| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৩. তেরসমৰগ্গো
13. Terasamavaggo
(১২৯) ৪. নিযতস্স নিযামকথা
(129) 4. Niyatassa niyāmakathā
৬৬৩. নিযতো নিযামং ওক্কমতীতি? আমন্তা। মিচ্ছত্তনিযতো সম্মত্তনিযামং ওক্কমতি, সম্মত্তনিযতো মিচ্ছত্তনিযামং ওক্কমতীতি? ন হেৰং ৰত্তব্বে…পে॰…।
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
নিযতো নিযামং ওক্কমতীতি? আমন্তা। পুব্বে মগ্গং ভাৰেত্ৰা পচ্ছা নিযামং ওক্কমতীতি? ন হেৰং ৰত্তব্বে…পে॰… পুব্বে সোতাপত্তিমগ্গং ভাৰেত্ৰা পচ্ছা সোতাপত্তিনিযামং ওক্কমতীতি? ন হেৰং ৰত্তব্বে…পে॰… পুব্বে সকদাগামি…পে॰… অনাগামি…পে॰… অরহত্তমগ্গং ভাৰেত্ৰা পচ্ছা অরহত্তনিযামং ওক্কমতীতি? ন হেৰং ৰত্তব্বে…পে॰…।
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
পুব্বে সতিপট্ঠানং…পে॰… সম্মপ্পধানং… ইদ্ধিপাদং… ইন্দ্রিযং… বলং… বোজ্ঝঙ্গং ভাৰেত্ৰা পচ্ছা নিযামং ওক্কমতীতি? ন হেৰং ৰত্তব্বে…পে॰…।
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
৬৬৪. ন ৰত্তব্বং – ‘‘নিযতো নিযামং ওক্কমতী’’তি? আমন্তা। ভব্বো বোধিসত্তো তায জাতিযা ধম্মং নাভিসমেতুন্তি? ন হেৰং ৰত্তব্বে। তেন হি নিযতো নিযামং ওক্কমতীতি।
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
নিযতস্স নিযামকথা নিট্ঠিতা।
Niyatassa niyāmakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. নিযতস্স নিযামকথাৰণ্ণনা • 4. Niyatassa niyāmakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৪. নিযতস্সনিযামকথাৰণ্ণনা • 4. Niyatassaniyāmakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. নিযতস্সনিযামকথাৰণ্ণনা • 4. Niyatassaniyāmakathāvaṇṇanā
