| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਨਿવੇਸਕਸੁਤ੍ਤવਣ੍ਣਨਾ
5. Nivesakasuttavaṇṇanā
੭੬. ਪਞ੍ਚਮੇ ਅਮਚ੍ਚਾਤਿ ਸੁਹਜ੍ਜਾ। ਞਾਤੀਤਿ ਸਸ੍ਸੁਸਸੁਰਪਕ੍ਖਿਕਾ। ਸਾਲੋਹਿਤਾਤਿ ਸਮਾਨਲੋਹਿਤਾ ਭਾਤਿਭਗਿਨਿਆਦਯੋ। ਅવੇਚ੍ਚਪ੍ਪਸਾਦੇਤਿ ਗੁਣੇ ਅવੇਚ੍ਚ ਜਾਨਿਤ੍વਾ ਉਪ੍ਪਨ੍ਨੇ ਅਚਲਪ੍ਪਸਾਦੇ। ਅਞ੍ਞਥਤ੍ਤਨ੍ਤਿ ਭਾવਞ੍ਞਥਤ੍ਤਂ । ਪਥવੀਧਾਤੁਯਾਤਿਆਦੀਸੁ વੀਸਤਿਯਾ ਕੋਟ੍ਠਾਸੇਸੁ ਥਦ੍ਧਾਕਾਰਭੂਤਾਯ ਪਥવੀਧਾਤੁਯਾ, ਦ੍વਾਦਸਸੁ ਕੋਟ੍ਠਾਸੇਸੁ ਯੂਸਗਤਾਯ ਆਬਨ੍ਧਨਭੂਤਾਯ ਆਪੋਧਾਤੁਯਾ, ਚਤੂਸੁ ਕੋਟ੍ਠਾਸੇਸੁ ਪਰਿਪਾਚਨਭੂਤਾਯ ਤੇਜੋਧਾਤੁਯਾ, ਛਸੁ ਕੋਟ੍ਠਾਸੇਸੁ વਿਤ੍ਥਮ੍ਭਨਭੂਤਾਯ વਾਯੋਧਾਤੁਯਾ ਸਿਯਾ ਅਞ੍ਞਥਤ੍ਤਂ। ਨ ਤ੍વੇવਾਤਿ ਇਮੇਸਂ ਹਿ ਚਤੁਨ੍ਨਂ ਮਹਾਭੂਤਾਨਂ ਅਞ੍ਞਮਞ੍ਞਭਾવੂਪਗਮਨੇਨ ਸਿਯਾ ਅਞ੍ਞਥਤ੍ਤਂ, ਅਰਿਯਸਾવਕਸ੍ਸ ਪਨ ਨ ਤ੍વੇવ ਸਿਯਾਤਿ ਦਸ੍ਸੇਤਿ। ਏਤ੍ਥ ਚ ਅਞ੍ਞਥਤ੍ਤਨ੍ਤਿ ਪਸਾਦਞ੍ਞਥਤ੍ਤਞ੍ਚ ਗਤਿਅਞ੍ਞਥਤ੍ਤਞ੍ਚ। ਤਞ੍ਹਿ ਤਸ੍ਸ ਨ ਹੋਤਿ, ਭਾવਞ੍ਞਥਤ੍ਤਂ ਪਨ ਹੋਤਿ। ਅਰਿਯਸਾવਕੋ ਹਿ ਮਨੁਸ੍ਸੋ ਹੁਤ੍વਾ ਦੇવੋਪਿ ਹੋਤਿ ਬ੍ਰਹ੍ਮਾਪਿ। ਪਸਾਦੋ ਪਨਸ੍ਸ ਭવਨ੍ਤਰੇਪਿ ਨ વਿਗਚ੍ਛਤਿ, ਨ ਚ ਅਪਾਯਗਤਿਸਙ੍ਖਾਤਂ ਗਤਿਅਞ੍ਞਥਤ੍ਤਂ ਪਾਪੁਣਾਤਿ। ਸਤ੍ਥਾਪਿ ਤਦੇવ ਦਸ੍ਸੇਨ੍ਤੋ ਤਤ੍ਰਿਦਂ ਅਞ੍ਞਥਤ੍ਤਨ੍ਤਿਆਦਿਮਾਹ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
76. Pañcame amaccāti suhajjā. Ñātīti sassusasurapakkhikā. Sālohitāti samānalohitā bhātibhaginiādayo. Aveccappasādeti guṇe avecca jānitvā uppanne acalappasāde. Aññathattanti bhāvaññathattaṃ . Pathavīdhātuyātiādīsu vīsatiyā koṭṭhāsesu thaddhākārabhūtāya pathavīdhātuyā, dvādasasu koṭṭhāsesu yūsagatāya ābandhanabhūtāya āpodhātuyā, catūsu koṭṭhāsesu paripācanabhūtāya tejodhātuyā, chasu koṭṭhāsesu vitthambhanabhūtāya vāyodhātuyā siyā aññathattaṃ. Na tvevāti imesaṃ hi catunnaṃ mahābhūtānaṃ aññamaññabhāvūpagamanena siyā aññathattaṃ, ariyasāvakassa pana na tveva siyāti dasseti. Ettha ca aññathattanti pasādaññathattañca gatiaññathattañca. Tañhi tassa na hoti, bhāvaññathattaṃ pana hoti. Ariyasāvako hi manusso hutvā devopi hoti brahmāpi. Pasādo panassa bhavantarepi na vigacchati, na ca apāyagatisaṅkhātaṃ gatiaññathattaṃ pāpuṇāti. Satthāpi tadeva dassento tatridaṃ aññathattantiādimāha. Sesamettha uttānatthamevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਨਿવੇਸਕਸੁਤ੍ਤਂ • 5. Nivesakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਨਿવੇਸਕਸੁਤ੍ਤવਣ੍ਣਨਾ • 5. Nivesakasuttavaṇṇanā
