| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. ножзд̣̇ам̣суд̇д̇ам̣
4. Nocedaṃsuttaṃ
117. саавад̇т̇ияам̣ вихарад̇и…бз… ‘‘но жзд̣̇ам̣, бхигкавз, бат̇авийд̇хаад̇уяаа ассаад̣̇о абхависса, наяид̣̇ам̣ сад̇д̇аа бат̇авийд̇хаад̇уяаа саараж̇ж̇зяяум̣ . яасмаа жа ко, бхигкавз, ад̇т̇и бат̇авийд̇хаад̇уяаа ассаад̣̇о, д̇асмаа сад̇д̇аа бат̇авийд̇хаад̇уяаа саараж̇ж̇анд̇и. но жзд̣̇ам̣, бхигкавз, бат̇авийд̇хаад̇уяаа аад̣̇ийнаво абхависса, наяид̣̇ам̣ сад̇д̇аа бат̇авийд̇хаад̇уяаа ниб̣б̣инд̣̇зяяум̣. яасмаа жа ко, бхигкавз, ад̇т̇и бат̇авийд̇хаад̇уяаа аад̣̇ийнаво, д̇асмаа сад̇д̇аа бат̇авийд̇хаад̇уяаа ниб̣б̣инд̣̇анд̇и. но жзд̣̇ам̣, бхигкавз, бат̇авийд̇хаад̇уяаа ниссаран̣ам̣ абхависса, наяид̣̇ам̣ сад̇д̇аа бат̇авийд̇хаад̇уяаа ниссарзяяум̣. яасмаа жа ко, бхигкавз, ад̇т̇и бат̇авийд̇хаад̇уяаа ниссаран̣ам̣, д̇асмаа сад̇д̇аа бат̇авийд̇хаад̇уяаа ниссаранд̇и’’.
117. Sāvatthiyaṃ viharati…pe… ‘‘no cedaṃ, bhikkhave, pathavīdhātuyā assādo abhavissa, nayidaṃ sattā pathavīdhātuyā sārajjeyyuṃ . Yasmā ca kho, bhikkhave, atthi pathavīdhātuyā assādo, tasmā sattā pathavīdhātuyā sārajjanti. No cedaṃ, bhikkhave, pathavīdhātuyā ādīnavo abhavissa, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, atthi pathavīdhātuyā ādīnavo, tasmā sattā pathavīdhātuyā nibbindanti. No cedaṃ, bhikkhave, pathavīdhātuyā nissaraṇaṃ abhavissa, nayidaṃ sattā pathavīdhātuyā nissareyyuṃ. Yasmā ca kho, bhikkhave, atthi pathavīdhātuyā nissaraṇaṃ, tasmā sattā pathavīdhātuyā nissaranti’’.
‘‘но жзд̣̇ам̣, бхигкавз, аабод̇хаад̇уяаа ассаад̣̇о абхависса…бз… но жзд̣̇ам̣, бхигкавз, д̇зж̇од̇хаад̇уяаа…бз… но жзд̣̇ам̣, бхигкавз, вааяод̇хаад̇уяаа ассаад̣̇о абхависса, наяид̣̇ам̣ сад̇д̇аа вааяод̇хаад̇уяаа саараж̇ж̇зяяум̣. яасмаа жа ко, бхигкавз, ад̇т̇и вааяод̇хаад̇уяаа ассаад̣̇о, д̇асмаа сад̇д̇аа вааяод̇хаад̇уяаа саараж̇ж̇анд̇и. но жзд̣̇ам̣, бхигкавз, вааяод̇хаад̇уяаа аад̣̇ийнаво абхависса, наяид̣̇ам̣ сад̇д̇аа вааяод̇хаад̇уяаа ниб̣б̣инд̣̇зяяум̣. яасмаа жа ко, бхигкавз, ад̇т̇и вааяод̇хаад̇уяаа аад̣̇ийнаво, д̇асмаа сад̇д̇аа вааяод̇хаад̇уяаа ниб̣б̣инд̣̇анд̇и. но жзд̣̇ам̣, бхигкавз, вааяод̇хаад̇уяаа ниссаран̣ам̣ абхависса, наяид̣̇ам̣ сад̇д̇аа вааяод̇хаад̇уяаа ниссарзяяум̣. яасмаа жа ко, бхигкавз, ад̇т̇и вааяод̇хаад̇уяаа ниссаран̣ам̣, д̇асмаа сад̇д̇аа вааяод̇хаад̇уяаа ниссаранд̇и.
‘‘No cedaṃ, bhikkhave, āpodhātuyā assādo abhavissa…pe… no cedaṃ, bhikkhave, tejodhātuyā…pe… no cedaṃ, bhikkhave, vāyodhātuyā assādo abhavissa, nayidaṃ sattā vāyodhātuyā sārajjeyyuṃ. Yasmā ca kho, bhikkhave, atthi vāyodhātuyā assādo, tasmā sattā vāyodhātuyā sārajjanti. No cedaṃ, bhikkhave, vāyodhātuyā ādīnavo abhavissa, nayidaṃ sattā vāyodhātuyā nibbindeyyuṃ. Yasmā ca kho, bhikkhave, atthi vāyodhātuyā ādīnavo, tasmā sattā vāyodhātuyā nibbindanti. No cedaṃ, bhikkhave, vāyodhātuyā nissaraṇaṃ abhavissa, nayidaṃ sattā vāyodhātuyā nissareyyuṃ. Yasmā ca kho, bhikkhave, atthi vāyodhātuyā nissaraṇaṃ, tasmā sattā vāyodhātuyā nissaranti.
‘‘яаавагийван̃жимз, бхигкавз, сад̇д̇аа имаасам̣ жад̇уннам̣ д̇хаад̇уунам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ на аб̣бхан̃н̃ам̣су, нзва д̇аавимз бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висам̣яуд̇д̇аа виббамуд̇д̇аа вимарияаад̣̇игад̇зна жзд̇асаа вихарим̣су.
‘‘Yāvakīvañcime, bhikkhave, sattā imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ na abbhaññaṃsu, neva tāvime bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādikatena cetasā vihariṃsu.
‘‘яад̇о жа ко, бхигкавз, сад̇д̇аа имаасам̣ жад̇уннам̣ д̇хаад̇уунам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ аб̣бхан̃н̃ам̣су, ат̇а, бхигкавз, сад̇д̇аа сад̣̇звагаа логаа самаарагаа саб̣рахмагаа сассаман̣аб̣раахман̣ияаа баж̇ааяа сад̣̇звамануссааяа ниссадаа висам̣яуд̇д̇аа виббамуд̇д̇аа вимарияаад̣̇игад̇зна жзд̇асаа вихаранд̇ий’’д̇и. жад̇уд̇т̇ам̣.
‘‘Yato ca kho, bhikkhave, sattā imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññaṃsu, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādikatena cetasā viharantī’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ножзд̣̇ам̣суд̇д̇аван̣н̣анаа • 4. Nocedaṃsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. ножзд̣̇ам̣суд̇д̇аван̣н̣анаа • 4. Nocedaṃsuttavaṇṇanā
