| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. чадтаваг̇г̇о
6. Chaṭṭhavaggo
1. нияаамагат̇ааван̣н̣анаа
1. Niyāmakathāvaṇṇanā
445-447. ид̣̇аани нияаамагат̇аа наама ход̇и. д̇ад̇т̇а нияаамод̇и ‘‘бхаб̣б̣о нияаамам̣ оггамид̇ум̣ гусалзсу д̇хаммзсу саммад̇д̇а’’нд̇и (бу. ба. 13) важанад̇о арияамаг̇г̇о вужжад̇и. яасмаа бана д̇асмим̣ уббаж̇ж̇ид̇ваа нируд̣̇д̇хзби буг̇г̇ало анияад̇о наама на ход̇и, д̇асмаа ‘‘со нияаамо нижжадтзна асан̇кад̇о’’д̇и язсам̣ лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. д̇ад̇о ‘‘яад̣̇и со асан̇кад̇о, зваруубзна д̇зна бхавид̇аб̣б̣а’’нд̇и д̣̇ийбзнд̇о ниб̣б̣аананд̇иаад̣̇имааха. сам̣санд̣̇анабужчаа уд̇д̇аанад̇т̇ааязва.
445-447. Idāni niyāmakathā nāma hoti. Tattha niyāmoti ‘‘bhabbo niyāmaṃ okkamituṃ kusalesu dhammesu sammatta’’nti (pu. pa. 13) vacanato ariyamaggo vuccati. Yasmā pana tasmiṃ uppajjitvā niruddhepi puggalo aniyato nāma na hoti, tasmā ‘‘so niyāmo niccaṭṭhena asaṅkhato’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Tato ‘‘yadi so asaṅkhato, evarūpena tena bhavitabba’’nti dīpento nibbānantiādimāha. Saṃsandanapucchā uttānatthāyeva.
ад̇т̇и гзжийд̇иаад̣̇и нияаамасса сан̇кад̇абхаавад̣̇ийбанад̇т̇ам̣ вуд̇д̇ам̣. маг̇г̇о асан̇кад̇од̇ибан̃хз д̇асса уббаад̣̇анирод̇хабхаавад̇о бадигкибад̇ийд̇и. нияаамо сан̇кад̇од̇ибан̃хз нируд̣̇д̇хзби маг̇г̇з нияаамасса ад̇т̇ид̇ам̣ санд̇хааяа бадигкибад̇и. сод̇аабад̇д̇инияаамод̇иаад̣̇ибан̃хзсуби ануломад̇о жа бадиломад̇о жа иминаава наязна ад̇т̇о взд̣̇ид̇аб̣б̣о. бан̃жа асан̇кад̇аанийд̇и будто бан̃жаннам̣ асан̇кад̇аанам̣ ааг̇ад̇адтаанам̣ абассанд̇о бадигкибад̇и. д̣̇уд̇ияам̣ будто жад̇уннам̣ саммад̇д̇анияаамаанам̣ нияаамаважанад̇о ниб̣б̣аанасса жа асан̇кад̇абхаавад̇о бадиж̇аанаад̇и. мижчад̇д̇анияаамабан̃хо нияаамаважанамад̇д̇зна асан̇кад̇ад̇ааяа аяуд̇д̇абхаавад̣̇ийбанад̇т̇ам̣ вуд̇д̇од̇и.
Atthikecītiādi niyāmassa saṅkhatabhāvadīpanatthaṃ vuttaṃ. Maggo asaṅkhatotipañhe tassa uppādanirodhabhāvato paṭikkhipatīti. Niyāmo saṅkhatotipañhe niruddhepi magge niyāmassa atthitaṃ sandhāya paṭikkhipati. Sotāpattiniyāmotiādipañhesupi anulomato ca paṭilomato ca imināva nayena attho veditabbo. Pañca asaṅkhatānīti puṭṭho pañcannaṃ asaṅkhatānaṃ āgataṭṭhānaṃ apassanto paṭikkhipati. Dutiyaṃ puṭṭho catunnaṃ sammattaniyāmānaṃ niyāmavacanato nibbānassa ca asaṅkhatabhāvato paṭijānāti. Micchattaniyāmapañho niyāmavacanamattena asaṅkhatatāya ayuttabhāvadīpanatthaṃ vuttoti.
нияаамагат̇ааван̣н̣анаа.
Niyāmakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (53) 1. нияаамагат̇аа • (53) 1. Niyāmakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. нияаамагат̇ааван̣н̣анаа • 1. Niyāmakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. нияаамагат̇ааван̣н̣анаа • 1. Niyāmakathāvaṇṇanā
