| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೩. ತೇರಸಮವಗ್ಗೋ
13. Terasamavaggo
(೧೨೯) ೪. ನಿಯತಸ್ಸ ನಿಯಾಮಕಥಾ
(129) 4. Niyatassa niyāmakathā
೬೬೩. ನಿಯತೋ ನಿಯಾಮಂ ಓಕ್ಕಮತೀತಿ? ಆಮನ್ತಾ। ಮಿಚ್ಛತ್ತನಿಯತೋ ಸಮ್ಮತ್ತನಿಯಾಮಂ ಓಕ್ಕಮತಿ, ಸಮ್ಮತ್ತನಿಯತೋ ಮಿಚ್ಛತ್ತನಿಯಾಮಂ ಓಕ್ಕಮತೀತಿ? ನ ಹೇವಂ ವತ್ತಬ್ಬೇ…ಪೇ॰…।
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
ನಿಯತೋ ನಿಯಾಮಂ ಓಕ್ಕಮತೀತಿ? ಆಮನ್ತಾ। ಪುಬ್ಬೇ ಮಗ್ಗಂ ಭಾವೇತ್ವಾ ಪಚ್ಛಾ ನಿಯಾಮಂ ಓಕ್ಕಮತೀತಿ? ನ ಹೇವಂ ವತ್ತಬ್ಬೇ…ಪೇ॰… ಪುಬ್ಬೇ ಸೋತಾಪತ್ತಿಮಗ್ಗಂ ಭಾವೇತ್ವಾ ಪಚ್ಛಾ ಸೋತಾಪತ್ತಿನಿಯಾಮಂ ಓಕ್ಕಮತೀತಿ? ನ ಹೇವಂ ವತ್ತಬ್ಬೇ…ಪೇ॰… ಪುಬ್ಬೇ ಸಕದಾಗಾಮಿ…ಪೇ॰… ಅನಾಗಾಮಿ…ಪೇ॰… ಅರಹತ್ತಮಗ್ಗಂ ಭಾವೇತ್ವಾ ಪಚ್ಛಾ ಅರಹತ್ತನಿಯಾಮಂ ಓಕ್ಕಮತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
ಪುಬ್ಬೇ ಸತಿಪಟ್ಠಾನಂ…ಪೇ॰… ಸಮ್ಮಪ್ಪಧಾನಂ… ಇದ್ಧಿಪಾದಂ… ಇನ್ದ್ರಿಯಂ… ಬಲಂ… ಬೋಜ್ಝಙ್ಗಂ ಭಾವೇತ್ವಾ ಪಚ್ಛಾ ನಿಯಾಮಂ ಓಕ್ಕಮತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
೬೬೪. ನ ವತ್ತಬ್ಬಂ – ‘‘ನಿಯತೋ ನಿಯಾಮಂ ಓಕ್ಕಮತೀ’’ತಿ? ಆಮನ್ತಾ। ಭಬ್ಬೋ ಬೋಧಿಸತ್ತೋ ತಾಯ ಜಾತಿಯಾ ಧಮ್ಮಂ ನಾಭಿಸಮೇತುನ್ತಿ? ನ ಹೇವಂ ವತ್ತಬ್ಬೇ। ತೇನ ಹಿ ನಿಯತೋ ನಿಯಾಮಂ ಓಕ್ಕಮತೀತಿ।
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
ನಿಯತಸ್ಸ ನಿಯಾಮಕಥಾ ನಿಟ್ಠಿತಾ।
Niyatassa niyāmakathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೪. ನಿಯತಸ್ಸ ನಿಯಾಮಕಥಾವಣ್ಣನಾ • 4. Niyatassa niyāmakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೪. ನಿಯತಸ್ಸನಿಯಾಮಕಥಾವಣ್ಣನಾ • 4. Niyatassaniyāmakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೪. ನಿಯತಸ್ಸನಿಯಾಮಕಥಾವಣ್ಣನಾ • 4. Niyatassaniyāmakathāvaṇṇanā
