| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
४. नियतस्सनियामकथावण्णना
4. Niyatassaniyāmakathāvaṇṇanā
६६३-६६४. अप्पत्तनियामानन्ति ये अनुप्पन्नमिच्छत्तसम्मत्तनियतधम्मा पुग्गला, तेसं धम्मे। के पन ते? यथावुत्तपुग्गलसन्तानपरियापन्ना धम्मा। ते हि भूमित्तयपरियापन्नताय ‘‘तेभूमका’’ति वुत्ता। ये पन पत्तनियामानं सन्ताने पवत्ता अनियतधम्मा, न तेसमेत्थ सङ्गहो कतो। न हि तेहि समन्नागमेन अनियतता अत्थि। तेनेवाह ‘‘तेहि समन्नागतोपि अनियतोयेवा’’ति। इमं वोहारमत्तन्ति इमिना नियामो नाम कोचि धम्मो नत्थि, उपचितसम्भारताय अभिसम्बुज्झितुं भब्बताव तथा वुच्चतीति दस्सेति। नियतोति वचनस्स कारणभावेन वुत्तोति योजना। उभयस्सपीति नियतो नियामं ओक्कमतीति वचनद्वयस्स।
663-664. Appattaniyāmānanti ye anuppannamicchattasammattaniyatadhammā puggalā, tesaṃ dhamme. Ke pana te? Yathāvuttapuggalasantānapariyāpannā dhammā. Te hi bhūmittayapariyāpannatāya ‘‘tebhūmakā’’ti vuttā. Ye pana pattaniyāmānaṃ santāne pavattā aniyatadhammā, na tesamettha saṅgaho kato. Na hi tehi samannāgamena aniyatatā atthi. Tenevāha ‘‘tehi samannāgatopi aniyatoyevā’’ti. Imaṃ vohāramattanti iminā niyāmo nāma koci dhammo natthi, upacitasambhāratāya abhisambujjhituṃ bhabbatāva tathā vuccatīti dasseti. Niyatoti vacanassa kāraṇabhāvena vuttoti yojanā. Ubhayassapīti niyato niyāmaṃ okkamatīti vacanadvayassa.
नियतस्सनियामकथावण्णना निट्ठिता।
Niyatassaniyāmakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१२९) ४. नियतस्स नियामकथा • (129) 4. Niyatassa niyāmakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ४. नियतस्स नियामकथावण्णना • 4. Niyatassa niyāmakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ४. नियतस्सनियामकथावण्णना • 4. Niyatassaniyāmakathāvaṇṇanā
