| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৪. নিযতস্সনিযামকথাৰণ্ণনা
4. Niyatassaniyāmakathāvaṇṇanā
৬৬৩-৬৬৪. সেসা তেভূমকধম্মা অনিযতা নামাতি এত্থ অপ্পত্তনিযামানং ধম্মে সন্ধায ‘‘তেভূমকধম্মা’’তি আহ। এতেৰ হি সন্ধায ‘‘তেহি সমন্নাগতোপি অনিযতোযেৰা’’তি ৰুত্তন্তি। ইতি ইমং ৰোহারমত্তং গহেত্ৰা ‘‘নিযতো বোধিসত্তো পচ্ছিমভৰিকো ভব্বো ধম্মং অভিসমেতুং ওক্কমিতু’’ন্তি অধিপ্পাযেন ‘‘নিযামং ওক্কমতী’’তি যেসং লদ্ধীতি অত্থযোজনা। এৰং পন ৰোহারমত্তসব্ভাৰো ‘‘নিযতো’’তি ৰচনস্স, ধম্মং অভিসমেতুং ভব্বতা চ ‘‘নিযামং ওক্কমতী’’তি ৰচনস্স কারণভাৰেন ৰুত্তা হোতি, ভব্বতাযেৰ পন উভযস্সপি কারণন্তি যুত্তং। অঞ্ঞেনাতি যদি নিযতো নিযামং ওক্কমেয্য, মিচ্ছত্তনিযতো সম্মত্তনিযামং, সম্মত্তনিযতো ৰা মিচ্ছত্তনিযামং ওক্কমেয্য, ন চ তং অত্থীতি দস্সনত্থন্তি অত্থো।
663-664. Sesā tebhūmakadhammā aniyatā nāmāti ettha appattaniyāmānaṃ dhamme sandhāya ‘‘tebhūmakadhammā’’ti āha. Eteva hi sandhāya ‘‘tehi samannāgatopi aniyatoyevā’’ti vuttanti. Iti imaṃ vohāramattaṃ gahetvā ‘‘niyato bodhisatto pacchimabhaviko bhabbo dhammaṃ abhisametuṃ okkamitu’’nti adhippāyena ‘‘niyāmaṃ okkamatī’’ti yesaṃ laddhīti atthayojanā. Evaṃ pana vohāramattasabbhāvo ‘‘niyato’’ti vacanassa, dhammaṃ abhisametuṃ bhabbatā ca ‘‘niyāmaṃ okkamatī’’ti vacanassa kāraṇabhāvena vuttā hoti, bhabbatāyeva pana ubhayassapi kāraṇanti yuttaṃ. Aññenāti yadi niyato niyāmaṃ okkameyya, micchattaniyato sammattaniyāmaṃ, sammattaniyato vā micchattaniyāmaṃ okkameyya, na ca taṃ atthīti dassanatthanti attho.
নিযতস্সনিযামকথাৰণ্ণনা নিট্ঠিতা।
Niyatassaniyāmakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১২৯) ৪. নিযতস্স নিযামকথা • (129) 4. Niyatassa niyāmakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. নিযতস্স নিযামকথাৰণ্ণনা • 4. Niyatassa niyāmakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. নিযতস্সনিযামকথাৰণ্ণনা • 4. Niyatassaniyāmakathāvaṇṇanā
