| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. нияад̇асса нияаамагат̇ааван̣н̣анаа
4. Niyatassa niyāmakathāvaṇṇanā
663-664. ид̣̇аани нияад̇асса нияаамагат̇аа наама ход̇и. д̇ад̇т̇а д̣̇увид̇хо нияаамо – мижчад̇д̇анияаамо жа аананд̇арияагаммам̣, саммад̇д̇анияаамо жа арияамаг̇г̇о. имз д̣̇вз нияаамз табзд̇ваа ан̃н̃о нияаамо наама над̇т̇и. саб̣б̣зби хи сзсаа д̇збхуумагад̇хаммаа анияад̇аа наама. д̇зхи саманнааг̇ад̇оби анияад̇оязва. б̣уд̣̇д̇хзхи бана ад̇д̇ано н̃аан̣аб̣алзна ‘‘аяам̣ сад̇д̇о анааг̇ад̇з б̣од̇хим̣ баабун̣иссад̇ий’’д̇и б̣яаагад̇о б̣од̇хисад̇д̇о бун̃н̃уссад̣̇ад̇д̇аа нияад̇од̇и вужжад̇и. ид̇и имам̣ вохаарамад̇д̇ам̣ г̇ахзд̇ваа ‘‘бажчимабхавиго б̣од̇хисад̇д̇о д̇ааяа ж̇аад̇ияаа бхаб̣б̣о д̇хаммам̣ абхисамзд̇у’’нд̇и ад̇хиббааязна ‘‘нияад̇о нияаамам̣ оггамад̇ий’’д̇и язсам̣ лад̣̇д̇хи, сзяяат̇ааби буб̣б̣асзлияаабарасзлияаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. мижчад̇д̇анияад̇од̇иаад̣̇и ан̃н̃зна нияаамзна нияад̇асса ан̃н̃анияаамаабхаавад̣̇ассанад̇т̇ам̣ вуд̇д̇ам̣. буб̣б̣з маг̇г̇ам̣ бхаавзд̇ваад̇иаад̣̇и нияаамаббабхзд̣̇ад̣̇ассанад̇т̇ам̣ вуд̇д̇ам̣. сад̇ибадтаананд̇иаад̣̇и згасмимби нияаамз д̇хаммаббабхзд̣̇ад̣̇ассанад̇т̇ам̣ вуд̇д̇ам̣. бхаб̣б̣о б̣од̇хисад̇д̇од̇и важанам̣ гзвалам̣ б̣од̇хисад̇д̇асса бхаб̣б̣ад̇ам̣ д̣̇ийбзд̇и, на нияад̇асса нияаамоггаманам̣, д̇асмаа асаад̇хагам̣. со хи буб̣б̣з згзнаби нияад̇ад̇хаммзна анияад̇о б̣од̇химуулз сажжад̣̇ассанзна нияаамам̣ огганд̇од̇и.
663-664. Idāni niyatassa niyāmakathā nāma hoti. Tattha duvidho niyāmo – micchattaniyāmo ca ānantariyakammaṃ, sammattaniyāmo ca ariyamaggo. Ime dve niyāme ṭhapetvā añño niyāmo nāma natthi. Sabbepi hi sesā tebhūmakadhammā aniyatā nāma. Tehi samannāgatopi aniyatoyeva. Buddhehi pana attano ñāṇabalena ‘‘ayaṃ satto anāgate bodhiṃ pāpuṇissatī’’ti byākato bodhisatto puññussadattā niyatoti vuccati. Iti imaṃ vohāramattaṃ gahetvā ‘‘pacchimabhaviko bodhisatto tāya jātiyā bhabbo dhammaṃ abhisametu’’nti adhippāyena ‘‘niyato niyāmaṃ okkamatī’’ti yesaṃ laddhi, seyyathāpi pubbaseliyāparaseliyānaṃ; te sandhāya pucchā sakavādissa, paṭiññā itarassa. Micchattaniyatotiādi aññena niyāmena niyatassa aññaniyāmābhāvadassanatthaṃ vuttaṃ. Pubbe maggaṃ bhāvetvātiādi niyāmappabhedadassanatthaṃ vuttaṃ. Satipaṭṭhānantiādi ekasmimpi niyāme dhammappabhedadassanatthaṃ vuttaṃ. Bhabbo bodhisattoti vacanaṃ kevalaṃ bodhisattassa bhabbataṃ dīpeti, na niyatassa niyāmokkamanaṃ, tasmā asādhakaṃ. So hi pubbe ekenapi niyatadhammena aniyato bodhimūle saccadassanena niyāmaṃ okkantoti.
нияад̇асса нияаамагат̇ааван̣н̣анаа.
Niyatassa niyāmakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (129) 4. нияад̇асса нияаамагат̇аа • (129) 4. Niyatassa niyāmakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. нияад̇ассанияаамагат̇ааван̣н̣анаа • 4. Niyatassaniyāmakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. нияад̇ассанияаамагат̇ааван̣н̣анаа • 4. Niyatassaniyāmakathāvaṇṇanā
