| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. нияаамагат̇ааван̣н̣анаа
4. Niyāmakathāvaṇṇanā
428-431. ид̣̇аани нияаамагат̇аа наама ход̇и. д̇ад̇т̇а яо буг̇г̇ало саммад̇д̇анияаамам̣ оггамиссад̇и, д̇ам̣ ‘‘бхаб̣б̣о зса д̇хаммам̣ абхисамзд̇у’’нд̇и яасмаа бхаг̇аваа ж̇аанаад̇и, д̇асмаа ‘‘анияад̇асса бут̇уж̇ж̇анассзва сад̇о буг̇г̇аласса нияаамаг̇аманааяа н̃аан̣ам̣ ад̇т̇ий’’д̇и язсам̣ лад̣̇д̇хи, сзяяат̇ааби зд̇арахи уд̇д̇араабат̇агаанам̣; д̇з санд̇хааяа анияад̇ассаад̇и бужчаа сагаваад̣̇исса. д̇ад̇т̇а нияаамаг̇аманааяаад̇и нияаамо вужжад̇и маг̇г̇о, маг̇г̇аг̇аманааяа маг̇г̇оггаманааяаад̇и ад̇т̇о. яам̣ банасса н̃аан̣ам̣ д̣̇исваа бхаг̇аваа ‘‘бхаб̣б̣о аяа’’нд̇и ж̇аанаад̇и, д̇ам̣ санд̇хааяа бадин̃н̃аа бараваад̣̇исса.
428-431. Idāni niyāmakathā nāma hoti. Tattha yo puggalo sammattaniyāmaṃ okkamissati, taṃ ‘‘bhabbo esa dhammaṃ abhisametu’’nti yasmā bhagavā jānāti, tasmā ‘‘aniyatassa puthujjanasseva sato puggalassa niyāmagamanāya ñāṇaṃ atthī’’ti yesaṃ laddhi, seyyathāpi etarahi uttarāpathakānaṃ; te sandhāya aniyatassāti pucchā sakavādissa. Tattha niyāmagamanāyāti niyāmo vuccati maggo, maggagamanāya maggokkamanāyāti attho. Yaṃ panassa ñāṇaṃ disvā bhagavā ‘‘bhabbo aya’’nti jānāti, taṃ sandhāya paṭiññā paravādissa.
ат̇асса сагаваад̣̇ий аяуд̇д̇аваад̣̇ид̇ам̣ д̣̇ийбзд̇ум̣ нияад̇ассаад̇и вибарийд̇аануяог̇амааха. д̇ад̇т̇а батамабан̃хз маг̇г̇зна нияад̇асса анияаамаг̇аманааяа н̃аан̣ам̣ наама над̇т̇ийд̇и бадигкибад̇и. д̣̇уд̇ияз над̇т̇ибхаавзна бадиж̇аанаад̇и. д̇ад̇ияз анияад̇асса над̇т̇ийд̇и будтад̇д̇аа лад̣̇д̇хивирод̇хзна бадигкибад̇и. буна батамабан̃хамзва жад̇уд̇т̇ам̣ гад̇ваа нияад̇асса нияаамаг̇аманаад̣̇ивасзна д̇аяо бан̃хаа гад̇аа. д̇зсу батамз яасмаа аад̣̇имаг̇г̇зна нияад̇асса буна д̇ад̣̇ад̇т̇ааяа н̃аан̣ам̣ над̇т̇и, д̇асмаа бадигкибад̇и. д̣̇уд̇ияз над̇т̇ибхаавзнзва бадиж̇аанаад̇и. д̇ад̇ияз лад̣̇д̇хивирод̇хзнзва бадигкибад̇и. буна батамабан̃хам̣ адтамам̣ гад̇ваа анияад̇асса анияаамаг̇аманаад̣̇ивасзна д̇аяо бан̃хаа гад̇аа. д̇зсам̣ ад̇т̇о вуд̇д̇анаязнзва взд̣̇ид̇аб̣б̣о. буна батамабан̃хамзва д̣̇ваад̣̇асамам̣ гад̇ваа д̇ам̣муулагаа ад̇т̇и нияаамод̇иаад̣̇аяо бан̃хаа гад̇аа. д̇ад̇т̇а яасмаа нияаамаг̇аманааяа н̃аан̣ам̣ наама маг̇г̇ан̃аан̣амзва ход̇и, д̇асмаа д̇ам̣ санд̇хааяа ад̇т̇и нияаамод̇и вуд̇д̇ам̣. ид̇аро бана нияаамод̇и вуд̇д̇з бадигкибад̇и, н̃аан̣анд̇и вуд̇д̇з бадиж̇аанаад̇и. сад̇ибадтаанаад̣̇ийсуби зсзва наяо. бажжанийгам̣ уд̇д̇аанад̇т̇амзва. г̇од̇рабхунод̇иаад̣̇и язна яам̣ аббад̇д̇ам̣, д̇асса д̇ам̣ над̇т̇ийд̇и д̣̇ассанад̇т̇ам̣ вуд̇д̇ам̣. бхаг̇аваа ж̇аанаад̇ийд̇и ад̇д̇ано н̃аан̣аб̣алзна ж̇аанаад̇и, на д̇асса нияаамаг̇аманан̃аан̣асаб̣бхаавад̇о. д̇асмаа иминаа гааран̣зна бад̇идтид̇аабисса лад̣̇д̇хи аббад̇идтид̇ааязваад̇и.
Athassa sakavādī ayuttavāditaṃ dīpetuṃ niyatassāti viparītānuyogamāha. Tattha paṭhamapañhe maggena niyatassa aniyāmagamanāya ñāṇaṃ nāma natthīti paṭikkhipati. Dutiye natthibhāvena paṭijānāti. Tatiye aniyatassa natthīti puṭṭhattā laddhivirodhena paṭikkhipati. Puna paṭhamapañhameva catutthaṃ katvā niyatassa niyāmagamanādivasena tayo pañhā katā. Tesu paṭhame yasmā ādimaggena niyatassa puna tadatthāya ñāṇaṃ natthi, tasmā paṭikkhipati. Dutiye natthibhāveneva paṭijānāti. Tatiye laddhivirodheneva paṭikkhipati. Puna paṭhamapañhaṃ aṭṭhamaṃ katvā aniyatassa aniyāmagamanādivasena tayo pañhā katā. Tesaṃ attho vuttanayeneva veditabbo. Puna paṭhamapañhameva dvādasamaṃ katvā taṃmūlakā atthi niyāmotiādayo pañhā katā. Tattha yasmā niyāmagamanāya ñāṇaṃ nāma maggañāṇameva hoti, tasmā taṃ sandhāya atthi niyāmoti vuttaṃ. Itaro pana niyāmoti vutte paṭikkhipati, ñāṇanti vutte paṭijānāti. Satipaṭṭhānādīsupi eseva nayo. Paccanīkaṃ uttānatthameva. Gotrabhunotiādi yena yaṃ appattaṃ, tassa taṃ natthīti dassanatthaṃ vuttaṃ. Bhagavā jānātīti attano ñāṇabalena jānāti, na tassa niyāmagamanañāṇasabbhāvato. Tasmā iminā kāraṇena patiṭṭhitāpissa laddhi appatiṭṭhitāyevāti.
нияаамагат̇ааван̣н̣анаа.
Niyāmakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (46) 4. нияаамагат̇аа • (46) 4. Niyāmakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. нияаамагат̇ааван̣н̣анаа • 4. Niyāmakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. нияаамагат̇ааван̣н̣анаа • 4. Niyāmakathāvaṇṇanā
