| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৪. নিযতস্স নিযামকথাৰণ্ণনা
4. Niyatassa niyāmakathāvaṇṇanā
৬৬৩-৬৬৪. ইদানি নিযতস্স নিযামকথা নাম হোতি। তত্থ দুৰিধো নিযামো – মিচ্ছত্তনিযামো চ আনন্তরিযকম্মং, সম্মত্তনিযামো চ অরিযমগ্গো। ইমে দ্ৰে নিযামে ঠপেত্ৰা অঞ্ঞো নিযামো নাম নত্থি। সব্বেপি হি সেসা তেভূমকধম্মা অনিযতা নাম। তেহি সমন্নাগতোপি অনিযতোযেৰ। বুদ্ধেহি পন অত্তনো ঞাণবলেন ‘‘অযং সত্তো অনাগতে বোধিং পাপুণিস্সতী’’তি ব্যাকতো বোধিসত্তো পুঞ্ঞুস্সদত্তা নিযতোতি ৰুচ্চতি। ইতি ইমং ৰোহারমত্তং গহেত্ৰা ‘‘পচ্ছিমভৰিকো বোধিসত্তো তায জাতিযা ভব্বো ধম্মং অভিসমেতু’’ন্তি অধিপ্পাযেন ‘‘নিযতো নিযামং ওক্কমতী’’তি যেসং লদ্ধি, সেয্যথাপি পুব্বসেলিযাপরসেলিযানং; তে সন্ধায পুচ্ছা সকৰাদিস্স, পটিঞ্ঞা ইতরস্স। মিচ্ছত্তনিযতোতিআদি অঞ্ঞেন নিযামেন নিযতস্স অঞ্ঞনিযামাভাৰদস্সনত্থং ৰুত্তং। পুব্বে মগ্গং ভাৰেত্ৰাতিআদি নিযামপ্পভেদদস্সনত্থং ৰুত্তং। সতিপট্ঠানন্তিআদি একস্মিম্পি নিযামে ধম্মপ্পভেদদস্সনত্থং ৰুত্তং। ভব্বো বোধিসত্তোতি ৰচনং কেৰলং বোধিসত্তস্স ভব্বতং দীপেতি, ন নিযতস্স নিযামোক্কমনং, তস্মা অসাধকং। সো হি পুব্বে একেনপি নিযতধম্মেন অনিযতো বোধিমূলে সচ্চদস্সনেন নিযামং ওক্কন্তোতি।
663-664. Idāni niyatassa niyāmakathā nāma hoti. Tattha duvidho niyāmo – micchattaniyāmo ca ānantariyakammaṃ, sammattaniyāmo ca ariyamaggo. Ime dve niyāme ṭhapetvā añño niyāmo nāma natthi. Sabbepi hi sesā tebhūmakadhammā aniyatā nāma. Tehi samannāgatopi aniyatoyeva. Buddhehi pana attano ñāṇabalena ‘‘ayaṃ satto anāgate bodhiṃ pāpuṇissatī’’ti byākato bodhisatto puññussadattā niyatoti vuccati. Iti imaṃ vohāramattaṃ gahetvā ‘‘pacchimabhaviko bodhisatto tāya jātiyā bhabbo dhammaṃ abhisametu’’nti adhippāyena ‘‘niyato niyāmaṃ okkamatī’’ti yesaṃ laddhi, seyyathāpi pubbaseliyāparaseliyānaṃ; te sandhāya pucchā sakavādissa, paṭiññā itarassa. Micchattaniyatotiādi aññena niyāmena niyatassa aññaniyāmābhāvadassanatthaṃ vuttaṃ. Pubbe maggaṃ bhāvetvātiādi niyāmappabhedadassanatthaṃ vuttaṃ. Satipaṭṭhānantiādi ekasmimpi niyāme dhammappabhedadassanatthaṃ vuttaṃ. Bhabbo bodhisattoti vacanaṃ kevalaṃ bodhisattassa bhabbataṃ dīpeti, na niyatassa niyāmokkamanaṃ, tasmā asādhakaṃ. So hi pubbe ekenapi niyatadhammena aniyato bodhimūle saccadassanena niyāmaṃ okkantoti.
নিযতস্স নিযামকথাৰণ্ণনা।
Niyatassa niyāmakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১২৯) ৪. নিযতস্স নিযামকথা • (129) 4. Niyatassa niyāmakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৪. নিযতস্সনিযামকথাৰণ্ণনা • 4. Niyatassaniyāmakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. নিযতস্সনিযামকথাৰণ্ণনা • 4. Niyatassaniyāmakathāvaṇṇanā
