| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. โนเจทํสุตฺตวณฺณนา
4. Nocedaṃsuttavaṇṇanā
๑๑๗. จตุเตฺถ นิสฺสฎาติอาทีนิ อาทิโต วุตฺตปฎิเสเธน โยเชตฺวา ‘‘น นิสฺสฎา, น วิสํยุตฺตา, น วิปฺปมุตฺตา, น วิมริยาทิกเตน เจตสา วิหริํสู’’ติ เอวํ เวทิตพฺพานิฯ ทุติยนเย วิมริยาทิกเตนาติ นิมฺมริยาทิกเตนฯ ตตฺถ ทุวิธา มริยาทา กิเลสมริยาทา วฎฺฎมริยาทาติฯ ตตฺถ จ ยสฺส อุปฑฺฒา กิเลสา ปหีนา, อุปฑฺฒา อปฺปหีนา, วฎฺฎํ วา ปน อุปฑฺฒํ ปหีนํ, อุปฑฺฒํ อปฺปหีนํ, ตสฺส จิตฺตํ ปหีนกิเลเส วา วฎฺฎํ วา สนฺธาย วิมริยาทิกตํ, อปฺปหีนกิเลเส วา วฎฺฎํ วา สนฺธาย น วิมริยาทิกตํฯ อิธ ปน อุภยสฺสาปิ ปหีนตฺตา ‘‘วิมริยาทิกเตน เจตสา’’ติ วุตฺตํ, มริยาทํ อกตฺวา ฐิเตน อติกฺกนฺตมริยาเทน เจตสาติ อโตฺถฯ อิติ ตีสุปิ อิเมสุ สุเตฺตสุ จตุสจฺจเมว กถิตํฯ จตุตฺถํฯ
117. Catutthe nissaṭātiādīni ādito vuttapaṭisedhena yojetvā ‘‘na nissaṭā, na visaṃyuttā, na vippamuttā, na vimariyādikatena cetasā vihariṃsū’’ti evaṃ veditabbāni. Dutiyanaye vimariyādikatenāti nimmariyādikatena. Tattha duvidhā mariyādā kilesamariyādā vaṭṭamariyādāti. Tattha ca yassa upaḍḍhā kilesā pahīnā, upaḍḍhā appahīnā, vaṭṭaṃ vā pana upaḍḍhaṃ pahīnaṃ, upaḍḍhaṃ appahīnaṃ, tassa cittaṃ pahīnakilese vā vaṭṭaṃ vā sandhāya vimariyādikataṃ, appahīnakilese vā vaṭṭaṃ vā sandhāya na vimariyādikataṃ. Idha pana ubhayassāpi pahīnattā ‘‘vimariyādikatena cetasā’’ti vuttaṃ, mariyādaṃ akatvā ṭhitena atikkantamariyādena cetasāti attho. Iti tīsupi imesu suttesu catusaccameva kathitaṃ. Catutthaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. โนเจทํสุตฺตํ • 4. Nocedaṃsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. โนเจทํสุตฺตวณฺณนา • 4. Nocedaṃsuttavaṇṇanā
