| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༤. ནོཙེདཾསུཏྟཝཎྞནཱ
4. Nocedaṃsuttavaṇṇanā
༡༡༧. ཙཏུཏྠེ ནིསྶཊཱཏིཨཱདཱིནི ཨཱདིཏོ ཝུཏྟཔཊིསེདྷེན ཡོཛེཏྭཱ ‘‘ན ནིསྶཊཱ, ན ཝིསཾཡུཏྟཱ, ན ཝིཔྤམུཏྟཱ, ན ཝིམརིཡཱདིཀཏེན ཙེཏསཱ ཝིཧརིཾསཱུ’’ཏི ཨེཝཾ ཝེདིཏབྦཱནི། དུཏིཡནཡེ ཝིམརིཡཱདིཀཏེནཱཏི ནིམྨརིཡཱདིཀཏེན། ཏཏྠ དུཝིདྷཱ མརིཡཱདཱ ཀིལེསམརིཡཱདཱ ཝཊྚམརིཡཱདཱཏི། ཏཏྠ ཙ ཡསྶ ཨུཔཌྜྷཱ ཀིལེསཱ པཧཱིནཱ, ཨུཔཌྜྷཱ ཨཔྤཧཱིནཱ, ཝཊྚཾ ཝཱ པན ཨུཔཌྜྷཾ པཧཱིནཾ, ཨུཔཌྜྷཾ ཨཔྤཧཱིནཾ, ཏསྶ ཙིཏྟཾ པཧཱིནཀིལེསེ ཝཱ ཝཊྚཾ ཝཱ སནྡྷཱཡ ཝིམརིཡཱདིཀཏཾ, ཨཔྤཧཱིནཀིལེསེ ཝཱ ཝཊྚཾ ཝཱ སནྡྷཱཡ ན ཝིམརིཡཱདིཀཏཾ། ཨིདྷ པན ཨུབྷཡསྶཱཔི པཧཱིནཏྟཱ ‘‘ཝིམརིཡཱདིཀཏེན ཙེཏསཱ’’ཏི ཝུཏྟཾ, མརིཡཱདཾ ཨཀཏྭཱ ཋིཏེན ཨཏིཀྐནྟམརིཡཱདེན ཙེཏསཱཏི ཨཏྠོ། ཨིཏི ཏཱིསུཔི ཨིམེསུ སུཏྟེསུ ཙཏུསཙྩམེཝ ཀཐིཏཾ། ཙཏུཏྠཾ།
117. Catutthe nissaṭātiādīni ādito vuttapaṭisedhena yojetvā ‘‘na nissaṭā, na visaṃyuttā, na vippamuttā, na vimariyādikatena cetasā vihariṃsū’’ti evaṃ veditabbāni. Dutiyanaye vimariyādikatenāti nimmariyādikatena. Tattha duvidhā mariyādā kilesamariyādā vaṭṭamariyādāti. Tattha ca yassa upaḍḍhā kilesā pahīnā, upaḍḍhā appahīnā, vaṭṭaṃ vā pana upaḍḍhaṃ pahīnaṃ, upaḍḍhaṃ appahīnaṃ, tassa cittaṃ pahīnakilese vā vaṭṭaṃ vā sandhāya vimariyādikataṃ, appahīnakilese vā vaṭṭaṃ vā sandhāya na vimariyādikataṃ. Idha pana ubhayassāpi pahīnattā ‘‘vimariyādikatena cetasā’’ti vuttaṃ, mariyādaṃ akatvā ṭhitena atikkantamariyādena cetasāti attho. Iti tīsupi imesu suttesu catusaccameva kathitaṃ. Catutthaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༤. ནོཙེདཾསུཏྟཾ • 4. Nocedaṃsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. ནོཙེདཾསུཏྟཝཎྞནཱ • 4. Nocedaṃsuttavaṇṇanā
