| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਨੋਚੇਦਂਸੁਤ੍ਤਂ
4. Nocedaṃsuttaṃ
੧੧੭. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਨੋ ਚੇਦਂ, ਭਿਕ੍ਖવੇ, ਪਥવੀਧਾਤੁਯਾ ਅਸ੍ਸਾਦੋ ਅਭવਿਸ੍ਸ, ਨਯਿਦਂ ਸਤ੍ਤਾ ਪਥવੀਧਾਤੁਯਾ ਸਾਰਜ੍ਜੇਯ੍ਯੁਂ । ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਪਥવੀਧਾਤੁਯਾ ਅਸ੍ਸਾਦੋ, ਤਸ੍ਮਾ ਸਤ੍ਤਾ ਪਥવੀਧਾਤੁਯਾ ਸਾਰਜ੍ਜਨ੍ਤਿ। ਨੋ ਚੇਦਂ, ਭਿਕ੍ਖવੇ, ਪਥવੀਧਾਤੁਯਾ ਆਦੀਨવੋ ਅਭવਿਸ੍ਸ, ਨਯਿਦਂ ਸਤ੍ਤਾ ਪਥવੀਧਾਤੁਯਾ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਪਥવੀਧਾਤੁਯਾ ਆਦੀਨવੋ, ਤਸ੍ਮਾ ਸਤ੍ਤਾ ਪਥવੀਧਾਤੁਯਾ ਨਿਬ੍ਬਿਨ੍ਦਨ੍ਤਿ। ਨੋ ਚੇਦਂ, ਭਿਕ੍ਖવੇ, ਪਥવੀਧਾਤੁਯਾ ਨਿਸ੍ਸਰਣਂ ਅਭવਿਸ੍ਸ, ਨਯਿਦਂ ਸਤ੍ਤਾ ਪਥવੀਧਾਤੁਯਾ ਨਿਸ੍ਸਰੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ ਪਥવੀਧਾਤੁਯਾ ਨਿਸ੍ਸਰਣਂ, ਤਸ੍ਮਾ ਸਤ੍ਤਾ ਪਥવੀਧਾਤੁਯਾ ਨਿਸ੍ਸਰਨ੍ਤਿ’’।
117. Sāvatthiyaṃ viharati…pe… ‘‘no cedaṃ, bhikkhave, pathavīdhātuyā assādo abhavissa, nayidaṃ sattā pathavīdhātuyā sārajjeyyuṃ . Yasmā ca kho, bhikkhave, atthi pathavīdhātuyā assādo, tasmā sattā pathavīdhātuyā sārajjanti. No cedaṃ, bhikkhave, pathavīdhātuyā ādīnavo abhavissa, nayidaṃ sattā pathavīdhātuyā nibbindeyyuṃ. Yasmā ca kho, bhikkhave, atthi pathavīdhātuyā ādīnavo, tasmā sattā pathavīdhātuyā nibbindanti. No cedaṃ, bhikkhave, pathavīdhātuyā nissaraṇaṃ abhavissa, nayidaṃ sattā pathavīdhātuyā nissareyyuṃ. Yasmā ca kho, bhikkhave, atthi pathavīdhātuyā nissaraṇaṃ, tasmā sattā pathavīdhātuyā nissaranti’’.
‘‘ਨੋ ਚੇਦਂ, ਭਿਕ੍ਖવੇ, ਆਪੋਧਾਤੁਯਾ ਅਸ੍ਸਾਦੋ ਅਭવਿਸ੍ਸ…ਪੇ॰… ਨੋ ਚੇਦਂ, ਭਿਕ੍ਖવੇ, ਤੇਜੋਧਾਤੁਯਾ…ਪੇ॰… ਨੋ ਚੇਦਂ, ਭਿਕ੍ਖવੇ, વਾਯੋਧਾਤੁਯਾ ਅਸ੍ਸਾਦੋ ਅਭવਿਸ੍ਸ, ਨਯਿਦਂ ਸਤ੍ਤਾ વਾਯੋਧਾਤੁਯਾ ਸਾਰਜ੍ਜੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ વਾਯੋਧਾਤੁਯਾ ਅਸ੍ਸਾਦੋ, ਤਸ੍ਮਾ ਸਤ੍ਤਾ વਾਯੋਧਾਤੁਯਾ ਸਾਰਜ੍ਜਨ੍ਤਿ। ਨੋ ਚੇਦਂ, ਭਿਕ੍ਖવੇ, વਾਯੋਧਾਤੁਯਾ ਆਦੀਨવੋ ਅਭવਿਸ੍ਸ, ਨਯਿਦਂ ਸਤ੍ਤਾ વਾਯੋਧਾਤੁਯਾ ਨਿਬ੍ਬਿਨ੍ਦੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ વਾਯੋਧਾਤੁਯਾ ਆਦੀਨવੋ, ਤਸ੍ਮਾ ਸਤ੍ਤਾ વਾਯੋਧਾਤੁਯਾ ਨਿਬ੍ਬਿਨ੍ਦਨ੍ਤਿ। ਨੋ ਚੇਦਂ, ਭਿਕ੍ਖવੇ, વਾਯੋਧਾਤੁਯਾ ਨਿਸ੍ਸਰਣਂ ਅਭવਿਸ੍ਸ, ਨਯਿਦਂ ਸਤ੍ਤਾ વਾਯੋਧਾਤੁਯਾ ਨਿਸ੍ਸਰੇਯ੍ਯੁਂ। ਯਸ੍ਮਾ ਚ ਖੋ, ਭਿਕ੍ਖવੇ, ਅਤ੍ਥਿ વਾਯੋਧਾਤੁਯਾ ਨਿਸ੍ਸਰਣਂ, ਤਸ੍ਮਾ ਸਤ੍ਤਾ વਾਯੋਧਾਤੁਯਾ ਨਿਸ੍ਸਰਨ੍ਤਿ।
‘‘No cedaṃ, bhikkhave, āpodhātuyā assādo abhavissa…pe… no cedaṃ, bhikkhave, tejodhātuyā…pe… no cedaṃ, bhikkhave, vāyodhātuyā assādo abhavissa, nayidaṃ sattā vāyodhātuyā sārajjeyyuṃ. Yasmā ca kho, bhikkhave, atthi vāyodhātuyā assādo, tasmā sattā vāyodhātuyā sārajjanti. No cedaṃ, bhikkhave, vāyodhātuyā ādīnavo abhavissa, nayidaṃ sattā vāyodhātuyā nibbindeyyuṃ. Yasmā ca kho, bhikkhave, atthi vāyodhātuyā ādīnavo, tasmā sattā vāyodhātuyā nibbindanti. No cedaṃ, bhikkhave, vāyodhātuyā nissaraṇaṃ abhavissa, nayidaṃ sattā vāyodhātuyā nissareyyuṃ. Yasmā ca kho, bhikkhave, atthi vāyodhātuyā nissaraṇaṃ, tasmā sattā vāyodhātuyā nissaranti.
‘‘ਯਾવਕੀવਞ੍ਚਿਮੇ, ਭਿਕ੍ਖવੇ, ਸਤ੍ਤਾ ਇਮਾਸਂ ਚਤੁਨ੍ਨਂ ਧਾਤੂਨਂ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਨ ਅਬ੍ਭਞ੍ਞਂਸੁ, ਨੇવ ਤਾવਿਮੇ ਭਿਕ੍ਖવੇ, ਸਤ੍ਤਾ ਸਦੇવਕਾ ਲੋਕਾ ਸਮਾਰਕਾ ਸਬ੍ਰਹ੍ਮਕਾ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਨਿਸ੍ਸਟਾ વਿਸਂਯੁਤ੍ਤਾ વਿਪ੍ਪਮੁਤ੍ਤਾ વਿਮਰਿਯਾਦਿਕਤੇਨ ਚੇਤਸਾ વਿਹਰਿਂਸੁ।
‘‘Yāvakīvañcime, bhikkhave, sattā imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ na abbhaññaṃsu, neva tāvime bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādikatena cetasā vihariṃsu.
‘‘ਯਤੋ ਚ ਖੋ, ਭਿਕ੍ਖવੇ, ਸਤ੍ਤਾ ਇਮਾਸਂ ਚਤੁਨ੍ਨਂ ਧਾਤੂਨਂ ਅਸ੍ਸਾਦਞ੍ਚ ਅਸ੍ਸਾਦਤੋ ਆਦੀਨવਞ੍ਚ ਆਦੀਨવਤੋ ਨਿਸ੍ਸਰਣਞ੍ਚ ਨਿਸ੍ਸਰਣਤੋ ਯਥਾਭੂਤਂ ਅਬ੍ਭਞ੍ਞਂਸੁ, ਅਥ, ਭਿਕ੍ਖવੇ, ਸਤ੍ਤਾ ਸਦੇવਕਾ ਲੋਕਾ ਸਮਾਰਕਾ ਸਬ੍ਰਹ੍ਮਕਾ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਨਿਸ੍ਸਟਾ વਿਸਂਯੁਤ੍ਤਾ વਿਪ੍ਪਮੁਤ੍ਤਾ વਿਮਰਿਯਾਦਿਕਤੇਨ ਚੇਤਸਾ વਿਹਰਨ੍ਤੀ’’ਤਿ। ਚਤੁਤ੍ਥਂ।
‘‘Yato ca kho, bhikkhave, sattā imāsaṃ catunnaṃ dhātūnaṃ assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññaṃsu, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādikatena cetasā viharantī’’ti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਨੋਚੇਦਂਸੁਤ੍ਤવਣ੍ਣਨਾ • 4. Nocedaṃsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਨੋਚੇਦਂਸੁਤ੍ਤવਣ੍ਣਨਾ • 4. Nocedaṃsuttavaṇṇanā
