| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. ਨਿવੇਸਕਸੁਤ੍ਤવਣ੍ਣਨਾ
5. Nivesakasuttavaṇṇanā
੭੬. ਪਞ੍ਚਮੇ ਕਿਚ੍ਚਕਰਣੀਯੇਸੁ ਸਹਭਾવਟ੍ਠੇਨ ਅਮਾ ਹੋਨ੍ਤੀਤਿ ਅਮਚ੍ਚਾ। ‘‘ਅਯਂ ਅਜ੍ਝਤ੍ਤਿਕੋ’’ਤਿ ਏવਂ ਜਾਨਨ੍ਤਿ, ਞਾਯਨ੍ਤਿ વਾਤਿ ਞਾਤੀ। ਸਸ੍ਸੁਸਸੁਰਪਕ੍ਖਿਕਾਤਿ ਸਸ੍ਸੁਸਸੁਰਾ ਚ ਤਪ੍ਪਕ੍ਖਿਕੋ ਚ ਸਸ੍ਸੁਸਸੁਰਪਕ੍ਖਿਕਾ। ਲੋਹਿਤੇਨ ਸਮ੍ਬਦ੍ਧਾਤਿ ਸਾਲੋਹਿਤਾ। ਪਿਤੁਪਕ੍ਖਿਕਾ વਾ ਞਾਤੀ, ਮਾਤੁਪਕ੍ਖਿਕਾ ਸਾਲੋਹਿਤਾ। ਮਾਤੁਪਿਤੁਪਕ੍ਖਿਕਾ વਾ ਞਾਤੀ, ਸਸ੍ਸੁਸਸੁਰਪਕ੍ਖਿਕਾ ਸਾਲੋਹਿਤਾ। ਅવੇਚ੍ਚ ਰਤਨਸ੍ਸ ਗੁਣੇ ਯਾਥਾવਤੋ ਞਤ੍વਾ ਪਸਾਦੋ ਅવੇਚ੍ਚਪ੍ਪਸਾਦੋ। ਸੋ ਪਨ ਯਸ੍ਮਾ ਮਗ੍ਗੇਨਾਗਤਤ੍ਤਾ ਕੇਨਚਿ ਅਕਮ੍ਪਨੀਯੋ ਚ ਅਪ੍ਪਧਂਸਿਯੋ ਚ ਹੋਤਿ, ਤਸ੍ਮਾ ਏવਂ વੁਤ੍ਤਂ ‘‘ਅਚਲਪ੍ਪਸਾਦੋ’’ਤਿ। ਭਾવਞ੍ਞਥਤ੍ਤਨ੍ਤਿ ਸਭਾવਸ੍ਸ ਅਞ੍ਞਥਤ੍ਤਂ।
76. Pañcame kiccakaraṇīyesu sahabhāvaṭṭhena amā hontīti amaccā. ‘‘Ayaṃ ajjhattiko’’ti evaṃ jānanti, ñāyanti vāti ñātī. Sassusasurapakkhikāti sassusasurā ca tappakkhiko ca sassusasurapakkhikā. Lohitena sambaddhāti sālohitā. Pitupakkhikā vā ñātī, mātupakkhikā sālohitā. Mātupitupakkhikā vā ñātī, sassusasurapakkhikā sālohitā. Avecca ratanassa guṇe yāthāvato ñatvā pasādo aveccappasādo. So pana yasmā maggenāgatattā kenaci akampanīyo ca appadhaṃsiyo ca hoti, tasmā evaṃ vuttaṃ ‘‘acalappasādo’’ti. Bhāvaññathattanti sabhāvassa aññathattaṃ.
વੀਸਤਿਯਾ ਕੋਟ੍ਠਾਸੇਸੂਤਿ ਕੇਸਾਦਿਮਤ੍ਥਲੁਙ੍ਗਪਰਿਯਨ੍ਤੇਸੁ। ਦ੍વਾਦਸਸੁ ਕੋਟ੍ਠਾਸੇਸੂਤਿ ਪਿਤ੍ਤਾਦਿਮੁਤ੍ਤਪਰਿਯਨ੍ਤੇਸੁ। ਚਤੂਸੁ ਕੋਟ੍ਠਾਸੇਸੂਤਿ ‘‘ਯੇਨ ਚ ਸਨ੍ਤਪ੍ਪਤਿ, ਯੇਨ ਚ ਜੀਰੀਯਤਿ, ਯੇਨ ਚ ਪਰਿਦਯ੍ਹਤਿ, ਯੇਨ ਚ ਅਸਿਤਪੀਤਖਾਯਿਤਸਾਯਿਤਂ ਸਮ੍ਮਾ ਪਰਿਣਾਮਂ ਗਚ੍ਛਤੀ’’ਤਿ (ਮ॰ ਨਿ॰ ੧.੩੦੪) ਏવਂ વੁਤ੍ਤੇਸੁ ਚਤੂਸੁ ਕੋਟ੍ਠਾਸੇਸੁ। ਛਸੁ ਕੋਟ੍ਠਾਸੇਸੂਤਿ ‘‘ਉਦ੍ਧਙ੍ਗਮਾ વਾਤਾ, ਅਧੋਗਮਾ વਾਤਾ, ਕੁਚ੍ਛਿਸਯਾ વਾਤਾ, ਕੋਟ੍ਠਾਸਯਾ વਾਤਾ, ਅਙ੍ਗਮਙ੍ਗਾਨੁਸਾਰਿਨੋ વਾਤਾ, ਅਸ੍ਸਾਸੋ ਪਸ੍ਸਾਸੋ’’ਤਿ (ਮ॰ ਨਿ॰ ੨.੩੦੫) ਏવਂ વੁਤ੍ਤੇਸੁ ਛਸੁ ਕੋਟ੍ਠਾਸੇਸੁ। વਿਤ੍ਥਮ੍ਭਨਂ ਸੇਸਭੂਤਤ੍ਤਯਸਨ੍ਥਮ੍ਭਿਤਤਾਪਾਦਨਂ, ‘‘ਉਪਕੀਲ਼ਨ’’ਨ੍ਤਿ ਏਕੇ। ਸੇਸਂ ਸੁવਿਞ੍ਞੇਯ੍ਯਮੇવ।
Vīsatiyā koṭṭhāsesūti kesādimatthaluṅgapariyantesu. Dvādasasu koṭṭhāsesūti pittādimuttapariyantesu. Catūsu koṭṭhāsesūti ‘‘yena ca santappati, yena ca jīrīyati, yena ca paridayhati, yena ca asitapītakhāyitasāyitaṃ sammā pariṇāmaṃ gacchatī’’ti (ma. ni. 1.304) evaṃ vuttesu catūsu koṭṭhāsesu. Chasu koṭṭhāsesūti ‘‘uddhaṅgamā vātā, adhogamā vātā, kucchisayā vātā, koṭṭhāsayā vātā, aṅgamaṅgānusārino vātā, assāso passāso’’ti (ma. ni. 2.305) evaṃ vuttesu chasu koṭṭhāsesu. Vitthambhanaṃ sesabhūtattayasanthambhitatāpādanaṃ, ‘‘upakīḷana’’nti eke. Sesaṃ suviññeyyameva.
ਨਿવੇਸਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nivesakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਨਿવੇਸਕਸੁਤ੍ਤਂ • 5. Nivesakasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਨਿવੇਸਕਸੁਤ੍ਤવਣ੍ਣਨਾ • 5. Nivesakasuttavaṇṇanā
