| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
243. நியஸ்ஸகம்மகதா²
243. Niyassakammakathā
412. இத⁴ பன, பி⁴க்க²வே, பி⁴க்கு² பா³லோ ஹோதி அப்³யத்தோ ஆபத்திப³ஹுலோ அனபதா³னோ, கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி . தத்ர சே பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² பா³லோ அப்³யத்தோ ஆபத்திப³ஹுலோ அனபதா³னோ, கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி. ஹந்த³ஸ்ஸ மயங் நியஸ்ஸகம்மங் கரோமா’’தி. தே தஸ்ஸ நியஸ்ஸகம்மங் கரொந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞங் ஆவாஸங் க³ச்ச²தி. தத்த²பி பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² ஸங்கே⁴ன நியஸ்ஸகம்மகதோ அத⁴ம்மேன வக்³கே³ஹி. ஹந்த³ஸ்ஸ மயங் நியஸ்ஸகம்மங் கரோமா’’தி. தே தஸ்ஸ நியஸ்ஸகம்மங் கரொந்தி – அத⁴ம்மேன ஸமக்³கா³…பே॰… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே॰….
412. Idha pana, bhikkhave, bhikkhu bālo hoti abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi . Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bālo abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi. Handassa mayaṃ niyassakammaṃ karomā’’ti. Te tassa niyassakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena niyassakammakato adhammena vaggehi. Handassa mayaṃ niyassakammaṃ karomā’’ti. Te tassa niyassakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
யதா² ஹெட்டா², ததா² சக்கங் காதப்³ப³ங்.
Yathā heṭṭhā, tathā cakkaṃ kātabbaṃ.
நியஸ்ஸகம்மகதா² நிட்டி²தா.
Niyassakammakathā niṭṭhitā.
