| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
сам̣яуд̇д̇анигааяз
Saṃyuttanikāye
саг̇аат̇ааваг̇г̇а-адтагат̇аа
Sagāthāvagga-aṭṭhakathā
г̇ант̇аарамбхагат̇аа
Ganthārambhakathā
гарун̣аасийд̇алахад̣̇аяам̣ , бан̃н̃аабаж̇ж̇од̇авихад̇амохад̇амам̣;
Karuṇāsītalahadayaṃ , paññāpajjotavihatamohatamaṃ;
санараамаралогаг̇арум̣, ванд̣̇з суг̇ад̇ам̣ г̇ад̇ивимуд̇д̇ам̣.
Sanarāmaralokagaruṃ, vande sugataṃ gativimuttaṃ.
б̣уд̣̇д̇хоби б̣уд̣̇д̇хабхаавам̣, бхаавзд̇ваа жзва сажчигад̇ваа жа;
Buddhopi buddhabhāvaṃ, bhāvetvā ceva sacchikatvā ca;
яам̣ убаг̇ад̇о г̇ад̇амалам̣, ванд̣̇з д̇амануд̇д̇арам̣ д̇хаммам̣.
Yaṃ upagato gatamalaṃ, vande tamanuttaraṃ dhammaṃ.
суг̇ад̇асса орасаанам̣, буд̇д̇аанам̣ маарасзнамат̇анаанам̣;
Sugatassa orasānaṃ, puttānaṃ mārasenamathanānaṃ;
адтаннамби самуухам̣, сирасаа ванд̣̇з арияасан̇гхам̣.
Aṭṭhannampi samūhaṃ, sirasā vande ariyasaṅghaṃ.
ид̇и мз басаннамад̇ино, рад̇анад̇д̇аяаванд̣̇анаамаяам̣ бун̃н̃ам̣;
Iti me pasannamatino, ratanattayavandanāmayaṃ puññaṃ;
яам̣ сувихад̇анд̇арааяо, худ̇ваа д̇ассаанубхаавзна.
Yaṃ suvihatantarāyo, hutvā tassānubhāvena.
сам̣яуд̇д̇аваг̇г̇абадиман̣д̣ид̇асса, сам̣яуд̇д̇аааг̇амаварасса;
Saṃyuttavaggapaṭimaṇḍitassa, saṃyuttaāgamavarassa;
б̣уд̣̇д̇хаануб̣уд̣̇д̇хасам̣ван̣н̣ид̇асса, н̃аан̣аббабхзд̣̇аж̇ананасса.
Buddhānubuddhasaṃvaṇṇitassa, ñāṇappabhedajananassa.
ад̇т̇аббагаасанад̇т̇ам̣, адтагат̇аа аад̣̇ид̇о васисад̇зхи;
Atthappakāsanatthaṃ, aṭṭhakathā ādito vasisatehi;
бан̃жахи яаа сан̇г̇ийд̇аа, анусан̇г̇ийд̇аа жа бажчааби.
Pañcahi yā saṅgītā, anusaṅgītā ca pacchāpi.
сийхал̣ад̣̇ийбам̣ бана аабхад̇аат̇а, васинаа махаамахинд̣̇зна;
Sīhaḷadīpaṃ pana ābhatātha, vasinā mahāmahindena;
табид̇аа сийхал̣абхаасааяа, д̣̇ийбаваасийнамад̇т̇ааяа.
Ṭhapitā sīhaḷabhāsāya, dīpavāsīnamatthāya.
абанзд̇ваана д̇ад̇охам̣, сийхал̣абхаасам̣ манорамам̣ бхаасам̣;
Apanetvāna tatohaṃ, sīhaḷabhāsaṃ manoramaṃ bhāsaṃ;
д̇анд̇инаяаанужчавигам̣, ааробзнд̇о виг̇ад̇ад̣̇осам̣.
Tantinayānucchavikaṃ, āropento vigatadosaṃ.
самаяам̣ авиломзнд̇о, т̇зраанам̣ т̇зравам̣сад̣̇ийбаанам̣;
Samayaṃ avilomento, therānaṃ theravaṃsadīpānaṃ;
сунибун̣авинижчаяаанам̣, махаавихаарз ниваасийнам̣.
Sunipuṇavinicchayānaṃ, mahāvihāre nivāsīnaṃ.
хид̇ваа бунаббунааг̇ад̇а-мад̇т̇ам̣, ад̇т̇ам̣ багаасаяиссаами;
Hitvā punappunāgata-matthaṃ, atthaṃ pakāsayissāmi;
суж̇анасса жа д̇удтад̇т̇ам̣, жирадтид̇ад̇т̇ан̃жа д̇хаммасса.
Sujanassa ca tuṭṭhatthaṃ, ciraṭṭhitatthañca dhammassa.
саавад̇т̇ибабхууд̇ийнам̣, наг̇араанам̣ ван̣н̣анаа гад̇аа хздтаа;
Sāvatthipabhūtīnaṃ, nagarānaṃ vaṇṇanā katā heṭṭhā;
сан̇г̇ийд̇ийнам̣ д̣̇виннам̣, яаа мз ад̇т̇ам̣ вад̣̇анд̇зна.
Saṅgītīnaṃ dvinnaṃ, yā me atthaṃ vadantena.
вид̇т̇ааравасзна суд̣̇ам̣, вад̇т̇ууни жа яаани д̇ад̇т̇а вуд̇д̇аани;
Vitthāravasena sudaṃ, vatthūni ca yāni tattha vuttāni;
д̇зсамби на ид̇ха бхияяо, вид̇т̇аарагат̇ам̣ гариссаами.
Tesampi na idha bhiyyo, vitthārakathaṃ karissāmi.
суд̇д̇аанам̣ бана ад̇т̇аа, на винаа вад̇т̇уухи яз багаасанд̇и;
Suttānaṃ pana atthā, na vinā vatthūhi ye pakāsanti;
д̇зсам̣ багаасанад̇т̇ам̣, вад̇т̇ууниби д̣̇ассаяиссаами.
Tesaṃ pakāsanatthaṃ, vatthūnipi dassayissāmi.
сийлагат̇аа д̇худ̇ад̇хаммаа, гаммадтаанаани жзва саб̣б̣аани;
Sīlakathā dhutadhammā, kammaṭṭhānāni ceva sabbāni;
жарияаавид̇хаанасахид̇о, жхаанасамаабад̇д̇ивид̇т̇ааро.
Cariyāvidhānasahito, jhānasamāpattivitthāro.
саб̣б̣аа жа абхин̃н̃ааяо, бан̃н̃аасан̇галананижчаяо жзва;
Sabbā ca abhiññāyo, paññāsaṅkalananicchayo ceva;
канд̇хаад̇хаад̇ааяад̇анинд̣̇рияаани, арияаани жзва жад̇д̇аари.
Khandhādhātāyatanindriyāni, ariyāni ceva cattāri.
сажжаани бажжаяаагаарад̣̇зсанаа, субарисуд̣̇д̇ханибун̣анаяаа;
Saccāni paccayākāradesanā, suparisuddhanipuṇanayā;
авимуд̇д̇ад̇анд̇имаг̇г̇аа, вибассанаабхааванаа жзва.
Avimuttatantimaggā, vipassanābhāvanā ceva.
ид̇и бана саб̣б̣ам̣ яасмаа, висуд̣̇д̇химаг̇г̇з маяаа субарисуд̣̇д̇хам̣;
Iti pana sabbaṃ yasmā, visuddhimagge mayā suparisuddhaṃ;
вуд̇д̇ам̣ д̇асмаа бхияяо, на д̇ам̣ ид̇ха вижаараяиссаами.
Vuttaṃ tasmā bhiyyo, na taṃ idha vicārayissāmi.
‘‘маж̇жхз висуд̣̇д̇химаг̇г̇о, зса жад̇уннамби ааг̇амаанан̃хи;
‘‘Majjhe visuddhimaggo, esa catunnampi āgamānañhi;
тад̇ваа багаасаяиссад̇и, д̇ад̇т̇а яат̇аабхаасид̇амад̇т̇ам̣’’.
Ṭhatvā pakāsayissati, tattha yathābhāsitamatthaṃ’’.
ижжзва гад̇о д̇асмаа, д̇амби г̇ахзд̇ваана сад̣̇д̇химзд̇ааяа;
Icceva kato tasmā, tampi gahetvāna saddhimetāya;
адтагат̇ааяа виж̇аанат̇а, сам̣яуд̇д̇авиниссид̇ам̣ ад̇т̇анд̇и.
Aṭṭhakathāya vijānatha, saṃyuttavinissitaṃ atthanti.
1. д̣̇звад̇аасам̣яуд̇д̇ам̣
1. Devatāsaṃyuttaṃ
1. нал̣аваг̇г̇о
1. Naḷavaggo
1. огхад̇аран̣асуд̇д̇аван̣н̣анаа
1. Oghataraṇasuttavaṇṇanā
д̇ад̇т̇а сам̣яуд̇д̇ааг̇амо наама саг̇аат̇ааваг̇г̇о, нид̣̇аанаваг̇г̇о, канд̇хагаваг̇г̇о, сал̣ааяад̇анаваг̇г̇о, махааваг̇г̇од̇и бан̃жаваг̇г̇о ход̇и. суд̇д̇ад̇о –
Tattha saṃyuttāgamo nāma sagāthāvaggo, nidānavaggo, khandhakavaggo, saḷāyatanavaggo, mahāvaggoti pañcavaggo hoti. Suttato –
‘‘сад̇д̇а суд̇д̇асахассаани, сад̇д̇а суд̇д̇асад̇аани жа;
‘‘Satta suttasahassāni, satta suttasatāni ca;
д̣̇ваасадти жзва суд̇д̇аани, зсо сам̣яуд̇д̇асан̇г̇ахо’’.
Dvāsaṭṭhi ceva suttāni, eso saṃyuttasaṅgaho’’.
бхаан̣аваарад̇о бхаан̣аваарасад̇ам̣ ход̇и. д̇асса ваг̇г̇зсу саг̇аат̇ааваг̇г̇о аад̣̇и, суд̇д̇зсу огхад̇аран̣асуд̇д̇ам̣. д̇ассааби ‘‘звам̣ мз суд̇а’’нд̇иаад̣̇игам̣ ааяасмад̇аа аананд̣̇зна батамамахаасан̇г̇ийд̇игаалз вуд̇д̇ам̣ нид̣̇аанамаад̣̇и. саа банзсаа батамамахаасан̇г̇ийд̇и суман̇г̇алавилаасинияаа д̣̇ийгханигааяадтагат̇ааяа аад̣̇имхи вид̇т̇аарид̇аа, д̇асмаа саа д̇ад̇т̇а вид̇т̇аарид̇анаязнзва взд̣̇ид̇аб̣б̣аа.
Bhāṇavārato bhāṇavārasataṃ hoti. Tassa vaggesu sagāthāvaggo ādi, suttesu oghataraṇasuttaṃ. Tassāpi ‘‘evaṃ me suta’’ntiādikaṃ āyasmatā ānandena paṭhamamahāsaṅgītikāle vuttaṃ nidānamādi. Sā panesā paṭhamamahāsaṅgīti sumaṅgalavilāsiniyā dīghanikāyaṭṭhakathāya ādimhi vitthāritā, tasmā sā tattha vitthāritanayeneva veditabbā.
1. яам̣ банзд̇ам̣ ‘‘звам̣ мз суд̇а’’нд̇иаад̣̇игам̣ нид̣̇аанам̣, д̇ад̇т̇а званд̇и нибаад̇абад̣̇ам̣. мзд̇иаад̣̇ийни наамабад̣̇аани. саавад̇т̇ияам̣ вихарад̇ийд̇и зд̇т̇а вийд̇и убасаг̇г̇абад̣̇ам̣, харад̇ийд̇и аакяаад̇абад̣̇анд̇и иминаа д̇аава наязна бад̣̇авибхааг̇о взд̣̇ид̇аб̣б̣о.
1. Yaṃ panetaṃ ‘‘evaṃ me suta’’ntiādikaṃ nidānaṃ, tattha evanti nipātapadaṃ. Metiādīni nāmapadāni. Sāvatthiyaṃ viharatīti ettha vīti upasaggapadaṃ, haratīti ākhyātapadanti iminā tāva nayena padavibhāgo veditabbo.
ад̇т̇ад̇о бана звам̣сад̣̇д̣̇о д̇аава убамуубад̣̇зса-самбахам̣сана-г̇арахан̣а-важанасамбадиг̇г̇ахаагааранид̣̇ассанаавад̇хааран̣аад̣̇и-анзгад̇т̇аббабхзд̣̇о. д̇ат̇аа хзса – ‘‘звам̣ ж̇аад̇зна мажжзна, гад̇д̇аб̣б̣ам̣ гусалам̣ б̣аху’’нд̇и (д̇ха. ба. 53) звамаад̣̇ийсу убамааяам̣ ааг̇ад̇о. ‘‘звам̣ д̇з абхиггамид̇аб̣б̣ам̣ , звам̣ д̇з бадиггамид̇аб̣б̣а’’нд̇иаад̣̇ийсу (а. ни. 4.122) убад̣̇зсз. ‘‘звамзд̇ам̣ бхаг̇аваа, звамзд̇ам̣ суг̇ад̇аа’’д̇иаад̣̇ийсу (а. ни. 3.66) самбахам̣санз. ‘‘звамзвам̣ банааяам̣ васалий яасмим̣ ваа д̇асмим̣ ваа д̇асса мун̣д̣агасса саман̣агасса ван̣н̣ам̣ бхаасад̇ий’’д̇иаад̣̇ийсу (сам̣. ни. 1.187) г̇арахан̣з. ‘‘звам̣, бханд̇зд̇и ко д̇з бхигкуу бхаг̇авад̇о бажжассосу’’нд̇иаад̣̇ийсу (ма. ни. 1.1) важанасамбадиг̇г̇ахз. ‘‘звам̣ б̣яаа ко ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇иаад̣̇ийсу (ма. ни. 1.398) аагаарз . ‘‘зхи д̇вам̣ маан̣авага, язна саман̣о аананд̣̇о д̇знубасан̇гама; убасан̇гамид̇ваа мама важанзна саман̣ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘субхо маан̣аво д̇од̣̇зяяабуд̇д̇о бхаванд̇ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣, д̇знубасан̇гамад̇у анугамбам̣ убаад̣̇ааяаа’д̇и’’аад̣̇ийсу (д̣̇ий. ни. 1.445) нид̣̇ассанз. ‘‘д̇ам̣ гим̣ ман̃н̃ат̇а гаалаамаа, имз д̇хаммаа гусалаа ваа агусалаа ваад̇и? агусалаа, бханд̇з. сааваж̇ж̇аа ваа анаваж̇ж̇аа ваад̇и? сааваж̇ж̇аа, бханд̇з. вин̃н̃уг̇арахид̇аа ваа вин̃н̃уббасад̇т̇аа ваад̇и? вин̃н̃уг̇арахид̇аа, бханд̇з. самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇и ваа но ваа, гат̇ам̣ во зд̇т̇а ход̇ийд̇и? самад̇д̇аа, бханд̇з, самаад̣̇иннаа ахид̇ааяа д̣̇угкааяа сам̣вад̇д̇анд̇и, звам̣ но зд̇т̇а ход̇ий’’д̇иаад̣̇ийсу (а. ни. 3.66) авад̇хааран̣з. свааяамид̇ха аагааранид̣̇ассанаавад̇хааран̣зсу д̣̇адтаб̣б̣о.
Atthato pana evaṃsaddo tāva upamūpadesa-sampahaṃsana-garahaṇa-vacanasampaṭiggahākāranidassanāvadhāraṇādi-anekatthappabhedo. Tathā hesa – ‘‘evaṃ jātena maccena, kattabbaṃ kusalaṃ bahu’’nti (dha. pa. 53) evamādīsu upamāyaṃ āgato. ‘‘Evaṃ te abhikkamitabbaṃ , evaṃ te paṭikkamitabba’’ntiādīsu (a. ni. 4.122) upadese. ‘‘Evametaṃ bhagavā, evametaṃ sugatā’’tiādīsu (a. ni. 3.66) sampahaṃsane. ‘‘Evamevaṃ panāyaṃ vasalī yasmiṃ vā tasmiṃ vā tassa muṇḍakassa samaṇakassa vaṇṇaṃ bhāsatī’’tiādīsu (saṃ. ni. 1.187) garahaṇe. ‘‘Evaṃ, bhanteti kho te bhikkhū bhagavato paccassosu’’ntiādīsu (ma. ni. 1.1) vacanasampaṭiggahe. ‘‘Evaṃ byā kho ahaṃ, bhante, bhagavatā dhammaṃ desitaṃ ājānāmī’’tiādīsu (ma. ni. 1.398) ākāre . ‘‘Ehi tvaṃ māṇavaka, yena samaṇo ānando tenupasaṅkama; upasaṅkamitvā mama vacanena samaṇaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘subho māṇavo todeyyaputto bhavantaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘sādhu kira bhavaṃ ānando yena subhassa māṇavassa todeyyaputtassa nivesanaṃ, tenupasaṅkamatu anukampaṃ upādāyā’ti’’ādīsu (dī. ni. 1.445) nidassane. ‘‘Taṃ kiṃ maññatha kālāmā, ime dhammā kusalā vā akusalā vāti? Akusalā, bhante. Sāvajjā vā anavajjā vāti? Sāvajjā, bhante. Viññugarahitā vā viññuppasatthā vāti? Viññugarahitā, bhante. Samattā samādinnā ahitāya dukkhāya saṃvattanti vā no vā, kathaṃ vo ettha hotīti? Samattā, bhante, samādinnā ahitāya dukkhāya saṃvattanti, evaṃ no ettha hotī’’tiādīsu (a. ni. 3.66) avadhāraṇe. Svāyamidha ākāranidassanāvadhāraṇesu daṭṭhabbo.
д̇ад̇т̇а аагаарад̇т̇зна звам̣сад̣̇д̣̇зна зд̇амад̇т̇ам̣ д̣̇ийбзд̇и – наанаанаяанибун̣ам̣ анзгаж̇жхаасаяасамудтаанам̣ ад̇т̇аб̣яан̃ж̇анасамбаннам̣ вивид̇хабаадихаарияам̣ д̇хаммад̇т̇ад̣̇зсанаа бадивзд̇хаг̇амбхийрам̣ саб̣б̣асад̇д̇аанам̣ сагасагабхаасаануруубад̇о сод̇абат̇амааг̇ажчанд̇ам̣ д̇асса бхаг̇авад̇о важанам̣ саб̣б̣аббагаарзна го самад̇т̇о вин̃н̃аад̇ум̣? саб̣б̣ат̇аамзна бана сод̇угаамад̇ам̣ ж̇анзд̇вааби звам̣ мз суд̇ам̣, маяааби згзнаагаарзна суд̇анд̇и.
Tattha ākāratthena evaṃsaddena etamatthaṃ dīpeti – nānānayanipuṇaṃ anekajjhāsayasamuṭṭhānaṃ atthabyañjanasampannaṃ vividhapāṭihāriyaṃ dhammatthadesanā paṭivedhagambhīraṃ sabbasattānaṃ sakasakabhāsānurūpato sotapathamāgacchantaṃ tassa bhagavato vacanaṃ sabbappakārena ko samattho viññātuṃ? Sabbathāmena pana sotukāmataṃ janetvāpi evaṃ me sutaṃ, mayāpi ekenākārena sutanti.
нид̣̇ассанад̇т̇зна – ‘‘наахам̣ саяамбхуу, на маяаа ид̣̇ам̣ сажчигад̇а’’нд̇и ад̇д̇аанам̣ бариможзнд̇о – ‘‘звам̣ мз суд̇ам̣, маяааби звам̣ суд̇а’’нд̇и ид̣̇аани вад̇д̇аб̣б̣ам̣ сагаласуд̇д̇ам̣ нид̣̇ассзд̇и.
Nidassanatthena – ‘‘nāhaṃ sayambhū, na mayā idaṃ sacchikata’’nti attānaṃ parimocento – ‘‘evaṃ me sutaṃ, mayāpi evaṃ suta’’nti idāni vattabbaṃ sakalasuttaṃ nidasseti.
авад̇хааран̣ад̇т̇зна – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ б̣ахуссуд̇аанам̣ яад̣̇ид̣̇ам̣ аананд̣̇о, г̇ад̇иманд̇аанам̣, сад̇иманд̇аанам̣, д̇хид̇иманд̇аанам̣, убадтаагаанам̣ яад̣̇ид̣̇ам̣ аананд̣̇о’’д̇и (а. ни. 1.220-223) звам̣ бхаг̇авад̇аа – ‘‘ааяасмаа аананд̣̇о ад̇т̇агусало д̇хаммагусало б̣яан̃ж̇анагусало нируд̇д̇игусало буб̣б̣аабарагусало’’д̇и (а. ни. 5.169) звам̣ д̇хаммасзнаабад̇инаа жа басад̇т̇абхааваануруубам̣ ад̇д̇ано д̇хааран̣аб̣алам̣ д̣̇ассзнд̇о сад̇д̇аанам̣ сод̇угаамад̇ам̣ ж̇анзд̇и – ‘‘звам̣ мз суд̇ам̣, д̇ан̃жа ко ад̇т̇ад̇о ваа б̣яан̃ж̇анад̇о ваа ануунаманад̇хигам̣, звамзва на ан̃н̃ат̇аа д̣̇адтаб̣б̣а’’нд̇и.
Avadhāraṇatthena – ‘‘etadaggaṃ, bhikkhave, mama sāvakānaṃ bhikkhūnaṃ bahussutānaṃ yadidaṃ ānando, gatimantānaṃ, satimantānaṃ, dhitimantānaṃ, upaṭṭhākānaṃ yadidaṃ ānando’’ti (a. ni. 1.220-223) evaṃ bhagavatā – ‘‘āyasmā ānando atthakusalo dhammakusalo byañjanakusalo niruttikusalo pubbāparakusalo’’ti (a. ni. 5.169) evaṃ dhammasenāpatinā ca pasatthabhāvānurūpaṃ attano dhāraṇabalaṃ dassento sattānaṃ sotukāmataṃ janeti – ‘‘evaṃ me sutaṃ, tañca kho atthato vā byañjanato vā anūnamanadhikaṃ, evameva na aññathā daṭṭhabba’’nti.
мзсад̣̇д̣̇о д̇ийсу ад̇т̇зсу д̣̇иссад̇и. д̇ат̇аа хисса – ‘‘г̇аат̇аабхиг̇ийд̇ам̣ мз абхож̇анзяяа’’нд̇иаад̣̇ийсу (су. ни. 81) маяаад̇и ад̇т̇о. ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇уу ’’ д̇иаад̣̇ийсу (сам̣. ни. 4.88) маяханд̇и ад̇т̇о. ‘‘д̇хаммад̣̇ааяаад̣̇аа мз, бхигкавз, бхават̇аа’’д̇иаад̣̇ийсу (ма. ни. 1.29) мамаад̇и ад̇т̇о. ид̇ха бана ‘‘маяаа суд̇а’’нд̇и жа ‘‘мама суд̇а’’нд̇и жа ад̇т̇ад̣̇ваяз яуж̇ж̇ад̇и.
Mesaddo tīsu atthesu dissati. Tathā hissa – ‘‘gāthābhigītaṃ me abhojaneyya’’ntiādīsu (su. ni. 81) mayāti attho. ‘‘Sādhu me, bhante, bhagavā saṃkhittena dhammaṃ desetū ’’ tiādīsu (saṃ. ni. 4.88) mayhanti attho. ‘‘Dhammadāyādā me, bhikkhave, bhavathā’’tiādīsu (ma. ni. 1.29) mamāti attho. Idha pana ‘‘mayā suta’’nti ca ‘‘mama suta’’nti ca atthadvaye yujjati.
суд̇анд̇и аяам̣ суд̇асад̣̇д̣̇о саубасаг̇г̇о анубасаг̇г̇о жа г̇амана-виссуд̇а-гилиннаубажид̇аануяог̇а-сод̇авин̃н̃зяяа-сод̇ад̣̇ваараанусааравин̃н̃аад̇аад̣̇ианзгад̇т̇аббабхзд̣̇о. д̇ат̇аа хисса – ‘‘сзнааяа басуд̇о’’д̇иаад̣̇ийсу г̇ажчанд̇од̇и ад̇т̇о. ‘‘суд̇ад̇хаммасса бассад̇о’’д̇иаад̣̇ийсу (уд̣̇аа. 11) виссуд̇ад̇хаммассаад̇и ад̇т̇о. ‘‘авассуд̇аа авассуд̇ассаа’’д̇иаад̣̇ийсу (баажи. 657) гилиннаагилиннассаад̇и ад̇т̇о. ‘‘д̇умхзхи бун̃н̃ам̣ басуд̇ам̣ анаббага’’нд̇иаад̣̇ийсу (ку. баа. 7.12) убажид̇анд̇и ад̇т̇о. ‘‘яз жхаанабасуд̇аа д̇хийраа’’д̇иаад̣̇ийсу (д̇ха. ба. 181) жхаанаануяуд̇д̇аад̇и ад̇т̇о. ‘‘д̣̇идтам̣ суд̇ам̣ муд̇а’’нд̇иаад̣̇ийсу (ма. ни. 1.241) сод̇авин̃н̃зяяанд̇и ад̇т̇о. ‘‘суд̇ад̇харо суд̇асаннижаяо’’д̇иаад̣̇ийсу (ма. ни. 1.339) сод̇ад̣̇ваараанусааравин̃н̃аад̇ад̇харод̇и ад̇т̇о. ид̇ха банасса сод̇ад̣̇ваараанусаарзна убад̇хаарид̇анд̇и ваа убад̇хааран̣анд̇и ваа ад̇т̇о. мз-сад̣̇д̣̇асса хи маяаад̇и ад̇т̇з сад̇и – ‘‘звам̣ маяаа суд̇ам̣, сод̇ад̣̇ваараанусаарзна убад̇хаарид̇а’’нд̇и яуж̇ж̇ад̇и. мамаад̇и ад̇т̇з сад̇и – ‘‘звам̣ мама суд̇ам̣, сод̇ад̣̇ваараанусаарзна убад̇хааран̣а’’нд̇и яуж̇ж̇ад̇и.
Sutanti ayaṃ sutasaddo saupasaggo anupasaggo ca gamana-vissuta-kilinnaupacitānuyoga-sotaviññeyya-sotadvārānusāraviññātādianekatthappabhedo. Tathā hissa – ‘‘senāya pasuto’’tiādīsu gacchantoti attho. ‘‘Sutadhammassa passato’’tiādīsu (udā. 11) vissutadhammassāti attho. ‘‘Avassutā avassutassā’’tiādīsu (pāci. 657) kilinnākilinnassāti attho. ‘‘Tumhehi puññaṃ pasutaṃ anappaka’’ntiādīsu (khu. pā. 7.12) upacitanti attho. ‘‘Ye jhānapasutā dhīrā’’tiādīsu (dha. pa. 181) jhānānuyuttāti attho. ‘‘Diṭṭhaṃ sutaṃ muta’’ntiādīsu (ma. ni. 1.241) sotaviññeyyanti attho. ‘‘Sutadharo sutasannicayo’’tiādīsu (ma. ni. 1.339) sotadvārānusāraviññātadharoti attho. Idha panassa sotadvārānusārena upadhāritanti vā upadhāraṇanti vā attho. Me-saddassa hi mayāti atthe sati – ‘‘evaṃ mayā sutaṃ, sotadvārānusārena upadhārita’’nti yujjati. Mamāti atthe sati – ‘‘evaṃ mama sutaṃ, sotadvārānusārena upadhāraṇa’’nti yujjati.
звамзд̇зсу д̇ийсу бад̣̇зсу званд̇и сод̇авин̃н̃аан̣аад̣̇ивин̃н̃аан̣агижжанид̣̇ассанам̣. мзд̇и вуд̇д̇авин̃н̃аан̣асаман̇г̇ибуг̇г̇аланид̣̇ассанам̣. суд̇анд̇и ассаванабхаавабадигкзбад̇о ануунаанад̇хигаавибарийд̇аг̇г̇ахан̣анид̣̇ассанам̣. д̇ат̇аа званд̇и д̇асса сод̇ад̣̇ваараанусаарзна бавад̇д̇ааяа вин̃н̃аан̣авийт̇ияаа наанаббагаарзна аарамман̣з бавад̇д̇ибхааваббагаасанам̣. мзд̇и ад̇д̇аббагаасанам̣. суд̇анд̇и д̇хаммаббагаасанам̣. аяан̃хзд̇т̇а сан̇кзбо – ‘‘наанаббагаарзна аарамман̣з бавад̇д̇ааяа вин̃н̃аан̣авийт̇ияаа маяаа на ан̃н̃ам̣ гад̇ам̣, ид̣̇ам̣ бана гад̇ам̣, аяам̣ д̇хаммо суд̇о’’д̇и.
Evametesu tīsu padesu evanti sotaviññāṇādiviññāṇakiccanidassanaṃ. Meti vuttaviññāṇasamaṅgipuggalanidassanaṃ. Sutanti assavanabhāvapaṭikkhepato anūnānadhikāviparītaggahaṇanidassanaṃ. Tathā evanti tassa sotadvārānusārena pavattāya viññāṇavīthiyā nānappakārena ārammaṇe pavattibhāvappakāsanaṃ. Meti attappakāsanaṃ. Sutanti dhammappakāsanaṃ. Ayañhettha saṅkhepo – ‘‘nānappakārena ārammaṇe pavattāya viññāṇavīthiyā mayā na aññaṃ kataṃ, idaṃ pana kataṃ, ayaṃ dhammo suto’’ti.
д̇ат̇аа званд̇и нид̣̇д̣̇исид̇аб̣б̣аббагаасанам̣. мзд̇и буг̇г̇алаббагаасанам̣. суд̇анд̇и буг̇г̇алагижжаббагаасанам̣. ид̣̇ам̣ вуд̇д̇ам̣ ход̇и – ‘‘яам̣ суд̇д̇ам̣ нид̣̇д̣̇исиссаами, д̇ам̣ маяаа звам̣ суд̇а’’нд̇и.
Tathā evanti niddisitabbappakāsanaṃ. Meti puggalappakāsanaṃ. Sutanti puggalakiccappakāsanaṃ. Idaṃ vuttaṃ hoti – ‘‘yaṃ suttaṃ niddisissāmi, taṃ mayā evaṃ suta’’nti.
д̇ат̇аа званд̇и яасса жид̇д̇асанд̇аанасса наанаагаараббавад̇д̇ияаа наанад̇т̇аб̣яан̃ж̇анаг̇ахан̣ам̣ ход̇и, д̇асса наанаагааранид̣̇д̣̇зсо . званд̇и хи аяам̣ аагаарабан̃н̃ад̇д̇и. мзд̇и гад̇д̇унид̣̇д̣̇зсо. суд̇анд̇и висаяанид̣̇д̣̇зсо. зд̇д̇аавад̇аа наанаагаараббавад̇д̇зна жид̇д̇асанд̇аанзна д̇ам̣саман̇г̇ино гад̇д̇увисаяз г̇ахан̣асаннидтаанам̣ гад̇ам̣ ход̇и.
Tathā evanti yassa cittasantānassa nānākārappavattiyā nānatthabyañjanagahaṇaṃ hoti, tassa nānākāraniddeso . Evanti hi ayaṃ ākārapaññatti. Meti kattuniddeso. Sutanti visayaniddeso. Ettāvatā nānākārappavattena cittasantānena taṃsamaṅgino kattuvisaye gahaṇasanniṭṭhānaṃ kataṃ hoti.
ат̇а ваа званд̇и буг̇г̇алагижжанид̣̇д̣̇зсо. суд̇анд̇и вин̃н̃аан̣агижжанид̣̇д̣̇зсо. мзд̇и убхаяагижжаяуд̇д̇абуг̇г̇аланид̣̇д̣̇зсо. аяам̣ банзд̇т̇а сан̇кзбо – ‘‘маяаа саванагижжавин̃н̃аан̣асаман̇г̇инаа буг̇г̇алзна вин̃н̃аан̣авасзна лад̣̇д̇хасаванагижжавохаарзна суд̇а’’нд̇и.
Atha vā evanti puggalakiccaniddeso. Sutanti viññāṇakiccaniddeso. Meti ubhayakiccayuttapuggalaniddeso. Ayaṃ panettha saṅkhepo – ‘‘mayā savanakiccaviññāṇasamaṅginā puggalena viññāṇavasena laddhasavanakiccavohārena suta’’nti.
д̇ад̇т̇а званд̇и жа мзд̇и жа сажжигадтабарамад̇т̇авасзна авиж̇ж̇амаанабан̃н̃ад̇д̇и. гин̃хзд̇т̇а д̇ам̣ барамад̇т̇ад̇о ад̇т̇и, яам̣ званд̇и ваа мзд̇и ваа нид̣̇д̣̇зсам̣ лабхзт̇а. суд̇анд̇и виж̇ж̇амаанабан̃н̃ад̇д̇и. яан̃хи д̇ам̣ зд̇т̇а сод̇зна убалад̣̇д̇хам̣, д̇ам̣ барамад̇т̇ад̇о виж̇ж̇амаананд̇и. д̇ат̇аа званд̇и жа мзд̇и жа д̇ам̣ д̇ам̣ убаад̣̇ааяа вад̇д̇аб̣б̣ад̇о убаад̣̇аабан̃н̃ад̇д̇и. суд̇анд̇и д̣̇идтаад̣̇ийни убанид̇хааяа вад̇д̇аб̣б̣ад̇о убанид̇хаабан̃н̃ад̇д̇и.
Tattha evanti ca meti ca saccikaṭṭhaparamatthavasena avijjamānapaññatti. Kiñhettha taṃ paramatthato atthi, yaṃ evanti vā meti vā niddesaṃ labhetha. Sutanti vijjamānapaññatti. Yañhi taṃ ettha sotena upaladdhaṃ, taṃ paramatthato vijjamānanti. Tathā evanti ca meti ca taṃ taṃ upādāya vattabbato upādāpaññatti. Sutanti diṭṭhādīni upanidhāya vattabbato upanidhāpaññatti.
зд̇т̇а жа званд̇и важанзна асаммохам̣ д̣̇ийбзд̇и. на хи саммуул̣хо наанаббагаарабадивзд̇хасамад̇т̇о ход̇и. суд̇анд̇и важанзна суд̇асса асаммосам̣ д̣̇ийбзд̇и. яасса хи суд̇ам̣ саммудтам̣ ход̇и, на со гааланд̇арзна маяаа суд̇анд̇и бадиж̇аанаад̇и. ижжасса асаммохзна бан̃н̃аасид̣̇д̇хи, асаммосзна бана сад̇исид̣̇д̇хи. д̇ад̇т̇а бан̃н̃аабуб̣б̣ан̇г̇амааяа сад̇ияаа б̣яан̃ж̇анаавад̇хааран̣асамад̇т̇ад̇аа, сад̇ибуб̣б̣ан̇г̇амааяа бан̃н̃ааяа ад̇т̇абадивзд̇хасамад̇т̇ад̇аа . д̇ад̣̇убхаяасамад̇т̇ад̇ааяог̇зна ад̇т̇аб̣яан̃ж̇анасамбаннасса д̇хаммагосасса анубааланасамад̇т̇ад̇о д̇хаммабхан̣д̣ааг̇ааригад̇д̇асид̣̇д̇хи.
Ettha ca evanti vacanena asammohaṃ dīpeti. Na hi sammūḷho nānappakārapaṭivedhasamattho hoti. Sutanti vacanena sutassa asammosaṃ dīpeti. Yassa hi sutaṃ sammuṭṭhaṃ hoti, na so kālantarena mayā sutanti paṭijānāti. Iccassa asammohena paññāsiddhi, asammosena pana satisiddhi. Tattha paññāpubbaṅgamāya satiyā byañjanāvadhāraṇasamatthatā, satipubbaṅgamāya paññāya atthapaṭivedhasamatthatā . Tadubhayasamatthatāyogena atthabyañjanasampannassa dhammakosassa anupālanasamatthato dhammabhaṇḍāgārikattasiddhi.
абаро наяо – званд̇и важанзна яонисо манасигаарам̣ д̣̇ийбзд̇и, аяонисо манасигарод̇о хи наанаббагаарабадивзд̇хаабхаавад̇о. суд̇анд̇и важанзна авигкзбам̣ д̣̇ийбзд̇и вигкид̇д̇ажид̇д̇асса саванаабхаавад̇о. д̇ат̇аа хи вигкид̇д̇ажид̇д̇о буг̇г̇ало саб̣б̣асамбад̇д̇ияаа вужжамааноби ‘‘на маяаа суд̇ам̣, буна бхан̣ат̇аа’’д̇и бхан̣ад̇и. яонисо манасигаарзна жзд̇т̇а ад̇д̇асаммаабан̣ид̇хим̣ буб̣б̣з жа гад̇абун̃н̃ад̇ам̣ саад̇хзд̇и, саммаа аббан̣ихид̇ад̇д̇асса буб̣б̣з агад̇абун̃н̃асса ваа д̇ад̣̇абхаавад̇о. авигкзбзна сад̣̇д̇хаммассаванам̣ саббурисуубаниссаяан̃жа саад̇хзд̇и. на хи вигкид̇д̇ажид̇д̇о сод̇ум̣ саггод̇и, на жа саббурисз анубаниссаяамаанасса саванам̣ ад̇т̇ийд̇и.
Aparo nayo – evanti vacanena yoniso manasikāraṃ dīpeti, ayoniso manasikaroto hi nānappakārapaṭivedhābhāvato. Sutanti vacanena avikkhepaṃ dīpeti vikkhittacittassa savanābhāvato. Tathā hi vikkhittacitto puggalo sabbasampattiyā vuccamānopi ‘‘na mayā sutaṃ, puna bhaṇathā’’ti bhaṇati. Yoniso manasikārena cettha attasammāpaṇidhiṃ pubbe ca katapuññataṃ sādheti, sammā appaṇihitattassa pubbe akatapuññassa vā tadabhāvato. Avikkhepena saddhammassavanaṃ sappurisūpanissayañca sādheti. Na hi vikkhittacitto sotuṃ sakkoti, na ca sappurise anupanissayamānassa savanaṃ atthīti.
абаро наяо – яасмаа ‘‘званд̇и яасса жид̇д̇асанд̇аанасса наанаагаараббавад̇д̇ияаа наанад̇т̇аб̣яан̃ж̇анаг̇г̇ахан̣ам̣ ход̇и, д̇асса наанаагааранид̣̇д̣̇зсо’’д̇и вуд̇д̇ам̣, со жа звам̣ бхад̣̇д̣̇аго аагааро на саммаа аббан̣ихид̇ад̇д̇ано буб̣б̣з агад̇абун̃н̃асса ваа ход̇и, д̇асмаа званд̇и иминаа бхад̣̇д̣̇агзна аагаарзна бажчимажаггад̣̇ваяасамбад̇д̇имад̇д̇ано д̣̇ийбзд̇и. суд̇анд̇и саванаяог̇зна буримажаггад̣̇ваяасамбад̇д̇им̣. на хи аббад̇ируубад̣̇зсз васад̇о саббурисуубаниссаяавирахид̇асса ваа саванам̣ ад̇т̇и. ижжасса бажчимажаггад̣̇ваяасид̣̇д̇хияаа аасаяасуд̣̇д̇хи сид̣̇д̇хаа ход̇и, буримажаггад̣̇ваяасид̣̇д̇хияаа баяог̇асуд̣̇д̇хи, д̇ааяа жа аасаяасуд̣̇д̇хияаа ад̇хиг̇амаб̣яад̇д̇исид̣̇д̇хи, баяог̇асуд̣̇д̇хияаа ааг̇амаб̣яад̇д̇исид̣̇д̇хи. ид̇и баяог̇аасаяасуд̣̇д̇хасса ааг̇амаад̇хиг̇амасамбаннасса важанам̣ арун̣уг̇г̇ам̣ вияа суурияасса уд̣̇аяад̇о, яонисо манасигааро вияа жа гусалагаммасса, арахад̇и бхаг̇авад̇о важанасса буб̣б̣ан̇г̇амам̣ бхавид̇унд̇и таанз нид̣̇аанам̣ табзнд̇о звам̣ мз суд̇анд̇иаад̣̇имааха.
Aparo nayo – yasmā ‘‘evanti yassa cittasantānassa nānākārappavattiyā nānatthabyañjanaggahaṇaṃ hoti, tassa nānākāraniddeso’’ti vuttaṃ, so ca evaṃ bhaddako ākāro na sammā appaṇihitattano pubbe akatapuññassa vā hoti, tasmā evanti iminā bhaddakena ākārena pacchimacakkadvayasampattimattano dīpeti. Sutanti savanayogena purimacakkadvayasampattiṃ. Na hi appatirūpadese vasato sappurisūpanissayavirahitassa vā savanaṃ atthi. Iccassa pacchimacakkadvayasiddhiyā āsayasuddhi siddhā hoti, purimacakkadvayasiddhiyā payogasuddhi, tāya ca āsayasuddhiyā adhigamabyattisiddhi, payogasuddhiyā āgamabyattisiddhi. Iti payogāsayasuddhassa āgamādhigamasampannassa vacanaṃ aruṇuggaṃ viya sūriyassa udayato, yoniso manasikāro viya ca kusalakammassa, arahati bhagavato vacanassa pubbaṅgamaṃ bhavitunti ṭhāne nidānaṃ ṭhapento evaṃ me sutantiādimāha.
абаро наяо – званд̇и иминаа наанаббагаарабадивзд̇хад̣̇ийбагзна важанзна ад̇д̇ано ад̇т̇абадибхаанабадисамбхид̣̇аасамбад̇д̇исаб̣бхаавам̣ д̣̇ийбзд̇и. суд̇анд̇и иминаа сод̇аб̣б̣абхзд̣̇абадивзд̇хад̣̇ийбагзна д̇хамманируд̇д̇ибадисамбхид̣̇аасамбад̇д̇исаб̣бхаавам̣. званд̇и жа ид̣̇ам̣ яонисо манасигаарад̣̇ийбагаважанам̣ бхаасамаано – ‘‘зд̇з маяаа д̇хаммаа манасаанубзгкид̇аа д̣̇идтияаа суббадивид̣̇д̇хаа’’д̇и д̣̇ийбзд̇и. суд̇анд̇и ид̣̇ам̣ саванаяог̇ад̣̇ийбагаважанам̣ бхаасамаано – ‘‘б̣ахуу маяаа д̇хаммаа суд̇аа д̇хаад̇аа важасаа барижид̇аа’’д̇и д̣̇ийбзд̇и. д̇ад̣̇убхаязнаби ад̇т̇аб̣яан̃ж̇анабаарибуурим̣ д̣̇ийбзнд̇о саванз аад̣̇арам̣ ж̇анзд̇и. ад̇т̇аб̣яан̃ж̇анабарибун̣н̣ан̃хи д̇хаммам̣ аад̣̇арзна ассун̣анд̇о махад̇аа хид̇аа бариб̣аахиро ход̇ийд̇и аад̣̇арам̣ ж̇анзд̇ваа саггажжам̣ д̇хаммо сод̇аб̣б̣од̇и.
Aparo nayo – evanti iminā nānappakārapaṭivedhadīpakena vacanena attano atthapaṭibhānapaṭisambhidāsampattisabbhāvaṃ dīpeti. Sutanti iminā sotabbabhedapaṭivedhadīpakena dhammaniruttipaṭisambhidāsampattisabbhāvaṃ. Evanti ca idaṃ yoniso manasikāradīpakavacanaṃ bhāsamāno – ‘‘ete mayā dhammā manasānupekkhitā diṭṭhiyā suppaṭividdhā’’ti dīpeti. Sutanti idaṃ savanayogadīpakavacanaṃ bhāsamāno – ‘‘bahū mayā dhammā sutā dhātā vacasā paricitā’’ti dīpeti. Tadubhayenapi atthabyañjanapāripūriṃ dīpento savane ādaraṃ janeti. Atthabyañjanaparipuṇṇañhi dhammaṃ ādarena assuṇanto mahatā hitā paribāhiro hotīti ādaraṃ janetvā sakkaccaṃ dhammo sotabboti.
звам̣ мз суд̇анд̇и иминаа бана сагалзна важанзна ааяасмаа аананд̣̇о д̇ат̇ааг̇ад̇аббавзд̣̇ид̇ам̣ д̇хаммам̣ ад̇д̇ано ад̣̇аханд̇о асаббурисабхуумим̣ ад̇иггамад̇и, саавагад̇д̇ам̣ бадиж̇аананд̇о саббурисабхуумим̣ оггамад̇и. д̇ат̇аа асад̣̇д̇хаммаа жид̇д̇ам̣ вудтаабзд̇и, сад̣̇д̇хаммз жид̇д̇ам̣ бад̇идтаабзд̇и. ‘‘гзвалам̣ суд̇амзвзд̇ам̣ маяаа, д̇ассзва бана бхаг̇авад̇о важана’’нд̇и д̣̇ийбзнд̇о ад̇д̇аанам̣ бариможзд̇и, сад̇т̇аарам̣ абад̣̇исад̇и, ж̇инаважанам̣ аббзд̇и, д̇хамманзд̇д̇им̣ бад̇идтаабзд̇и.
Evaṃme sutanti iminā pana sakalena vacanena āyasmā ānando tathāgatappaveditaṃ dhammaṃ attano adahanto asappurisabhūmiṃ atikkamati, sāvakattaṃ paṭijānanto sappurisabhūmiṃ okkamati. Tathā asaddhammā cittaṃ vuṭṭhāpeti, saddhamme cittaṃ patiṭṭhāpeti. ‘‘Kevalaṃ sutamevetaṃ mayā, tasseva pana bhagavato vacana’’nti dīpento attānaṃ parimoceti, satthāraṃ apadisati, jinavacanaṃ appeti, dhammanettiṃ patiṭṭhāpeti.
абижа ‘‘звам̣ мз суд̇а’’нд̇и ад̇д̇анаа уббаад̣̇ид̇абхаавам̣ аббадиж̇аананд̇о буримаважанам̣ виваранд̇о – ‘‘саммукаа бадиг̇г̇ахид̇амид̣̇ам̣ маяаа д̇асса бхаг̇авад̇о жад̇увзсаараж̇ж̇ависаарад̣̇асса д̣̇асаб̣алад̇харасса аасабхадтаанадтааяино сийханаад̣̇анаад̣̇ино саб̣б̣асад̇д̇уд̇д̇амасса д̇хаммиссарасса д̇хаммарааж̇асса д̇хаммаад̇хибад̇ино д̇хаммад̣̇ийбасса д̇хаммасаран̣асса сад̣̇д̇хаммаваражаггавад̇д̇ино саммаасамб̣уд̣̇д̇хасса важанам̣, на зд̇т̇а ад̇т̇з ваа д̇хаммз ваа бад̣̇з ваа б̣яан̃ж̇анз ваа ган̇каа ваа вимад̇и ваа гад̇д̇аб̣б̣аа’’д̇и саб̣б̣ад̣̇звамануссаанам̣ имасмим̣ д̇хаммз ассад̣̇д̇хияам̣ винаасзд̇и, сад̣̇д̇хаасамбад̣̇ам̣ уббаад̣̇зд̇ийд̇и. д̇знзд̇ам̣ вужжад̇и –
Apica ‘‘evaṃ me suta’’nti attanā uppāditabhāvaṃ appaṭijānanto purimavacanaṃ vivaranto – ‘‘sammukhā paṭiggahitamidaṃ mayā tassa bhagavato catuvesārajjavisāradassa dasabaladharassa āsabhaṭṭhānaṭṭhāyino sīhanādanādino sabbasattuttamassa dhammissarassa dhammarājassa dhammādhipatino dhammadīpassa dhammasaraṇassa saddhammavaracakkavattino sammāsambuddhassa vacanaṃ, na ettha atthe vā dhamme vā pade vā byañjane vā kaṅkhā vā vimati vā kattabbā’’ti sabbadevamanussānaṃ imasmiṃ dhamme assaddhiyaṃ vināseti, saddhāsampadaṃ uppādetīti. Tenetaṃ vuccati –
‘‘винаасаяад̇и ассад̣̇д̇хам̣, сад̣̇д̇хам̣ вад̣дхзд̇и саасанз;
‘‘Vināsayati assaddhaṃ, saddhaṃ vaḍḍheti sāsane;
звам̣ мз суд̇амижжзвам̣, вад̣̇ам̣ г̇од̇амасааваго’’д̇и.
Evaṃ me sutamiccevaṃ, vadaṃ gotamasāvako’’ti.
зганд̇и г̇ан̣анабарижчзд̣̇анид̣̇д̣̇зсо. самаяанд̇и барижчиннанид̣̇д̣̇зсо. згам̣ самаяанд̇и анияамид̇абарид̣̇ийбанам̣. д̇ад̇т̇а самаяасад̣̇д̣̇о –
Ekanti gaṇanaparicchedaniddeso. Samayanti paricchinnaniddeso. Ekaṃ samayanti aniyamitaparidīpanaṃ. Tattha samayasaddo –
‘‘самавааяз кан̣з гаалз, самуухз хзд̇уд̣̇идтису;
‘‘Samavāye khaṇe kāle, samūhe hetudiṭṭhisu;
бадилаабхз бахаанз жа, бадивзд̇хз жа д̣̇иссад̇и’’.
Paṭilābhe pahāne ca, paṭivedhe ca dissati’’.
д̇ат̇аа хисса ‘‘аббзва наама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и звамаад̣̇ийсу (д̣̇ий. ни. 1.447) самавааяо ад̇т̇о. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇иаад̣̇ийсу (а. ни. 8.29) кан̣о. ‘‘ун̣хасамаяо барил̣аахасамаяо’’д̇иаад̣̇ийсу (баажи. 358) гаало. ‘‘махаасамаяо баванасми’’нд̇иаад̣̇ийсу (д̣̇ий. ни. 2.332) самуухо. ‘‘самаяоби ко д̇з, бхад̣̇д̣̇аали, аббадивид̣̇д̇хо ахоси, бхаг̇аваа ко саавад̇т̇ияам̣ вихарад̇и, бхаг̇авааби мам̣ ж̇ааниссад̇и – ‘бхад̣̇д̣̇аали, наама бхигку сад̇т̇усаасанз сигкааяа абарибуурагаарий’д̇и. аяамби ко д̇з , бхад̣̇д̣̇аали, самаяо аббадивид̣̇д̇хо ахосий’’д̇иаад̣̇ийсу (ма. ни. 2.135) хзд̇у. ‘‘д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇ий’’д̇иаад̣̇ийсу (ма. ни. 2.260) д̣̇идти.
Tathā hissa ‘‘appeva nāma svepi upasaṅkameyyāma kālañca samayañca upādāyā’’ti evamādīsu (dī. ni. 1.447) samavāyo attho. ‘‘Ekova kho, bhikkhave, khaṇo ca samayo ca brahmacariyavāsāyā’’tiādīsu (a. ni. 8.29) khaṇo. ‘‘Uṇhasamayo pariḷāhasamayo’’tiādīsu (pāci. 358) kālo. ‘‘Mahāsamayo pavanasmi’’ntiādīsu (dī. ni. 2.332) samūho. ‘‘Samayopi kho te, bhaddāli, appaṭividdho ahosi, bhagavā kho sāvatthiyaṃ viharati, bhagavāpi maṃ jānissati – ‘bhaddāli, nāma bhikkhu satthusāsane sikkhāya aparipūrakārī’ti. Ayampi kho te , bhaddāli, samayo appaṭividdho ahosī’’tiādīsu (ma. ni. 2.135) hetu. ‘‘Tena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī’’tiādīsu (ma. ni. 2.260) diṭṭhi.
‘‘д̣̇идтз д̇хаммз жа яо ад̇т̇о, яо жад̇т̇о самбарааяиго;
‘‘Diṭṭhe dhamme ca yo attho, yo cattho samparāyiko;
ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. –
Atthābhisamayā dhīro, paṇḍitoti pavuccatī’’ti. –
аад̣̇ийсу (сам̣. ни. 1.129) бадилаабхо. ‘‘саммаа маанаабхисамаяаа анд̇амагааси д̣̇угкассаа’’д̇иаад̣̇ийсу (ма. ни. 1.28) бахаанам̣. ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто абхисамаяадто’’д̇иаад̣̇ийсу (бади. ма. 2.8) бадивзд̇хо. ид̇ха банасса гаало ад̇т̇о. д̇зна сам̣важчара-уд̇у-маасад̣дхамааса-рад̇д̇и-д̣̇ива-буб̣б̣ан̣ха-маж̇жханхига-сааяанха-батамамаж̇жхимабажчимаяаама-мухуд̇д̇аад̣̇ийсу гаалаббабхзд̣̇абхууд̇зсу самаязсу згам̣ самаяанд̇и д̣̇ийбзд̇и.
Ādīsu (saṃ. ni. 1.129) paṭilābho. ‘‘Sammā mānābhisamayā antamakāsi dukkhassā’’tiādīsu (ma. ni. 1.28) pahānaṃ. ‘‘Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho abhisamayaṭṭho’’tiādīsu (paṭi. ma. 2.8) paṭivedho. Idha panassa kālo attho. Tena saṃvacchara-utu-māsaḍḍhamāsa-ratti-diva-pubbaṇha-majjhanhika-sāyanha-paṭhamamajjhimapacchimayāma-muhuttādīsu kālappabhedabhūtesu samayesu ekaṃ samayanti dīpeti.
д̇ад̇т̇а гин̃жааби зд̇зсу сам̣важчараад̣̇ийсу самаязсу яам̣ яам̣ суд̇д̇ам̣ яасмим̣ яасмим̣ сам̣важчарз уд̇умхи маасз багкз рад̇д̇ибхааг̇з д̣̇ивасабхааг̇з ваа вуд̇д̇ам̣, саб̣б̣ам̣ д̇ам̣ т̇зрасса сувид̣̇ид̇ам̣ сувавад̇т̇аабид̇ам̣ бан̃н̃ааяа. яасмаа бана ‘‘звам̣ мз суд̇ам̣ асугасам̣важчарз асугауд̇умхи асугамаасз асугабагкз асугарад̇д̇ибхааг̇з асугад̣̇ивасабхааг̇з ваа’’д̇и звам̣ вуд̇д̇з на саггаа сукзна д̇хаарзд̇ум̣ ваа уд̣̇д̣̇исид̇ум̣ ваа уд̣̇д̣̇исаабзд̇ум̣ ваа, б̣аху жа вад̇д̇аб̣б̣ам̣ ход̇и, д̇асмаа згзнзва бад̣̇зна д̇амад̇т̇ам̣ самод̇хаанзд̇ваа ‘‘згам̣ самаяа’’нд̇и ааха.
Tattha kiñcāpi etesu saṃvaccharādīsu samayesu yaṃ yaṃ suttaṃ yasmiṃ yasmiṃ saṃvacchare utumhi māse pakkhe rattibhāge divasabhāge vā vuttaṃ, sabbaṃ taṃ therassa suviditaṃ suvavatthāpitaṃ paññāya. Yasmā pana ‘‘evaṃ me sutaṃ asukasaṃvacchare asukautumhi asukamāse asukapakkhe asukarattibhāge asukadivasabhāge vā’’ti evaṃ vutte na sakkā sukhena dhāretuṃ vā uddisituṃ vā uddisāpetuṃ vā, bahu ca vattabbaṃ hoti, tasmā ekeneva padena tamatthaṃ samodhānetvā ‘‘ekaṃ samaya’’nti āha.
яз ваа имз г̇аб̣бхогганд̇исамаяо ж̇аад̇исамаяо сам̣взг̇асамаяо абхинигкаманасамаяо д̣̇уггарагааригасамаяо мааравиж̇аяасамаяо абхисамб̣од̇хисамаяо д̣̇идтад̇хаммасукавихаарасамаяо д̣̇зсанаасамаяо бариниб̣б̣аанасамаяод̇и звамаад̣̇аяо бхаг̇авад̇о д̣̇звамануссзсу ад̇ивияа суббагаасаа анзгагаалаббабхзд̣̇аа зва самаяаа. д̇зсу самаязсу д̣̇зсанаасамаяасан̇каад̇ам̣ згам̣ самаяанд̇и д̣̇ийбзд̇и. яо жааяам̣ н̃аан̣агарун̣аагижжасамаязсу гарун̣аагижжасамаяо, ад̇д̇ахид̇абарахид̇абадибад̇д̇исамаязсу барахид̇абадибад̇д̇исамаяо , саннибад̇ид̇аанам̣ гаран̣ийяад̣̇ваяасамаязсу д̇хаммигат̇аасамаяо, д̣̇зсанаабадибад̇д̇исамаязсу д̣̇зсанаасамаяо, д̇зсуби самаязсу ан̃н̃ад̇арам̣ санд̇хааяа ‘‘згам̣ самаяа’’нд̇и ааха.
Ye vā ime gabbhokkantisamayo jātisamayo saṃvegasamayo abhinikkhamanasamayo dukkarakārikasamayo māravijayasamayo abhisambodhisamayo diṭṭhadhammasukhavihārasamayo desanāsamayo parinibbānasamayoti evamādayo bhagavato devamanussesu ativiya suppakāsā anekakālappabhedā eva samayā. Tesu samayesu desanāsamayasaṅkhātaṃ ekaṃ samayanti dīpeti. Yo cāyaṃ ñāṇakaruṇākiccasamayesu karuṇākiccasamayo, attahitaparahitapaṭipattisamayesu parahitapaṭipattisamayo , sannipatitānaṃ karaṇīyadvayasamayesu dhammikathāsamayo, desanāpaṭipattisamayesu desanāsamayo, tesupi samayesu aññataraṃ sandhāya ‘‘ekaṃ samaya’’nti āha.
гасмаа банзд̇т̇а яат̇аа абхид̇хаммз ‘‘яасмим̣ самаяз гаамааважара’’нд̇и жа ид̇о ан̃н̃зсу суд̇д̇абад̣̇зсу ‘‘яасмим̣ самаяз, бхигкавз, бхигку вивижжзва гаамзхий’’д̇и жа бхуммаважанзна нид̣̇д̣̇зсо гад̇о, винаяз жа ‘‘д̇зна самаязна б̣уд̣̇д̇хо бхаг̇аваа’’д̇и гаран̣аважанзна, д̇ат̇аа агад̇ваа ‘‘згам̣ самаяа’’нд̇и убаяог̇аважанзна нид̣̇д̣̇зсо гад̇од̇и. д̇ад̇т̇а д̇ат̇аа, ид̇ха жа ан̃н̃ат̇аа ад̇т̇асамбхавад̇о. д̇ад̇т̇а хи абхид̇хаммз ид̇о ан̃н̃зсу суд̇д̇абад̣̇зсу жа ад̇хигаран̣ад̇т̇о бхаавзнабхаавалагкан̣ад̇т̇о жа самбхавад̇и. ад̇хигаран̣ан̃хи гаалад̇т̇о самуухад̇т̇о жа самаяо, д̇ад̇т̇а вуд̇д̇аанам̣ пассаад̣̇ид̇хаммаанам̣ кан̣асамавааяахзд̇усан̇каад̇асса жа самаяасса бхаавзна д̇зсам̣ бхааво лагкийяад̇и. д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а бхуммаважананид̣̇д̣̇зсо гад̇о.
Kasmā panettha yathā abhidhamme ‘‘yasmiṃ samaye kāmāvacara’’nti ca ito aññesu suttapadesu ‘‘yasmiṃ samaye, bhikkhave, bhikkhu vivicceva kāmehī’’ti ca bhummavacanena niddeso kato, vinaye ca ‘‘tena samayena buddho bhagavā’’ti karaṇavacanena, tathā akatvā ‘‘ekaṃ samaya’’nti upayogavacanena niddeso katoti. Tattha tathā, idha ca aññathā atthasambhavato. Tattha hi abhidhamme ito aññesu suttapadesu ca adhikaraṇattho bhāvenabhāvalakkhaṇattho ca sambhavati. Adhikaraṇañhi kālattho samūhattho ca samayo, tattha vuttānaṃ phassādidhammānaṃ khaṇasamavāyahetusaṅkhātassa ca samayassa bhāvena tesaṃ bhāvo lakkhīyati. Tasmā tadatthajotanatthaṃ tattha bhummavacananiddeso kato.
винаяз жа хзд̇уад̇т̇о гаран̣ад̇т̇о жа самбхавад̇и. яо хи со сигкаабад̣̇абан̃н̃ад̇д̇исамаяо саарибуд̇д̇аад̣̇ийхиби д̣̇уб̣б̣ин̃н̃зяяо, д̇зна самаязна хзд̇убхууд̇зна гаран̣абхууд̇зна жа сигкаабад̣̇аани бан̃н̃аабаяанд̇о сигкаабад̣̇абан̃н̃ад̇д̇ихзд̇ун̃жа абзгкамаано бхаг̇аваа д̇ад̇т̇а д̇ад̇т̇а вихааси. д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а гаран̣аважанзна нид̣̇д̣̇зсо гад̇о.
Vinaye ca hetuattho karaṇattho ca sambhavati. Yo hi so sikkhāpadapaññattisamayo sāriputtādīhipi dubbiññeyyo, tena samayena hetubhūtena karaṇabhūtena ca sikkhāpadāni paññāpayanto sikkhāpadapaññattihetuñca apekkhamāno bhagavā tattha tattha vihāsi. Tasmā tadatthajotanatthaṃ tattha karaṇavacanena niddeso kato.
ид̇ха бана ан̃н̃асмим̣ жа звам̣ж̇аад̇игз ажжанд̇асам̣яог̇ад̇т̇о самбхавад̇и. яан̃хи самаяам̣ бхаг̇аваа имам̣ ан̃н̃ам̣ ваа суд̇д̇анд̇ам̣ д̣̇зсзси, ажжанд̇амзва д̇ам̣ самаяам̣ гарун̣аавихаарзна вихааси. д̇асмаа д̇ад̣̇ад̇т̇аж̇од̇анад̇т̇ам̣ ид̇ха убаяог̇аважананид̣̇д̣̇зсо гад̇од̇и.
Idha pana aññasmiṃ ca evaṃjātike accantasaṃyogattho sambhavati. Yañhi samayaṃ bhagavā imaṃ aññaṃ vā suttantaṃ desesi, accantameva taṃ samayaṃ karuṇāvihārena vihāsi. Tasmā tadatthajotanatthaṃ idha upayogavacananiddeso katoti.
д̇знзд̇ам̣ вужжад̇и –
Tenetaṃ vuccati –
‘‘д̇ам̣ д̇ам̣ ад̇т̇амабзгкид̇ваа, бхуммзна гаран̣зна жа;
‘‘Taṃ taṃ atthamapekkhitvā, bhummena karaṇena ca;
ан̃н̃ад̇ра самаяо вуд̇д̇о, убаяог̇зна со ид̇хаа’’д̇и.
Aññatra samayo vutto, upayogena so idhā’’ti.
бораан̣аа бана ван̣н̣аяанд̇и – ‘‘д̇асмим̣ самаяз’’д̇и ваа ‘‘д̇зна самаязнаа’’д̇и ваа ‘‘згам̣ самаяа’’нд̇и ваа абхилаабамад̇д̇абхзд̣̇о зса, саб̣б̣ад̇т̇а бхуммамзва ад̇т̇од̇и. д̇асмаа ‘‘згам̣ самаяа’’нд̇и вуд̇д̇зби ‘‘згасмим̣ самаяз’’д̇и ад̇т̇о взд̣̇ид̇аб̣б̣о.
Porāṇā pana vaṇṇayanti – ‘‘tasmiṃ samaye’’ti vā ‘‘tena samayenā’’ti vā ‘‘ekaṃ samaya’’nti vā abhilāpamattabhedo esa, sabbattha bhummameva atthoti. Tasmā ‘‘ekaṃ samaya’’nti vuttepi ‘‘ekasmiṃ samaye’’ti attho veditabbo.
бхаг̇аваад̇и г̇ару. г̇арум̣ хи логз ‘‘бхаг̇аваа’’д̇и вад̣̇анд̇и. аяан̃жа саб̣б̣аг̇ун̣ависидтад̇ааяа саб̣б̣асад̇д̇аанам̣ г̇ару, д̇асмаа ‘‘бхаг̇аваа’’д̇и взд̣̇ид̇аб̣б̣о. бораан̣зхиби вуд̇д̇ам̣ –
Bhagavāti garu. Garuṃ hi loke ‘‘bhagavā’’ti vadanti. Ayañca sabbaguṇavisiṭṭhatāya sabbasattānaṃ garu, tasmā ‘‘bhagavā’’ti veditabbo. Porāṇehipi vuttaṃ –
‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;
‘‘Bhagavāti vacanaṃ seṭṭhaṃ, bhagavāti vacanamuttamaṃ;
г̇ару г̇аараваяуд̇д̇о со, бхаг̇аваа д̇зна вужжад̇ий’’д̇и. (висуд̣̇д̇хи. 1.142);
Garu gāravayutto so, bhagavā tena vuccatī’’ti. (visuddhi. 1.142);
абижа –
Apica –
‘‘бхаг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;
‘‘Bhagyavā bhaggavā yutto, bhagehi ca vibhattavā;
бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и. –
Bhattavā vantagamano, bhavesu bhagavā tato’’ti. –
имиссаа г̇аат̇ааяа васзнасса бад̣̇асса вид̇т̇аарад̇о ад̇т̇о взд̣̇ид̇аб̣б̣о. со жа висуд̣̇д̇химаг̇г̇з (висуд̣̇д̇хи. 1.144) б̣уд̣̇д̇хаануссад̇инид̣̇д̣̇зсз вуд̇д̇оязва.
Imissā gāthāya vasenassa padassa vitthārato attho veditabbo. So ca visuddhimagge (visuddhi. 1.144) buddhānussatiniddese vuttoyeva.
зд̇д̇аавад̇аа жзд̇т̇а звам̣ мз суд̇анд̇и важанзна яат̇аасуд̇ам̣ д̇хаммам̣ д̣̇ассзнд̇о бхаг̇авад̇о д̇хаммасарийрам̣ бажжагкам̣ гарод̇и. д̇зна ‘‘наяид̣̇ам̣ ад̇игганд̇асад̇т̇угам̣ бааважанам̣, аяам̣ во сад̇т̇аа’’д̇и сад̇т̇у ад̣̇ассанзна угган̣тид̇ам̣ ж̇анам̣ самассаасзд̇и. згам̣ самаяам̣ бхаг̇аваад̇и важанзна д̇асмим̣ самаяз бхаг̇авад̇о авиж̇ж̇амаанабхаавам̣ д̣̇ассзнд̇о руубагааяабариниб̣б̣аанам̣ саад̇хзд̇и. д̇зна ‘‘звам̣вид̇хасса наама арияад̇хаммасса д̣̇зсаго д̣̇асаб̣алад̇харо важ̇ирасан̇гхаад̇асамаанагааяо соби бхаг̇аваа бариниб̣б̣уд̇о, гзна ан̃н̃зна ж̇ийвид̇з аасаа ж̇анзд̇аб̣б̣аа’’д̇и ж̇ийвид̇амад̣̇амад̇д̇ам̣ ж̇анам̣ сам̣взж̇зд̇и, сад̣̇д̇хаммз жасса уссаахам̣ ж̇анзд̇и. званд̇и жа бхан̣анд̇о д̣̇зсанаасамбад̇д̇им̣ нид̣̇д̣̇исад̇и. мз суд̇анд̇и саавагасамбад̇д̇им̣. згам̣ самаяанд̇и гааласамбад̇д̇им̣. бхаг̇аваад̇и д̣̇зсагасамбад̇д̇им̣.
Ettāvatā cettha evaṃ me sutanti vacanena yathāsutaṃ dhammaṃ dassento bhagavato dhammasarīraṃ paccakkhaṃ karoti. Tena ‘‘nayidaṃ atikkantasatthukaṃ pāvacanaṃ, ayaṃ vo satthā’’ti satthu adassanena ukkaṇṭhitaṃ janaṃ samassāseti. Ekaṃ samayaṃ bhagavāti vacanena tasmiṃ samaye bhagavato avijjamānabhāvaṃ dassento rūpakāyaparinibbānaṃ sādheti. Tena ‘‘evaṃvidhassa nāma ariyadhammassa desako dasabaladharo vajirasaṅghātasamānakāyo sopi bhagavā parinibbuto, kena aññena jīvite āsā janetabbā’’ti jīvitamadamattaṃ janaṃ saṃvejeti, saddhamme cassa ussāhaṃ janeti. Evanti ca bhaṇanto desanāsampattiṃ niddisati. Me sutanti sāvakasampattiṃ. Ekaṃ samayanti kālasampattiṃ. Bhagavāti desakasampattiṃ.
саавад̇т̇ияанд̇и звам̣наамагз наг̇арз. самийбад̇т̇з жзд̇ам̣ бхуммаважанам̣. вихарад̇ийд̇и ависзсзна ирияаабат̇ад̣̇иб̣б̣аб̣рахмаарияавихаарзсу ан̃н̃ад̇аравихаарасаман̇г̇ийбарид̣̇ийбанамзд̇ам̣. ид̇ха бана таанаг̇амананисаж̇ж̇аасаяанаббабхзд̣̇зсу ирияаабат̇зсу ан̃н̃ад̇араирияаабат̇асамааяог̇абарид̣̇ийбанам̣ , д̇зна тид̇оби г̇ажчанд̇оби нисинноби саяааноби бхаг̇аваа вихарад̇ижжзва взд̣̇ид̇аб̣б̣о. со хи згам̣ ирияаабат̇аб̣аад̇ханам̣ ан̃н̃зна ирияаабат̇зна вижчинд̣̇ид̇ваа абарибад̇анд̇ам̣ ад̇д̇абхаавам̣ харад̇и бавад̇д̇зд̇и, д̇асмаа ‘‘вихарад̇ий’’д̇и вужжад̇и.
Sāvatthiyanti evaṃnāmake nagare. Samīpatthe cetaṃ bhummavacanaṃ. Viharatīti avisesena iriyāpathadibbabrahmaariyavihāresu aññataravihārasamaṅgīparidīpanametaṃ. Idha pana ṭhānagamananisajjāsayanappabhedesu iriyāpathesu aññatarairiyāpathasamāyogaparidīpanaṃ , tena ṭhitopi gacchantopi nisinnopi sayānopi bhagavā viharaticceva veditabbo. So hi ekaṃ iriyāpathabādhanaṃ aññena iriyāpathena vicchinditvā aparipatantaṃ attabhāvaṃ harati pavatteti, tasmā ‘‘viharatī’’ti vuccati.
ж̇зд̇аванзд̇и ж̇зд̇асса рааж̇агумаарасса ванз. д̇ан̃хи д̇зна робид̇ам̣ сам̣вад̣дхид̇ам̣ барибаалид̇ам̣ ахоси, д̇асмаа ‘‘ж̇зд̇авана’’нд̇и сан̇кам̣ г̇ад̇ам̣. д̇асмим̣ ж̇зд̇аванз. анаат̇абин̣д̣игасса аараамзд̇и анаат̇абин̣д̣игзна г̇ахабад̇инаа жад̇убан̃н̃аасахиран̃н̃агодибарижжааг̇зна б̣уд̣̇д̇хаббамукасса бхигкусан̇гхасса нияяаад̇ид̇ад̇д̇аа ‘‘анаат̇абин̣д̣игасса аараамо’’д̇и сан̇кам̣ г̇ад̇з аараамз. аяамзд̇т̇а сан̇кзбо, вид̇т̇ааро бана бабан̃жасууд̣̇анияаа маж̇жхимадтагат̇ааяа саб̣б̣аасавасуд̇д̇аван̣н̣анааяам̣ (ма. ни. адта. 1.14) вуд̇д̇о.
Jetavaneti jetassa rājakumārassa vane. Tañhi tena ropitaṃ saṃvaḍḍhitaṃ paripālitaṃ ahosi, tasmā ‘‘jetavana’’nti saṅkhaṃ gataṃ. Tasmiṃ jetavane. Anāthapiṇḍikassa ārāmeti anāthapiṇḍikena gahapatinā catupaññāsahiraññakoṭipariccāgena buddhappamukhassa bhikkhusaṅghassa niyyātitattā ‘‘anāthapiṇḍikassa ārāmo’’ti saṅkhaṃ gate ārāme. Ayamettha saṅkhepo, vitthāro pana papañcasūdaniyā majjhimaṭṭhakathāya sabbāsavasuttavaṇṇanāyaṃ (ma. ni. aṭṭha. 1.14) vutto.
д̇ад̇т̇а сияаа – яад̣̇и д̇аава бхаг̇аваа саавад̇т̇ияам̣ вихарад̇и, ‘‘ж̇зд̇аванз’’д̇и на вад̇д̇аб̣б̣ам̣. ат̇а д̇ад̇т̇а вихарад̇и, ‘‘саавад̇т̇ияа’’нд̇и на вад̇д̇аб̣б̣ам̣. на хи саггаа убхаяад̇т̇а згам̣ самаяам̣ вихарид̇унд̇и. на ко банзд̇ам̣ звам̣ д̣̇адтаб̣б̣ам̣.
Tattha siyā – yadi tāva bhagavā sāvatthiyaṃ viharati, ‘‘jetavane’’ti na vattabbaṃ. Atha tattha viharati, ‘‘sāvatthiya’’nti na vattabbaṃ. Na hi sakkā ubhayattha ekaṃ samayaṃ viharitunti. Na kho panetaṃ evaṃ daṭṭhabbaṃ.
нану авожумха ‘‘самийбад̇т̇з бхуммаважана’’нд̇и. д̇асмаа яат̇аа г̇ан̇г̇ааяамунаад̣̇ийнам̣ самийбз г̇ояуут̇аани жаранд̇аани ‘‘г̇ан̇г̇ааяам̣ жаранд̇и, яамунааяам̣ жаранд̇ий’’д̇и вужжад̇и, звамид̇хааби яад̣̇ид̣̇ам̣ саавад̇т̇ияаа самийбз ж̇зд̇аванам̣, д̇ад̇т̇а вихаранд̇о вужжад̇и ‘‘саавад̇т̇ияам̣ вихарад̇и ж̇зд̇аванз’’д̇и. г̇ожараг̇ааманид̣̇ассанад̇т̇ам̣ хисса саавад̇т̇иважанам̣, баб̣б̣аж̇ид̇аануруубаниваасадтаананид̣̇ассанад̇т̇ам̣ сзсаважанам̣.
Nanu avocumha ‘‘samīpatthe bhummavacana’’nti. Tasmā yathā gaṅgāyamunādīnaṃ samīpe goyūthāni carantāni ‘‘gaṅgāyaṃ caranti, yamunāyaṃ carantī’’ti vuccati, evamidhāpi yadidaṃ sāvatthiyā samīpe jetavanaṃ, tattha viharanto vuccati ‘‘sāvatthiyaṃ viharati jetavane’’ti. Gocaragāmanidassanatthaṃ hissa sāvatthivacanaṃ, pabbajitānurūpanivāsaṭṭhānanidassanatthaṃ sesavacanaṃ.
ан̃н̃ад̇араа д̣̇звад̇аад̇и наамаг̇од̇д̇авасзна абаагадаа згаа д̣̇звад̇аад̇и ад̇т̇о. ‘‘абхиж̇аанаад̇и но, бханд̇з, бхаг̇аваа аху н̃аад̇ан̃н̃ад̇арасса махзсагкасса яагкасса сам̣кид̇д̇зна д̇ан̣хаасан̇каяавимуд̇д̇им̣ бхаасид̇аа’’д̇и зд̇т̇а бана абхин̃н̃аад̇о саггоби д̣̇зварааж̇аа ‘‘ан̃н̃ад̇аро’’д̇и вуд̇д̇о. ‘‘д̣̇звад̇аа’’д̇и жа ид̣̇ам̣ д̣̇зваанамби д̣̇звад̇хийд̇аанамби саад̇хааран̣аважанам̣. имасмим̣ банад̇т̇з д̣̇зво ад̇хиббзд̇о, со жа ко руубааважараанам̣ д̣̇зваанам̣ ан̃н̃ад̇аро.
Aññatarā devatāti nāmagottavasena apākaṭā ekā devatāti attho. ‘‘Abhijānāti no, bhante, bhagavā ahu ñātaññatarassa mahesakkhassa yakkhassa saṃkhittena taṇhāsaṅkhayavimuttiṃ bhāsitā’’ti ettha pana abhiññāto sakkopi devarājā ‘‘aññataro’’ti vutto. ‘‘Devatā’’ti ca idaṃ devānampi devadhītānampi sādhāraṇavacanaṃ. Imasmiṃ panatthe devo adhippeto, so ca kho rūpāvacarānaṃ devānaṃ aññataro.
абхигганд̇ааяа рад̇д̇ияаад̇и зд̇т̇а абхигганд̇а-сад̣̇д̣̇о каяасунд̣̇араабхируубааб̣бхаанумод̣̇анаад̣̇ийсу д̣̇иссад̇и . д̇ад̇т̇а ‘‘абхигганд̇аа, бханд̇з, рад̇д̇и, нигканд̇о батамо яаамо , жиранисинно бхигкусан̇гхо, уд̣̇д̣̇исад̇у, бханд̇з, бхаг̇аваа бхигкуунам̣ баад̇имогка’’нд̇и звамаад̣̇ийсу (а. ни. 8.20; жуул̣ава. 383) каяз д̣̇иссад̇и. ‘‘аяам̣ имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жаа’’д̇и звамаад̣̇ийсу (а. ни. 4.100) сунд̣̇арз.
Abhikkantāya rattiyāti ettha abhikkanta-saddo khayasundarābhirūpaabbhānumodanādīsu dissati . Tattha ‘‘abhikkantā, bhante, ratti, nikkhanto paṭhamo yāmo , ciranisinno bhikkhusaṅgho, uddisatu, bhante, bhagavā bhikkhūnaṃ pātimokkha’’nti evamādīsu (a. ni. 8.20; cūḷava. 383) khaye dissati. ‘‘Ayaṃ imesaṃ catunnaṃ puggalānaṃ abhikkantataro ca paṇītataro cā’’ti evamādīsu (a. ni. 4.100) sundare.
‘‘го мз ванд̣̇ад̇и баад̣̇аани, ид̣̇д̇хияаа яасасаа ж̇алам̣;
‘‘Ko me vandati pādāni, iddhiyā yasasā jalaṃ;
абхигганд̇зна ван̣н̣зна, саб̣б̣аа обхаасаяам̣ д̣̇исаа’’д̇и. –
Abhikkantena vaṇṇena, sabbā obhāsayaṃ disā’’ti. –
звамаад̣̇ийсу (ви. ва. 857) абхируубз. ‘‘абхигганд̇ам̣ бхо г̇од̇ама, абхигганд̇ам̣ бхо г̇од̇амаа’’д̇и звамаад̣̇ийсу (баараа. 15) аб̣бхаанумод̣̇анз. ид̇ха бана каяз. д̇зна абхигганд̇ааяа рад̇д̇ияаа, баригкийн̣ааяа рад̇д̇ияаад̇и вуд̇д̇ам̣ ход̇и. д̇ад̇т̇ааяам̣ д̣̇звабуд̇д̇о маж̇жхимаяаамасамананд̇арз ааг̇ад̇од̇и взд̣̇ид̇аб̣б̣о. нияаамо хи гирзса д̣̇звад̇аанам̣ яад̣̇ид̣̇ам̣ б̣уд̣̇д̇хаанам̣ ваа б̣уд̣̇д̇хасаавагаанам̣ ваа убадтаанам̣ ааг̇ажчанд̇аа маж̇жхимаяаамасамананд̇арзязва ааг̇ажчанд̇и.
Evamādīsu (vi. va. 857) abhirūpe. ‘‘Abhikkantaṃ bho gotama, abhikkantaṃ bho gotamā’’ti evamādīsu (pārā. 15) abbhānumodane. Idha pana khaye. Tena abhikkantāya rattiyā, parikkhīṇāya rattiyāti vuttaṃ hoti. Tatthāyaṃ devaputto majjhimayāmasamanantare āgatoti veditabbo. Niyāmo hi kiresa devatānaṃ yadidaṃ buddhānaṃ vā buddhasāvakānaṃ vā upaṭṭhānaṃ āgacchantā majjhimayāmasamanantareyeva āgacchanti.
абхигганд̇аван̣н̣аад̇и ид̇ха абхигганд̇а-сад̣̇д̣̇о абхируубз, ван̣н̣а-сад̣̇д̣̇о бана чавит̇уд̇и-гулаваг̇г̇а-гааран̣а-сан̣таанаббамаан̣а-руубааяад̇анаад̣̇ийсу д̣̇иссад̇и. д̇ад̇т̇а ‘‘суван̣н̣аван̣н̣оси бхаг̇аваа’’д̇и звамаад̣̇ийсу (су. ни. 553) чавияаа. ‘‘гад̣̇аа сан̃н̃уул̣хаа бана д̇з, г̇ахабад̇и, имз саман̣асса ван̣н̣аа’’д̇и звамаад̣̇ийсу (ма. ни. 2.77) т̇уд̇ияам̣. ‘‘жад̇д̇ааромз, бхо г̇од̇ама, ван̣н̣аа’’д̇и звамаад̣̇ийсу (д̣̇ий. ни. 3.115) гулаваг̇г̇з. ‘‘ат̇а гзна ну ван̣н̣зна, г̇анд̇хат̇знод̇и вужжад̇ий’’д̇и звамаад̣̇ийсу (сам̣. ни. 1.234) гааран̣з. ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇и звамаад̣̇ийсу (сам̣. ни. 1.138) сан̣таанз. ‘‘д̇аяо бад̇д̇асса ван̣н̣аа’’д̇и звамаад̣̇ийсу (баараа. 602) бамаан̣з. ‘‘ван̣н̣о г̇анд̇хо расо ож̇аа’’д̇и звамаад̣̇ийсу руубааяад̇анз. со ид̇ха чавияаа д̣̇адтаб̣б̣о. д̇зна абхигганд̇аван̣н̣аа абхируубажчави, идтаван̣н̣аа манаабаван̣н̣аад̇и вуд̇д̇ам̣ ход̇и. д̣̇звад̇аа хи мануссалогам̣ ааг̇ажчамаанаа багад̇иван̣н̣ам̣ багад̇иид̣̇д̇хим̣ ж̇ахид̇ваа ол̣ааригам̣ ад̇д̇абхаавам̣ гад̇ваа ад̇ирзгаван̣н̣ам̣ ад̇ирзгаид̣̇д̇хим̣ маабзд̇ваа надасамаж̇ж̇аад̣̇ийни г̇ажчанд̇аа мануссаа вияа абхисан̇кад̇зна гааязна ааг̇ажчанд̇и. д̇ад̇т̇а гаамааважараа анабхисан̇кад̇знаби ааг̇анд̇ум̣ саггонд̇и, руубааважараа бана на саггонд̇и. д̇зсан̃хи ад̇исукумо ад̇д̇абхааво, на д̇зна ирияаабат̇агаббанам̣ ход̇и. д̇асмаа аяам̣ д̣̇звабуд̇д̇о абхисан̇кад̇знзва ааг̇ад̇о. д̇зна вуд̇д̇ам̣ ‘‘абхигганд̇аван̣н̣аа’’д̇и.
Abhikkantavaṇṇāti idha abhikkanta-saddo abhirūpe, vaṇṇa-saddo pana chavithuti-kulavagga-kāraṇa-saṇṭhānappamāṇa-rūpāyatanādīsu dissati. Tattha ‘‘suvaṇṇavaṇṇosi bhagavā’’ti evamādīsu (su. ni. 553) chaviyā. ‘‘Kadā saññūḷhā pana te, gahapati, ime samaṇassa vaṇṇā’’ti evamādīsu (ma. ni. 2.77) thutiyaṃ. ‘‘Cattārome, bho gotama, vaṇṇā’’ti evamādīsu (dī. ni. 3.115) kulavagge. ‘‘Atha kena nu vaṇṇena, gandhathenoti vuccatī’’ti evamādīsu (saṃ. ni. 1.234) kāraṇe. ‘‘Mahantaṃ hatthirājavaṇṇaṃ abhinimminitvā’’ti evamādīsu (saṃ. ni. 1.138) saṇṭhāne. ‘‘Tayo pattassa vaṇṇā’’ti evamādīsu (pārā. 602) pamāṇe. ‘‘Vaṇṇo gandho raso ojā’’ti evamādīsu rūpāyatane. So idha chaviyā daṭṭhabbo. Tena abhikkantavaṇṇā abhirūpacchavi, iṭṭhavaṇṇā manāpavaṇṇāti vuttaṃ hoti. Devatā hi manussalokaṃ āgacchamānā pakativaṇṇaṃ pakatiiddhiṃ jahitvā oḷārikaṃ attabhāvaṃ katvā atirekavaṇṇaṃ atirekaiddhiṃ māpetvā naṭasamajjādīni gacchantā manussā viya abhisaṅkhatena kāyena āgacchanti. Tattha kāmāvacarā anabhisaṅkhatenapi āgantuṃ sakkonti, rūpāvacarā pana na sakkonti. Tesañhi atisukhumo attabhāvo, na tena iriyāpathakappanaṃ hoti. Tasmā ayaṃ devaputto abhisaṅkhateneva āgato. Tena vuttaṃ ‘‘abhikkantavaṇṇā’’ti.
гзвалагаббанд̇и зд̇т̇а гзвала-сад̣̇д̣̇о анавасзса-язбхуяяааб̣яаамиссаанад̇ирзгад̣̇ал̣хад̇т̇ависам̣яог̇аад̣̇ианзгад̇т̇о. д̇ат̇аа хисса ‘‘гзвалабарибун̣н̣ам̣ барисуд̣̇д̇хам̣ б̣рахмажарияа’’нд̇и звамаад̣̇ийсу (баараа. 1) анавасзсад̇т̇амад̇т̇о. ‘‘гзвалагаббаа жа ан̇г̇амаг̇ад̇хаа бахууд̇ам̣ каад̣̇анийяабхож̇анийяам̣ аад̣̇ааяа убасан̇гамиссанд̇ий’’д̇и звамаад̣̇ийсу (махаава. 43) язбхуяяад̇аа. ‘‘гзваласса д̣̇угкагканд̇хасса самуд̣̇аяо ход̇ий’’д̇и звамаад̣̇ийсу (вибха. 225) аб̣яаамиссад̇аа. ‘‘гзвалам̣ сад̣̇д̇хаамад̇д̇агам̣ нууна аяамааяасмаа’’д̇и звамаад̣̇ийсу (махаава. 244) анад̇ирзгад̇аа. ‘‘ааяасмад̇о, бханд̇з, ануруд̣̇д̇хасса б̣аахияо наама сад̣̇д̇хивихаариго гзвалагаббам̣ сан̇гхабхзд̣̇ааяа тид̇о’’д̇и звамаад̣̇ийсу (а. ни. 4.243) д̣̇ал̣хад̇т̇ад̇аа. ‘‘гзвалий вусид̇аваа уд̇д̇амабурисод̇и вужжад̇ий’’д̇и звамаад̣̇ийсу (сам̣. ни. 3.57) висам̣яог̇о ад̇т̇о. ид̇ха банасса анавасзсад̇т̇о ад̇хиббзд̇о.
Kevalakappanti ettha kevala-saddo anavasesa-yebhuyyābyāmissānatirekadaḷhatthavisaṃyogādianekattho. Tathā hissa ‘‘kevalaparipuṇṇaṃ parisuddhaṃ brahmacariya’’nti evamādīsu (pārā. 1) anavasesatthamattho. ‘‘Kevalakappā ca aṅgamagadhā pahūtaṃ khādanīyabhojanīyaṃ ādāya upasaṅkamissantī’’ti evamādīsu (mahāva. 43) yebhuyyatā. ‘‘Kevalassa dukkhakkhandhassa samudayo hotī’’ti evamādīsu (vibha. 225) abyāmissatā. ‘‘Kevalaṃ saddhāmattakaṃ nūna ayamāyasmā’’ti evamādīsu (mahāva. 244) anatirekatā. ‘‘Āyasmato, bhante, anuruddhassa bāhiyo nāma saddhivihāriko kevalakappaṃ saṅghabhedāya ṭhito’’ti evamādīsu (a. ni. 4.243) daḷhatthatā. ‘‘Kevalī vusitavā uttamapurisoti vuccatī’’ti evamādīsu (saṃ. ni. 3.57) visaṃyogo attho. Idha panassa anavasesattho adhippeto.
габба-сад̣̇д̣̇о банааяам̣ абхисад̣̇д̣̇ахана-вохаара-гаала-бан̃н̃ад̇д̇и-чзд̣̇ана-вигабба-лзсасаманд̇абхааваад̣̇ианзгад̇т̇о. д̇ат̇аа хисса ‘‘огаббанияамзд̇ам̣ бход̇о г̇од̇амасса, яат̇аа д̇ам̣ арахад̇о саммаасамб̣уд̣̇д̇хассаа’’д̇и звамаад̣̇ийсу (ма. ни. 1.387) абхисад̣̇д̣̇аханамад̇т̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇и звамаад̣̇ийсу (жуул̣ава. 250) вохааро. ‘‘язна суд̣̇ам̣ нижжагаббам̣ вихараамий’’д̇и звамаад̣̇ийсу (ма. ни. 1.387) гаало. ‘‘ижжааяасмаа габбо’’д̇и звамаад̣̇ийсу бан̃н̃ад̇д̇и. ‘‘алан̇гад̇о габбид̇агзсамассуу’’д̇и звамаад̣̇ийсу (ви. ва. 1094, 1101) чзд̣̇анам̣. ‘‘габбад̇и д̣̇ван̇г̇улагаббо’’д̇и звамаад̣̇ийсу (жуул̣ава. 446) вигаббо. ‘‘аад̇т̇и габбо нибаж̇ж̇ид̇у’’нд̇и звамаад̣̇ийсу (а. ни. 8.80) лзсо. ‘‘гзвалагаббам̣ взл̣уванам̣ обхаасзд̇ваа’’д̇и звамаад̣̇ийсу (сам̣. ни. 1.94) саманд̇абхааво. ид̇ха банасса саманд̇абхаавад̇т̇о ад̇хиббзд̇о. д̇асмаа гзвалагаббам̣ ж̇зд̇авананд̇и зд̇т̇а ‘‘анавасзсам̣ саманд̇ад̇о ж̇зд̇авана’’нд̇и звамад̇т̇о д̣̇адтаб̣б̣о.
Kappa-saddo panāyaṃ abhisaddahana-vohāra-kāla-paññatti-chedana-vikappa-lesasamantabhāvādianekattho. Tathā hissa ‘‘okappaniyametaṃ bhoto gotamassa, yathā taṃ arahato sammāsambuddhassā’’ti evamādīsu (ma. ni. 1.387) abhisaddahanamattho. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’nti evamādīsu (cūḷava. 250) vohāro. ‘‘Yena sudaṃ niccakappaṃ viharāmī’’ti evamādīsu (ma. ni. 1.387) kālo. ‘‘Iccāyasmā kappo’’ti evamādīsu paññatti. ‘‘Alaṅkato kappitakesamassū’’ti evamādīsu (vi. va. 1094, 1101) chedanaṃ. ‘‘Kappati dvaṅgulakappo’’ti evamādīsu (cūḷava. 446) vikappo. ‘‘Ātthi kappo nipajjitu’’nti evamādīsu (a. ni. 8.80) leso. ‘‘Kevalakappaṃ veḷuvanaṃ obhāsetvā’’ti evamādīsu (saṃ. ni. 1.94) samantabhāvo. Idha panassa samantabhāvattho adhippeto. Tasmā kevalakappaṃ jetavananti ettha ‘‘anavasesaṃ samantato jetavana’’nti evamattho daṭṭhabbo.
обхаасзд̇ваад̇и вад̇т̇аалан̇гаарасарийрасамудтид̇ааяа аабхааяа парид̇ваа, жанд̣̇имаа вияа суурияо вияа жа згобхаасам̣ згабаж̇ж̇од̇ам̣ гарид̇ваад̇и ад̇т̇о.
Obhāsetvāti vatthālaṅkārasarīrasamuṭṭhitāya ābhāya pharitvā, candimā viya sūriyo viya ca ekobhāsaṃ ekapajjotaṃ karitvāti attho.
язнаад̇и бхуммад̇т̇з гаран̣аважанам̣. язна бхаг̇аваа д̇знубасан̇гамийд̇и д̇асмаа ‘‘яад̇т̇а бхаг̇аваа, д̇ад̇т̇а убасан̇гамий’’д̇и звамзд̇т̇а ад̇т̇о д̣̇адтаб̣б̣о. язна ваа гааран̣зна бхаг̇аваа д̣̇звамануссзхи убасан̇гамид̇аб̣б̣о, д̇зна гааран̣зна убасан̇гамийд̇и звамзд̇т̇а ад̇т̇о д̣̇адтаб̣б̣о. гзна жа гааран̣зна бхаг̇аваа убасан̇гамид̇аб̣б̣о? наанаббагаараг̇ун̣ависзсаад̇хиг̇амаад̇хиббааязна, саад̣̇упалуубабхог̇аад̇хиббааязна д̣̇иж̇аг̇ан̣зхи нижжапалид̇амахааругко вияа. убасан̇гамийд̇и жа г̇ад̇аад̇и вуд̇д̇ам̣ ход̇и. убасан̇гамид̇ваад̇и убасан̇гаманабарияосаанад̣̇ийбанам̣. ат̇а ваа звам̣ г̇ад̇аа д̇ад̇о аасаннад̇арам̣ таанам̣ бхаг̇авад̇о самийбасан̇каад̇ам̣ г̇анд̇ваад̇иби вуд̇д̇ам̣ ход̇и.
Yenāti bhummatthe karaṇavacanaṃ. Yena bhagavā tenupasaṅkamīti tasmā ‘‘yattha bhagavā, tattha upasaṅkamī’’ti evamettha attho daṭṭhabbo. Yena vā kāraṇena bhagavā devamanussehi upasaṅkamitabbo, tena kāraṇena upasaṅkamīti evamettha attho daṭṭhabbo. Kena ca kāraṇena bhagavā upasaṅkamitabbo? Nānappakāraguṇavisesādhigamādhippāyena, sāduphalūpabhogādhippāyena dijagaṇehi niccaphalitamahārukkho viya. Upasaṅkamīti ca gatāti vuttaṃ hoti. Upasaṅkamitvāti upasaṅkamanapariyosānadīpanaṃ. Atha vā evaṃ gatā tato āsannataraṃ ṭhānaṃ bhagavato samīpasaṅkhātaṃ gantvātipi vuttaṃ hoti.
ид̣̇аани язнад̇т̇зна логз аг̇г̇абуг̇г̇аласса убадтаанам̣ ааг̇ад̇аа, д̇ам̣ бужчид̇угаамаа д̣̇асанакасамод̇хаанасамуж̇ж̇алам̣ ан̃ж̇улим̣ сираси бад̇идтабзд̇ваа згаманд̇ам̣ адтааси. згаманд̇анд̇и бхааванабум̣саганид̣̇д̣̇зсо – ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу (а. ни. 4.70) вияа. д̇асмаа яат̇аа тид̇аа згаманд̇ам̣ тид̇аа ход̇и, д̇ат̇аа адтаасийд̇и звамзд̇т̇а ад̇т̇о д̣̇адтаб̣б̣о. бхуммад̇т̇з ваа зд̇ам̣ убаяог̇аважанам̣. адтаасийд̇и таанам̣ габбзси. бан̣д̣ид̇аа хи д̣̇звамануссаа г̇арудтаанияам̣ убасан̇гамид̇ваа аасанагусалад̇ааяа згаманд̇ам̣ д̇идтанд̇и, аяан̃жа д̣̇зво д̇зсам̣ ан̃н̃ад̇аро, д̇асмаа згаманд̇ам̣ адтааси.
Idāni yenatthena loke aggapuggalassa upaṭṭhānaṃ āgatā, taṃ pucchitukāmā dasanakhasamodhānasamujjalaṃ añjuliṃ sirasi patiṭṭhapetvā ekamantaṃ aṭṭhāsi. Ekamantanti bhāvanapuṃsakaniddeso – ‘‘visamaṃ candimasūriyā parivattantī’’tiādīsu (a. ni. 4.70) viya. Tasmā yathā ṭhitā ekamantaṃ ṭhitā hoti, tathā aṭṭhāsīti evamettha attho daṭṭhabbo. Bhummatthe vā etaṃ upayogavacanaṃ. Aṭṭhāsīti ṭhānaṃ kappesi. Paṇḍitā hi devamanussā garuṭṭhāniyaṃ upasaṅkamitvā āsanakusalatāya ekamantaṃ tiṭṭhanti, ayañca devo tesaṃ aññataro, tasmā ekamantaṃ aṭṭhāsi.
гат̇ам̣ тид̇о бана згаманд̇ам̣ тид̇о ход̇ийд̇и? ча таанад̣̇осз важ̇ж̇зд̇ваа. сзяяат̇ид̣̇ам̣ – ад̇ид̣̇уурам̣, ажжаасаннам̣, убариваад̇ам̣ , уннад̇аббад̣̇зсам̣, ад̇исаммукам̣, ад̇ибажчаад̇и. ад̇ид̣̇уурз тид̇о хи сажз гат̇зд̇угаамо ход̇и, ужжаасад̣̇д̣̇зна гат̇зд̇аб̣б̣ам̣ ход̇и. ажжаасаннз тид̇о сан̇гхадданам̣ гарод̇и. убариваад̇з тид̇о сарийраг̇анд̇хзна б̣аад̇хад̇и. уннад̇аббад̣̇зсз тид̇о аг̇ааравам̣ багаасзд̇и. ад̇исаммукаа тид̇о сажз д̣̇адтугаамо ход̇и, жагкунаа жагкум̣ аахажжа д̣̇адтаб̣б̣ам̣ ход̇и. ад̇ибажчаа тид̇о сажз д̣̇адтугаамо ход̇и, г̇ийвам̣ басаарзд̇ваа д̣̇адтаб̣б̣ам̣ ход̇и. д̇асмаа аяамби зд̇з ча таанад̣̇осз важ̇ж̇зд̇ваа адтааси. д̇зна вуд̇д̇ам̣ ‘‘згаманд̇ам̣ адтаасий’’д̇и.
Kathaṃ ṭhito pana ekamantaṃ ṭhito hotīti? Cha ṭhānadose vajjetvā. Seyyathidaṃ – atidūraṃ, accāsannaṃ, uparivātaṃ , unnatappadesaṃ, atisammukhaṃ, atipacchāti. Atidūre ṭhito hi sace kathetukāmo hoti, uccāsaddena kathetabbaṃ hoti. Accāsanne ṭhito saṅghaṭṭanaṃ karoti. Uparivāte ṭhito sarīragandhena bādhati. Unnatappadese ṭhito agāravaṃ pakāseti. Atisammukhā ṭhito sace daṭṭhukāmo hoti, cakkhunā cakkhuṃ āhacca daṭṭhabbaṃ hoti. Atipacchā ṭhito sace daṭṭhukāmo hoti, gīvaṃ pasāretvā daṭṭhabbaṃ hoti. Tasmā ayampi ete cha ṭhānadose vajjetvā aṭṭhāsi. Tena vuttaṃ ‘‘ekamantaṃ aṭṭhāsī’’ti.
зд̇ад̣̇авожаад̇и зд̇ам̣ авожа. гат̇ам̣ нууд̇и гааран̣абужчаа. бхаг̇авад̇о хи д̇ин̣н̣огхабхааво д̣̇асасахассилогад̇хаад̇уяаа баагадо, д̇знимиссаа д̣̇звад̇ааяа д̇ад̇т̇а ган̇каа над̇т̇и, иминаа бана гааран̣зна ‘‘д̇ин̣н̣о’’д̇и на ж̇аанаад̇и, д̇зна саа д̇ам̣ гааран̣ам̣ бужчамаанаа звамааха.
Etadavocāti etaṃ avoca. Kathaṃ nūti kāraṇapucchā. Bhagavato hi tiṇṇoghabhāvo dasasahassilokadhātuyā pākaṭo, tenimissā devatāya tattha kaṅkhā natthi, iminā pana kāraṇena ‘‘tiṇṇo’’ti na jānāti, tena sā taṃ kāraṇaṃ pucchamānā evamāha.
маарисаад̇и д̣̇звад̇аанам̣ бияасамуд̣̇аажаараважанамзд̇ам̣. нид̣̇д̣̇угкаад̇и вуд̇д̇ам̣ ход̇и. яад̣̇и звам̣ ‘‘яад̣̇аа ко д̇з, маариса, сан̇гунаа сан̇гу хад̣̇аяз самааг̇ажчзяяа, ат̇а нам̣ д̇вам̣ ж̇аанзяяааси ‘вассасахассам̣ мз нираяз бажжамаанассаа’’’д̇и (ма. ни. 1.512) ид̣̇ам̣ вируж̇жхад̇и. на хи нзраяигасад̇д̇о нид̣̇д̣̇угко наама ход̇и. гин̃жааби на нид̣̇д̣̇угко, рул̣хийсад̣̇д̣̇зна бана звам̣ вужжад̇и. буб̣б̣з гира батамагаббигаанам̣ нид̣̇д̣̇угкаанам̣ сукасамаббид̇аанам̣ зса вохааро, абарабхааг̇з д̣̇угкам̣ ход̇у ваа маа ваа, рул̣хийсад̣̇д̣̇зна аяам̣ вохааро вужжад̇зва ниббад̣̇умааби нируд̣̇агааби ваа богкаран̣ий богкаран̣ий вияа.
Mārisāti devatānaṃ piyasamudācāravacanametaṃ. Niddukkhāti vuttaṃ hoti. Yadi evaṃ ‘‘yadā kho te, mārisa, saṅkunā saṅku hadaye samāgaccheyya, atha naṃ tvaṃ jāneyyāsi ‘vassasahassaṃ me niraye paccamānassā’’’ti (ma. ni. 1.512) idaṃ virujjhati. Na hi nerayikasatto niddukkho nāma hoti. Kiñcāpi na niddukkho, ruḷhīsaddena pana evaṃ vuccati. Pubbe kira paṭhamakappikānaṃ niddukkhānaṃ sukhasamappitānaṃ esa vohāro, aparabhāge dukkhaṃ hotu vā mā vā, ruḷhīsaddena ayaṃ vohāro vuccateva nippadumāpi nirudakāpi vā pokkharaṇī pokkharaṇī viya.
огхамад̇арийд̇и зд̇т̇а жад̇д̇ааро огхаа, гаамогхо бхавогхо д̣̇идтогхо авиж̇ж̇огход̇и. д̇ад̇т̇а бан̃жасу гаамаг̇ун̣зсу чанд̣̇арааг̇о гаамогхо наама. руубааруубабхавзсу чанд̣̇арааг̇о жхаананиганд̇и жа бхавогхо наама. д̣̇ваасадти д̣̇идтияо д̣̇идтогхо наама. жад̇уусу сажжзсу ан̃н̃аан̣ам̣ авиж̇ж̇огхо наама. д̇ад̇т̇а гаамогхо адтасу лобхасахаг̇ад̇зсу жид̇д̇уббаад̣̇зсу уббаж̇ж̇ад̇и, бхавогхо жад̇уусу д̣̇идтиг̇ад̇авиббаяуд̇д̇алобхасахаг̇ад̇зсу жид̇д̇уббаад̣̇зсу уббаж̇ж̇ад̇и, д̣̇идтогхо жад̇уусу д̣̇идтиг̇ад̇асамбаяуд̇д̇зсу жид̇д̇уббаад̣̇зсу уббаж̇ж̇ад̇и, авиж̇ж̇огхо саб̣б̣аагусалзсу уббаж̇ж̇ад̇и.
Oghamatarīti ettha cattāro oghā, kāmogho bhavogho diṭṭhogho avijjoghoti. Tattha pañcasu kāmaguṇesu chandarāgo kāmogho nāma. Rūpārūpabhavesu chandarāgo jhānanikanti ca bhavogho nāma. Dvāsaṭṭhi diṭṭhiyo diṭṭhogho nāma. Catūsu saccesu aññāṇaṃ avijjogho nāma. Tattha kāmogho aṭṭhasu lobhasahagatesu cittuppādesu uppajjati, bhavogho catūsu diṭṭhigatavippayuttalobhasahagatesu cittuppādesu uppajjati, diṭṭhogho catūsu diṭṭhigatasampayuttesu cittuppādesu uppajjati, avijjogho sabbākusalesu uppajjati.
саб̣б̣оби жзса авахананадтзна раасадтзна жа огход̇и взд̣̇ид̇аб̣б̣о. авахананадтзнаад̇и ад̇хог̇аманадтзна. аяан̃хи ад̇д̇ано васам̣ г̇ад̇з сад̇д̇з ад̇хо г̇амзд̇и, нираяаад̣̇ибхзд̣̇ааяа д̣̇уг̇г̇ад̇ияам̣язва ниб̣б̣ад̇д̇зд̇и, убарибхаавам̣ ваа ниб̣б̣аанам̣ г̇анд̇ум̣ ад̣̇знд̇о ад̇хо д̇ийсу бхавзсу жад̇уусу яонийсу бан̃жасу г̇ад̇ийсу сад̇д̇асу вин̃н̃аан̣адтид̇ийсу навасу сад̇д̇ааваасзсу жа г̇амзд̇ийд̇иби ад̇т̇о. раасадтзнаад̇и маханд̇адтзна. махаа хзсо гилзсарааси авийжид̇о бадтааяа яаава бхаваг̇г̇аа бад̇т̇адо, яад̣̇ид̣̇ам̣ бан̃жасу гаамаг̇ун̣зсу чанд̣̇арааг̇о наама. сзсзсуби зсзва наяо. звамаяам̣ раасадтзнааби огход̇и взд̣̇ид̇аб̣б̣о. ад̇арийд̇и имам̣ жад̇уб̣б̣ид̇хамби огхам̣ гзна ну д̇вам̣, маариса, гааран̣зна д̇ин̣н̣од̇и бужчад̇и.
Sabbopi cesa avahananaṭṭhena rāsaṭṭhena ca oghoti veditabbo. Avahananaṭṭhenāti adhogamanaṭṭhena. Ayañhi attano vasaṃ gate satte adho gameti, nirayādibhedāya duggatiyaṃyeva nibbatteti, uparibhāvaṃ vā nibbānaṃ gantuṃ adento adho tīsu bhavesu catūsu yonīsu pañcasu gatīsu sattasu viññāṇaṭṭhitīsu navasu sattāvāsesu ca gametītipi attho. Rāsaṭṭhenāti mahantaṭṭhena. Mahā heso kilesarāsi avīcito paṭṭhāya yāva bhavaggā patthaṭo, yadidaṃ pañcasu kāmaguṇesu chandarāgo nāma. Sesesupi eseva nayo. Evamayaṃ rāsaṭṭhenāpi oghoti veditabbo. Atarīti imaṃ catubbidhampi oghaṃ kena nu tvaṃ, mārisa, kāraṇena tiṇṇoti pucchati.
ат̇ассаа бхаг̇аваа бан̃хам̣ виссаж̇ж̇знд̇о аббад̇идтам̣ квааханд̇иаад̣̇имааха. д̇ад̇т̇а аббад̇идтанд̇и аббад̇идтаханд̇о. анааяууханд̇и анааяууханд̇о, авааяаманд̇од̇и ад̇т̇о. ид̇и бхаг̇аваа г̇уул̣хам̣ бадижчаннам̣ гад̇ваа бан̃хам̣ гат̇зси. д̣̇звад̇ааби нам̣ суд̇ваа ‘‘б̣аахирагам̣ д̇аава огхам̣ д̇аранд̇аа наама таад̇аб̣б̣адтаанз д̇идтанд̇аа д̇арид̇аб̣б̣адтаанз ааяууханд̇аа д̇аранд̇и, аяам̣ бана авийжид̇о яаава бхаваг̇г̇аа бад̇т̇адам̣ гилзсогхам̣ гилзсараасим̣ аббад̇идтаханд̇о анааяууханд̇о ад̇аринд̇и ааха. гим̣ ну ко зд̇ам̣? гат̇ам̣ ну ко зд̇а’’нд̇и? вимад̇им̣ багканд̇аа бан̃хасса ад̇т̇ам̣ на ан̃н̃ааси.
Athassā bhagavā pañhaṃ vissajjento appatiṭṭhaṃ khvāhantiādimāha. Tattha appatiṭṭhanti appatiṭṭhahanto. Anāyūhanti anāyūhanto, avāyamantoti attho. Iti bhagavā gūḷhaṃ paṭicchannaṃ katvā pañhaṃ kathesi. Devatāpi naṃ sutvā ‘‘bāhirakaṃ tāva oghaṃ tarantā nāma ṭhātabbaṭṭhāne tiṭṭhantā taritabbaṭṭhāne āyūhantā taranti, ayaṃ pana avīcito yāva bhavaggā patthaṭaṃ kilesoghaṃ kilesarāsiṃ appatiṭṭhahanto anāyūhanto atarinti āha. Kiṃ nu kho etaṃ? Kathaṃ nu kho eta’’nti? Vimatiṃ pakkhantā pañhassa atthaṃ na aññāsi.
гим̣ бана бхаг̇авад̇аа яат̇аа сад̇д̇аа на ж̇аананд̇и, звам̣ гат̇анад̇т̇ааяа баарамияо буурзд̇ваа саб̣б̣ан̃н̃уд̇аа бадивид̣̇д̇хаад̇и? на зд̇ад̣̇ад̇т̇ааяа бадивид̣̇д̇хаа. д̣̇вз бана бхаг̇авад̇о д̣̇зсанаа ниг̇г̇ахамукзна жа ануг̇г̇ахамукзна жа. д̇ад̇т̇а яз бан̣д̣ид̇амаанино хонд̇и ан̃н̃аад̇зби н̃аад̇асан̃н̃ино бан̃жасад̇аа б̣раахман̣абаб̣б̣аж̇ид̇аа вияа, д̇зсам̣ маананиг̇г̇ахад̇т̇ам̣ яат̇аа на ж̇аананд̇и, звам̣ муулабарияааяаад̣̇исад̣̇исам̣ д̇хаммам̣ д̣̇зсзд̇и. аяам̣ ниг̇г̇ахамукзна д̣̇зсанаа. вуд̇д̇амби жзд̇ам̣ ‘‘ниг̇г̇аяха ниг̇г̇аяхаахам̣, аананд̣̇а, вагкаами, баваяха баваяха, аананд̣̇а, вагкаами, яо сааро, со тассад̇ий’’д̇и (ма. ни. 3.196). яз бана уж̇угаа сигкаагаамаа, д̇зсам̣ сувин̃н̃зяяам̣ гад̇ваа ааган̇кзяяасуд̇д̇аад̣̇исад̣̇исам̣ д̇хаммам̣ д̣̇зсзд̇и, ‘‘абхирама, д̇исса, абхирама, д̇исса, ахамоваад̣̇зна ахамануг̇г̇ахзна ахаманусаасанияаа’’д̇и (сам̣. ни. 3.84) жа нз самассаасзд̇и. аяам̣ ануг̇г̇ахамукзна д̣̇зсанаа.
Kiṃ pana bhagavatā yathā sattā na jānanti, evaṃ kathanatthāya pāramiyo pūretvā sabbaññutā paṭividdhāti? Na etadatthāya paṭividdhā. Dve pana bhagavato desanā niggahamukhena ca anuggahamukhena ca. Tattha ye paṇḍitamānino honti aññātepi ñātasaññino pañcasatā brāhmaṇapabbajitā viya, tesaṃ mānaniggahatthaṃ yathā na jānanti, evaṃ mūlapariyāyādisadisaṃ dhammaṃ deseti. Ayaṃ niggahamukhena desanā. Vuttampi cetaṃ ‘‘niggayha niggayhāhaṃ, ānanda, vakkhāmi, pavayha pavayha, ānanda, vakkhāmi, yo sāro, so ṭhassatī’’ti (ma. ni. 3.196). Ye pana ujukā sikkhākāmā, tesaṃ suviññeyyaṃ katvā ākaṅkheyyasuttādisadisaṃ dhammaṃ deseti, ‘‘abhirama, tissa, abhirama, tissa, ahamovādena ahamanuggahena ahamanusāsaniyā’’ti (saṃ. ni. 3.84) ca ne samassāseti. Ayaṃ anuggahamukhena desanā.
аяам̣ бана д̣̇звабуд̇д̇о маанад̇т̇ад̣̇д̇хо бан̣д̣ид̇амааний, звам̣ гирасса ахоси – ахам̣ огхам̣ ж̇аанаами, д̇ат̇ааг̇ад̇асса огхад̇ин̣н̣абхаавам̣ ж̇аанаами, ‘‘иминаа бана гааран̣зна д̇ин̣н̣о’’д̇и зд̇д̇агамад̇д̇ам̣ на ж̇аанаами. ид̇и маяхам̣ н̃аад̇амзва б̣аху, аббам̣ ан̃н̃аад̇ам̣, д̇амахам̣ гат̇ид̇амад̇д̇амзва ж̇ааниссаами. гин̃хи наама д̇ам̣ бхаг̇аваа вад̣̇зяяа, яассаахам̣ ад̇т̇ам̣ на ж̇аанзяяанд̇и. ат̇а сад̇т̇аа ‘‘аяам̣ гилидтавад̇т̇ам̣ вияа ран̇г̇аж̇аад̇ам̣ абхаб̣б̣о имам̣ маанам̣ аббахааяа д̣̇зсанам̣ самбадижчид̇ум̣, маананиг̇г̇ахам̣ д̇аавасса гад̇ваа буна нийжажид̇д̇зна бужчанд̇асса багаасзссаамий’’д̇и бадижчаннам̣ гад̇ваа бан̃хам̣ гат̇зси. соби нихад̇амаано ахоси, саа жасса нихад̇амаанад̇аа уд̇д̇арибан̃хабужчанзнзва взд̣̇ид̇аб̣б̣аа. д̇асса бана бан̃хабужчанасса аяамад̇т̇о – гат̇ам̣ бана д̇вам̣, маариса, аббад̇идтам̣ анааяуухам̣ огхамад̇ари, яат̇аахам̣ ж̇аанаами, звам̣ мз гат̇зхийд̇и.
Ayaṃ pana devaputto mānatthaddho paṇḍitamānī, evaṃ kirassa ahosi – ahaṃ oghaṃ jānāmi, tathāgatassa oghatiṇṇabhāvaṃ jānāmi, ‘‘iminā pana kāraṇena tiṇṇo’’ti ettakamattaṃ na jānāmi. Iti mayhaṃ ñātameva bahu, appaṃ aññātaṃ, tamahaṃ kathitamattameva jānissāmi. Kiñhi nāma taṃ bhagavā vadeyya, yassāhaṃ atthaṃ na jāneyyanti. Atha satthā ‘‘ayaṃ kiliṭṭhavatthaṃ viya raṅgajātaṃ abhabbo imaṃ mānaṃ appahāya desanaṃ sampaṭicchituṃ, mānaniggahaṃ tāvassa katvā puna nīcacittena pucchantassa pakāsessāmī’’ti paṭicchannaṃ katvā pañhaṃ kathesi. Sopi nihatamāno ahosi, sā cassa nihatamānatā uttaripañhapucchaneneva veditabbā. Tassa pana pañhapucchanassa ayamattho – kathaṃ pana tvaṃ, mārisa, appatiṭṭhaṃ anāyūhaṃ oghamatari, yathāhaṃ jānāmi, evaṃ me kathehīti.
ат̇асса бхаг̇аваа гат̇знд̇о яад̣̇аасвааханд̇иаад̣̇имааха. д̇ад̇т̇а яад̣̇аа свааханд̇и яасмим̣ гаалз ахам̣. сугааро нибаад̇амад̇д̇ам̣. яат̇аа жа зд̇т̇а, звам̣ саб̣б̣абад̣̇зсу. сам̣сийд̣̇аамийд̇и бадижчаннам̣ гад̇ваа ад̇аранд̇о д̇ад̇т̇зва осийд̣̇аами. ниб̣б̣уяхаамийд̇и таад̇ум̣ асаггонд̇о ад̇ивад̇д̇аами. ид̇и таанз жа вааяаамз жа д̣̇осам̣ д̣̇исваа ад̇идтанд̇о авааяаманд̇о огхамад̇аринд̇и звам̣ бхаг̇авад̇аа бан̃хо гат̇ид̇о. д̣̇звад̇ааяаби бадивид̣̇д̇хо, на бана баагадо, д̇асса баагадийгаран̣ад̇т̇ам̣ сад̇д̇а д̣̇угаа д̣̇ассид̇аа. гилзсавасзна хи санд̇идтанд̇о сам̣сийд̣̇ад̇и наама, абхисан̇кааравасзна ааяууханд̇о ниб̣б̣уяхад̇и наама. д̇ан̣хаад̣̇идтийхи ваа санд̇идтанд̇о сам̣сийд̣̇ад̇и наама, авасзсагилзсаанан̃жзва абхисан̇каараанан̃жа васзна ааяууханд̇о ниб̣б̣уяхад̇и наама. д̇ан̣хаавасзна ваа санд̇идтанд̇о сам̣сийд̣̇ад̇и наама, д̣̇идтивасзна ааяууханд̇о ниб̣б̣уяхад̇и наама. сассад̇ад̣̇идтияаа ваа санд̇идтанд̇о сам̣сийд̣̇ад̇и наама, ужчзд̣̇ад̣̇идтияаа ааяууханд̇о ниб̣б̣уяхад̇и наама. олийяанаабхинивзсаа хи бхавад̣̇идти, ад̇ид̇хааванаабхинивзсаа вибхавад̣̇идти . лийнавасзна ваа санд̇идтанд̇о сам̣сийд̣̇ад̇и наама, уд̣̇д̇хажжавасзна ааяууханд̇о ниб̣б̣уяхад̇и наама. д̇ат̇аа гаамасукаллигаануяог̇авасзна санд̇идтанд̇о сам̣сийд̣̇ад̇и наама, ад̇д̇агиламат̇аануяог̇авасзна ааяууханд̇о ниб̣б̣уяхад̇и наама. саб̣б̣аагусалаабхисан̇кааравасзна санд̇идтанд̇о сам̣сийд̣̇ад̇и наама, саб̣б̣алогияагусалаабхисан̇кааравасзна ааяууханд̇о ниб̣б̣уяхад̇и наама. вуд̇д̇амби жзд̇ам̣ – ‘‘сзяяат̇ааби, жунд̣̇а, яз гзжи агусалаа д̇хаммаа, саб̣б̣з д̇з ад̇хобхааг̇ан̇г̇аманийяаа, яз гзжи гусалаа д̇хаммаа, саб̣б̣з д̇з убарибхааг̇ан̇г̇аманийяаа’’д̇и (ма. ни. 1.86).
Athassa bhagavā kathento yadāsvāhantiādimāha. Tattha yadā svāhanti yasmiṃ kāle ahaṃ. Sukāro nipātamattaṃ. Yathā ca ettha, evaṃ sabbapadesu. Saṃsīdāmīti paṭicchannaṃ katvā ataranto tattheva osīdāmi. Nibbuyhāmīti ṭhātuṃ asakkonto ativattāmi. Iti ṭhāne ca vāyāme ca dosaṃ disvā atiṭṭhanto avāyamanto oghamatarinti evaṃ bhagavatā pañho kathito. Devatāyapi paṭividdho, na pana pākaṭo, tassa pākaṭīkaraṇatthaṃ satta dukā dassitā. Kilesavasena hi santiṭṭhanto saṃsīdati nāma, abhisaṅkhāravasena āyūhanto nibbuyhati nāma. Taṇhādiṭṭhīhi vā santiṭṭhanto saṃsīdati nāma, avasesakilesānañceva abhisaṅkhārānañca vasena āyūhanto nibbuyhati nāma. Taṇhāvasena vā santiṭṭhanto saṃsīdati nāma, diṭṭhivasena āyūhanto nibbuyhati nāma. Sassatadiṭṭhiyā vā santiṭṭhanto saṃsīdati nāma, ucchedadiṭṭhiyā āyūhanto nibbuyhati nāma. Olīyanābhinivesā hi bhavadiṭṭhi, atidhāvanābhinivesā vibhavadiṭṭhi . Līnavasena vā santiṭṭhanto saṃsīdati nāma, uddhaccavasena āyūhanto nibbuyhati nāma. Tathā kāmasukhallikānuyogavasena santiṭṭhanto saṃsīdati nāma, attakilamathānuyogavasena āyūhanto nibbuyhati nāma. Sabbākusalābhisaṅkhāravasena santiṭṭhanto saṃsīdati nāma, sabbalokiyakusalābhisaṅkhāravasena āyūhanto nibbuyhati nāma. Vuttampi cetaṃ – ‘‘seyyathāpi, cunda, ye keci akusalā dhammā, sabbe te adhobhāgaṅgamanīyā, ye keci kusalā dhammā, sabbe te uparibhāgaṅgamanīyā’’ti (ma. ni. 1.86).
имам̣ бан̃хависсаж̇ж̇анам̣ суд̇ваава д̣̇звад̇аа сод̇аабад̇д̇ипалз бад̇идтааяа д̇удтаа басаннаа ад̇д̇ано д̇удтин̃жа басаад̣̇ан̃жа багаасаяанд̇ий жирассам̣ вад̇аад̇и г̇аат̇амааха. д̇ад̇т̇а жирассанд̇и жирасса гааласса ажжаязнаад̇и ад̇т̇о. аяам̣ гира д̣̇звад̇аа гассабасаммаасамб̣уд̣̇д̇хам̣ д̣̇исваа д̇асса бариниб̣б̣аанад̇о бадтааяа анд̇араа ан̃н̃ам̣ б̣уд̣̇д̇хам̣ на д̣̇идтабуб̣б̣аа, д̇асмаа аж̇ж̇а бхаг̇аванд̇ам̣ д̣̇исваа звамааха. гим̣ банимааяа д̣̇звад̇ааяа ид̇о буб̣б̣з сад̇т̇аа на д̣̇идтабуб̣б̣од̇и. д̣̇идтабуб̣б̣о ваа ход̇у ад̣̇идтабуб̣б̣о ваа, д̣̇ассанам̣ убаад̣̇ааяа звам̣ вад̇д̇ум̣ ваддад̇и. б̣раахман̣анд̇и б̣аахид̇абаабам̣ кийн̣аасаваб̣раахман̣ам̣. бариниб̣б̣уд̇анд̇и гилзсаниб̣б̣аанзна ниб̣б̣уд̇ам̣. логзд̇и сад̇д̇алогз. висад̇д̇иганд̇и руубаад̣̇ийсу аарамман̣зсу аасад̇д̇ависад̇д̇ад̇аад̣̇ийхи гааран̣зхи висад̇д̇игаа вужжад̇и д̇ан̣хаа, д̇ам̣ висад̇д̇игам̣ аббад̇идтамаанам̣ анааяуухамаанам̣ д̇ин̣н̣ам̣ нид̇д̇ин̣н̣ам̣ уд̇д̇ин̣н̣ам̣ жирассам̣ вад̇а кийн̣аасаваб̣раахман̣ам̣ бассаамийд̇и ад̇т̇о.
Imaṃ pañhavissajjanaṃ sutvāva devatā sotāpattiphale patiṭṭhāya tuṭṭhā pasannā attano tuṭṭhiñca pasādañca pakāsayantī cirassaṃ vatāti gāthamāha. Tattha cirassanti cirassa kālassa accayenāti attho. Ayaṃ kira devatā kassapasammāsambuddhaṃ disvā tassa parinibbānato paṭṭhāya antarā aññaṃ buddhaṃ na diṭṭhapubbā, tasmā ajja bhagavantaṃ disvā evamāha. Kiṃ panimāya devatāya ito pubbe satthā na diṭṭhapubboti. Diṭṭhapubbo vā hotu adiṭṭhapubbo vā, dassanaṃ upādāya evaṃ vattuṃ vaṭṭati. Brāhmaṇanti bāhitapāpaṃ khīṇāsavabrāhmaṇaṃ. Parinibbutanti kilesanibbānena nibbutaṃ. Loketi sattaloke. Visattikanti rūpādīsu ārammaṇesu āsattavisattatādīhi kāraṇehi visattikā vuccati taṇhā, taṃ visattikaṃ appatiṭṭhamānaṃ anāyūhamānaṃ tiṇṇaṃ nittiṇṇaṃ uttiṇṇaṃ cirassaṃ vata khīṇāsavabrāhmaṇaṃ passāmīti attho.
саманун̃н̃о сад̇т̇аа ахосийд̇и д̇ассаа д̣̇звад̇ааяа важанам̣ жид̇д̇знзва саманумод̣̇и, згаж̇жхаасаяо ахоси. анд̇арад̇хааяийд̇и абхисан̇кад̇агааяам̣ ж̇ахид̇ваа ад̇д̇ано багад̇иубаад̣̇ин̣н̣агагааяасмим̣язва тад̇ваа лад̣̇д̇хаасаа лад̣̇д̇хабад̇идтаа худ̇ваа д̣̇асаб̣алам̣ г̇анд̇хзхи жа маалзхи жа бууж̇зд̇ваа ад̇д̇ано бхаванам̣язва аг̇амаасийд̇и.
Samanuñño satthā ahosīti tassā devatāya vacanaṃ citteneva samanumodi, ekajjhāsayo ahosi. Antaradhāyīti abhisaṅkhatakāyaṃ jahitvā attano pakatiupādiṇṇakakāyasmiṃyeva ṭhatvā laddhāsā laddhapatiṭṭhā hutvā dasabalaṃ gandhehi ca mālehi ca pūjetvā attano bhavanaṃyeva agamāsīti.
огхад̇аран̣асуд̇д̇аван̣н̣анаа нидтид̇аа.
Oghataraṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. огхад̇аран̣асуд̇д̇ам̣ • 1. Oghataraṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. огхад̇аран̣асуд̇д̇аван̣н̣анаа • 1. Oghataraṇasuttavaṇṇanā
