| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၄. နိယတသ္သနိယာမကထာဝဏ္ဏနာ
4. Niyatassaniyāmakathāvaṇṇanā
၆၆၃-၆၆၄. အပ္ပတ္တနိယာမာနန္တိ ယေ အနုပ္ပန္နမိစ္ဆတ္တသမ္မတ္တနိယတဓမ္မာ ပုဂ္ဂလာ, တေသံ ဓမ္မေ။ ကေ ပန တေ? ယထာဝုတ္တပုဂ္ဂလသန္တာနပရိယာပန္နာ ဓမ္မာ။ တေ ဟိ ဘူမိတ္တယပရိယာပန္နတာယ ‘‘တေဘူမကာ’’တိ ဝုတ္တာ။ ယေ ပန ပတ္တနိယာမာနံ သန္တာနေ ပဝတ္တာ အနိယတဓမ္မာ, န တေသမေတ္ထ သင္ဂဟော ကတော။ န ဟိ တေဟိ သမန္နာဂမေန အနိယတတာ အတ္ထိ။ တေနေဝာဟ ‘‘တေဟိ သမန္နာဂတောပိ အနိယတောယေဝာ’’တိ။ ဣမံ ဝောဟာရမတ္တန္တိ ဣမိနာ နိယာမော နာမ ကောစိ ဓမ္မော နတ္ထိ, ဥပစိတသမ္ဘာရတာယ အဘိသမ္ဗုဇ္ဈိတုံ ဘဗ္ဗတာဝ တထာ ဝုစ္စတီတိ ဒသ္သေတိ။ နိယတောတိ ဝစနသ္သ ကာရဏဘာဝေန ဝုတ္တောတိ ယောဇနာ။ ဥဘယသ္သပီတိ နိယတော နိယာမံ ဩက္ကမတီတိ ဝစနဒ္ဝယသ္သ။
663-664. Appattaniyāmānanti ye anuppannamicchattasammattaniyatadhammā puggalā, tesaṃ dhamme. Ke pana te? Yathāvuttapuggalasantānapariyāpannā dhammā. Te hi bhūmittayapariyāpannatāya ‘‘tebhūmakā’’ti vuttā. Ye pana pattaniyāmānaṃ santāne pavattā aniyatadhammā, na tesamettha saṅgaho kato. Na hi tehi samannāgamena aniyatatā atthi. Tenevāha ‘‘tehi samannāgatopi aniyatoyevā’’ti. Imaṃ vohāramattanti iminā niyāmo nāma koci dhammo natthi, upacitasambhāratāya abhisambujjhituṃ bhabbatāva tathā vuccatīti dasseti. Niyatoti vacanassa kāraṇabhāvena vuttoti yojanā. Ubhayassapīti niyato niyāmaṃ okkamatīti vacanadvayassa.
နိယတသ္သနိယာမကထာဝဏ္ဏနာ နိဋ္ဌိတာ။
Niyatassaniyāmakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၂၉) ၄. နိယတသ္သ နိယာမကထာ • (129) 4. Niyatassa niyāmakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၄. နိယတသ္သ နိယာမကထာဝဏ္ဏနာ • 4. Niyatassa niyāmakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၄. နိယတသ္သနိယာမကထာဝဏ္ဏနာ • 4. Niyatassaniyāmakathāvaṇṇanā
