| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. ནཱིཝརཎསུཏྟཾ
2. Nīvaraṇasuttaṃ
༦༤. ‘‘པཉྩིམཱནི, བྷིཀྑཝེ, ནཱིཝརཎཱནི། ཀཏམཱནི པཉྩ? ཀཱམཙྪནྡནཱིཝརཎཾ, བྱཱཔཱདནཱིཝརཎཾ, ཐིནམིདྡྷནཱིཝརཎཾ , ཨུདྡྷཙྩཀུཀྐུཙྩནཱིཝརཎཾ, ཝིཙིཀིཙྪཱནཱིཝརཎཾ – ཨིམཱནི ཁོ, བྷིཀྑཝེ, པཉྩ ནཱིཝརཎཱནི།
64. ‘‘Pañcimāni, bhikkhave, nīvaraṇāni. Katamāni pañca? Kāmacchandanīvaraṇaṃ, byāpādanīvaraṇaṃ, thinamiddhanīvaraṇaṃ , uddhaccakukkuccanīvaraṇaṃ, vicikicchānīvaraṇaṃ – imāni kho, bhikkhave, pañca nīvaraṇāni.
‘‘ཨིམེསཾ ཁོ, བྷིཀྑཝེ, པཉྩནྣཾ ནཱིཝརཎཱནཾ པཧཱནཱཡ ཙཏྟཱརོ སཏིཔཊྛཱནཱ བྷཱཝེཏབྦཱ། ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ; ཝེདནཱསུ…པེ॰… ཙིཏྟེ…པེ॰… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ ཝིནེཡྻ ལོཀེ ཨབྷིཛ྄ཛྷཱདོམནསྶཾ། ཨིམེསཾ ཁོ, བྷིཀྑཝེ, པཉྩནྣཾ ནཱིཝརཎཱནཾ པཧཱནཱཡ ཨིམེ ཙཏྟཱརོ སཏིཔཊྛཱནཱ བྷཱཝེཏབྦཱ’’ཏི། དུཏིཡཾ།
‘‘Imesaṃ kho, bhikkhave, pañcannaṃ nīvaraṇānaṃ pahānāya cattāro satipaṭṭhānā bhāvetabbā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Imesaṃ kho, bhikkhave, pañcannaṃ nīvaraṇānaṃ pahānāya ime cattāro satipaṭṭhānā bhāvetabbā’’ti. Dutiyaṃ.
