| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
6. ඡට්‌ඨවග්‌ගො
6. Chaṭṭhavaggo
1. නියාමකථාවණ්‌ණනා
1. Niyāmakathāvaṇṇanā
445-447. ඉදානි නියාමකථා නාම හොති. තත්‌ථ නියාමොති ‘‘භබ්‌බො නියාමං ඔක්‌කමිතුං කුසලෙසු ධම්‌මෙසු සම්‌මත්‌ත’’න්‌ති (පු. ප. 13) වචනතො අරියමග්‌ගො වුච්‌චති. යස්‌මා පන තස්‌මිං උප්‌පජ්‌ජිත්‌වා නිරුද්‌ධෙපි පුග්‌ගලො අනියතො නාම න හොති, තස්‌මා ‘‘සො නියාමො නිච්‌චට්‌ඨෙන අසඞ්‌ඛතො’’ති යෙසං ලද්‌ධි, සෙය්‍යථාපි අන්‌ධකානං; තෙ සන්‌ධාය පුච්‌ඡා සකවාදිස්‌ස, පටිඤ්‌ඤා ඉතරස්‌ස. තතො ‘‘යදි සො අසඞ්‌ඛතො, එවරූපෙන තෙන භවිතබ්‌බ’’න්‌ති දීපෙන්‌තො නිබ්‌බානන්‌තිආදිමාහ. සංසන්‌දනපුච්‌ඡා උත්‌තානත්‌ථායෙව.
445-447. Idāni niyāmakathā nāma hoti. Tattha niyāmoti ‘‘bhabbo niyāmaṃ okkamituṃ kusalesu dhammesu sammatta’’nti (pu. pa. 13) vacanato ariyamaggo vuccati. Yasmā pana tasmiṃ uppajjitvā niruddhepi puggalo aniyato nāma na hoti, tasmā ‘‘so niyāmo niccaṭṭhena asaṅkhato’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Tato ‘‘yadi so asaṅkhato, evarūpena tena bhavitabba’’nti dīpento nibbānantiādimāha. Saṃsandanapucchā uttānatthāyeva.
අත්‌ථි කෙචීතිආදි නියාමස්‌ස සඞ්‌ඛතභාවදීපනත්‌ථං වුත්‌තං. මග්‌ගො අසඞ්‌ඛතොතිපඤ්‌හෙ තස්‌ස උප්‌පාදනිරොධභාවතො පටික්‌ඛිපතීති. නියාමො සඞ්‌ඛතොතිපඤ්‌හෙ නිරුද්‌ධෙපි මග්‌ගෙ නියාමස්‌ස අත්‌ථිතං සන්‌ධාය පටික්‌ඛිපති. සොතාපත්‌තිනියාමොතිආදිපඤ්‌හෙසුපි අනුලොමතො ච පටිලොමතො ච ඉමිනාව නයෙන අත්‌ථො වෙදිතබ්‌බො. පඤ්‌ච අසඞ්‌ඛතානීති පුට්‌ඨො පඤ්‌චන්‌නං අසඞ්‌ඛතානං ආගතට්‌ඨානං අපස්‌සන්‌තො පටික්‌ඛිපති. දුතියං පුට්‌ඨො චතුන්‌නං සම්‌මත්‌තනියාමානං නියාමවචනතො නිබ්‌බානස්‌ස ච අසඞ්‌ඛතභාවතො පටිජානාති. මිච්‌ඡත්‌තනියාමපඤ්‌හො නියාමවචනමත්‌තෙන අසඞ්‌ඛතතාය අයුත්‌තභාවදීපනත්‌ථං වුත්‌තොති.
Atthikecītiādi niyāmassa saṅkhatabhāvadīpanatthaṃ vuttaṃ. Maggo asaṅkhatotipañhe tassa uppādanirodhabhāvato paṭikkhipatīti. Niyāmo saṅkhatotipañhe niruddhepi magge niyāmassa atthitaṃ sandhāya paṭikkhipati. Sotāpattiniyāmotiādipañhesupi anulomato ca paṭilomato ca imināva nayena attho veditabbo. Pañca asaṅkhatānīti puṭṭho pañcannaṃ asaṅkhatānaṃ āgataṭṭhānaṃ apassanto paṭikkhipati. Dutiyaṃ puṭṭho catunnaṃ sammattaniyāmānaṃ niyāmavacanato nibbānassa ca asaṅkhatabhāvato paṭijānāti. Micchattaniyāmapañho niyāmavacanamattena asaṅkhatatāya ayuttabhāvadīpanatthaṃ vuttoti.
නියාමකථාවණ්‌ණනා.
Niyāmakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (53) 1. නියාමකථා • (53) 1. Niyāmakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 1. නියාමකථාවණ්‌ණනා • 1. Niyāmakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 1. නියාමකථාවණ්‌ණනා • 1. Niyāmakathāvaṇṇanā
