| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
13. தேரஸமவக்³கோ³
13. Terasamavaggo
(130) 5. நிவுதகதா²
(130) 5. Nivutakathā
665. நிவுதோ நீவரணங் ஜஹதீதி? ஆமந்தா. ரத்தோ ராக³ங் ஜஹதி, து³ட்டோ² தோ³ஸங் ஜஹதி, மூள்ஹோ மோஹங் ஜஹதி, கிலிட்டோ² கிலேஸே ஜஹதீதி? ந ஹேவங் வத்தப்³பே³…பே॰… ராகே³ன ராக³ங் ஜஹதி, தோ³ஸேன தோ³ஸங் ஜஹதி, மோஹேன மோஹங் ஜஹதி, கிலேஸேஹி கிலேஸே ஜஹதீதி ? ந ஹேவங் வத்தப்³பே³…பே॰….
665. Nivuto nīvaraṇaṃ jahatīti? Āmantā. Ratto rāgaṃ jahati, duṭṭho dosaṃ jahati, mūḷho mohaṃ jahati, kiliṭṭho kilese jahatīti? Na hevaṃ vattabbe…pe… rāgena rāgaṃ jahati, dosena dosaṃ jahati, mohena mohaṃ jahati, kilesehi kilese jahatīti ? Na hevaṃ vattabbe…pe….
ராகோ³ சித்தஸம்பயுத்தோ, மக்³கோ³ சித்தஸம்பயுத்தோதி? ஆமந்தா. த்³வின்னங் ப²ஸ்ஸானங்…பே॰… த்³வின்னங் சித்தானங் ஸமோதா⁴னங் ஹோதீதி? ந ஹேவங் வத்தப்³பே³…பே॰… ராகோ³ அகுஸலோ, மக்³கோ³ குஸலோதி? ஆமந்தா. குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வங் ஆக³ச்ச²ந்தீதி? ந ஹேவங் வத்தப்³பே³…பே॰….
Rāgo cittasampayutto, maggo cittasampayuttoti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… rāgo akusalo, maggo kusaloti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe….
666. குஸலாகுஸலா ஸாவஜ்ஜானவஜ்ஜா ஹீனபணீதா கண்ஹஸுக்கஸப்படிபா⁴கா³ த⁴ம்மா ஸம்முகீ²பா⁴வங் ஆக³ச்ச²ந்தீதி? ஆமந்தா. நனு வுத்தங் ப⁴க³வதா – ‘‘சத்தாரிமானி, பி⁴க்க²வே, ஸுவிதூ³ரவிதூ³ரானி! கதமானி சத்தாரி? நப⁴ஞ்ச, பி⁴க்க²வே, பத²வீ ச – இத³ங் பட²மங் ஸுவிதூ³ரவிதூ³ரங்…பே॰… தஸ்மா ஸதங் த⁴ம்மோ அஸப்³பி⁴ ஆரகா’’தி. அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘குஸலாகுஸலா…பே॰… ஸம்முகீ²பா⁴வங் ஆக³ச்ச²ந்தீ’’தி.
666. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ…pe… tasmā sataṃ dhammo asabbhi ārakā’’ti. Attheva suttantoti? Āmantā. Tena hi na vattabbaṃ – ‘‘kusalākusalā…pe… sammukhībhāvaṃ āgacchantī’’ti.
நிவுதோ நீவரணங் ஜஹதீதி? ஆமந்தா. நனு வுத்தங் ப⁴க³வதா – ‘‘ஸோ ஏவங் ஸமாஹிதே சித்தே பரிஸுத்³தே⁴ பரியோதா³தே அனங்க³ணே விக³தூபக்கிலேஸே முது³பூ⁴தே கம்மனியே டி²தே ஆனேஞ்ஜப்பத்தே ஆஸவானங் க²யஞாணாய சித்தங் அபி⁴னின்னாமேதீ’’தி! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘நிவுதோ நீவரணங் ஜஹதீ’’தி…பே॰….
Nivuto nīvaraṇaṃ jahatīti? Āmantā. Nanu vuttaṃ bhagavatā – ‘‘so evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmetī’’ti! Attheva suttantoti? Āmantā. Tena hi na vattabbaṃ – ‘‘nivuto nīvaraṇaṃ jahatī’’ti…pe….
667. ந வத்தப்³ப³ங் – ‘‘நிவுதோ நீவரணங் ஜஹதீ’’தி? ஆமந்தா. நனு வுத்தங் ப⁴க³வதா – ‘‘தஸ்ஸ ஏவங் ஜானதோ ஏவங் பஸ்ஸதோ காமாஸவாபி சித்தங் விமுச்சதி…பே॰… அவிஜ்ஜாஸவாபி சித்தங் விமுச்சதீ’’தி! அத்தே²வ ஸுத்தந்தோதி ? ஆமந்தா. தேன ஹி நிவுதோ நீவரணங் ஜஹதீதி.
667. Na vattabbaṃ – ‘‘nivuto nīvaraṇaṃ jahatī’’ti? Āmantā. Nanu vuttaṃ bhagavatā – ‘‘tassa evaṃ jānato evaṃ passato kāmāsavāpi cittaṃ vimuccati…pe… avijjāsavāpi cittaṃ vimuccatī’’ti! Attheva suttantoti ? Āmantā. Tena hi nivuto nīvaraṇaṃ jahatīti.
நிவுதகதா² நிட்டி²தா.
Nivutakathā niṭṭhitā.
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 5. நிவுதகதா²வண்ணனா • 5. Nivutakathāvaṇṇanā
