| Library / Tipiṭaka / තිපිටක • Tipiṭaka / පඤ්‌චපකරණ-මූලටීකා • Pañcapakaraṇa-mūlaṭīkā |
4. නියතස්‌සනියාමකථාවණ්‌ණනා
4. Niyatassaniyāmakathāvaṇṇanā
663-664. සෙසා තෙභූමකධම්‌මා අනියතා නාමාති එත්‌ථ අප්‌පත්‌තනියාමානං ධම්‌මෙ සන්‌ධාය ‘‘තෙභූමකධම්‌මා’’ති ආහ. එතෙව හි සන්‌ධාය ‘‘තෙහි සමන්‌නාගතොපි අනියතොයෙවා’’ති වුත්‌තන්‌ති. ඉති ඉමං වොහාරමත්‌තං ගහෙත්‌වා ‘‘නියතො බොධිසත්‌තො පච්‌ඡිමභවිකො භබ්‌බො ධම්‌මං අභිසමෙතුං ඔක්‌කමිතු’’න්‌ති අධිප්‌පායෙන ‘‘නියාමං ඔක්‌කමතී’’ති යෙසං ලද්‌ධීති අත්‌ථයොජනා. එවං පන වොහාරමත්‌තසබ්‌භාවො ‘‘නියතො’’ති වචනස්‌ස, ධම්‌මං අභිසමෙතුං භබ්‌බතා ච ‘‘නියාමං ඔක්‌කමතී’’ති වචනස්‌ස කාරණභාවෙන වුත්‌තා හොති, භබ්‌බතායෙව පන උභයස්‌සපි කාරණන්‌ති යුත්‌තං. අඤ්‌ඤෙනාති යදි නියතො නියාමං ඔක්‌කමෙය්‍ය, මිච්‌ඡත්‌තනියතො සම්‌මත්‌තනියාමං, සම්‌මත්‌තනියතො වා මිච්‌ඡත්‌තනියාමං ඔක්‌කමෙය්‍ය, න ච තං අත්‌ථීති දස්‌සනත්‌ථන්‌ති අත්‌ථො.
663-664. Sesā tebhūmakadhammā aniyatā nāmāti ettha appattaniyāmānaṃ dhamme sandhāya ‘‘tebhūmakadhammā’’ti āha. Eteva hi sandhāya ‘‘tehi samannāgatopi aniyatoyevā’’ti vuttanti. Iti imaṃ vohāramattaṃ gahetvā ‘‘niyato bodhisatto pacchimabhaviko bhabbo dhammaṃ abhisametuṃ okkamitu’’nti adhippāyena ‘‘niyāmaṃ okkamatī’’ti yesaṃ laddhīti atthayojanā. Evaṃ pana vohāramattasabbhāvo ‘‘niyato’’ti vacanassa, dhammaṃ abhisametuṃ bhabbatā ca ‘‘niyāmaṃ okkamatī’’ti vacanassa kāraṇabhāvena vuttā hoti, bhabbatāyeva pana ubhayassapi kāraṇanti yuttaṃ. Aññenāti yadi niyato niyāmaṃ okkameyya, micchattaniyato sammattaniyāmaṃ, sammattaniyato vā micchattaniyāmaṃ okkameyya, na ca taṃ atthīti dassanatthanti attho.
නියතස්‌සනියාමකථාවණ්‌ණනා නිට්‌ඨිතා.
Niyatassaniyāmakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (129) 4. නියතස්‌ස නියාමකථා • (129) 4. Niyatassa niyāmakathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 4. නියතස්‌ස නියාමකථාවණ්‌ණනා • 4. Niyatassa niyāmakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 4. නියතස්‌සනියාමකථාවණ්‌ණනා • 4. Niyatassaniyāmakathāvaṇṇanā
