| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౫. నివుతకథావణ్ణనా
5. Nivutakathāvaṇṇanā
౬౬౫-౬౬౭. ఇదాని నివుతకథా నామ హోతి. తత్థ సుద్ధస్స సుద్ధకిచ్చాభావతో నీవరణేహి నివుతో ఓఫుటో పరియోనద్ధో చ నీవరణం జహతీతి యేసం లద్ధి, సేయ్యథాపి ఉత్తరాపథకానం; తే సన్ధాయ నివుతోతిపుచ్ఛా సకవాదిస్స, పటిఞ్ఞా ఇతరస్స. రత్తో రాగన్తిఆది నివుతస్స నీవరణజహనే దోసదస్సనత్థం వుత్తం. పరిసుద్ధే పరియోదాతేతిఆది విక్ఖమ్భనవిసుద్ధియా విసుద్ధస్స సముచ్ఛేదవిసుద్ధిదస్సనత్థం వుత్తం. తస్స ఏవం జానతోతిఆది జానతో పస్సతో ఆసవక్ఖయం దీపేతి, న నివుతస్స నీవరణజహనం, తస్మా అసాధకన్తి.
665-667. Idāni nivutakathā nāma hoti. Tattha suddhassa suddhakiccābhāvato nīvaraṇehi nivuto ophuṭo pariyonaddho ca nīvaraṇaṃ jahatīti yesaṃ laddhi, seyyathāpi uttarāpathakānaṃ; te sandhāya nivutotipucchā sakavādissa, paṭiññā itarassa. Ratto rāgantiādi nivutassa nīvaraṇajahane dosadassanatthaṃ vuttaṃ. Parisuddhe pariyodātetiādi vikkhambhanavisuddhiyā visuddhassa samucchedavisuddhidassanatthaṃ vuttaṃ. Tassa evaṃ jānatotiādi jānato passato āsavakkhayaṃ dīpeti, na nivutassa nīvaraṇajahanaṃ, tasmā asādhakanti.
నివుతకథావణ్ణనా.
Nivutakathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౩౦) ౫. నివుతకథా • (130) 5. Nivutakathā
