| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਨਿਯਾਮਕਙ੍ਗਪਞ੍ਹੋ
8. Niyāmakaṅgapañho
੮. ‘‘ਭਨ੍ਤੇ ਨਾਗਸੇਨ, ‘ਨਿਯਾਮਕਸ੍ਸ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਤੀਣਿ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਨਿਯਾਮਕੋ ਰਤ੍ਤਿਨ੍ਦਿવਂ ਸਤਤਂ ਸਮਿਤਂ ਅਪ੍ਪਮਤ੍ਤੋ ਯਤ੍ਤਪ੍ਪਯਤ੍ਤੋ ਨਾવਂ ਸਾਰੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਚਿਤ੍ਤਂ ਨਿਯਾਮਯਮਾਨੇਨ ਰਤ੍ਤਿਨ੍ਦਿવਂ ਸਤਤਂ ਸਮਿਤਂ ਅਪ੍ਪਮਤ੍ਤੇਨ ਯਤ੍ਤਪ੍ਪਯਤ੍ਤੇਨ ਯੋਨਿਸੋ ਮਨਸਿਕਾਰੇਨ ਚਿਤ੍ਤਂ ਨਿਯਾਮੇਤਬ੍ਬਂ। ਇਦਂ, ਮਹਾਰਾਜ, ਨਿਯਾਮਕਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਧਮ੍ਮਪਦੇ –
8. ‘‘Bhante nāgasena, ‘niyāmakassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānī’’ti? ‘‘Yathā, mahārāja, niyāmako rattindivaṃ satataṃ samitaṃ appamatto yattappayatto nāvaṃ sāreti, evameva kho, mahārāja, yoginā yogāvacarena cittaṃ niyāmayamānena rattindivaṃ satataṃ samitaṃ appamattena yattappayattena yoniso manasikārena cittaṃ niyāmetabbaṃ. Idaṃ, mahārāja, niyāmakassa paṭhamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dhammapade –
‘‘‘ਅਪ੍ਪਮਾਦਰਤਾ ਹੋਥ, ਸਚਿਤ੍ਤਮਨੁਰਕ੍ਖਥ।
‘‘‘Appamādaratā hotha, sacittamanurakkhatha;
‘‘ਪੁਨ ਚਪਰਂ, ਮਹਾਰਾਜ, ਨਿਯਾਮਕਸ੍ਸ ਯਂ ਕਿਞ੍ਚਿ ਮਹਾਸਮੁਦ੍ਦੇ ਕਲ੍ਯਾਣਂ વਾ ਪਾਪਕਂ વਾ, ਸਬ੍ਬਂ ਤਂ વਿਦਿਤਂ ਹੋਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਕੁਸਲਾਕੁਸਲਂ ਸਾવਜ੍ਜਾਨવਜ੍ਜਂ ਹੀਨਪ੍ਪਣੀਤਂ ਕਣ੍ਹਸੁਕ੍ਕਸਪ੍ਪਟਿਭਾਗਂ વਿਜਾਨਿਤਬ੍ਬਂ। ਇਦਂ, ਮਹਾਰਾਜ, ਨਿਯਾਮਕਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, niyāmakassa yaṃ kiñci mahāsamudde kalyāṇaṃ vā pāpakaṃ vā, sabbaṃ taṃ viditaṃ hoti, evameva kho, mahārāja, yoginā yogāvacarena kusalākusalaṃ sāvajjānavajjaṃ hīnappaṇītaṃ kaṇhasukkasappaṭibhāgaṃ vijānitabbaṃ. Idaṃ, mahārāja, niyāmakassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਨਿਯਾਮਕੋ ਯਨ੍ਤੇ ਮੁਦ੍ਦਿਕਂ ਦੇਤਿ ‘ਮਾ ਕੋਚਿ ਯਨ੍ਤਂ ਆਮਸਿਤ੍ਥਾ’ਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਚਿਤ੍ਤੇ ਸਂવਰਮੁਦ੍ਦਿਕਾ ਦਾਤਬ੍ਬਾ ‘ਮਾ ਕਿਞ੍ਚਿ ਪਾਪਕਂ ਅਕੁਸਲવਿਤਕ੍ਕਂ વਿਤਕ੍ਕੇਸੀ’ਤਿ, ਇਦਂ, ਮਹਾਰਾਜ, ਨਿਯਾਮਕਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸਂਯੁਤ੍ਤਨਿਕਾਯવਰੇ ‘ਮਾ, ਭਿਕ੍ਖવੇ, ਪਾਪਕੇ ਅਕੁਸਲੇ વਿਤਕ੍ਕੇ વਿਤਕ੍ਕੇਯ੍ਯਾਥ, ਸੇਯ੍ਯਥੀਦਂ, ਕਾਮવਿਤਕ੍ਕਂ ਬ੍ਯਾਪਾਦવਿਤਕ੍ਕਂ વਿਹਿਂਸਾવਿਤਕ੍ਕ’’’ਨ੍ਤਿ।
‘‘Puna caparaṃ, mahārāja, niyāmako yante muddikaṃ deti ‘mā koci yantaṃ āmasitthā’ti, evameva kho, mahārāja, yoginā yogāvacarena citte saṃvaramuddikā dātabbā ‘mā kiñci pāpakaṃ akusalavitakkaṃ vitakkesī’ti, idaṃ, mahārāja, niyāmakassa tatiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare ‘mā, bhikkhave, pāpake akusale vitakke vitakkeyyātha, seyyathīdaṃ, kāmavitakkaṃ byāpādavitakkaṃ vihiṃsāvitakka’’’nti.
ਨਿਯਾਮਕਙ੍ਗਪਞ੍ਹੋ ਅਟ੍ਠਮੋ।
Niyāmakaṅgapañho aṭṭhamo.
Footnotes:
