| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
ноубаад̣̇аабхааж̇анийяагат̇ааван̣н̣анаа
Noupādābhājanīyakathāvaṇṇanā
646. на убаад̣̇ияад̇зваад̇и на ниссаяад̇и зва, гинд̇у ниссаяад̇и жа ниссийяад̇и жаад̇и ад̇т̇о.
646. Na upādiyatevāti na nissayati eva, kintu nissayati ca nissīyati cāti attho.
647. буримаа банаад̇и бан̃жавид̇хасан̇г̇ахз бат̇авийд̇хаад̇уаабод̇хаад̇уд̇зж̇од̇хаад̇увааяод̇хаад̇уунам̣ буримуд̣̇д̣̇зсавасзна вуд̇д̇ам̣. подтаб̣б̣ааяад̇ананид̣̇д̣̇зсз ваа вуд̇д̇аанам̣ бат̇авийд̇хаад̇уаад̣̇ийнам̣ буримаа уд̣̇д̣̇зсз вуд̇д̇аа аабод̇хаад̇ууд̇и ад̇хиббааяо, вуд̇д̇асса ваа подтаб̣б̣ааяад̇анасса ад̇ийд̇ад̇ааяа бажчимад̇аа, анааг̇ад̇ад̇ааяа жа аабод̇хаад̇уяаа буримад̇аа вуд̇д̇аад̇и д̣̇адтаб̣б̣аа. ааяууд̇и ж̇ийвид̇инд̣̇рияам̣. гаммаж̇ад̇зж̇ам̣ усмаа. яам̣ гин̃жи д̇хаад̇ум̣…бз… згаббахаарзна нуббаж̇ж̇ад̇ийд̇и згасмим̣ кан̣з анзгаасу бат̇авийсу аабаат̇аг̇ад̇аасу д̇аасу д̇аасу саха нуббаж̇ж̇ад̇и, д̇ат̇аа д̇зж̇авааяуусу жаад̇и ад̇т̇о. анзгзсу аарамман̣зсу саннибад̇ид̇зсу аабхуж̇ид̇авасзна аарамман̣абасаад̣̇аад̇химад̇д̇ад̇аавасзна жа батамам̣ гад̇т̇ажи уббад̇д̇и д̣̇ассид̇аа, ан̃н̃ад̇т̇а жа бана уббад̇д̇и ад̇т̇и зва. сааяам̣ аарамман̣ад̇о аарамман̣анд̇арасан̇ганд̇и язна убааязна ход̇и, д̇асса виж̇аананад̇т̇ам̣ бужчад̇и ‘‘гат̇ам̣ бана жид̇д̇асса аарамман̣ад̇о сан̇ганд̇и ход̇ий’’д̇и.
647. Purimā panāti pañcavidhasaṅgahe pathavīdhātuāpodhātutejodhātuvāyodhātūnaṃ purimuddesavasena vuttaṃ. Phoṭṭhabbāyatananiddese vā vuttānaṃ pathavīdhātuādīnaṃ purimā uddese vuttā āpodhātūti adhippāyo, vuttassa vā phoṭṭhabbāyatanassa atītatāya pacchimatā, anāgatatāya ca āpodhātuyā purimatā vuttāti daṭṭhabbā. Āyūti jīvitindriyaṃ. Kammajatejaṃ usmā. Yaṃ kiñci dhātuṃ…pe… ekappahārena nuppajjatīti ekasmiṃ khaṇe anekāsu pathavīsu āpāthagatāsu tāsu tāsu saha nuppajjati, tathā tejavāyūsu cāti attho. Anekesu ārammaṇesu sannipatitesu ābhujitavasena ārammaṇapasādādhimattatāvasena ca paṭhamaṃ katthaci uppatti dassitā, aññattha ca pana uppatti atthi eva. Sāyaṃ ārammaṇato ārammaṇantarasaṅkanti yena upāyena hoti, tassa vijānanatthaṃ pucchati ‘‘kathaṃ pana cittassa ārammaṇato saṅkanti hotī’’ti.
651. аяабин̣д̣иаад̣̇ийсу бат̇авийд̇хаад̇у д̇аад̣̇исааяа аабод̇хаад̇уяаа анааб̣ад̣̇д̇хаа санд̇ий висарзяяа, д̇асмаа ‘‘д̇аани аабод̇хаад̇у ааб̣анд̇хид̇ваа б̣ад̣̇д̇хаани гарод̇ий’’д̇и вуд̇д̇ам̣. яат̇аа хи яуд̇д̇аббамаан̣ам̣ уд̣̇агам̣ бам̣сужун̣н̣аани ааб̣анд̇хид̇ваа мад̇д̇игаабин̣д̣ам̣ гад̇ваа табзд̇и, звам̣ аяобин̣д̣иаад̣̇ийсуби д̇ад̣̇ануруубабажжаязхи д̇ад̇т̇зва уббаннаа аабод̇хаад̇у д̇ат̇аа ааб̣анд̇хид̇ваа табзд̇ийд̇и д̣̇адтаб̣б̣аа.
651. Ayapiṇḍiādīsu pathavīdhātu tādisāya āpodhātuyā anābaddhā santī visareyya, tasmā ‘‘tāni āpodhātu ābandhitvā baddhāni karotī’’ti vuttaṃ. Yathā hi yuttappamāṇaṃ udakaṃ paṃsucuṇṇāni ābandhitvā mattikāpiṇḍaṃ katvā ṭhapeti, evaṃ ayopiṇḍiādīsupi tadanurūpapaccayehi tattheva uppannā āpodhātu tathā ābandhitvā ṭhapetīti daṭṭhabbā.
апусид̇ваа бад̇идтаа ход̇ийд̇и аабод̇хаад̇уяаа аподтаб̣б̣абхаавад̇о вуд̇д̇ам̣, д̇ат̇аа ‘‘апусид̇ваава ааб̣анд̇хад̇ий’’д̇и. на хи яат̇аа подтаб̣б̣ад̇хаад̇уунам̣ подтаб̣б̣абхаавзна ан̃н̃аман̃н̃аниссаяад̇аа, звам̣ подтаб̣б̣ааподтаб̣б̣ад̇хаад̇уунам̣ ход̇ийд̇и ад̇хиббааяо взд̣̇ид̇аб̣б̣о. авиниб̣бхог̇авуд̇д̇ийсу хи бхууд̇зсу ан̃н̃аман̃н̃аниссаяад̇аа ан̃н̃аман̃н̃абажжаяабхууд̇зсу на саггаа ниваарзд̇ум̣, нааби сахаж̇аад̇зсу авиниб̣бхог̇ад̇ааяа згийбхууд̇зсу пусанаапусанаани вижаарзд̇ум̣ яуд̇д̇аанийд̇и. на ун̣хаа худ̇ваа жхааяад̇ийд̇и д̇зж̇осабхаавад̇ам̣язва бадигкибад̇и, на сийд̇ад̇д̇ам̣ ануж̇аанаад̇и, д̇зж̇осабхаавабадигкзбзнзва жа сийд̇ад̇д̇ан̃жа бадигкид̇д̇ам̣ ход̇и. д̇зж̇о зва хи сийд̇ам̣ химабаад̇асамаяаад̣̇ийсу сийд̇асса барибаажагад̇аад̣̇ассанад̇о, сийд̇ун̣хаанан̃жа ан̃н̃аман̃н̃абадибагкабхаавад̇о ун̣хзна саха на сийд̇ам̣ бхууд̇анд̇арам̣ бавад̇д̇ад̇ийд̇и яуж̇ж̇ад̇и. ун̣хагалаабз бана сийд̇асса аббавад̇д̇и сийд̇агалаабз жа ун̣хасса д̣̇виннам̣ ан̃н̃аман̃н̃абадибагкад̇д̇аа д̇зж̇овисзсабхаавз яуж̇ж̇ад̇ийд̇и. бхааван̃н̃ат̇ад̇д̇анд̇и караанам̣ г̇ул̣аад̣̇ийнам̣ д̣̇авад̇аа муд̣̇уд̇аа расаад̣̇ийнан̃жа д̣̇аваанам̣ карад̇аа бажжаяависзсзхи омад̇д̇аад̇химад̇д̇абат̇авийд̇хаад̇уаад̣̇игаанам̣ уббад̇д̇и. лагкан̣ан̃н̃ат̇ад̇д̇ам̣ гагкал̣аад̣̇илагкан̣авиж̇аханам̣, д̇ам̣ зд̇зсам̣ на ход̇и, омад̇д̇аад̇химад̇д̇ад̇аасан̇каад̇ам̣ бхааван̃н̃ат̇ад̇д̇ам̣язва ход̇ийд̇и ад̇т̇о.
Aphusitvā patiṭṭhā hotīti āpodhātuyā aphoṭṭhabbabhāvato vuttaṃ, tathā ‘‘aphusitvāva ābandhatī’’ti. Na hi yathā phoṭṭhabbadhātūnaṃ phoṭṭhabbabhāvena aññamaññanissayatā, evaṃ phoṭṭhabbāphoṭṭhabbadhātūnaṃ hotīti adhippāyo veditabbo. Avinibbhogavuttīsu hi bhūtesu aññamaññanissayatā aññamaññapaccayabhūtesu na sakkā nivāretuṃ, nāpi sahajātesu avinibbhogatāya ekībhūtesu phusanāphusanāni vicāretuṃ yuttānīti. Na uṇhā hutvā jhāyatīti tejosabhāvataṃyeva paṭikkhipati, na sītattaṃ anujānāti, tejosabhāvapaṭikkhepeneva ca sītattañca paṭikkhittaṃ hoti. Tejo eva hi sītaṃ himapātasamayādīsu sītassa paripācakatādassanato, sītuṇhānañca aññamaññapaṭipakkhabhāvato uṇhena saha na sītaṃ bhūtantaraṃ pavattatīti yujjati. Uṇhakalāpe pana sītassa appavatti sītakalāpe ca uṇhassa dvinnaṃ aññamaññapaṭipakkhattā tejovisesabhāve yujjatīti. Bhāvaññathattanti kharānaṃ guḷādīnaṃ davatā mudutā rasādīnañca davānaṃ kharatā paccayavisesehi omattādhimattapathavīdhātuādikānaṃ uppatti. Lakkhaṇaññathattaṃ kakkhaḷādilakkhaṇavijahanaṃ, taṃ etesaṃ na hoti, omattādhimattatāsaṅkhātaṃ bhāvaññathattaṃyeva hotīti attho.
652. анубаад̣̇иннаад̣̇ийнам̣язваад̇и зганд̇аанубаад̣̇инназганд̇анажид̇д̇асамудтаанаад̣̇ийнам̣ нид̣̇д̣̇зсзсу г̇ахан̣зсу г̇ахид̇аад̇и ад̇т̇о. яам̣ ваа банан̃н̃амбийд̇и бана важанзна буримаанамби нагаммассагад̇ад̇д̇аабхааваад̣̇игам̣ д̣̇ийбзд̇и. д̇аа хи анубаад̣̇иннаад̣̇инагаммассагад̇ад̇д̇аад̣̇иважанаанам̣ самаанад̇т̇ад̇д̇аа згзна авад̇д̇аб̣б̣ад̇д̇з ид̇арзнаби авад̇д̇аб̣б̣аа сияум̣, вад̇д̇аб̣б̣ад̇д̇з ваа вад̇д̇аб̣б̣аа. д̇асмаа зганд̇аагаммаж̇аад̣̇ийсвзва г̇ахзд̇аб̣б̣ад̇д̇аа д̇аа анзганд̇зсу на г̇ахид̇аад̇и д̣̇адтаб̣б̣аа.
652. Anupādinnādīnaṃyevāti ekantaanupādinnaekantanacittasamuṭṭhānādīnaṃ niddesesu gahaṇesu gahitāti attho. Yaṃ vā panaññampīti pana vacanena purimānampi nakammassakatattābhāvādikaṃ dīpeti. Tā hi anupādinnādinakammassakatattādivacanānaṃ samānatthattā ekena avattabbatte itarenapi avattabbā siyuṃ, vattabbatte vā vattabbā. Tasmā ekantākammajādīsveva gahetabbattā tā anekantesu na gahitāti daṭṭhabbā.
666. зганд̇а …бз… бан̃н̃ааяад̇и д̇зсам̣ вигаарад̇д̇аа, анибпаннад̇д̇аа бана д̇асса уббаад̣̇о на гзнажи саггаа вад̇д̇унд̇и ад̇хиббааяо.
666. Ekanta…pe… paññāyati tesaṃ vikārattā, anipphannattā pana tassa uppādo na kenaci sakkā vattunti adhippāyo.
д̣̇уганид̣̇д̣̇зсаван̣н̣анаа нидтид̇аа.
Dukaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / убаад̣̇аабхааж̇анийяагат̇аа • Upādābhājanīyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / ноубаад̣̇аабхааж̇анийяагат̇ааван̣н̣анаа • Noupādābhājanīyakathāvaṇṇanā
