| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. நிவேஸகஸுத்தவண்ணனா
5. Nivesakasuttavaṇṇanā
76. பஞ்சமே கிச்சகரணீயேஸு ஸஹபா⁴வட்டே²ன அமா ஹொந்தீதி அமச்சா. ‘‘அயங் அஜ்ஜ²த்திகோ’’தி ஏவங் ஜானந்தி, ஞாயந்தி வாதி ஞாதீ. ஸஸ்ஸுஸஸுரபக்கி²காதி ஸஸ்ஸுஸஸுரா ச தப்பக்கி²கோ ச ஸஸ்ஸுஸஸுரபக்கி²கா. லோஹிதேன ஸம்ப³த்³தா⁴தி ஸாலோஹிதா. பிதுபக்கி²கா வா ஞாதீ, மாதுபக்கி²கா ஸாலோஹிதா. மாதுபிதுபக்கி²கா வா ஞாதீ, ஸஸ்ஸுஸஸுரபக்கி²கா ஸாலோஹிதா. அவேச்ச ரதனஸ்ஸ கு³ணே யாதா²வதோ ஞத்வா பஸாதோ³ அவேச்சப்பஸாதோ³. ஸோ பன யஸ்மா மக்³கே³னாக³தத்தா கேனசி அகம்பனீயோ ச அப்பத⁴ங்ஸியோ ச ஹோதி, தஸ்மா ஏவங் வுத்தங் ‘‘அசலப்பஸாதோ³’’தி. பா⁴வஞ்ஞத²த்தந்தி ஸபா⁴வஸ்ஸ அஞ்ஞத²த்தங்.
76. Pañcame kiccakaraṇīyesu sahabhāvaṭṭhena amā hontīti amaccā. ‘‘Ayaṃ ajjhattiko’’ti evaṃ jānanti, ñāyanti vāti ñātī. Sassusasurapakkhikāti sassusasurā ca tappakkhiko ca sassusasurapakkhikā. Lohitena sambaddhāti sālohitā. Pitupakkhikā vā ñātī, mātupakkhikā sālohitā. Mātupitupakkhikā vā ñātī, sassusasurapakkhikā sālohitā. Avecca ratanassa guṇe yāthāvato ñatvā pasādo aveccappasādo. So pana yasmā maggenāgatattā kenaci akampanīyo ca appadhaṃsiyo ca hoti, tasmā evaṃ vuttaṃ ‘‘acalappasādo’’ti. Bhāvaññathattanti sabhāvassa aññathattaṃ.
வீஸதியா கொட்டா²ஸேஸூதி கேஸாதி³மத்த²லுங்க³பரியந்தேஸு. த்³வாத³ஸஸு கொட்டா²ஸேஸூதி பித்தாதி³முத்தபரியந்தேஸு. சதூஸு கொட்டா²ஸேஸூதி ‘‘யேன ச ஸந்தப்பதி, யேன ச ஜீரீயதி, யேன ச பரித³ய்ஹதி, யேன ச அஸிதபீதகா²யிதஸாயிதங் ஸம்மா பரிணாமங் க³ச்ச²தீ’’தி (ம॰ நி॰ 1.304) ஏவங் வுத்தேஸு சதூஸு கொட்டா²ஸேஸு. ச²ஸு கொட்டா²ஸேஸூதி ‘‘உத்³த⁴ங்க³மா வாதா, அதோ⁴க³மா வாதா, குச்சி²ஸயா வாதா, கொட்டா²ஸயா வாதா, அங்க³மங்கா³னுஸாரினோ வாதா, அஸ்ஸாஸோ பஸ்ஸாஸோ’’தி (ம॰ நி॰ 2.305) ஏவங் வுத்தேஸு ச²ஸு கொட்டா²ஸேஸு. வித்த²ம்ப⁴னங் ஸேஸபூ⁴தத்தயஸந்த²ம்பி⁴ததாபாத³னங், ‘‘உபகீளன’’ந்தி ஏகே. ஸேஸங் ஸுவிஞ்ஞெய்யமேவ.
Vīsatiyā koṭṭhāsesūti kesādimatthaluṅgapariyantesu. Dvādasasu koṭṭhāsesūti pittādimuttapariyantesu. Catūsu koṭṭhāsesūti ‘‘yena ca santappati, yena ca jīrīyati, yena ca paridayhati, yena ca asitapītakhāyitasāyitaṃ sammā pariṇāmaṃ gacchatī’’ti (ma. ni. 1.304) evaṃ vuttesu catūsu koṭṭhāsesu. Chasu koṭṭhāsesūti ‘‘uddhaṅgamā vātā, adhogamā vātā, kucchisayā vātā, koṭṭhāsayā vātā, aṅgamaṅgānusārino vātā, assāso passāso’’ti (ma. ni. 2.305) evaṃ vuttesu chasu koṭṭhāsesu. Vitthambhanaṃ sesabhūtattayasanthambhitatāpādanaṃ, ‘‘upakīḷana’’nti eke. Sesaṃ suviññeyyameva.
நிவேஸகஸுத்தவண்ணனா நிட்டி²தா.
Nivesakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. நிவேஸகஸுத்தங் • 5. Nivesakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. நிவேஸகஸுத்தவண்ணனா • 5. Nivesakasuttavaṇṇanā
