| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៣. តេរសមវគ្គោ
13. Terasamavaggo
(១២៩) ៤. និយតស្ស និយាមកថា
(129) 4. Niyatassa niyāmakathā
៦៦៣. និយតោ និយាមំ ឱក្កមតីតិ? អាមន្តា។ មិច្ឆត្តនិយតោ សម្មត្តនិយាមំ ឱក្កមតិ, សម្មត្តនិយតោ មិច្ឆត្តនិយាមំ ឱក្កមតីតិ? ន ហេវំ វត្តព្ពេ…បេ.…។
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
និយតោ និយាមំ ឱក្កមតីតិ? អាមន្តា។ បុព្ពេ មគ្គំ ភាវេត្វា បច្ឆា និយាមំ ឱក្កមតីតិ? ន ហេវំ វត្តព្ពេ…បេ.… បុព្ពេ សោតាបត្តិមគ្គំ ភាវេត្វា បច្ឆា សោតាបត្តិនិយាមំ ឱក្កមតីតិ? ន ហេវំ វត្តព្ពេ…បេ.… បុព្ពេ សកទាគាមិ…បេ.… អនាគាមិ…បេ.… អរហត្តមគ្គំ ភាវេត្វា បច្ឆា អរហត្តនិយាមំ ឱក្កមតីតិ? ន ហេវំ វត្តព្ពេ…បេ.…។
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
បុព្ពេ សតិបដ្ឋានំ…បេ.… សម្មប្បធានំ… ឥទ្ធិបាទំ… ឥន្ទ្រិយំ… ពលំ… ពោជ្ឈង្គំ ភាវេត្វា បច្ឆា និយាមំ ឱក្កមតីតិ? ន ហេវំ វត្តព្ពេ…បេ.…។
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
៦៦៤. ន វត្តព្ពំ – ‘‘និយតោ និយាមំ ឱក្កមតី’’តិ? អាមន្តា។ ភព្ពោ ពោធិសត្តោ តាយ ជាតិយា ធម្មំ នាភិសមេតុន្តិ? ន ហេវំ វត្តព្ពេ។ តេន ហិ និយតោ និយាមំ ឱក្កមតីតិ។
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
និយតស្ស និយាមកថា និដ្ឋិតា។
Niyatassa niyāmakathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៤. និយតស្ស និយាមកថាវណ្ណនា • 4. Niyatassa niyāmakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៤. និយតស្សនិយាមកថាវណ្ណនា • 4. Niyatassaniyāmakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៤. និយតស្សនិយាមកថាវណ្ណនា • 4. Niyatassaniyāmakathāvaṇṇanā
