| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. நோசேத³ங்ஸுத்தவண்ணனா
4. Nocedaṃsuttavaṇṇanā
117. சதுத்தே² நிஸ்ஸடாதிஆதீ³னி ஆதி³தோ வுத்தபடிஸேதே⁴ன யோஜெத்வா ‘‘ந நிஸ்ஸடா, ந விஸங்யுத்தா, ந விப்பமுத்தா, ந விமரியாதி³கதேன சேதஸா விஹரிங்ஸூ’’தி ஏவங் வேதி³தப்³பா³னி. து³தியனயே விமரியாதி³கதேனாதி நிம்மரியாதி³கதேன. தத்த² து³விதா⁴ மரியாதா³ கிலேஸமரியாதா³ வட்டமரியாதா³தி. தத்த² ச யஸ்ஸ உபட்³டா⁴ கிலேஸா பஹீனா, உபட்³டா⁴ அப்பஹீனா, வட்டங் வா பன உபட்³ட⁴ங் பஹீனங், உபட்³ட⁴ங் அப்பஹீனங், தஸ்ஸ சித்தங் பஹீனகிலேஸே வா வட்டங் வா ஸந்தா⁴ய விமரியாதி³கதங், அப்பஹீனகிலேஸே வா வட்டங் வா ஸந்தா⁴ய ந விமரியாதி³கதங். இத⁴ பன உப⁴யஸ்ஸாபி பஹீனத்தா ‘‘விமரியாதி³கதேன சேதஸா’’தி வுத்தங், மரியாத³ங் அகத்வா டி²தேன அதிக்கந்தமரியாதே³ன சேதஸாதி அத்தோ². இதி தீஸுபி இமேஸு ஸுத்தேஸு சதுஸச்சமேவ கதி²தங். சதுத்த²ங்.
117. Catutthe nissaṭātiādīni ādito vuttapaṭisedhena yojetvā ‘‘na nissaṭā, na visaṃyuttā, na vippamuttā, na vimariyādikatena cetasā vihariṃsū’’ti evaṃ veditabbāni. Dutiyanaye vimariyādikatenāti nimmariyādikatena. Tattha duvidhā mariyādā kilesamariyādā vaṭṭamariyādāti. Tattha ca yassa upaḍḍhā kilesā pahīnā, upaḍḍhā appahīnā, vaṭṭaṃ vā pana upaḍḍhaṃ pahīnaṃ, upaḍḍhaṃ appahīnaṃ, tassa cittaṃ pahīnakilese vā vaṭṭaṃ vā sandhāya vimariyādikataṃ, appahīnakilese vā vaṭṭaṃ vā sandhāya na vimariyādikataṃ. Idha pana ubhayassāpi pahīnattā ‘‘vimariyādikatena cetasā’’ti vuttaṃ, mariyādaṃ akatvā ṭhitena atikkantamariyādena cetasāti attho. Iti tīsupi imesu suttesu catusaccameva kathitaṃ. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. நோசேத³ங்ஸுத்தங் • 4. Nocedaṃsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. நோசேத³ங்ஸுத்தவண்ணனா • 4. Nocedaṃsuttavaṇṇanā
