| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਨੋਚੇਦਂਸੁਤ੍ਤવਣ੍ਣਨਾ
4. Nocedaṃsuttavaṇṇanā
੧੧੭. ਚਤੁਤ੍ਥੇ ਨਿਸ੍ਸਟਾਤਿਆਦੀਨਿ ਆਦਿਤੋ વੁਤ੍ਤਪਟਿਸੇਧੇਨ ਯੋਜੇਤ੍વਾ ‘‘ਨ ਨਿਸ੍ਸਟਾ, ਨ વਿਸਂਯੁਤ੍ਤਾ, ਨ વਿਪ੍ਪਮੁਤ੍ਤਾ, ਨ વਿਮਰਿਯਾਦਿਕਤੇਨ ਚੇਤਸਾ વਿਹਰਿਂਸੂ’’ਤਿ ਏવਂ વੇਦਿਤਬ੍ਬਾਨਿ। ਦੁਤਿਯਨਯੇ વਿਮਰਿਯਾਦਿਕਤੇਨਾਤਿ ਨਿਮ੍ਮਰਿਯਾਦਿਕਤੇਨ। ਤਤ੍ਥ ਦੁવਿਧਾ ਮਰਿਯਾਦਾ ਕਿਲੇਸਮਰਿਯਾਦਾ વਟ੍ਟਮਰਿਯਾਦਾਤਿ। ਤਤ੍ਥ ਚ ਯਸ੍ਸ ਉਪਡ੍ਢਾ ਕਿਲੇਸਾ ਪਹੀਨਾ, ਉਪਡ੍ਢਾ ਅਪ੍ਪਹੀਨਾ, વਟ੍ਟਂ વਾ ਪਨ ਉਪਡ੍ਢਂ ਪਹੀਨਂ, ਉਪਡ੍ਢਂ ਅਪ੍ਪਹੀਨਂ, ਤਸ੍ਸ ਚਿਤ੍ਤਂ ਪਹੀਨਕਿਲੇਸੇ વਾ વਟ੍ਟਂ વਾ ਸਨ੍ਧਾਯ વਿਮਰਿਯਾਦਿਕਤਂ, ਅਪ੍ਪਹੀਨਕਿਲੇਸੇ વਾ વਟ੍ਟਂ વਾ ਸਨ੍ਧਾਯ ਨ વਿਮਰਿਯਾਦਿਕਤਂ। ਇਧ ਪਨ ਉਭਯਸ੍ਸਾਪਿ ਪਹੀਨਤ੍ਤਾ ‘‘વਿਮਰਿਯਾਦਿਕਤੇਨ ਚੇਤਸਾ’’ਤਿ વੁਤ੍ਤਂ, ਮਰਿਯਾਦਂ ਅਕਤ੍વਾ ਠਿਤੇਨ ਅਤਿਕ੍ਕਨ੍ਤਮਰਿਯਾਦੇਨ ਚੇਤਸਾਤਿ ਅਤ੍ਥੋ। ਇਤਿ ਤੀਸੁਪਿ ਇਮੇਸੁ ਸੁਤ੍ਤੇਸੁ ਚਤੁਸਚ੍ਚਮੇવ ਕਥਿਤਂ। ਚਤੁਤ੍ਥਂ।
117. Catutthe nissaṭātiādīni ādito vuttapaṭisedhena yojetvā ‘‘na nissaṭā, na visaṃyuttā, na vippamuttā, na vimariyādikatena cetasā vihariṃsū’’ti evaṃ veditabbāni. Dutiyanaye vimariyādikatenāti nimmariyādikatena. Tattha duvidhā mariyādā kilesamariyādā vaṭṭamariyādāti. Tattha ca yassa upaḍḍhā kilesā pahīnā, upaḍḍhā appahīnā, vaṭṭaṃ vā pana upaḍḍhaṃ pahīnaṃ, upaḍḍhaṃ appahīnaṃ, tassa cittaṃ pahīnakilese vā vaṭṭaṃ vā sandhāya vimariyādikataṃ, appahīnakilese vā vaṭṭaṃ vā sandhāya na vimariyādikataṃ. Idha pana ubhayassāpi pahīnattā ‘‘vimariyādikatena cetasā’’ti vuttaṃ, mariyādaṃ akatvā ṭhitena atikkantamariyādena cetasāti attho. Iti tīsupi imesu suttesu catusaccameva kathitaṃ. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਨੋਚੇਦਂਸੁਤ੍ਤਂ • 4. Nocedaṃsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਨੋਚੇਦਂਸੁਤ੍ਤવਣ੍ਣਨਾ • 4. Nocedaṃsuttavaṇṇanā
