| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༤. ནིཡཏསྶནིཡཱམཀཐཱཝཎྞནཱ
4. Niyatassaniyāmakathāvaṇṇanā
༦༦༣-༦༦༤. སེསཱ ཏེབྷཱུམཀདྷམྨཱ ཨནིཡཏཱ ནཱམཱཏི ཨེཏྠ ཨཔྤཏྟནིཡཱམཱནཾ དྷམྨེ སནྡྷཱཡ ‘‘ཏེབྷཱུམཀདྷམྨཱ’’ཏི ཨཱཧ། ཨེཏེཝ ཧི སནྡྷཱཡ ‘‘ཏེཧི སམནྣཱགཏོཔི ཨནིཡཏོཡེཝཱ’’ཏི ཝུཏྟནྟི། ཨིཏི ཨིམཾ ཝོཧཱརམཏྟཾ གཧེཏྭཱ ‘‘ནིཡཏོ བོདྷིསཏྟོ པཙྪིམབྷཝིཀོ བྷབྦོ དྷམྨཾ ཨབྷིསམེཏུཾ ཨོཀྐམིཏུ’’ནྟི ཨདྷིཔྤཱཡེན ‘‘ནིཡཱམཾ ཨོཀྐམཏཱི’’ཏི ཡེསཾ ལདྡྷཱིཏི ཨཏྠཡོཛནཱ། ཨེཝཾ པན ཝོཧཱརམཏྟསབྦྷཱཝོ ‘‘ནིཡཏོ’’ཏི ཝཙནསྶ, དྷམྨཾ ཨབྷིསམེཏུཾ བྷབྦཏཱ ཙ ‘‘ནིཡཱམཾ ཨོཀྐམཏཱི’’ཏི ཝཙནསྶ ཀཱརཎབྷཱཝེན ཝུཏྟཱ ཧོཏི, བྷབྦཏཱཡེཝ པན ཨུབྷཡསྶཔི ཀཱརཎནྟི ཡུཏྟཾ། ཨཉྙེནཱཏི ཡདི ནིཡཏོ ནིཡཱམཾ ཨོཀྐམེཡྻ, མིཙྪཏྟནིཡཏོ སམྨཏྟནིཡཱམཾ, སམྨཏྟནིཡཏོ ཝཱ མིཙྪཏྟནིཡཱམཾ ཨོཀྐམེཡྻ, ན ཙ ཏཾ ཨཏྠཱིཏི དསྶནཏྠནྟི ཨཏྠོ།
663-664. Sesā tebhūmakadhammā aniyatā nāmāti ettha appattaniyāmānaṃ dhamme sandhāya ‘‘tebhūmakadhammā’’ti āha. Eteva hi sandhāya ‘‘tehi samannāgatopi aniyatoyevā’’ti vuttanti. Iti imaṃ vohāramattaṃ gahetvā ‘‘niyato bodhisatto pacchimabhaviko bhabbo dhammaṃ abhisametuṃ okkamitu’’nti adhippāyena ‘‘niyāmaṃ okkamatī’’ti yesaṃ laddhīti atthayojanā. Evaṃ pana vohāramattasabbhāvo ‘‘niyato’’ti vacanassa, dhammaṃ abhisametuṃ bhabbatā ca ‘‘niyāmaṃ okkamatī’’ti vacanassa kāraṇabhāvena vuttā hoti, bhabbatāyeva pana ubhayassapi kāraṇanti yuttaṃ. Aññenāti yadi niyato niyāmaṃ okkameyya, micchattaniyato sammattaniyāmaṃ, sammattaniyato vā micchattaniyāmaṃ okkameyya, na ca taṃ atthīti dassanatthanti attho.
ནིཡཏསྶནིཡཱམཀཐཱཝཎྞནཱ ནིཊྛིཏཱ།
Niyatassaniyāmakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༢༩) ༤. ནིཡཏསྶ ནིཡཱམཀཐཱ • (129) 4. Niyatassa niyāmakathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. ནིཡཏསྶ ནིཡཱམཀཐཱཝཎྞནཱ • 4. Niyatassa niyāmakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༤. ནིཡཏསྶནིཡཱམཀཐཱཝཎྞནཱ • 4. Niyatassaniyāmakathāvaṇṇanā
