| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༨. ནིཡཱམཀངྒཔཉྷོ
8. Niyāmakaṅgapañho
༨. ‘‘བྷནྟེ ནཱགསེན, ‘ནིཡཱམཀསྶ ཏཱིཎི ཨངྒཱནི གཧེཏབྦཱནཱི’ཏི ཡཾ ཝདེསི, ཀཏམཱནི ཏཱནི ཏཱིཎི ཨངྒཱནི གཧེཏབྦཱནཱི’’ཏི? ‘‘ཡཐཱ, མཧཱརཱཛ, ནིཡཱམཀོ རཏྟིནྡིཝཾ སཏཏཾ སམིཏཾ ཨཔྤམཏྟོ ཡཏྟཔྤཡཏྟོ ནཱཝཾ སཱརེཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཙིཏྟཾ ནིཡཱམཡམཱནེན རཏྟིནྡིཝཾ སཏཏཾ སམིཏཾ ཨཔྤམཏྟེན ཡཏྟཔྤཡཏྟེན ཡོནིསོ མནསིཀཱརེན ཙིཏྟཾ ནིཡཱམེཏབྦཾ། ཨིདཾ, མཧཱརཱཛ, ནིཡཱམཀསྶ པཋམཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན དྷམྨཔདེ –
8. ‘‘Bhante nāgasena, ‘niyāmakassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, niyāmako rattindivaṃ satataṃ samitaṃ appamatto yattappayatto nāvaṃ sāreti, evameva kho, mahārāja, yoginā yogāvacarena cittaṃ niyāmayamānena rattindivaṃ satataṃ samitaṃ appamattena yattappayattena yoniso manasikārena cittaṃ niyāmetabbaṃ. Idaṃ, mahārāja, niyāmakassa paṭhamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘ཨཔྤམཱདརཏཱ ཧོཐ, སཙིཏྟམནུརཀྑཐ།
‘‘‘Appamādaratā hotha, sacittamanurakkhatha;
‘‘པུན ཙཔརཾ, མཧཱརཱཛ, ནིཡཱམཀསྶ ཡཾ ཀིཉྩི མཧཱསམུདྡེ ཀལྱཱཎཾ ཝཱ པཱཔཀཾ ཝཱ, སབྦཾ ཏཾ ཝིདིཏཾ ཧོཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཀུསལཱཀུསལཾ སཱཝཛྫཱནཝཛྫཾ ཧཱིནཔྤཎཱིཏཾ ཀཎྷསུཀྐསཔྤཊིབྷཱགཾ ཝིཛཱནིཏབྦཾ། ཨིདཾ, མཧཱརཱཛ, ནིཡཱམཀསྶ དུཏིཡཾ ཨངྒཾ གཧེཏབྦཾ།
‘‘Puna caparaṃ, mahārāja, niyāmakassa yaṃ kiñci mahāsamudde kalyāṇaṃ vā pāpakaṃ vā, sabbaṃ taṃ viditaṃ hoti, evameva kho, mahārāja, yoginā yogāvacarena kusalākusalaṃ sāvajjānavajjaṃ hīnappaṇītaṃ kaṇhasukkasappaṭibhāgaṃ vijānitabbaṃ. Idaṃ, mahārāja, niyāmakassa dutiyaṃ aṅgaṃ gahetabbaṃ.
‘‘པུན ཙཔརཾ, མཧཱརཱཛ, ནིཡཱམཀོ ཡནྟེ མུདྡིཀཾ དེཏི ‘མཱ ཀོཙི ཡནྟཾ ཨཱམསིཏྠཱ’ཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཙིཏྟེ སཾཝརམུདྡིཀཱ དཱཏབྦཱ ‘མཱ ཀིཉྩི པཱཔཀཾ ཨཀུསལཝིཏཀྐཾ ཝིཏཀྐེསཱི’ཏི, ཨིདཾ, མཧཱརཱཛ, ནིཡཱམཀསྶ ཏཏིཡཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན སཾཡུཏྟནིཀཱཡཝརེ ‘མཱ, བྷིཀྑཝེ, པཱཔཀེ ཨཀུསལེ ཝིཏཀྐེ ཝིཏཀྐེཡྻཱཐ, སེཡྻཐཱིདཾ, ཀཱམཝིཏཀྐཾ བྱཱཔཱདཝིཏཀྐཾ ཝིཧིཾསཱཝིཏཀྐ’’’ནྟི།
‘‘Puna caparaṃ, mahārāja, niyāmako yante muddikaṃ deti ‘mā koci yantaṃ āmasitthā’ti, evameva kho, mahārāja, yoginā yogāvacarena citte saṃvaramuddikā dātabbā ‘mā kiñci pāpakaṃ akusalavitakkaṃ vitakkesī’ti, idaṃ, mahārāja, niyāmakassa tatiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare ‘mā, bhikkhave, pāpake akusale vitakke vitakkeyyātha, seyyathīdaṃ, kāmavitakkaṃ byāpādavitakkaṃ vihiṃsāvitakka’’’nti.
ནིཡཱམཀངྒཔཉྷོ ཨཊྛམོ།
Niyāmakaṅgapañho aṭṭhamo.
Footnotes:
