| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. нобариязсанаанаанад̇д̇асуд̇д̇ам̣
8. Nopariyesanānānattasuttaṃ
92. саавад̇т̇ияам̣ вихарад̇и…бз… ‘‘д̇хаад̇унаанад̇д̇ам̣, бхигкавз, бадижжа уббаж̇ж̇ад̇и сан̃н̃аанаанад̇д̇ам̣, сан̃н̃аанаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣, сан̇габбанаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, чанд̣̇анаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣, барил̣ааханаанад̇д̇ам̣ бадижжа уббаж̇ж̇ад̇и бариязсанаанаанад̇д̇ам̣; но бариязсанаанаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣ , но барил̣ааханаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, но чанд̣̇анаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣ , но сан̇габбанаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, но сан̃н̃аанаанад̇д̇ам̣ бадижжа уббаж̇ж̇ад̇и д̇хаад̇унаанад̇д̇ам̣. гад̇аман̃жа, бхигкавз, д̇хаад̇унаанад̇д̇ам̣? руубад̇хаад̇у…бз… д̇хаммад̇хаад̇у – ид̣̇ам̣ вужжад̇и, бхигкавз, д̇хаад̇унаанад̇д̇ам̣’’.
92. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ, saṅkappanānattaṃ paṭicca uppajjati chandanānattaṃ, chandanānattaṃ paṭicca uppajjati pariḷāhanānattaṃ, pariḷāhanānattaṃ paṭicca uppajjati pariyesanānānattaṃ; no pariyesanānānattaṃ paṭicca uppajjati pariḷāhanānattaṃ , no pariḷāhanānattaṃ paṭicca uppajjati chandanānattaṃ, no chandanānattaṃ paṭicca uppajjati saṅkappanānattaṃ , no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānattaṃ. Katamañca, bhikkhave, dhātunānattaṃ? Rūpadhātu…pe… dhammadhātu – idaṃ vuccati, bhikkhave, dhātunānattaṃ’’.
‘‘гат̇ан̃жа , бхигкавз, д̇хаад̇унаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, сан̃н̃аанаанад̇д̇ам̣ бадижжа уббаж̇ж̇ад̇и…бз… бариязсанаанаанад̇д̇ам̣; но бариязсанаанаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣, но барил̣ааханаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, но чанд̣̇анаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣, но сан̇габбанаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, но сан̃н̃аанаанад̇д̇ам̣ бадижжа уббаж̇ж̇ад̇и д̇хаад̇унаанад̇д̇ам̣?
‘‘Kathañca , bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati…pe… pariyesanānānattaṃ; no pariyesanānānattaṃ paṭicca uppajjati pariḷāhanānattaṃ, no pariḷāhanānattaṃ paṭicca uppajjati chandanānattaṃ, no chandanānattaṃ paṭicca uppajjati saṅkappanānattaṃ, no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānattaṃ?
‘‘руубад̇хаад̇ум̣, бхигкавз, бадижжа уббаж̇ж̇ад̇и руубасан̃н̃аа…бз… д̇хаммад̇хаад̇ум̣ бадижжа уббаж̇ж̇ад̇и д̇хаммасан̃н̃аа, д̇хаммасан̃н̃ам̣ бадижжа уббаж̇ж̇ад̇и…бз… д̇хаммабариязсанаа; но д̇хаммабариязсанам̣ бадижжа уббаж̇ж̇ад̇и д̇хаммабарил̣аахо, но д̇хаммабарил̣аахам̣ бадижжа уббаж̇ж̇ад̇и д̇хаммажчанд̣̇о, но д̇хаммажчанд̣̇ам̣ бадижжа уббаж̇ж̇ад̇и д̇хаммасан̇габбо, но д̇хаммасан̇габбам̣ бадижжа уббаж̇ж̇ад̇и д̇хаммасан̃н̃аа, но д̇хаммасан̃н̃ам̣ бадижжа уббаж̇ж̇ад̇и д̇хаммад̇хаад̇у.
‘‘Rūpadhātuṃ, bhikkhave, paṭicca uppajjati rūpasaññā…pe… dhammadhātuṃ paṭicca uppajjati dhammasaññā, dhammasaññaṃ paṭicca uppajjati…pe… dhammapariyesanā; no dhammapariyesanaṃ paṭicca uppajjati dhammapariḷāho, no dhammapariḷāhaṃ paṭicca uppajjati dhammacchando, no dhammacchandaṃ paṭicca uppajjati dhammasaṅkappo, no dhammasaṅkappaṃ paṭicca uppajjati dhammasaññā, no dhammasaññaṃ paṭicca uppajjati dhammadhātu.
‘‘звам̣ ко, бхигкавз, д̇хаад̇унаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, сан̃н̃аанаанад̇д̇ам̣ бадижжа уббаж̇ж̇ад̇и…бз… бариязсанаанаанад̇д̇ам̣; но бариязсанаанаанад̇д̇ам̣ бадижжа уббаж̇ж̇ад̇и барил̣ааханаанад̇д̇ам̣, но барил̣ааханаанад̇д̇ам̣ бадижжа уббаж̇ж̇ад̇и чанд̣̇анаанад̇д̇ам̣, но чанд̣̇анаанад̇д̇ам̣ бадижжа уббаж̇ж̇ад̇и сан̇габбанаанад̇д̇ам̣, но сан̇габбанаанад̇д̇ам̣ бадижжа уббаж̇ж̇ад̇и сан̃н̃аанаанад̇д̇ам̣, но сан̃н̃аанаанад̇д̇ам̣ бадижжа уббаж̇ж̇ад̇и д̇хаад̇унаанад̇д̇а’’нд̇и. адтамам̣.
‘‘Evaṃ kho, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati…pe… pariyesanānānattaṃ; no pariyesanānānattaṃ paṭicca uppajjati pariḷāhanānattaṃ, no pariḷāhanānattaṃ paṭicca uppajjati chandanānattaṃ, no chandanānattaṃ paṭicca uppajjati saṅkappanānattaṃ, no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānatta’’nti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. нобариязсанаанаанад̇д̇асуд̇д̇аван̣н̣анаа • 8. Nopariyesanānānattasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. нобариязсанаанаанад̇д̇асуд̇д̇аван̣н̣анаа • 8. Nopariyesanānānattasuttavaṇṇanā
