| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. нивзсагасуд̇д̇аван̣н̣анаа
5. Nivesakasuttavaṇṇanā
76. бан̃жамз амажжаад̇и сухаж̇ж̇аа. н̃аад̇ийд̇и сассусасурабагкигаа. саалохид̇аад̇и самааналохид̇аа бхаад̇ибхаг̇иниаад̣̇аяо. авзжжаббасаад̣̇зд̇и г̇ун̣з авзжжа ж̇аанид̇ваа уббаннз ажалаббасаад̣̇з. ан̃н̃ат̇ад̇д̇анд̇и бхааван̃н̃ат̇ад̇д̇ам̣ . бат̇авийд̇хаад̇уяаад̇иаад̣̇ийсу вийсад̇ияаа годтаасзсу т̇ад̣̇д̇хаагаарабхууд̇ааяа бат̇авийд̇хаад̇уяаа, д̣̇ваад̣̇асасу годтаасзсу яуусаг̇ад̇ааяа ааб̣анд̇ханабхууд̇ааяа аабод̇хаад̇уяаа, жад̇уусу годтаасзсу барибаажанабхууд̇ааяа д̇зж̇од̇хаад̇уяаа, часу годтаасзсу вид̇т̇амбханабхууд̇ааяа вааяод̇хаад̇уяаа сияаа ан̃н̃ат̇ад̇д̇ам̣. на д̇взваад̇и имзсам̣ хи жад̇уннам̣ махаабхууд̇аанам̣ ан̃н̃аман̃н̃абхаавуубаг̇аманзна сияаа ан̃н̃ат̇ад̇д̇ам̣, арияасаавагасса бана на д̇взва сияаад̇и д̣̇ассзд̇и. зд̇т̇а жа ан̃н̃ат̇ад̇д̇анд̇и басаад̣̇ан̃н̃ат̇ад̇д̇ан̃жа г̇ад̇иан̃н̃ат̇ад̇д̇ан̃жа. д̇ан̃хи д̇асса на ход̇и, бхааван̃н̃ат̇ад̇д̇ам̣ бана ход̇и. арияасааваго хи мануссо худ̇ваа д̣̇звоби ход̇и б̣рахмааби. басаад̣̇о банасса бхаванд̇арзби на виг̇ажчад̇и, на жа абааяаг̇ад̇исан̇каад̇ам̣ г̇ад̇иан̃н̃ат̇ад̇д̇ам̣ баабун̣аад̇и. сад̇т̇ааби д̇ад̣̇зва д̣̇ассзнд̇о д̇ад̇рид̣̇ам̣ ан̃н̃ат̇ад̇д̇анд̇иаад̣̇имааха. сзсамзд̇т̇а уд̇д̇аанад̇т̇амзваад̇и.
76. Pañcame amaccāti suhajjā. Ñātīti sassusasurapakkhikā. Sālohitāti samānalohitā bhātibhaginiādayo. Aveccappasādeti guṇe avecca jānitvā uppanne acalappasāde. Aññathattanti bhāvaññathattaṃ . Pathavīdhātuyātiādīsu vīsatiyā koṭṭhāsesu thaddhākārabhūtāya pathavīdhātuyā, dvādasasu koṭṭhāsesu yūsagatāya ābandhanabhūtāya āpodhātuyā, catūsu koṭṭhāsesu paripācanabhūtāya tejodhātuyā, chasu koṭṭhāsesu vitthambhanabhūtāya vāyodhātuyā siyā aññathattaṃ. Na tvevāti imesaṃ hi catunnaṃ mahābhūtānaṃ aññamaññabhāvūpagamanena siyā aññathattaṃ, ariyasāvakassa pana na tveva siyāti dasseti. Ettha ca aññathattanti pasādaññathattañca gatiaññathattañca. Tañhi tassa na hoti, bhāvaññathattaṃ pana hoti. Ariyasāvako hi manusso hutvā devopi hoti brahmāpi. Pasādo panassa bhavantarepi na vigacchati, na ca apāyagatisaṅkhātaṃ gatiaññathattaṃ pāpuṇāti. Satthāpi tadeva dassento tatridaṃ aññathattantiādimāha. Sesamettha uttānatthamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. нивзсагасуд̇д̇ам̣ • 5. Nivesakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. нивзсагасуд̇д̇аван̣н̣анаа • 5. Nivesakasuttavaṇṇanā
