| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
නමො තස්‌ස භගවතො අරහතො සම්‌මාසම්‌බුද්‌ධස්‌ස
Namo tassa bhagavato arahato sammāsambuddhassa
සංයුත්‌තනිකායො
Saṃyuttanikāyo
සගාථාවග්‌ගො
Sagāthāvaggo
1. දෙවතාසංයුත්‌තං
1. Devatāsaṃyuttaṃ
1. නළවග්‌ගො
1. Naḷavaggo
1. ඔඝතරණසුත්‌තං
1. Oghataraṇasuttaṃ
1. එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. අථ ඛො අඤ්‌ඤතරා දෙවතා අභික්‌කන්‌තාය රත්‌තියා අභික්‌කන්‌තවණ්‌ණා කෙවලකප්‌පං ජෙතවනං ඔභාසෙත්‌වා යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං අට්‌ඨාසි. එකමන්‌තං ඨිතා ඛො සා දෙවතා භගවන්‌තං එතදවොච – ‘‘‘කථං නු ත්‌වං, මාරිස, ඔඝමතරී’ති? ‘අප්‌පතිට්‌ඨං ඛ්‌වාහං, ආවුසො, අනායූහං ඔඝමතරි’න්‌ති. ‘යථා කථං පන ත්‌වං, මාරිස, අප්‌පතිට්‌ඨං අනායූහං ඔඝමතරී’ති? ‘යදාඛ්‌වාහං, ආවුසො, සන්‌තිට්‌ඨාමි තදාස්‌සු සංසීදාමි ; යදාඛ්‌වාහං, ආවුසො, ආයූහාමි තදාස්‌සු නිබ්‌බුය්‌හාමි 1. එවං ඛ්‌වාහං, ආවුසො, අප්‌පතිට්‌ඨං අනායූහං ඔඝමතරි’’’න්‌ති.
1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ etadavoca – ‘‘‘kathaṃ nu tvaṃ, mārisa, oghamatarī’ti? ‘Appatiṭṭhaṃ khvāhaṃ, āvuso, anāyūhaṃ oghamatari’nti. ‘Yathā kathaṃ pana tvaṃ, mārisa, appatiṭṭhaṃ anāyūhaṃ oghamatarī’ti? ‘Yadākhvāhaṃ, āvuso, santiṭṭhāmi tadāssu saṃsīdāmi ; yadākhvāhaṃ, āvuso, āyūhāmi tadāssu nibbuyhāmi 2. Evaṃ khvāhaṃ, āvuso, appatiṭṭhaṃ anāyūhaṃ oghamatari’’’nti.
‘‘චිරස්‌සං වත පස්‌සාමි, බ්‍රාහ්‌මණං පරිනිබ්‌බුතං;
‘‘Cirassaṃ vata passāmi, brāhmaṇaṃ parinibbutaṃ;
අප්‌පතිට්‌ඨං අනායූහං, තිණ්‌ණං ලොකෙ විසත්‌තික’’න්‌ති. –
Appatiṭṭhaṃ anāyūhaṃ, tiṇṇaṃ loke visattika’’nti. –
ඉදමවොච සා දෙවතා. සමනුඤ්‌ඤො සත්‌ථා අහොසි. අථ ඛො සා දෙවතා – ‘‘සමනුඤ්‌ඤො මෙ සත්‌ථා’’ති භගවන්‌තං අභිවාදෙත්‌වා පදක්‌ඛිණං කත්‌වා තත්‌ථෙවන්‌තරධායීති.
Idamavoca sā devatā. Samanuñño satthā ahosi. Atha kho sā devatā – ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyīti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. ඔඝතරණසුත්‌තවණ්‌ණනා • 1. Oghataraṇasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. ඔඝතරණසුත්‌තවණ්‌ණනා • 1. Oghataraṇasuttavaṇṇanā
