| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
3. од̇хисогат̇аа
3. Odhisokathā
274. од̇хисод̇хисо гилзсз ж̇ахад̇ийд̇и? ааманд̇аа. сод̇аабад̇д̇ипаласажчигирияааяа бадибанно буг̇г̇ало д̣̇угкад̣̇ассанзна гим̣ ж̇ахад̇ийд̇и? саггааяад̣̇идтим̣ вижигижчам̣ сийлаб̣б̣ад̇абараамаасам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ сод̇аабанно, згад̣̇зсам̣ на сод̇аабанно, згад̣̇зсам̣ сод̇аабад̇д̇ипалаббад̇д̇о 1 бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇и, згад̣̇зсам̣ сад̇д̇агкад̇д̇убарамо, голан̇голо, згаб̣ийж̇ий, б̣уд̣̇д̇хз авзжжаббасаад̣̇зна саманнааг̇ад̇о, д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о згад̣̇зсам̣ арияаганд̇зхи сийлзхи на саманнааг̇ад̇од̇и? на хзвам̣ вад̇д̇аб̣б̣з…бз….
274. Odhisodhiso kilese jahatīti? Āmantā. Sotāpattiphalasacchikiriyāya paṭipanno puggalo dukkhadassanena kiṃ jahatīti? Sakkāyadiṭṭhiṃ vicikicchaṃ sīlabbataparāmāsaṃ tadekaṭṭhe ca kilese ekadese jahatīti. Ekadesaṃ sotāpanno, ekadesaṃ na sotāpanno, ekadesaṃ sotāpattiphalappatto 2 paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ sattakkhattuparamo, kolaṅkolo, ekabījī, buddhe aveccappasādena samannāgato, dhamme…pe… saṅghe…pe… ariyakantehi sīlehi samannāgato ekadesaṃ ariyakantehi sīlehi na samannāgatoti? Na hevaṃ vattabbe…pe….
самуд̣̇аяад̣̇ассанзна гим̣ ж̇ахад̇ийд̇и? саггааяад̣̇идтим̣ ж̇ахад̇и, вижигижчам̣ сийлаб̣б̣ад̇абараамаасам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ сод̇аабанно, згад̣̇зсам̣ на сод̇аабанно…бз… згад̣̇зсам̣ арияаганд̇зхи сийлзхи саманнааг̇ад̇о, згад̣̇зсам̣ арияаганд̇зхи сийлзхи на саманнааг̇ад̇од̇и? на хзвам̣ вад̇д̇аб̣б̣з…бз….
Samudayadassanena kiṃ jahatīti? Sakkāyadiṭṭhiṃ jahati, vicikicchaṃ sīlabbataparāmāsaṃ tadekaṭṭhe ca kilese ekadese jahatīti. Ekadesaṃ sotāpanno, ekadesaṃ na sotāpanno…pe… ekadesaṃ ariyakantehi sīlehi samannāgato, ekadesaṃ ariyakantehi sīlehi na samannāgatoti? Na hevaṃ vattabbe…pe….
нирод̇хад̣̇ассанзна гим̣ ж̇ахад̇ийд̇и? вижигижчам̣ сийлаб̣б̣ад̇абараамаасам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ сод̇аабанно, згад̣̇зсам̣ на сод̇аабанно…бз… згад̣̇зсам̣ арияаганд̇зхи сийлзхи саманнааг̇ад̇о, згад̣̇зсам̣ арияаганд̇зхи сийлзхи на саманнааг̇ад̇од̇и? на хзвам̣ вад̇д̇аб̣б̣з…бз….
Nirodhadassanena kiṃ jahatīti? Vicikicchaṃ sīlabbataparāmāsaṃ tadekaṭṭhe ca kilese ekadese jahatīti. Ekadesaṃ sotāpanno, ekadesaṃ na sotāpanno…pe… ekadesaṃ ariyakantehi sīlehi samannāgato, ekadesaṃ ariyakantehi sīlehi na samannāgatoti? Na hevaṃ vattabbe…pe….
маг̇г̇ад̣̇ассанзна гим̣ ж̇ахад̇ийд̇и? сийлаб̣б̣ад̇абараамаасам̣ д̇ад̣̇згадтз жа гилзсз ж̇ахад̇ийд̇и. згад̣̇зсам̣ сод̇аабанно, згад̣̇зсам̣ на сод̇аабанно, згад̣̇зсам̣ сод̇аабад̇д̇ипалаббад̇д̇о бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇и, згад̣̇зсам̣ сад̇д̇агкад̇д̇убарамо, голан̇голо, згаб̣ийж̇ий, б̣уд̣̇д̇хз авзжжаббасаад̣̇зна саманнааг̇ад̇о, д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о, згад̣̇зсам̣ арияаганд̇зхи сийлзхи на саманнааг̇ад̇од̇и? на хзвам̣ вад̇д̇аб̣б̣з…бз….
Maggadassanena kiṃ jahatīti? Sīlabbataparāmāsaṃ tadekaṭṭhe ca kilese jahatīti. Ekadesaṃ sotāpanno, ekadesaṃ na sotāpanno, ekadesaṃ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ sattakkhattuparamo, kolaṅkolo, ekabījī, buddhe aveccappasādena samannāgato, dhamme…pe… saṅghe…pe… ariyakantehi sīlehi samannāgato, ekadesaṃ ariyakantehi sīlehi na samannāgatoti? Na hevaṃ vattabbe…pe….
275. сагад̣̇ааг̇аамипаласажчигирияааяа бадибанно буг̇г̇ало д̣̇угкад̣̇ассанзна гим̣ ж̇ахад̇ийд̇и? ол̣ааригам̣ гаамарааг̇ам̣ ж̇ахад̇и, ол̣ааригам̣ б̣яаабаад̣̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ сагад̣̇ааг̇аамий, згад̣̇зсам̣ на сагад̣̇ааг̇аамий, згад̣̇зсам̣ сагад̣̇ааг̇аамипалаббад̇д̇о 3 бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇ийд̇и? на хзвам̣ вад̇д̇аб̣б̣з…бз….
275. Sakadāgāmiphalasacchikiriyāya paṭipanno puggalo dukkhadassanena kiṃ jahatīti? Oḷārikaṃ kāmarāgaṃ jahati, oḷārikaṃ byāpādaṃ tadekaṭṭhe ca kilese ekadese jahatīti. Ekadesaṃ sakadāgāmī, ekadesaṃ na sakadāgāmī, ekadesaṃ sakadāgāmiphalappatto 4 paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharatīti? Na hevaṃ vattabbe…pe….
самуд̣̇аяад̣̇ассанзна гим̣ ж̇ахад̇ийд̇и? ол̣ааригам̣ гаамарааг̇ам̣ ж̇ахад̇и, ол̣ааригам̣ б̣яаабаад̣̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ сагад̣̇ааг̇аамий, згад̣̇зсам̣ на сагад̣̇ааг̇аамий, згад̣̇зсам̣ сагад̣̇ааг̇аамипалаббад̇д̇о бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇ийд̇и? на хзвам̣ вад̇д̇аб̣б̣з…бз….
Samudayadassanena kiṃ jahatīti? Oḷārikaṃ kāmarāgaṃ jahati, oḷārikaṃ byāpādaṃ tadekaṭṭhe ca kilese ekadese jahatīti. Ekadesaṃ sakadāgāmī, ekadesaṃ na sakadāgāmī, ekadesaṃ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharatīti? Na hevaṃ vattabbe…pe….
нирод̇хад̣̇ассанзна гим̣ ж̇ахад̇ийд̇и? ол̣ааригам̣ б̣яаабаад̣̇ам̣ ж̇ахад̇и, д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ сагад̣̇ааг̇аамий, згад̣̇зсам̣ на сагад̣̇ааг̇аамий, згад̣̇зсам̣ сагад̣̇ааг̇аамипалаббад̇д̇о бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇ийд̇и? на хзвам̣ вад̇д̇аб̣б̣з…бз….
Nirodhadassanena kiṃ jahatīti? Oḷārikaṃ byāpādaṃ jahati, tadekaṭṭhe ca kilese ekadese jahatīti. Ekadesaṃ sakadāgāmī, ekadesaṃ na sakadāgāmī, ekadesaṃ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharatīti? Na hevaṃ vattabbe…pe….
маг̇г̇ад̣̇ассанзна гим̣ ж̇ахад̇ийд̇и? ол̣ааригам̣ б̣яаабаад̣̇ам̣ ж̇ахад̇и, д̇ад̣̇згадтз жа гилзсз ж̇ахад̇ийд̇и. згад̣̇зсам̣ сагад̣̇ааг̇аамий, згад̣̇зсам̣ на сагад̣̇ааг̇аамий, згад̣̇зсам̣ сагад̣̇ааг̇аамипалаббад̇д̇о бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇ийд̇и? на хзвам̣ вад̇д̇аб̣б̣з…бз….
Maggadassanena kiṃ jahatīti? Oḷārikaṃ byāpādaṃ jahati, tadekaṭṭhe ca kilese jahatīti. Ekadesaṃ sakadāgāmī, ekadesaṃ na sakadāgāmī, ekadesaṃ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharatīti? Na hevaṃ vattabbe…pe….
276. анааг̇аамипаласажчигирияааяа бадибанно буг̇г̇ало д̣̇угкад̣̇ассанзна гим̣ ж̇ахад̇ийд̇и? ан̣усахаг̇ад̇ам̣ гаамарааг̇ам̣ ж̇ахад̇и, ан̣усахаг̇ад̇ам̣ б̣яаабаад̣̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ анааг̇аамий, згад̣̇зсам̣ на анааг̇аамий , згад̣̇зсам̣ анааг̇аамипалаббад̇д̇о 5 бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇и, згад̣̇зсам̣ анд̇араабариниб̣б̣ааяий, убахажжабариниб̣б̣ааяий, асан̇каарабариниб̣б̣ааяий, сасан̇каарабариниб̣б̣ааяий, уд̣̇д̇хам̣сод̇о аганидтаг̇аамий, згад̣̇зсам̣ на уд̣̇д̇хам̣сод̇о аганидтаг̇аамийд̇и? на хзвам̣ вад̇д̇аб̣б̣з…бз….
276. Anāgāmiphalasacchikiriyāya paṭipanno puggalo dukkhadassanena kiṃ jahatīti? Aṇusahagataṃ kāmarāgaṃ jahati, aṇusahagataṃ byāpādaṃ tadekaṭṭhe ca kilese ekadese jahatīti. Ekadesaṃ anāgāmī, ekadesaṃ na anāgāmī , ekadesaṃ anāgāmiphalappatto 6 paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ antarāparinibbāyī, upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṃsoto akaniṭṭhagāmī, ekadesaṃ na uddhaṃsoto akaniṭṭhagāmīti? Na hevaṃ vattabbe…pe….
самуд̣̇аяад̣̇ассанзна гим̣ ж̇ахад̇ийд̇и? ан̣усахаг̇ад̇ам̣ гаамарааг̇ам̣ ж̇ахад̇и, ан̣усахаг̇ад̇ам̣ б̣яаабаад̣̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ анааг̇аамий, згад̣̇зсам̣ на анааг̇аамий…бз… згад̣̇зсам̣ уд̣̇д̇хам̣сод̇о аганидтаг̇аамий, згад̣̇зсам̣ на уд̣̇д̇хам̣сод̇о аганидтаг̇аамийд̇и? на хзвам̣ вад̇д̇аб̣б̣з…бз….
Samudayadassanena kiṃ jahatīti? Aṇusahagataṃ kāmarāgaṃ jahati, aṇusahagataṃ byāpādaṃ tadekaṭṭhe ca kilese ekadese jahatīti. Ekadesaṃ anāgāmī, ekadesaṃ na anāgāmī…pe… ekadesaṃ uddhaṃsoto akaniṭṭhagāmī, ekadesaṃ na uddhaṃsoto akaniṭṭhagāmīti? Na hevaṃ vattabbe…pe….
нирод̇хад̣̇ассанзна гим̣ ж̇ахад̇ийд̇и? ан̣усахаг̇ад̇ам̣ б̣яаабаад̣̇ам̣ ж̇ахад̇и, д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ анааг̇аамий, згад̣̇зсам̣ на анааг̇аамий…бз… згад̣̇зсам̣ уд̣̇д̇хам̣сод̇о аганидтаг̇аамий, згад̣̇зсам̣ на уд̣̇д̇хам̣сод̇о аганидтаг̇аамийд̇и? на хзвам̣ вад̇д̇аб̣б̣з…бз….
Nirodhadassanena kiṃ jahatīti? Aṇusahagataṃ byāpādaṃ jahati, tadekaṭṭhe ca kilese ekadese jahatīti. Ekadesaṃ anāgāmī, ekadesaṃ na anāgāmī…pe… ekadesaṃ uddhaṃsoto akaniṭṭhagāmī, ekadesaṃ na uddhaṃsoto akaniṭṭhagāmīti? Na hevaṃ vattabbe…pe….
маг̇г̇ад̣̇ассанзна гим̣ ж̇ахад̇ийд̇и? д̇ад̣̇згадтз жа гилзсз ж̇ахад̇ийд̇и. згад̣̇зсам̣ анааг̇аамий, згад̣̇зсам̣ на анааг̇аамий, згад̣̇зсам̣ анааг̇аамипалаббад̇д̇о бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇и, згад̣̇зсам̣ анд̇араабариниб̣б̣ааяий, убахажжабариниб̣б̣ааяий, асан̇каарабариниб̣б̣ааяий, сасан̇каарабариниб̣б̣ааяий, уд̣̇д̇хам̣сод̇о аганидтаг̇аамий, згад̣̇зсам̣ на уд̣̇д̇хам̣сод̇о аганидтаг̇аамийд̇и? на хзвам̣ вад̇д̇аб̣б̣з…бз….
Maggadassanena kiṃ jahatīti? Tadekaṭṭhe ca kilese jahatīti. Ekadesaṃ anāgāmī, ekadesaṃ na anāgāmī, ekadesaṃ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ antarāparinibbāyī, upahaccaparinibbāyī, asaṅkhāraparinibbāyī, sasaṅkhāraparinibbāyī, uddhaṃsoto akaniṭṭhagāmī, ekadesaṃ na uddhaṃsoto akaniṭṭhagāmīti? Na hevaṃ vattabbe…pe….
277. арахад̇д̇асажчигирияааяа бадибанно буг̇г̇ало д̣̇угкад̣̇ассанзна гим̣ ж̇ахад̇ийд̇и? руубарааг̇ам̣ аруубарааг̇ам̣ маанам̣ уд̣̇д̇хажжам̣ авиж̇ж̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ арахаа, згад̣̇зсам̣ на арахаа, згад̣̇зсам̣ арахад̇д̇аббад̇д̇о 7 бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇и, згад̣̇зсам̣ вийд̇арааг̇о вийд̇ад̣̇осо вийд̇амохо гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аавимуд̇д̇о угкид̇д̇абалигхо сан̇гин̣н̣абарико аб̣б̣уул̣хзсиго нираг̇г̇ал̣о арияо баннад̣̇д̇хаж̇о баннабхааро висан̃н̃уд̇д̇о сувиж̇ид̇авиж̇аяо, д̣̇угкам̣ д̇асса барин̃н̃аад̇ам̣, самуд̣̇аяо бахийно, нирод̇хо сажчигад̇о, маг̇г̇о бхаавид̇о, абхин̃н̃зяяам̣ абхин̃н̃аад̇ам̣, барин̃н̃зяяам̣ барин̃н̃аад̇ам̣, бахаад̇аб̣б̣ам̣ бахийнам̣, бхаавзд̇аб̣б̣ам̣ бхаавид̇ам̣, сажчигаад̇аб̣б̣ам̣ сажчигад̇ам̣, (згад̣̇зсам̣ сажчигаад̇аб̣б̣ам̣ сажчигад̇ам̣,) 8 згад̣̇зсам̣ сажчигаад̇аб̣б̣ам̣ на сажчигад̇анд̇и? на хзвам̣ вад̇д̇аб̣б̣з…бз….
277. Arahattasacchikiriyāya paṭipanno puggalo dukkhadassanena kiṃ jahatīti? Rūparāgaṃ arūparāgaṃ mānaṃ uddhaccaṃ avijjaṃ tadekaṭṭhe ca kilese ekadese jahatīti. Ekadesaṃ arahā, ekadesaṃ na arahā, ekadesaṃ arahattappatto 9 paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ, (ekadesaṃ sacchikātabbaṃ sacchikataṃ,) 10 ekadesaṃ sacchikātabbaṃ na sacchikatanti? Na hevaṃ vattabbe…pe….
самуд̣̇аяад̣̇ассанзна гим̣ ж̇ахад̇ийд̇и? руубарааг̇ам̣ аруубарааг̇ам̣ ж̇ахад̇и, маанам̣ уд̣̇д̇хажжам̣ авиж̇ж̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ арахаа, згад̣̇зсам̣ на арахаа…бз… згад̣̇зсам̣ сажчигаад̇аб̣б̣ам̣ сажчигад̇ам̣, згад̣̇зсам̣ сажчигаад̇аб̣б̣ам̣ на сажчигад̇анд̇и? на хзвам̣ вад̇д̇аб̣б̣з…бз….
Samudayadassanena kiṃ jahatīti? Rūparāgaṃ arūparāgaṃ jahati, mānaṃ uddhaccaṃ avijjaṃ tadekaṭṭhe ca kilese ekadese jahatīti. Ekadesaṃ arahā, ekadesaṃ na arahā…pe… ekadesaṃ sacchikātabbaṃ sacchikataṃ, ekadesaṃ sacchikātabbaṃ na sacchikatanti? Na hevaṃ vattabbe…pe….
нирод̇хад̣̇ассанзна гим̣ ж̇ахад̇ийд̇и? маанам̣ ж̇ахад̇и, уд̣̇д̇хажжам̣ авиж̇ж̇ам̣ д̇ад̣̇згадтз жа гилзсз згад̣̇зсз ж̇ахад̇ийд̇и. згад̣̇зсам̣ арахаа, згад̣̇зсам̣ на арахаа …бз… згад̣̇зсам̣ сажчигаад̇аб̣б̣ам̣ сажчигад̇ам̣, згад̣̇зсам̣ сажчигаад̇аб̣б̣ам̣ на сажчигад̇анд̇и? на хзвам̣ вад̇д̇аб̣б̣з…бз….
Nirodhadassanena kiṃ jahatīti? Mānaṃ jahati, uddhaccaṃ avijjaṃ tadekaṭṭhe ca kilese ekadese jahatīti. Ekadesaṃ arahā, ekadesaṃ na arahā …pe… ekadesaṃ sacchikātabbaṃ sacchikataṃ, ekadesaṃ sacchikātabbaṃ na sacchikatanti? Na hevaṃ vattabbe…pe….
маг̇г̇ад̣̇ассанзна гим̣ ж̇ахад̇ийд̇и? уд̣̇д̇хажжам̣ авиж̇ж̇ам̣ д̇ад̣̇згадтз жа гилзсз ж̇ахад̇ийд̇и. згад̣̇зсам̣ арахаа, згад̣̇зсам̣ на арахаа, згад̣̇зсам̣ арахад̇д̇аббад̇д̇о бадилад̣̇д̇хо ад̇хиг̇ад̇о сажчигад̇о убасамбаж̇ж̇а вихарад̇и, гааязна пусид̇ваа вихарад̇и, згад̣̇зсам̣ на гааязна пусид̇ваа вихарад̇и, згад̣̇зсам̣ вийд̇арааг̇о вийд̇ад̣̇осо вийд̇амохо гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аавимуд̇д̇о угкид̇д̇абалигхо сан̇гин̣н̣абарико аб̣б̣уул̣хзсиго нираг̇г̇ал̣о арияо баннад̣̇д̇хаж̇о баннабхааро висан̃н̃уд̇д̇о сувиж̇ид̇авиж̇аяо, д̣̇угкам̣ д̇асса барин̃н̃аад̇ам̣, самуд̣̇аяо бахийно, нирод̇хо сажчигад̇о, маг̇г̇о бхаавид̇о, абхин̃н̃зяяам̣ абхин̃н̃аад̇ам̣, барин̃н̃зяяам̣ барин̃н̃аад̇ам̣, бахаад̇аб̣б̣ам̣ бахийнам̣, бхаавзд̇аб̣б̣ам̣ бхаавид̇ам̣ , сажчигаад̇аб̣б̣ам̣ сажчигад̇ам̣, згад̣̇зсам̣ сажчигаад̇аб̣б̣ам̣ сажчигад̇ам̣, згад̣̇зсам̣ сажчигаад̇аб̣б̣ам̣ на сажчигад̇анд̇и? на хзвам̣ вад̇д̇аб̣б̣з…бз….
Maggadassanena kiṃ jahatīti? Uddhaccaṃ avijjaṃ tadekaṭṭhe ca kilese jahatīti. Ekadesaṃ arahā, ekadesaṃ na arahā, ekadesaṃ arahattappatto paṭiladdho adhigato sacchikato upasampajja viharati, kāyena phusitvā viharati, ekadesaṃ na kāyena phusitvā viharati, ekadesaṃ vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ , sacchikātabbaṃ sacchikataṃ, ekadesaṃ sacchikātabbaṃ sacchikataṃ, ekadesaṃ sacchikātabbaṃ na sacchikatanti? Na hevaṃ vattabbe…pe….
278. на вад̇д̇аб̣б̣ам̣ – ‘‘од̇хисод̇хисо гилзсз ж̇ахад̇ий’’д̇и? ааманд̇аа. нану вуд̇д̇ам̣ бхаг̇авад̇аа –
278. Na vattabbaṃ – ‘‘odhisodhiso kilese jahatī’’ti? Āmantā. Nanu vuttaṃ bhagavatā –
‘‘анубуб̣б̣зна мзд̇хаавий, т̇огам̣ т̇огам̣ кан̣з кан̣з;
‘‘Anupubbena medhāvī, thokaṃ thokaṃ khaṇe khaṇe;
гаммааро раж̇ад̇ассзва, нид̣̇д̇хамз маламад̇д̇ано’’д̇и 11.
Kammāro rajatasseva, niddhame malamattano’’ti 12.
ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘од̇хисод̇хисо гилзсз ж̇ахад̇ий’’д̇и.
Attheva suttantoti? Āmantā. Tena hi na vattabbaṃ – ‘‘odhisodhiso kilese jahatī’’ti.
од̇хисод̇хисо гилзсз ж̇ахад̇ийд̇и? ааманд̇аа. нану вуд̇д̇ам̣ бхаг̇авад̇аа –
Odhisodhiso kilese jahatīti? Āmantā. Nanu vuttaṃ bhagavatā –
‘‘сахаавасса д̣̇ассанасамбад̣̇ааяа,
‘‘Sahāvassa dassanasampadāya,
д̇аяассу д̇хаммаа ж̇ахид̇аа бхаванд̇и;
Tayassu dhammā jahitā bhavanti;
саггааяад̣̇идтий вижигижчид̇ан̃жа,
Sakkāyadiṭṭhī vicikicchitañca,
сийлаб̣б̣ад̇ам̣ вааби яад̣̇ад̇т̇и гин̃жи;
Sīlabbataṃ vāpi yadatthi kiñci;
жад̇уухабааязхи жа виббамуд̇д̇о,
Catūhapāyehi ca vippamutto,
ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘од̇хисод̇хисо гилзсз ж̇ахад̇ий’’д̇и.
Attheva suttantoti? Āmantā. Tena hi na vattabbaṃ – ‘‘odhisodhiso kilese jahatī’’ti.
од̇хисод̇хисо гилзсз ж̇ахад̇ийд̇и? ааманд̇аа. нану вуд̇д̇ам̣ бхаг̇авад̇аа – ‘‘яасмим̣, бхигкавз, самаяз арияасаавагасса вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’нд̇и, саха д̣̇ассануббаад̣̇аа, бхигкавз, арияасаавагасса д̇ийн̣и сам̣яож̇анаани бахийяанд̇и – саггааяад̣̇идти вижигижчаа сийлаб̣б̣ад̇абараамаасо’’д̇и 17. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘од̇хисод̇хисо гилзсз ж̇ахад̇ий’’д̇и.
Odhisodhiso kilese jahatīti? Āmantā. Nanu vuttaṃ bhagavatā – ‘‘yasmiṃ, bhikkhave, samaye ariyasāvakassa virajaṃ vītamalaṃ dhammacakkhuṃ udapādi – ‘yaṃ kiñci samudayadhammaṃ, sabbaṃ taṃ nirodhadhamma’nti, saha dassanuppādā, bhikkhave, ariyasāvakassa tīṇi saṃyojanāni pahīyanti – sakkāyadiṭṭhi vicikicchā sīlabbataparāmāso’’ti 18. Attheva suttantoti? Āmantā. Tena hi na vattabbaṃ – ‘‘odhisodhiso kilese jahatī’’ti.
од̇хисогат̇аа нидтид̇аа.
Odhisokathā niṭṭhitā.
Footnotes:
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. од̇хисогат̇ааван̣н̣анаа • 4. Odhisokathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. б̣рахмажарияагат̇аа • 3. Brahmacariyakathā
