| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
4. நியதஸ்ஸனியாமகதா²வண்ணனா
4. Niyatassaniyāmakathāvaṇṇanā
663-664. ஸேஸா தேபூ⁴மகத⁴ம்மா அனியதா நாமாதி எத்த² அப்பத்தனியாமானங் த⁴ம்மே ஸந்தா⁴ய ‘‘தேபூ⁴மகத⁴ம்மா’’தி ஆஹ. ஏதேவ ஹி ஸந்தா⁴ய ‘‘தேஹி ஸமன்னாக³தோபி அனியதோயேவா’’தி வுத்தந்தி. இதி இமங் வோஹாரமத்தங் க³ஹெத்வா ‘‘நியதோ போ³தி⁴ஸத்தோ பச்சி²மப⁴விகோ ப⁴ப்³போ³ த⁴ம்மங் அபி⁴ஸமேதுங் ஓக்கமிது’’ந்தி அதி⁴ப்பாயேன ‘‘நியாமங் ஓக்கமதீ’’தி யேஸங் லத்³தீ⁴தி அத்த²யோஜனா. ஏவங் பன வோஹாரமத்தஸப்³பா⁴வோ ‘‘நியதோ’’தி வசனஸ்ஸ, த⁴ம்மங் அபி⁴ஸமேதுங் ப⁴ப்³ப³தா ச ‘‘நியாமங் ஓக்கமதீ’’தி வசனஸ்ஸ காரணபா⁴வேன வுத்தா ஹோதி, ப⁴ப்³ப³தாயேவ பன உப⁴யஸ்ஸபி காரணந்தி யுத்தங். அஞ்ஞேனாதி யதி³ நியதோ நியாமங் ஓக்கமெய்ய, மிச்ச²த்தனியதோ ஸம்மத்தனியாமங், ஸம்மத்தனியதோ வா மிச்ச²த்தனியாமங் ஓக்கமெய்ய, ந ச தங் அத்தீ²தி த³ஸ்ஸனத்த²ந்தி அத்தோ².
663-664. Sesā tebhūmakadhammā aniyatā nāmāti ettha appattaniyāmānaṃ dhamme sandhāya ‘‘tebhūmakadhammā’’ti āha. Eteva hi sandhāya ‘‘tehi samannāgatopi aniyatoyevā’’ti vuttanti. Iti imaṃ vohāramattaṃ gahetvā ‘‘niyato bodhisatto pacchimabhaviko bhabbo dhammaṃ abhisametuṃ okkamitu’’nti adhippāyena ‘‘niyāmaṃ okkamatī’’ti yesaṃ laddhīti atthayojanā. Evaṃ pana vohāramattasabbhāvo ‘‘niyato’’ti vacanassa, dhammaṃ abhisametuṃ bhabbatā ca ‘‘niyāmaṃ okkamatī’’ti vacanassa kāraṇabhāvena vuttā hoti, bhabbatāyeva pana ubhayassapi kāraṇanti yuttaṃ. Aññenāti yadi niyato niyāmaṃ okkameyya, micchattaniyato sammattaniyāmaṃ, sammattaniyato vā micchattaniyāmaṃ okkameyya, na ca taṃ atthīti dassanatthanti attho.
நியதஸ்ஸனியாமகதா²வண்ணனா நிட்டி²தா.
Niyatassaniyāmakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (129) 4. நியதஸ்ஸ நியாமகதா² • (129) 4. Niyatassa niyāmakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 4. நியதஸ்ஸ நியாமகதா²வண்ணனா • 4. Niyatassa niyāmakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. நியதஸ்ஸனியாமகதா²வண்ணனா • 4. Niyatassaniyāmakathāvaṇṇanā
