| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. нияаамогганд̇игат̇ааван̣н̣анаа
8. Niyāmokkantikathāvaṇṇanā
403. ид̣̇аани нияаамогганд̇игат̇аа наама ход̇и. д̇ад̇т̇а язсам̣ гхадигаарасуд̇д̇з ж̇од̇ибааласса баб̣б̣аж̇ж̇ам̣ санд̇хааяа ‘‘б̣од̇хисад̇д̇о гассабабхаг̇авад̇о бааважанз огганд̇анияаамо жарид̇аб̣рахмажарияо’’д̇и лад̣̇д̇хи, сзяяат̇ааби зд̇арахи анд̇хагаанам̣; д̇з санд̇хааяа б̣од̇хисад̇д̇од̇и бужчаа сагаваад̣̇исса, лад̣̇д̇хияам̣ тад̇ваа бадин̃н̃аа ид̇арасса. д̇ад̇о яасмаа нияаамод̇и ваа б̣рахмажарияанд̇и ваа арияамаг̇г̇асса наамам̣, б̣од̇хисад̇д̇аанан̃жа табзд̇ваа баарамийбууран̣ам̣ ан̃н̃аа нияаамогганд̇и наама над̇т̇и. яад̣̇и бхавзяяа, б̣од̇хисад̇д̇о сод̇аабанно сааваго бхавзяяа. на жзд̇амзвам̣. гзвалан̃хи нам̣ б̣уд̣̇д̇хаа ад̇д̇ано н̃аан̣аб̣алз тад̇ваа – ‘‘аяам̣ б̣уд̣̇д̇хо бхависсад̇ий’’д̇и б̣яаагаронд̇и, д̇асмаа буна б̣од̇хисад̇д̇од̇и ануяог̇о сагаваад̣̇исса. бажчимабхавам̣ санд̇хааяа бадигкзбо ид̇арасса. д̣̇уд̇ияабан̃хз ж̇од̇ибаалагаалам̣ санд̇хааяа бадин̃н̃аа д̇ассзва. сааваго худ̇ваад̇иаад̣̇ийсуби зсзва наяо. ануссавияод̇и ануссавзна бадивид̣̇д̇хад̇хаммо. бажчимабхавам̣ санд̇хааяа бадигкибид̇ваа ж̇од̇ибаалагаалз ануссавам̣ санд̇хааяа бадиж̇аанаад̇и.
403. Idāni niyāmokkantikathā nāma hoti. Tattha yesaṃ ghaṭikārasutte jotipālassa pabbajjaṃ sandhāya ‘‘bodhisatto kassapabhagavato pāvacane okkantaniyāmo caritabrahmacariyo’’ti laddhi, seyyathāpi etarahi andhakānaṃ; te sandhāya bodhisattoti pucchā sakavādissa, laddhiyaṃ ṭhatvā paṭiññā itarassa. Tato yasmā niyāmoti vā brahmacariyanti vā ariyamaggassa nāmaṃ, bodhisattānañca ṭhapetvā pāramīpūraṇaṃ aññā niyāmokkanti nāma natthi. Yadi bhaveyya, bodhisatto sotāpanno sāvako bhaveyya. Na cetamevaṃ. Kevalañhi naṃ buddhā attano ñāṇabale ṭhatvā – ‘‘ayaṃ buddho bhavissatī’’ti byākaronti, tasmā puna bodhisattoti anuyogo sakavādissa. Pacchimabhavaṃ sandhāya paṭikkhepo itarassa. Dutiyapañhe jotipālakālaṃ sandhāya paṭiññā tasseva. Sāvako hutvātiādīsupi eseva nayo. Anussaviyoti anussavena paṭividdhadhammo. Pacchimabhavaṃ sandhāya paṭikkhipitvā jotipālakāle anussavaṃ sandhāya paṭijānāti.
404. ан̃н̃ам̣ сад̇т̇ааранд̇иаал̣ааран̃жа раамабуд̇д̇ан̃жа санд̇хааяа вуд̇д̇ам̣. ааяасмаа аананд̣̇од̇иаад̣̇и ‘‘огганд̇анияаамаава саавагаа хонд̇и, на ид̇арз огганд̇анияаамаа зваруубаа хонд̇ий’’д̇и д̣̇ассзд̇ум̣ вуд̇д̇ам̣.
404. Aññaṃ satthārantiāḷārañca rāmaputtañca sandhāya vuttaṃ. Āyasmā ānandotiādi ‘‘okkantaniyāmāva sāvakā honti, na itare okkantaniyāmā evarūpā hontī’’ti dassetuṃ vuttaṃ.
сааваго ж̇аад̇им̣ вийд̇ивад̇д̇од̇и яааяа ж̇аад̇ияаа сааваго, д̇ам̣ вийд̇ивад̇д̇о ан̃н̃асмим̣ бхавз асааваго ход̇ийд̇и бужчад̇и. ид̇аро сод̇аабаннаад̣̇ийнам̣ сод̇аабаннаад̣̇исаавагабхаавад̇о бадигкибад̇и. сзсамзд̇т̇а уд̇д̇аанад̇т̇амзваад̇и.
Sāvako jātiṃ vītivattoti yāya jātiyā sāvako, taṃ vītivatto aññasmiṃ bhave asāvako hotīti pucchati. Itaro sotāpannādīnaṃ sotāpannādisāvakabhāvato paṭikkhipati. Sesamettha uttānatthamevāti.
нияаамогганд̇игат̇ааван̣н̣анаа.
Niyāmokkantikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (40) 8. нияаамогганд̇игат̇аа • (40) 8. Niyāmokkantikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. нияаамогганд̇игат̇ааван̣н̣анаа • 8. Niyāmokkantikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. нияаамогганд̇игат̇ааван̣н̣анаа • 8. Niyāmokkantikathāvaṇṇanā
