| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਨਿਯਤਸ੍ਸ ਨਿਯਾਮਕਥਾવਣ੍ਣਨਾ
4. Niyatassa niyāmakathāvaṇṇanā
੬੬੩-੬੬੪. ਇਦਾਨਿ ਨਿਯਤਸ੍ਸ ਨਿਯਾਮਕਥਾ ਨਾਮ ਹੋਤਿ। ਤਤ੍ਥ ਦੁવਿਧੋ ਨਿਯਾਮੋ – ਮਿਚ੍ਛਤ੍ਤਨਿਯਾਮੋ ਚ ਆਨਨ੍ਤਰਿਯਕਮ੍ਮਂ, ਸਮ੍ਮਤ੍ਤਨਿਯਾਮੋ ਚ ਅਰਿਯਮਗ੍ਗੋ। ਇਮੇ ਦ੍વੇ ਨਿਯਾਮੇ ਠਪੇਤ੍વਾ ਅਞ੍ਞੋ ਨਿਯਾਮੋ ਨਾਮ ਨਤ੍ਥਿ। ਸਬ੍ਬੇਪਿ ਹਿ ਸੇਸਾ ਤੇਭੂਮਕਧਮ੍ਮਾ ਅਨਿਯਤਾ ਨਾਮ। ਤੇਹਿ ਸਮਨ੍ਨਾਗਤੋਪਿ ਅਨਿਯਤੋਯੇવ। ਬੁਦ੍ਧੇਹਿ ਪਨ ਅਤ੍ਤਨੋ ਞਾਣਬਲੇਨ ‘‘ਅਯਂ ਸਤ੍ਤੋ ਅਨਾਗਤੇ ਬੋਧਿਂ ਪਾਪੁਣਿਸ੍ਸਤੀ’’ਤਿ ਬ੍ਯਾਕਤੋ ਬੋਧਿਸਤ੍ਤੋ ਪੁਞ੍ਞੁਸ੍ਸਦਤ੍ਤਾ ਨਿਯਤੋਤਿ વੁਚ੍ਚਤਿ। ਇਤਿ ਇਮਂ વੋਹਾਰਮਤ੍ਤਂ ਗਹੇਤ੍વਾ ‘‘ਪਚ੍ਛਿਮਭવਿਕੋ ਬੋਧਿਸਤ੍ਤੋ ਤਾਯ ਜਾਤਿਯਾ ਭਬ੍ਬੋ ਧਮ੍ਮਂ ਅਭਿਸਮੇਤੁ’’ਨ੍ਤਿ ਅਧਿਪ੍ਪਾਯੇਨ ‘‘ਨਿਯਤੋ ਨਿਯਾਮਂ ਓਕ੍ਕਮਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਪੁਬ੍ਬਸੇਲਿਯਾਪਰਸੇਲਿਯਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਮਿਚ੍ਛਤ੍ਤਨਿਯਤੋਤਿਆਦਿ ਅਞ੍ਞੇਨ ਨਿਯਾਮੇਨ ਨਿਯਤਸ੍ਸ ਅਞ੍ਞਨਿਯਾਮਾਭਾવਦਸ੍ਸਨਤ੍ਥਂ વੁਤ੍ਤਂ। ਪੁਬ੍ਬੇ ਮਗ੍ਗਂ ਭਾવੇਤ੍વਾਤਿਆਦਿ ਨਿਯਾਮਪ੍ਪਭੇਦਦਸ੍ਸਨਤ੍ਥਂ વੁਤ੍ਤਂ। ਸਤਿਪਟ੍ਠਾਨਨ੍ਤਿਆਦਿ ਏਕਸ੍ਮਿਮ੍ਪਿ ਨਿਯਾਮੇ ਧਮ੍ਮਪ੍ਪਭੇਦਦਸ੍ਸਨਤ੍ਥਂ વੁਤ੍ਤਂ। ਭਬ੍ਬੋ ਬੋਧਿਸਤ੍ਤੋਤਿ વਚਨਂ ਕੇવਲਂ ਬੋਧਿਸਤ੍ਤਸ੍ਸ ਭਬ੍ਬਤਂ ਦੀਪੇਤਿ, ਨ ਨਿਯਤਸ੍ਸ ਨਿਯਾਮੋਕ੍ਕਮਨਂ, ਤਸ੍ਮਾ ਅਸਾਧਕਂ। ਸੋ ਹਿ ਪੁਬ੍ਬੇ ਏਕੇਨਪਿ ਨਿਯਤਧਮ੍ਮੇਨ ਅਨਿਯਤੋ ਬੋਧਿਮੂਲੇ ਸਚ੍ਚਦਸ੍ਸਨੇਨ ਨਿਯਾਮਂ ਓਕ੍ਕਨ੍ਤੋਤਿ।
663-664. Idāni niyatassa niyāmakathā nāma hoti. Tattha duvidho niyāmo – micchattaniyāmo ca ānantariyakammaṃ, sammattaniyāmo ca ariyamaggo. Ime dve niyāme ṭhapetvā añño niyāmo nāma natthi. Sabbepi hi sesā tebhūmakadhammā aniyatā nāma. Tehi samannāgatopi aniyatoyeva. Buddhehi pana attano ñāṇabalena ‘‘ayaṃ satto anāgate bodhiṃ pāpuṇissatī’’ti byākato bodhisatto puññussadattā niyatoti vuccati. Iti imaṃ vohāramattaṃ gahetvā ‘‘pacchimabhaviko bodhisatto tāya jātiyā bhabbo dhammaṃ abhisametu’’nti adhippāyena ‘‘niyato niyāmaṃ okkamatī’’ti yesaṃ laddhi, seyyathāpi pubbaseliyāparaseliyānaṃ; te sandhāya pucchā sakavādissa, paṭiññā itarassa. Micchattaniyatotiādi aññena niyāmena niyatassa aññaniyāmābhāvadassanatthaṃ vuttaṃ. Pubbe maggaṃ bhāvetvātiādi niyāmappabhedadassanatthaṃ vuttaṃ. Satipaṭṭhānantiādi ekasmimpi niyāme dhammappabhedadassanatthaṃ vuttaṃ. Bhabbo bodhisattoti vacanaṃ kevalaṃ bodhisattassa bhabbataṃ dīpeti, na niyatassa niyāmokkamanaṃ, tasmā asādhakaṃ. So hi pubbe ekenapi niyatadhammena aniyato bodhimūle saccadassanena niyāmaṃ okkantoti.
ਨਿਯਤਸ੍ਸ ਨਿਯਾਮਕਥਾવਣ੍ਣਨਾ।
Niyatassa niyāmakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੨੯) ੪. ਨਿਯਤਸ੍ਸ ਨਿਯਾਮਕਥਾ • (129) 4. Niyatassa niyāmakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਨਿਯਤਸ੍ਸਨਿਯਾਮਕਥਾવਣ੍ਣਨਾ • 4. Niyatassaniyāmakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਨਿਯਤਸ੍ਸਨਿਯਾਮਕਥਾવਣ੍ਣਨਾ • 4. Niyatassaniyāmakathāvaṇṇanā
