃аа гад̇аануг̇г̇ахо згад̣̇ивасам̣ гилан̃жагаасанасаалаад̣̇ваарзна г̇ажчанд̇о ‘‘руубам̣, бхигкавз, на д̇умхаагам̣, д̇ам̣ баж̇ахат̇а, д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇ий’’д̇и (сам̣. ни. 3.33-34; 4.102; ма. ни. 1.247) над̇умхаагаваг̇г̇ам̣ суд̇ваа жинд̇зси – ‘‘нзва гира руубам̣ ад̇д̇ано, на взд̣̇анаа’’д̇и. со д̇ам̣язва ан̇гусам̣ гад̇ваа нигкамид̇ваа махаавихаарам̣ г̇анд̇ваа баб̣б̣аж̇ж̇ам̣ яаажид̇ваа баб̣б̣аж̇ид̇о убасамбанно д̣̇взмаад̇игаа баг̇ун̣ам̣ гад̇ваа д̇им̣са бхигкуу г̇ахзд̇ваа авараваалияаан̇г̇ан̣ам̣ г̇анд̇ваа саман̣ад̇хаммам̣ агааси. баад̣̇зсу аваханд̇зсу ж̇ан̣н̣угзхи жан̇гамад̇и. д̇амзнам̣ рад̇д̇им̣ зго миг̇алуд̣̇д̣̇аго ‘‘миг̇о’’д̇и ман̃н̃амаано бахари, сад̇д̇и винивиж̇жхид̇ваа г̇ад̇аа. со д̇ам̣ сад̇д̇им̣ хараабзд̇ваа бахаарамукаани д̇ин̣аваддияаа буураабзд̇ваа баасаан̣абидтияам̣ ад̇д̇аанам̣ нисийд̣̇аабзд̇ваа огаасам̣ гаарзд̇ваа вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ бад̇ваа уггаасид̇асад̣̇д̣̇зна ааг̇ад̇аанам̣ бхигкуунам̣ б̣яаагарид̇ваа имам̣ уд̣̇аанам̣ уд̣̇аанзси –
Pītimallakattherassa vatthu pana evaṃ veditabbaṃ. So kira gihikāle mallayuddhāya āhiṇḍanto tīsu rajjesu paṭākaṃ gahetvā tambapaṇṇidīpaṃ āgamma rājānaṃ disvā raññā katānuggaho ekadivasaṃ kilañcakāsanasālādvārena gacchanto ‘‘rūpaṃ, bhikkhave, na tumhākaṃ, taṃ pajahatha, taṃ vo pahīnaṃ dīgharattaṃ hitāya sukhāya bhavissatī’’ti (saṃ. ni. 3.33-34; 4.102; ma. ni. 1.247) natumhākavaggaṃ sutvā cintesi – ‘‘neva kira rūpaṃ attano, na vedanā’’ti. So taṃyeva aṅkusaṃ katvā nikkhamitvā mahāvihāraṃ gantvā pabbajjaṃ yācitvā pabbajito upasampanno dvemātikā paguṇaṃ katvā tiṃsa bhikkhū gahetvā avaravāliyaaṅgaṇaṃ gantvā samaṇadhammaṃ akāsi. Pādesu avahantesu jaṇṇukehi caṅkamati. Tamenaṃ rattiṃ eko migaluddako ‘‘migo’’ti maññamāno pahari, satti vinivijjhitvā gatā. So taṃ sattiṃ harāpetvā pahāramukhāni tiṇavaṭṭiyā pūrāpetvā pāsāṇapiṭṭhiyaṃ attānaṃ nisīdāpetvā okāsaṃ kāretvā vipassanaṃ vaḍḍhetvā saha paṭisambhidāhi arahattaṃ patvā ukkāsitasaddena āgatānaṃ bhikkhūnaṃ byākaritvā imaṃ udānaṃ udānesi –
‘‘бхаасид̇ам̣ б̣уд̣̇д̇хасздтасса, саб̣б̣алогаг̇г̇аваад̣̇ино;
‘‘Bhāsitaṃ buddhaseṭṭhassa, sabbalokaggavādino;
на д̇умхаагам̣ ид̣̇ам̣ руубам̣, д̇ам̣ ж̇ахзяяаат̇а бхигкаво. (д̣̇ий. ни. адта. 2.373; ма. ни. адта. 1.106);
Na tumhākaṃ idaṃ rūpaṃ, taṃ jaheyyātha bhikkhavo. (dī. ni. aṭṭha. 2.373; ma. ni. aṭṭha. 1.106);
‘‘анижжаа вад̇а сан̇каараа, уббаад̣̇аваяад̇хаммино;
‘‘Aniccā vata saṅkhārā, uppādavayadhammino;
уббаж̇ж̇ид̇ваа нируж̇жханд̇и, д̇зсам̣ вуубасамо суко’’д̇и. (д̣̇ий. ни. адта. 2.373; ма. ни. адта. 1.106; т̇зраг̇аа. 1168);
Uppajjitvā nirujjhanti, tesaṃ vūpasamo sukho’’ti. (dī. ni. aṭṭha. 2.373; ma. ni. aṭṭha. 1.106; theragā. 1168);
гудумб̣ияабуд̇д̇ад̇иссад̇т̇зрассаби вад̇т̇у звам̣ взд̣̇ид̇аб̣б̣ам̣. саавад̇т̇ияам̣ гира д̇иссо наама гудумб̣ияабуд̇д̇о жад̇д̇аалийса хиран̃н̃агодияо бахааяа баб̣б̣аж̇ид̇ваа аг̇аамагз аран̃н̃з вихарад̇и, д̇асса ганидтабхаад̇убхарияаа ‘‘г̇ажчат̇а, нам̣ ж̇ийвид̇аа воробзт̇аа’’д̇и бан̃жасад̇з жорз бзсзси, д̇з г̇анд̇ваа т̇зрам̣ бариваарзд̇ваа нисийд̣̇им̣су. т̇зро ааха – ‘‘гасмаа ааг̇ад̇ад̇т̇а убаасагаа’’д̇и? д̇ам̣ ж̇ийвид̇аа воробзссаамаад̇и. баадибхог̇ам̣ мз убаасагаа г̇ахзд̇ваа аж̇ж̇згарад̇д̇им̣ ж̇ийвид̇ам̣ д̣̇зт̇аад̇и. го д̇з, саман̣а, имасмим̣ таанз баадибхог̇о бхависсад̇ийд̇и? т̇зро маханд̇ам̣ баасаан̣ам̣ г̇ахзд̇ваа уурудтийни бхинд̣̇ид̇ваа ‘‘ваддад̇и убаасагаа баадибхог̇о’’д̇и ааха. д̇з абаггамид̇ваа жан̇гаманасийсз аг̇г̇им̣ гад̇ваа нибаж̇ж̇им̣су. т̇зрасса взд̣̇анам̣ вигкамбхзд̇ваа сийлам̣ бажжавзгкад̇о барисуд̣̇д̇хасийлам̣ ниссааяа бийд̇ибаамож̇ж̇ам̣ уббаж̇ж̇и. д̇ад̇о ануггамзна вибассанам̣ вад̣дхзнд̇о д̇ияаамарад̇д̇им̣ саман̣ад̇хаммам̣ гад̇ваа арун̣уг̇г̇аманз арахад̇д̇ам̣ бад̇д̇о имам̣ уд̣̇аанам̣ уд̣̇аанзси –
Kuṭumbiyaputtatissattherassapi vatthu evaṃ veditabbaṃ. Sāvatthiyaṃ kira tisso nāma kuṭumbiyaputto cattālīsa hiraññakoṭiyo pahāya pabbajitvā agāmake araññe viharati, tassa kaniṭṭhabhātubhariyā ‘‘gacchatha, naṃ jīvitā voropethā’’ti pañcasate core pesesi, te gantvā theraṃ parivāretvā nisīdiṃsu. Thero āha – ‘‘kasmā āgatattha upāsakā’’ti? Taṃ jīvitā voropessāmāti. Pāṭibhogaṃ me upāsakā gahetvā ajjekarattiṃ jīvitaṃ dethāti. Ko te, samaṇa, imasmiṃ ṭhāne pāṭibhogo bhavissatīti? Thero mahantaṃ pāsāṇaṃ gahetvā ūruṭṭhīni bhinditvā ‘‘vaṭṭati upāsakā pāṭibhogo’’ti āha. Te apakkamitvā caṅkamanasīse aggiṃ katvā nipajjiṃsu. Therassa vedanaṃ vikkhambhetvā sīlaṃ paccavekkhato parisuddhasīlaṃ nissāya pītipāmojjaṃ uppajji. Tato anukkamena vipassanaṃ vaḍḍhento tiyāmarattiṃ samaṇadhammaṃ katvā aruṇuggamane arahattaṃ patto imaṃ udānaṃ udānesi –
‘‘убхо баад̣̇аани бхинд̣̇ид̇ваа, сан̃н̃абзссаами во ахам̣;
‘‘Ubho pādāni bhinditvā, saññapessāmi vo ahaṃ;
аддияаами харааяаами, сарааг̇амаран̣ам̣ ахам̣.
Aṭṭiyāmi harāyāmi, sarāgamaraṇaṃ ahaṃ.
‘‘зваахам̣ жинд̇аяид̇ваана, яат̇аабхууд̇ам̣ вибассисам̣;
‘‘Evāhaṃ cintayitvāna, yathābhūtaṃ vipassisaṃ;
самбад̇д̇з арун̣уг̇г̇амхи, арахад̇д̇ам̣ абаабун̣и’’нд̇и. (висуд̣̇д̇хи. 1.20; д̣̇ий. ни. адта. 2.373; ма. ни. адта. 1.106);
Sampatte aruṇuggamhi, arahattaṃ apāpuṇi’’nti. (visuddhi. 1.20; dī. ni. aṭṭha. 2.373; ma. ni. aṭṭha. 1.106);
ад̇ибхож̇анз нимид̇д̇аг̇г̇ааход̇и ад̇ибхож̇анз т̇инамид̣̇д̇хасса нимид̇д̇аг̇г̇аахо, ‘‘зд̇д̇агз бхуд̇д̇з д̇ам̣ бхож̇анам̣ т̇инамид̣̇д̇хасса гааран̣ам̣ ход̇и, зд̇д̇агз на ход̇ий’’д̇и т̇инамид̣̇д̇хасса гааран̣аагааран̣аг̇г̇аахо ход̇ийд̇и ад̇т̇о. б̣яад̇ирзгавасзна жзд̇ам̣ вуд̇д̇ам̣, д̇асмаа зд̇д̇агз бхуд̇д̇з д̇ам̣ бхож̇анам̣ т̇инамид̣̇д̇хасса гааран̣ам̣ на ход̇ийд̇и бхож̇анз мад̇д̇ан̃н̃уд̇аава ад̇т̇ад̇о д̣̇ассид̇аад̇и д̣̇адтаб̣б̣ам̣. д̇знааха – ‘‘жад̇убан̃жа…бз… д̇ам̣ на ход̇ий’’д̇и. д̣̇иваа суурияаалоганд̇и д̣̇иваа г̇ахид̇анимид̇д̇ам̣ суурияаалогам̣ рад̇д̇ияам̣ манасигаронд̇ассабийд̇и звамзд̇т̇а ад̇т̇о взд̣̇ид̇аб̣б̣о. д̇худ̇ан̇г̇аанам̣ вийрияаниссид̇ад̇д̇аа вуд̇д̇ам̣ – ‘‘д̇худ̇ан̇г̇аниссид̇асаббааяагат̇ааяабий’’д̇и.
Atibhojanenimittaggāhoti atibhojane thinamiddhassa nimittaggāho, ‘‘ettake bhutte taṃ bhojanaṃ thinamiddhassa kāraṇaṃ hoti, ettake na hotī’’ti thinamiddhassa kāraṇākāraṇaggāho hotīti attho. Byatirekavasena cetaṃ vuttaṃ, tasmā ettake bhutte taṃ bhojanaṃ thinamiddhassa kāraṇaṃ na hotīti bhojane mattaññutāva atthato dassitāti daṭṭhabbaṃ. Tenāha – ‘‘catupañca…pe… taṃ na hotī’’ti. Divā sūriyālokanti divā gahitanimittaṃ sūriyālokaṃ rattiyaṃ manasikarontassapīti evamettha attho veditabbo. Dhutaṅgānaṃ vīriyanissitattā vuttaṃ – ‘‘dhutaṅganissitasappāyakathāyapī’’ti.
19. навамз жхаанзна ваа вибассанааяа ваа вуубасамид̇ажид̇д̇ассаад̇и жхаанзна ваа вибассанааяа ваа авуубасамагарагилзсавиг̇аманзна вуубасамид̇ажид̇д̇асса. гуггужжамби гад̇аагад̇аанусожанавасзна бавад̇д̇амаанам̣ жзд̇асо авуубасамаавахад̇ааяа уд̣̇д̇хажжзна самааналагкан̣анд̇и убхаяасса бахаанагааран̣ам̣ абхиннам̣ гад̇ваа вуд̇д̇ам̣. б̣ахуссуд̇асса г̇ант̇ад̇о ад̇т̇ад̇о жа суд̇д̇аад̣̇ийни вижаарзнд̇асса д̇аб̣б̣ахулавихаарино ад̇т̇авзд̣̇аад̣̇иббадилаабхасамбхавад̇о вигкзбо на ход̇и. яат̇аа вид̇хиббадибад̇д̇ияаа яат̇аануруубабад̇д̇игаараббавад̇д̇ияаа жа вигкзбо жа гад̇аагад̇аанусожанан̃жа на ход̇ийд̇и ‘‘б̣аахусажжзнаби уд̣̇д̇хажжагуггужжам̣ бахийяад̇ий’’д̇и ааха. яад̣̇аг̇г̇зна б̣аахусажжзна уд̣̇д̇хажжагуггужжам̣ бахийяад̇и, д̇ад̣̇аг̇г̇зна барибужчагад̇аавинаяаббагад̇ан̃н̃уд̇аахиби д̇ам̣ бахийяад̇ийд̇и д̣̇адтаб̣б̣ам̣. вуд̣̇д̇хасзвид̇аа жа вуд̣̇д̇хасийлид̇ам̣ аавахад̇ийд̇и жзд̇асо вуубасамагарад̇д̇аа ‘‘уд̣̇д̇хажжагуггужжаббахаанагаарий’’д̇и вуд̇д̇ам̣, вуд̣̇д̇хад̇ам̣ бана анабзгкид̇ваа гуггужжавинод̣̇агаа винаяад̇хараа галяаан̣амид̇д̇аад̇и вуд̇д̇аад̇и д̣̇адтаб̣б̣ам̣. вигкзбо жа баб̣б̣аж̇ид̇аанам̣ язбхуяязна гуггужжахзд̇уго ход̇ийд̇и ‘‘габбияаагаббияабарибужчааб̣ахулассаа’’д̇иаад̣̇инаа винаяанаязнзва барибужчагад̇аад̣̇аяо нид̣̇д̣̇идтаа.
19. Navame jhānena vā vipassanāya vā vūpasamitacittassāti jhānena vā vipassanāya vā avūpasamakarakilesavigamanena vūpasamitacittassa. Kukkuccampi katākatānusocanavasena pavattamānaṃ cetaso avūpasamāvahatāya uddhaccena samānalakkhaṇanti ubhayassa pahānakāraṇaṃ abhinnaṃ katvā vuttaṃ. Bahussutassa ganthato atthato ca suttādīni vicārentassa tabbahulavihārino atthavedādippaṭilābhasambhavato vikkhepo na hoti. Yathā vidhippaṭipattiyā yathānurūpapattikārappavattiyā ca vikkhepo ca katākatānusocanañca na hotīti ‘‘bāhusaccenapi uddhaccakukkuccaṃ pahīyatī’’ti āha. Yadaggena bāhusaccena uddhaccakukkuccaṃ pahīyati, tadaggena paripucchakatāvinayappakataññutāhipi taṃ pahīyatīti daṭṭhabbaṃ. Vuddhasevitā ca vuddhasīlitaṃ āvahatīti cetaso vūpasamakarattā ‘‘uddhaccakukkuccappahānakārī’’ti vuttaṃ, vuddhataṃ pana anapekkhitvā kukkuccavinodakā vinayadharā kalyāṇamittāti vuttāti daṭṭhabbaṃ. Vikkhepo ca pabbajitānaṃ yebhuyyena kukkuccahetuko hotīti ‘‘kappiyākappiyaparipucchābahulassā’’tiādinā vinayanayeneva paripucchakatādayo niddiṭṭhā.
20. д̣̇асамз б̣ахуссуд̇аанам̣ д̇хаммасабхаавааваб̣од̇хасамбхавад̇о вижигижчаа анавагаасаа зваад̇и ааха – ‘‘б̣аахусажжзнаби…бз… вижигижчаа бахийяад̇ий’’д̇и. гаамам̣ б̣аахусажжабарибужчагад̇аахи саб̣б̣ааби адтавад̇т̇угаа вижигижчаа бахийяад̇и, д̇ат̇ааби рад̇анад̇д̇аяавижигижчаамуулигаа сзсавижигижчаад̇и ааха – ‘‘д̇ийн̣и рад̇анаани аараб̣бха барибужчааб̣ахулассабий’’д̇и. рад̇анад̇д̇аяаг̇ун̣ааваб̣од̇хзхи ‘‘сад̇т̇ари ган̇кад̇ий’’д̇иаад̣̇ивижигижчааяа асамбхавод̇и. винаяз багад̇ан̃н̃уд̇аа ‘‘сигкааяа ган̇кад̇ий’’д̇и (д̇ха. са. 1008; вибха. 915) вуд̇д̇ааяа вижигижчааяа бахаанам̣ гарод̇ийд̇и ааха – ‘‘винаяз жин̣н̣авасийбхаавассабий’’д̇и. огаббанияасад̣̇д̇хаасан̇каад̇аад̇химогкаб̣ахулассаад̇и сад̣̇д̇хзяяавад̇т̇уно ануббависанасад̣̇д̇хаасан̇каад̇аад̇химогкзна ад̇химужжанаб̣ахуласса. ад̇химужжанан̃жа ад̇химогкуббаад̣̇анамзваад̇и д̣̇адтаб̣б̣ам̣. сад̣̇д̇хааяа ваа д̇ам̣ниннабон̣ад̇аа ад̇химуд̇д̇и ад̇химогко . нийваран̣аанам̣ бажжаяасса жзва бажжаяагхаад̇асса жа вибхаавид̇ад̇д̇аа вуд̇д̇ам̣ – ‘‘ваддавиваддам̣ гат̇ид̇а’’нд̇и.
20. Dasame bahussutānaṃ dhammasabhāvāvabodhasambhavato vicikicchā anavakāsā evāti āha – ‘‘bāhusaccenapi…pe… vicikicchā pahīyatī’’ti. Kāmaṃ bāhusaccaparipucchakatāhi sabbāpi aṭṭhavatthukā vicikicchā pahīyati, tathāpi ratanattayavicikicchāmūlikā sesavicikicchāti āha – ‘‘tīṇi ratanāni ārabbha paripucchābahulassapī’’ti. Ratanattayaguṇāvabodhehi ‘‘satthari kaṅkhatī’’tiādivicikicchāya asambhavoti. Vinaye pakataññutā ‘‘sikkhāya kaṅkhatī’’ti (dha. sa. 1008; vibha. 915) vuttāya vicikicchāya pahānaṃ karotīti āha – ‘‘vinaye ciṇṇavasībhāvassapī’’ti. Okappaniyasaddhāsaṅkhātaadhimokkhabahulassāti saddheyyavatthuno anuppavisanasaddhāsaṅkhātaadhimokkhena adhimuccanabahulassa. Adhimuccanañca adhimokkhuppādanamevāti daṭṭhabbaṃ. Saddhāya vā taṃninnapoṇatā adhimutti adhimokkho . Nīvaraṇānaṃ paccayassa ceva paccayaghātassa ca vibhāvitattā vuttaṃ – ‘‘vaṭṭavivaṭṭaṃ kathita’’nti.
нийваран̣аббахаанаваг̇г̇аван̣н̣анаа нидтид̇аа.
Nīvaraṇappahānavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. нийваран̣аббахаанаваг̇г̇о • 2. Nīvaraṇappahānavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. нийваран̣аббахаанаваг̇г̇аван̣н̣анаа • 2. Nīvaraṇappahānavaggavaṇṇanā
