| Library / Tipiṭaka / திபிடக • Tipiṭaka / சூளவக்³க³பாளி • Cūḷavaggapāḷi |
2. நியஸ்ஸகம்மங்
2. Niyassakammaṃ
11. தேன கோ² பன ஸமயேன ஆயஸ்மா ஸெய்யஸகோ பா³லோ ஹோதி அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி; அபிஸ்ஸு பி⁴க்கூ² பகதா 1 பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா ஸெய்யஸகோ பா³லோ ப⁴விஸ்ஸதி அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரிஸ்ஸதி அனநுலோமிகேஹி கி³ஹிஸங்ஸக்³கே³ஹி ; அபிஸ்ஸு பி⁴க்கூ² பகதா பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா’’தி. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்.
11. Tena kho pana samayena āyasmā seyyasako bālo hoti abyatto āpattibahulo anapadāno; gihisaṃsaṭṭho viharati ananulomikehi gihisaṃsaggehi; apissu bhikkhū pakatā 2 parivāsaṃ dentā mūlāya paṭikassantā mānattaṃ dentā abbhentā. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako bālo bhavissati abyatto āpattibahulo anapadāno; gihisaṃsaṭṭho viharissati ananulomikehi gihisaṃsaggehi ; apissu bhikkhū pakatā parivāsaṃ dentā mūlāya paṭikassantā mānattaṃ dentā abbhentā’’ti. Atha kho te bhikkhū bhagavato etamatthaṃ ārocesuṃ.
அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா பி⁴க்கூ² படிபுச்சி² – ‘‘ஸச்சங் கிர, பி⁴க்க²வே, ஸெய்யஸகோ பி⁴க்கு² பா³லோ அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி; அபிஸ்ஸு பி⁴க்கூ² பகதா பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா’’தி? ‘‘ஸச்சங் ப⁴க³வா’’தி. விக³ரஹி பு³த்³தோ⁴ ப⁴க³வா – ‘‘அனநுச்ச²விகங், பி⁴க்க²வே, தஸ்ஸ மோக⁴புரிஸஸ்ஸ அனநுலோமிகங் அப்பதிரூபங் அஸ்ஸாமணகங் அகப்பியங் அகரணீயங். கத²ஞ்ஹி நாம ஸோ, பி⁴க்க²வே, மோக⁴புரிஸோ பா³லோ ப⁴விஸ்ஸதி அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரிஸ்ஸதி அனநுலோமிகேஹி கி³ஹிஸங்ஸக்³கே³ஹி; அபிஸ்ஸு பி⁴க்கூ² பகதா பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா. நேதங், பி⁴க்க²வே, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘தேன ஹி, பி⁴க்க²வே, ஸங்கோ⁴ ஸெய்யஸகஸ்ஸ பி⁴க்கு²னோ நியஸ்ஸகம்மங் 3 கரோது – நிஸ்ஸாய தே வத்த²ப்³ப³ந்தி. ஏவஞ்ச பன, பி⁴க்க²வே, காதப்³ப³ங். பட²மங் ஸெய்யஸகோ பி⁴க்கு² சோதே³தப்³போ³, சோதெ³த்வா ஸாரேதப்³போ³, ஸாரெத்வா ஆபத்திங் ஆரோபேதப்³போ³ 4, ஆபத்திங் ஆரோபெத்வா ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, seyyasako bhikkhu bālo abyatto āpattibahulo anapadāno; gihisaṃsaṭṭho viharati ananulomikehi gihisaṃsaggehi; apissu bhikkhū pakatā parivāsaṃ dentā mūlāya paṭikassantā mānattaṃ dentā abbhentā’’ti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ, bhikkhave, tassa moghapurisassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma so, bhikkhave, moghapuriso bālo bhavissati abyatto āpattibahulo anapadāno; gihisaṃsaṭṭho viharissati ananulomikehi gihisaṃsaggehi; apissu bhikkhū pakatā parivāsaṃ dentā mūlāya paṭikassantā mānattaṃ dentā abbhentā. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho seyyasakassa bhikkhuno niyassakammaṃ 5 karotu – nissāya te vatthabbanti. Evañca pana, bhikkhave, kātabbaṃ. Paṭhamaṃ seyyasako bhikkhu codetabbo, codetvā sāretabbo, sāretvā āpattiṃ āropetabbo 6, āpattiṃ āropetvā byattena bhikkhunā paṭibalena saṅgho ñāpetabbo –
12. ‘‘ஸுணாது மே, ப⁴ந்தே, ஸங்கோ⁴. அயங் ஸெய்யஸகோ பி⁴க்கு² பா³லோ அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி; அபிஸ்ஸு பி⁴க்கூ² பகதா பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா. யதி³ ஸங்க⁴ஸ்ஸ பத்தகல்லங், ஸங்கோ⁴ ஸெய்யஸகஸ்ஸ பி⁴க்கு²னோ நியஸ்ஸகம்மங் கரெய்ய – நிஸ்ஸாய தே வத்த²ப்³ப³ந்தி. ஏஸா ஞத்தி.
12. ‘‘Suṇātu me, bhante, saṅgho. Ayaṃ seyyasako bhikkhu bālo abyatto āpattibahulo anapadāno; gihisaṃsaṭṭho viharati ananulomikehi gihisaṃsaggehi; apissu bhikkhū pakatā parivāsaṃ dentā mūlāya paṭikassantā mānattaṃ dentā abbhentā. Yadi saṅghassa pattakallaṃ, saṅgho seyyasakassa bhikkhuno niyassakammaṃ kareyya – nissāya te vatthabbanti. Esā ñatti.
‘‘ஸுணாது மே, ப⁴ந்தே, ஸங்கோ⁴. அயங் ஸெய்யஸகோ பி⁴க்கு² பா³லோ அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி; அபிஸ்ஸு பி⁴க்கூ² பகதா பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா. ஸங்கோ⁴ ஸெய்யஸகஸ்ஸ பி⁴க்கு²னோ நியஸ்ஸகம்மங் கரோதி – நிஸ்ஸாய தே வத்த²ப்³ப³ந்தி. யஸ்ஸாயஸ்மதோ க²மதி ஸெய்யஸகஸ்ஸ பி⁴க்கு²னோ நியஸ்ஸஸ்ஸ கம்மஸ்ஸ கரணங் – நிஸ்ஸாய தே வத்த²ப்³ப³ந்தி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘Suṇātu me, bhante, saṅgho. Ayaṃ seyyasako bhikkhu bālo abyatto āpattibahulo anapadāno; gihisaṃsaṭṭho viharati ananulomikehi gihisaṃsaggehi; apissu bhikkhū pakatā parivāsaṃ dentā mūlāya paṭikassantā mānattaṃ dentā abbhentā. Saṅgho seyyasakassa bhikkhuno niyassakammaṃ karoti – nissāya te vatthabbanti. Yassāyasmato khamati seyyasakassa bhikkhuno niyassassa kammassa karaṇaṃ – nissāya te vatthabbanti, so tuṇhassa; yassa nakkhamati, so bhāseyya.
‘‘து³தியம்பி ஏதமத்த²ங் வதா³மி…பே॰… ததியம்பி ஏதமத்த²ங் வதா³மி – ஸுணாது மே, ப⁴ந்தே, ஸங்கோ⁴. அயங் ஸெய்யஸகோ பி⁴க்கு² பா³லோ அப்³யத்தோ ஆபத்திப³ஹுலோ அனபதா³னோ; கி³ஹிஸங்ஸட்டோ² விஹரதி அனநுலோமிகேஹி கி³ஹிஸங்ஸக்³கே³ஹி; அபிஸ்ஸு பி⁴க்கூ² பகதா பரிவாஸங் தெ³ந்தா மூலாய படிகஸ்ஸந்தா மானத்தங் தெ³ந்தா அப்³பெ⁴ந்தா. ஸங்கோ⁴ ஸெய்யஸகஸ்ஸ பி⁴க்கு²னோ நியஸ்ஸகம்மங் கரோதி – நிஸ்ஸாய தே வத்த²ப்³ப³ந்தி. யஸ்ஸாயஸ்மதோ க²மதி ஸெய்யஸகஸ்ஸ பி⁴க்கு²னோ நியஸ்ஸஸ்ஸ கம்மஸ்ஸ கரணங் – நிஸ்ஸாய தே வத்த²ப்³ப³ந்தி, ஸோ துண்ஹஸ்ஸ; யஸ்ஸ நக்க²மதி, ஸோ பா⁴ஸெய்ய.
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ seyyasako bhikkhu bālo abyatto āpattibahulo anapadāno; gihisaṃsaṭṭho viharati ananulomikehi gihisaṃsaggehi; apissu bhikkhū pakatā parivāsaṃ dentā mūlāya paṭikassantā mānattaṃ dentā abbhentā. Saṅgho seyyasakassa bhikkhuno niyassakammaṃ karoti – nissāya te vatthabbanti. Yassāyasmato khamati seyyasakassa bhikkhuno niyassassa kammassa karaṇaṃ – nissāya te vatthabbanti, so tuṇhassa; yassa nakkhamati, so bhāseyya.
‘‘கதங் ஸங்கே⁴ன ஸெய்யஸகஸ்ஸ பி⁴க்கு²னோ நியஸ்ஸகம்மங் – நிஸ்ஸாய தே வத்த²ப்³ப³ந்தி. க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
‘‘Kataṃ saṅghena seyyasakassa bhikkhuno niyassakammaṃ – nissāya te vatthabbanti. Khamati saṅghassa, tasmā tuṇhī, evametaṃ dhārayāmī’’ti.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / நியஸ்ஸகம்மகதா² • Niyassakammakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நியஸ்ஸகம்மகதா²வண்ணனா • Niyassakammakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அத⁴ம்மகம்மத்³வாத³ஸககதா²வண்ணனா • Adhammakammadvādasakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நியஸ்ஸகம்மகதா²தி³வண்ணனா • Niyassakammakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. நியஸ்ஸகம்மகதா² • 2. Niyassakammakathā
