| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༦༤. ནིཡསྶཀམྨཔཊིཔྤསྶདྡྷིཀཐཱ
264. Niyassakammapaṭippassaddhikathā
༤༤༥. ཨིདྷ པན, བྷིཀྑཝེ, བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི, ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི། ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ནིཡསྶཀམྨཀཏོ སམྨཱ ཝཏྟཏི, ལོམཾ པཱཏེཏི, ནེཏྠཱརཾ ཝཏྟཏི , ནིཡསྶསྶ ཀམྨསྶ པཊིཔྤསྶདྡྷིཾ ཡཱཙཏི། ཧནྡསྶ མཡཾ ནིཡསྶཀམྨཾ པཊིཔྤསྶམྦྷེམཱ’’ཏི། ཏེ ཏསྶ ནིཡསྶཀམྨཾ པཊིཔྤསྶམྦྷེནྟི – ཨདྷམྨེན ཝགྒཱ…པེ॰… ཨདྷམྨེན སམགྒཱ… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ། ཏཏྲཊྛོ སངྒྷོ ཝིཝདཏི – ‘‘ཨདྷམྨེན ཝགྒཀམྨཾ, ཨདྷམྨེན སམགྒཀམྨཾ, དྷམྨེན ཝགྒཀམྨཾ, དྷམྨཔཏིརཱུཔཀེན ཝགྒཀམྨཾ, དྷམྨཔཏིརཱུཔཀེན སམགྒཀམྨཾ, ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི། ཏཏྲ, བྷིཀྑཝེ , ཡེ ཏེ བྷིཀྑཱུ ཨེཝམཱཧཾསུ – ‘‘དྷམྨཔཏིརཱུཔཀེན སམགྒཀམྨ’’ནྟི, ཡེ ཙ ཏེ བྷིཀྑཱུ ཨེཝམཱཧཾསུ – ‘‘ཨཀཏཾ ཀམྨཾ དུཀྐཊཾ ཀམྨཾ པུན ཀཱཏབྦཾ ཀམྨ’’ནྟི, ཨིམེ ཏཏྠ བྷིཀྑཱུ དྷམྨཝཱདིནོ། ཨིམེཔི 1 པཉྩ ཝཱརཱ སཾཁིཏྟཱ།
445. Idha pana, bhikkhave, bhikkhu saṅghena niyassakammakato sammā vattati, lomaṃ pāteti, netthāraṃ vattati, niyassassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena niyassakammakato sammā vattati, lomaṃ pāteti, netthāraṃ vattati , niyassassa kammassa paṭippassaddhiṃ yācati. Handassa mayaṃ niyassakammaṃ paṭippassambhemā’’ti. Te tassa niyassakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave , ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino. Imepi 2 pañca vārā saṃkhittā.
ནིཡསྶཀམྨཔཊིཔྤསྶདྡྷིཀཐཱ ནིཊྛིཏཱ།
Niyassakammapaṭippassaddhikathā niṭṭhitā.
Footnotes:
