| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. нивзсагасуд̇д̇ам̣
5. Nivesakasuttaṃ
76. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ аананд̣̇ам̣ бхаг̇аваа зд̇ад̣̇авожа –
76. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca –
‘‘яз, аананд̣̇а, анугамбзяяаат̇а яз жа сод̇аб̣б̣ам̣ ман̃н̃зяяум̣ мид̇д̇аа ваа амажжаа ваа н̃аад̇ий ваа саалохид̇аа ваа д̇з во, аананд̣̇а, д̇ийсу таанзсу самаад̣̇абзд̇аб̣б̣аа 1 нивзсзд̇аб̣б̣аа бад̇идтаабзд̇аб̣б̣аа. гад̇амзсу д̇ийсу? б̣уд̣̇д̇хз авзжжаббасаад̣̇з самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и; сад̇т̇аа д̣̇звамануссаанам̣, б̣уд̣̇д̇хо бхаг̇аваа’д̇и, д̇хаммз авзжжаббасаад̣̇з самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и, сан̇гхз авзжжаббасаад̣̇з самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа – ‘суббадибанно бхаг̇авад̇о саавагасан̇гхо уж̇уббадибанно бхаг̇авад̇о саавагасан̇гхо н̃ааяаббадибанно бхаг̇авад̇о саавагасан̇гхо саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’’’д̇и.
‘‘Ye, ānanda, anukampeyyātha ye ca sotabbaṃ maññeyyuṃ mittā vā amaccā vā ñātī vā sālohitā vā te vo, ānanda, tīsu ṭhānesu samādapetabbā 2 nivesetabbā patiṭṭhāpetabbā. Katamesu tīsu? Buddhe aveccappasāde samādapetabbā nivesetabbā patiṭṭhāpetabbā – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi; satthā devamanussānaṃ, buddho bhagavā’ti, dhamme aveccappasāde samādapetabbā nivesetabbā patiṭṭhāpetabbā – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti, saṅghe aveccappasāde samādapetabbā nivesetabbā patiṭṭhāpetabbā – ‘suppaṭipanno bhagavato sāvakasaṅgho ujuppaṭipanno bhagavato sāvakasaṅgho ñāyappaṭipanno bhagavato sāvakasaṅgho sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’’’ti.
‘‘сияаа, аананд̣̇а, жад̇уннам̣ махаабхууд̇аанам̣ ан̃н̃ат̇ад̇д̇ам̣ – бат̇авийд̇хаад̇уяаа аабод̇хаад̇уяаа д̇зж̇од̇хаад̇уяаа вааяод̇хаад̇уяаа, на д̇взва б̣уд̣̇д̇хз авзжжаббасаад̣̇зна саманнааг̇ад̇асса арияасаавагасса сияаа ан̃н̃ат̇ад̇д̇ам̣ д̇ад̇рид̣̇ам̣ ан̃н̃ат̇ад̇д̇ам̣. со вад̇аананд̣̇а, б̣уд̣̇д̇хз авзжжаббасаад̣̇зна саманнааг̇ад̇о арияасааваго нираяам̣ ваа д̇иражчаанаяоним̣ ваа бзд̇д̇ивисаяам̣ ваа убабаж̇ж̇иссад̇ийд̇и нзд̇ам̣ таанам̣ виж̇ж̇ад̇и.
‘‘Siyā, ānanda, catunnaṃ mahābhūtānaṃ aññathattaṃ – pathavīdhātuyā āpodhātuyā tejodhātuyā vāyodhātuyā, na tveva buddhe aveccappasādena samannāgatassa ariyasāvakassa siyā aññathattaṃ tatridaṃ aññathattaṃ. So vatānanda, buddhe aveccappasādena samannāgato ariyasāvako nirayaṃ vā tiracchānayoniṃ vā pettivisayaṃ vā upapajjissatīti netaṃ ṭhānaṃ vijjati.
‘‘сияаа , аананд̣̇а, жад̇уннам̣ махаабхууд̇аанам̣ ан̃н̃ат̇ад̇д̇ам̣ – бат̇авийд̇хаад̇уяаа аабод̇хаад̇уяаа д̇зж̇од̇хаад̇уяаа вааяод̇хаад̇уяаа, на д̇взва д̇хаммз…бз… на д̇взва сан̇гхз авзжжаббасаад̣̇зна саманнааг̇ад̇асса арияасаавагасса сияаа ан̃н̃ат̇ад̇д̇ам̣ д̇ад̇рид̣̇ам̣ ан̃н̃ат̇ад̇д̇ам̣. со вад̇аананд̣̇а, сан̇гхз авзжжаббасаад̣̇зна саманнааг̇ад̇о арияасааваго нираяам̣ ваа д̇иражчаанаяоним̣ ваа бзд̇д̇ивисаяам̣ ваа убабаж̇ж̇иссад̇ийд̇и нзд̇ам̣ таанам̣ виж̇ж̇ад̇и.
‘‘Siyā , ānanda, catunnaṃ mahābhūtānaṃ aññathattaṃ – pathavīdhātuyā āpodhātuyā tejodhātuyā vāyodhātuyā, na tveva dhamme…pe… na tveva saṅghe aveccappasādena samannāgatassa ariyasāvakassa siyā aññathattaṃ tatridaṃ aññathattaṃ. So vatānanda, saṅghe aveccappasādena samannāgato ariyasāvako nirayaṃ vā tiracchānayoniṃ vā pettivisayaṃ vā upapajjissatīti netaṃ ṭhānaṃ vijjati.
‘‘яз, аананд̣̇а, анугамбзяяаат̇а яз жа сод̇аб̣б̣ам̣ ман̃н̃зяяум̣ мид̇д̇аа ваа амажжаа ваа н̃аад̇ий ваа саалохид̇аа ваа д̇з во, аананд̣̇а, имзсу д̇ийсу таанзсу самаад̣̇абзд̇аб̣б̣аа нивзсзд̇аб̣б̣аа бад̇идтаабзд̇аб̣б̣аа’’д̇и. бан̃жамам̣.
‘‘Ye, ānanda, anukampeyyātha ye ca sotabbaṃ maññeyyuṃ mittā vā amaccā vā ñātī vā sālohitā vā te vo, ānanda, imesu tīsu ṭhānesu samādapetabbā nivesetabbā patiṭṭhāpetabbā’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. нивзсагасуд̇д̇аван̣н̣анаа • 5. Nivesakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. нивзсагасуд̇д̇аван̣н̣анаа • 5. Nivesakasuttavaṇṇanā
